Super Street Fighter IV

[Lonely Hunter]

جيد لاني ممتاز مالعبت اللعبه بسبب اعلان سوبر P:

اتعرف شنو التغييرات اللي صارت ببلانكا ؟ (موقع؟)

[Cold Aura]

شكرا ألوكارد على الأخبار + حبيت توقيعك T_T ..

أتوقع أن مبيعات سوبر ستفوق مبيعات 4 ..
و نتمنى تطلع اللعبة موزونة بلا عيوب و انحيازية في القوة لشخصيات دون الأخرى ..
أتوقع خلال هاليومين بيعلنون عن هاكان .. الا اذا يفكرون يخلونه لين قبل صدور اللعبة بشوي ..
.
.

[DarkHeros09]

انا ممكن افهم هي اللعبة مختلفة من ناحية الضربات القاضية و القصة و الشخصيات ولا لا

[SALM0RE]

انا ممكن افهم هي اللعبة مختلفة من ناحية الضربات القاضية و القصة و الشخصيات ولا لا

- قصص جديدة
- شخصيات جديدة
- ملابس جديدة
- حركات قاضية جديدة
- مراحل جديدة
- أطوار اونلاين جديدة
- تعديلات في الحركات للتوازن

كل شيء جديدة فيها و بنصف سعر الأصدار السابق

[Cold Aura]

انا ممكن افهم هي اللعبة مختلفة من ناحية الضربات القاضية و القصة و الشخصيات ولا لا

لكن أحداث القصة الرئيسية تحدث بنفس وقت الجزء الرابع العادي ..
يعني نفس الـ Tournament ..

[Alucard.4.ever]

السلام عليكم ،،،

تم طرح قائمة التروفيز ، اذا كنت احد من محبين تجميع الكؤوس فهذه القائمة :



البقية


**********************************

بالنسبة لي خلني اخلص على sf4 صار لي كم شهر معلق على 85% !!!

التروفيات الجديدة جيدة جداً وخاصة تروفيز التيم باتل . وهذا يعتمد على القروب اللي تدخله يعني حركات النذاله بتستوي يوم حد بخلي فريقك بيخسر ههههههه

[Alucard.4.ever]

السلام عليكم


نزل فيديو يظهر لنا الترا gen ...والترا بقية اللاعبين :



الحبيب متحول كينشيرو ههههههههه



وهذا الارت وورك اليديد :

[Cold Aura]

الحبيب متحول كينشيرو ههههههههه

هههههه .. الحين منو اللي متحول كينشيرو جن ولا في لونغ .. لأني ألاحظ انهم اثنيناتهم متحولين XD ..

الآرت وورك أحلى من الأولي .. بس مال بالروغ ما عجبني مع انه شخصيتي المفضلة ..
أحس جسمه منفوخ زيادة ..

و لك الشكر عالأخبار العجيبة ..


شو سالفة هاكان .. طول موضوعه ..

[Dukefleed]

الشباب شكلهم مب متحمسين لهالدرجة.. الموضوع ما فيه نقاشات !

ييت أرد على الموضوع أشكر الإخوان UAE4HAMAD وBooom و FHD_NMX وكل منظمي البطولة على تنظيمهم الرائع والراقي لبطولة ستريت فايتر في الإمارات (عجمان) يوم الجمعة (26/2/2010) .. بصراحة بطولة ممتازة والناس مستوياتهم رائعة. استانسنا بشوفتكم وشوفة كل المشاركين والجمهور والله وإن شاء الله نكررها مرة ثانية (مع أنه مستواي كان سيء في البطولة مثل ما شفتوا.. لكن في المرات القادمة إن شاء الله !!).

لاحظت إنه عدد قليل بس اللي مشاركين في البطولة من دبي(من اللي كلمتهم، بس أنا و mho-j و ammar من دبي).. الكل تقريباً من أبوظبي !! وينكم يا شباب دبي

أما عن سوبر ستريت فايتر 4، أنا من الناس اللي أنتظر التعديلات على الشخصيات الموجودة أكثر من الشخصيات اليديدة (جايل معدلينه !.. وتشن لي شكلها بتكون نفس الشي أو أحسن حتى). من الشخصيات اليديدة للحين مب متحمس لأي حد تقريباً، خاصة شخصيات ثيرد سترايك بحكم إني ما لعبت اللعبة (للأسف!) .. ولكن ددلي شكله ممتاز (إيبو ). كودي يستاهل التجربة بعد. ننتظر اللعبة بفارغ الصبر !

