زوبعة العبط!! من دون أكل الزلط!!

[هـداف]

إحم إحم.......

كيتي شربي ماي

[هـداف]

برجع الموضوع لوضعه السابق.....خخخخخ

اسمعوا هذي السالفه سارتلي اليوم الصبح:

طلعت أنا واخوي الكبير الصبح تقريبا الساعه ثمانيه علشان انخلص اشوية أشغال للمدارس وماشابه ذلك.....المهم اخوي نزل من السياره وقالي روح سجل بمدرستك بالعلمي وحاسب من الشرطه لايصيدونك....وبسرعه تعال....:0)وبعدين دش بيت رفيجه!!
عاد أنا تشققت وخذين المكسيمه وطيار على المدرسه وبعد ماسويت كل شي وأنا راد حق اخوي كنت ماشي بالخط السريع على مهلي اشوي إلا عراوي أحمر يبي يدخل على من الجمب وكل ماأبعد يقرب أكثر الغبي واهني أنا رصيت على الهرن مده......وبعد مارجع الغبي لمكانه الصحيح شافني بنظرة احتقار بدين تمتم كم كلمة كأنه يسبني (شافني صغير علباله بسكت والي بط شبدي أكثر إن هو الغلطان:غضببطلت الدريشه مالت السياره وسبيته سب ماتتوقعونه .....وبعد ماوصلنا عند الدوار هو كان بيسار الدوار وأنا بسرعه جيت على يمينه ودخلت عليه ودخلت عليه لين مادش برصيف الدوار........خخخخخخخخخ

وبعد مادش بالرصيف راح وقف السياره ويأشرلي .... قلت والله زين جاتك الجرأه.........نزلت من السياره مع العلم إن هو كان بينزل بس لما شافني أطول منه راح رجع... المهم رحت لين باب السياره وأنا معصب حدي ...بطل راعي العراوي دريشة السيارة ومنيه أنا صكيته ابكسه المسكين يبي يمسكني وأنا طايح عليه وهو داخل السياره....الناس علطول بعدين فاششونا.............

والغبي طلع إيراني مادلري باكستاني وأنا رايح قاعد يقولي(أنا وراك والزمن طويل ....أراويك)بس باللغه الإيرانيه........سفهتله ورحت حق اخوي..........

[كبمارو]

الرسالة الأصلية كتبت بواسطة sha3er
كنت ماشي بالخط السريع على مهلي اشوي

تعرف لو شفتك جدامي....شو اسوي فيك؟؟

اجي و*ادقرلك وراك مول على السيارة وافتح الديم والهرن مع بعض ......الين ما تخوز من جدامي.....صراحه اكره الناس يوم يسون جذيه...وخاصه الظهر ...على السيد السريع ويمشي 80....قهر ودي اركب فوقه...

بس صدق ضحك...ههههههههه....شاعر.....خاصه مال التعليم دايما يلفون على السيايير....خخخخخ

=================

* ادقرلك = الصقلك

[هـداف]

كمبارو أصلا لو كان وراي حد بوخرله علطول بس ماكان وراي وكان الشارع فاضي بس أنا والإيراني راعي العراوي......بس اتعرف ترى عندي حل لمشكلتك إلي هي بعد كانت مشكلتي.......أقولك شنو:

خلك ماشي بسرعه كأنك تبي تدعم فيه من ورى بتشوفه بيوخر بسرعه من الخوف........وجرب والنتيجه حلوه كثير........بس ترى الحركه يمكن انت ماتعرف تسويها لأنك مش خبير للسيارات......ههههههههاهاها(أتقشمر)

[wildkitty]

يش النجره من الاساس بروحه مو سيارت يعني اذا سار فيها شي بتروح وطي ":"

[Ranma Saotome]

الرسالة الأصلية كتبت بواسطة sha3er
بس اتعرف ترى عندي حل لمشكلتك إلي هي بعد كانت مشكلتي.......أقولك شنو:

خلك ماشي بسرعه كأنك تبي تدعم فيه من ورى بتشوفه بيوخر بسرعه من الخوف........وجرب والنتيجه حلوه كثير........بس ترى الحركه يمكن انت ماتعرف تسويها لأنك مش خبير للسيارات......ههههههههاهاها(أتقشمر)

ههااااي هالحركه ماتنفع يبه الا في قطر الظاهر.. ياما كنت بدعم وانا في السعوديه..
والله مرات وانا عالجسر بين البحرين والسعوديه.. امشي 180 اول 200.. والله اني اضغط ديم فول عالسياره اللي بيني وبينها كيلو.. واهلك وانا اعطيه اشاره والله بغيت ادخل فيه من ورا ولا لف عني.. وحياتك الف على يمينه واصرخ عليه حتى انا مافهمت شكنت اقول.. وامشي قدامه واضرب بريكات خليته يموت من الخوف.. مع ان عنده سوبربان (بغيت اموووت).. في الدوحه يوخرون عنك قبل ماتجيهم بنص ساعه هعهعهعهع..

[Ranma Saotome]

عندي 3 سوالف... خفايف يعني..

يوم السبت كنت واصل البحرين.. كان معاي واحد من ربعي.. واحنا نازلين من باص المطار.. وطبعا رططووووبه وكل جزاز الباص عليه مثل الماي
انا كنت من بين اول 5 او 6 نزلوا.. عاد تدرون شسويت.. التفت على الباب من ورا وامسح بصبعي مكان الماي اكتب: Ranma وكل اللي في الباص يشوفون هالصبي شقاعد يسوي هعهعهعهعهعهعهع..

اليوم وانا في الجامعه.. المفروض داخل الجامعه مانتعدى سرعة 50كم\س
عاد انا طبعا ماعرف امشي بهالسرعه.. عاد اليوم بالذات خبصت السالفه عدل... جدامي سيارة الامن وجدامها سياره ثانيه وان تعبان طول اليوم احوس في الجامعه.. قلت عادي حتى لو يخالفوني.. والله واضغط له واطوف سيارة الامن واللي جدامها هيهيهيهيهي.. ويلحقني مال الامن ويقول لي وقف ياراعي ال(سيارتي).. وقفت عالجنب.. ومالت عليه المفروض هو يجيني.. لكن انا عادي عندي كنت ادري انه بيخالفني.. انا نزلت له وعطيته بطاقتي الجامعيه بكل برود.. بعدين قال لي شهالسرعه الجنونيه انت داخل رالي؟ (اقول في قلبي: لا فورمولا).. وكل شوي يقول لي انت ماتعرف القوانين؟ اجاوب بكل برود بلى اعرف ان السرعه 50 وممنوع التخطي.. ومادري شقال.. بعدين قلت له هذي مو اول مره كل مره اتخطي (انا الغبي الطقققققنننن).. هو: مو اول مره هاه اوكي هيّن?:
المهم قال لي راجعنا بعد شوي اخذ المخالفه.. والله لارحت ولا شي.. خل يبلونه وشربون مايتها على قولتهم..

والشي الثالث.. خله على جنب

[كبمارو]

الرسالة الأصلية كتبت بواسطة sha3er
بس ترى الحركه يمكن انت ماتعرف تسويها لأنك مش خبير للسيارات......ههههههههاهاها(أتقشمر)

:غضب: اعلمك انا....بعدك ما عرفيتني....اتعرف هاي الي حاشرينه عليها هاي اللومينا اس اس ( مالة البلوش والمعجمه والعبيد الخوال)

اتعرف نحنا شو سويناه بها...شوف اذا تعرف الكلوزر الجديم الجديم الي يسمونه بو شنب بس اذا هذا البيكب بو الكبينه يسمونه بو طويله..تعرف ..عدلناه وظبطناه..توربو وهاي السوالف..انته الي يمكن ما تعرف في هاي الاشياء ...المهم طلعنا مع هاي الومينا اس اس ...خط وقومه ...شفت الاسطابات اي قصدي لتات اي بمعنى مصابيح الموتر ما شافهن راعي اللاس الاس .....مسكين....يا حلاته الموتر ...احمر منزل...مسويله فتح توربو..ورينجات ستيشن الجديد عليه ...اووووف رح الله لا شلك........وبنفس الموتر بعد طلعنا مع بي ام x5.....ولا ازيدك من الشعر بيت...الاكس فايف عليه هيدرز ...مب هذا الهيدرز مال البتانيه الي عندكم قوم بسبعميه درهم....لا هذاك هيدرز... ماله مخصوص غير.. شيء يعني...بس مسكين كان مصيره نفس اخوه الاس الاس....ويقول..ترا الحركه انته ما تعرف تسويها ...ههه

بغيت اسئلك سؤال بسيط..اذا تعرف ...؟؟؟

ممكن؟؟؟

شو هو التوربو ...يعني شو يعني هذا وكيف يشتغل وعلى شو يتركب...جانك تعرف...؟؟؟

واخترتلك اسهل الاسئله.؟؟

=========

مع العلم اني توني راجع من الكراج ...كنا نركب كشافات نيسان بدال كشافات الوكاله بتاع الستيشن قصدي ....ادري في حد يقول ..مستحيل ما تستوي ...ههههه.....بس نحنا سويناها..

[Ranma Saotome]

هههه كبمارو كبمارو كبمارو... لاتفتح هالموضوع معاي تكفى..
انا ماقول اني خبير في التضبط وهالكلام والخرابيط مالتكم..
لكن اي واحد يفتح معاي هالموضوع اخرتها يرجع خاسر..
انا ابداااا ماعترف في التضبط وهالشغلات الا نااااادر..
الحين انت مستانس ان الكروزر اللي عندكم مضبط عالاخير وسبق لومينا اس اس.. شوف بجيب لك لومينا اس اس هولدن ومضبط... مب شام ريحتها..
التضبيط مب تحدي ولا شي.. السياره تنقاس بit's purity..
اسف لكن بقول لك كلمه دايما اقولها لهالناس... انتوا عار على عالم السيارات الحقيقي..
سلام

[كبمارو]

الرسالة الأصلية كتبت بواسطة Ranma Saotome

اسف لكن بقول لك كلمه دايما اقولها لهالناس... انتوا عار على عالم السيارات الحقيقي..

رانا عالمك الحقيقي مثل ما تقول.... :غضب:

[Ranma Saotome]

شحالكم يالربع....
مابي افتح الموضوع معاك كبمارو.. تعبت من كثر ماكرر الكلام وافهّم الناس..
خلني انا مع عالمي الحقيقي.. وانتوا مع عالم تخريب السيارات وتشويه هويتها..

وين زوبعة العبط.... الله يرحم ايامها.. شسالفه يالربع خلصت سوالفكم.. ولا بداية الدراسه صايبتكم باحباط...
الحين بتبدا الجامعه والمدرسه وبتبدا المغامرات هعهعهعهع

[wildkitty]

الرسالة الأصلية كتبت بواسطة كبمارو


رانا عالمك الحقيقي مثل ما تقول.... :غضب:

كبمارو
رانما عالمه السيارات وانا ااكدلك
ما اعتقد انك تقدر تجاريه

[mai_arumashi]

الرسالة الأصلية كتبت بواسطة sha3er
إحم إحم.......

كيتي شربي ماي

لااااااااااااااااااااااااااااااااااااااااااا


كيتى لا لا لا لا تشربينى ( ما سويت لج شى T_T ):"

ليش جي شاعر ليش تسوى فيني جذه

النشته النشته*


----------------
* النشته : طلب الانقاذ من شخص ما ، مرادفها العربي" النجدة"
قاموس ميمي أروماشي للاطفال ، دار اروماشى للنشر، ديلنج، الطبعة الخمسون بعد المئة

[Ranma Saotome]

ههههههههههههههههههههههههههههههههههههههههههههههههههههه
اقصد هعهعهعهعهعهعهعههعهعهعهعهعهعهعهعهعهعهعهعهعهعهع
والله ذبحتيني من الضحك ماي... اقول شسالفه ليش تقول لاتشربيني.. صج اني طقن مافهمتها الا بعدين..
ولا عاد النشده.. هعهعهعهعهعهعهعهعهعهعهعهعهعهعهعهعهعهعهعهع
welcome back mai.. where have u been?

[هـداف]

هههههههههههههههاهاهاااااهاهاهاهاها

ماي حلوه منج هذي الحركه...بالبداه مافهمت من غبائي لكن بعدين فهمتج

رانما أخيرا رجعت لنا بسوالفك الغبيه.....هههههههههههههااهاها:0)

........في ترى عندي من كم سالفه بقولهم بعدين......لكن عندي شي بغيت أقوله هو إني معاك يارانما .....أنا ضد تظبيط السيارات وهذي الخرابيط إلي مالها فايده...

يجيك واحد مادري شمركب ومادري شالسالفه ومغيرلك أصل السياره وآخرتها يبيعها او تتخرب عليها

;-)