[Sanadax]

مرحبا دوك فليد
مافي نقاشات بس أنتظر لين تنزل اللعبة وبتشوف الموضوع مولع

على طاري البطولة أكيد أستانستوا
المهم
كم كان عدد المشتركين ؟ وشو كانت نتائج البطولة ؟ وهل سجلتوا المباريات ولا لا ؟
كنت أتمنى لو واحد من المنظمين فتح موضوع خاص بالبطولة مثل موضوع 3rd Strike ويشرح فيه القوانين ونظام البطولة

[Sanadax]

قائمة الحركات لكل من Dudley, Ibuki and Makoto

الصور بحطها على شكر روابط لأنها وايد كبيرة

Ibuki

http://i.imgur.com/KzPfe.jpg

Makoto

http://i.imgur.com/bpZX2.jpg

Dudley

http://i.imgur.com/PFPr4.jpg
http://i.imgur.com/6ZQrz.jpg

ياسلام على دادلي .. تقريباً عنده كل حركات ثرد سترايك

[Dukefleed]

أهلاً سانادا.. تمنينا نشوفك مع إنك من كارهي ستريت فايتر 4 (وسايلنت Z بعد !)

كنا نلعب في 6 مجموعات .. وكل مجموعة فيها 4.. يعني 24 واحد مشارك، وفيه وايد ناس يايين يتفرجون بس. النهائي كان بين Booom و Tan_UAE (جايل vs. أكوما) وانتهى بفوز جايل (بووم).

الشباب مسجلين كل شي في البطولة لكن مادري وين بيحطونهم. بسألهم وبرد عليك إن شاء الله.

ما عليك، الشباب شكلهم ناوين على بطولات أكثر في المستقبل، فأتوقع التنظيم بيكون أحسن والمشاركين بيكونون أكثر من 24.. ننتظر ونشوف !

عاد الكل كان مرتبك (وأنا يمكن أكثر واحد ارتبكت ولعبي صار اي شي).. لانها أول بطولة لوايد ناس.. وأنا من الناس اللي شبه متعود العب اونلاين يعني بدون وجود أي حد وياي عرفت. هذا واللي لعب ضدي ما شاء الله ممتاز (خذ المركز الثالث).

نتمنى نشوفك في البطولة الياية! (سوبر ستريت فايتر 4؟ )

[Sanadax]

أهلين دوك فليد .. ياخي الي مكرهني في 4 هو ثرد سترايك هذي المصيبة (وسايلنت Z أكيد نفس السالفة)
صحيح أني أكره 4 لكني العب مرات .. والي مخلني العب هم دالسيم وروفس بس

ومسكين UAE4HAMAD أتصلبي بخصوص البطولة ماقصر (السموحه منك يا حمد)
ونحن بعد بصراحة كنا حابين نشوفكم ونتعرف عليكم
بس المشكلة من فتره طويله مالعبت 4 وثاني شي شريط SF4 صارله تقريبا شهر أو شهر ونص ظايع

بخصوص البطولة .. العدد ممتاز وأنا قلت دام تان بيشارك, البطولة محسومه وبتكون لتان لأن ما شاء الله عليه مستواه ممتاز
بس بووووم يستاهل والف مبرووووووووك لبوووم
وبخصوصة الأرتباك مايحتاي حاس فيك لأن أول بطولة لثرد سترايك كنت مرتبك لدرجه مب طبيعية

على العموم إن شاء الله نشوفكم في البطولات القادمة وأكيد بتكون في SSF4

[DarkHeros09]

انا قررت اني ابيع النسخة القديمة و اشري الي فيها الاضافات, مشكورين الاعضاء الي جاوبوا اسألتي

[MoMeNTuM]

أهلاً سانادا.. تمنينا نشوفك مع إنك من كارهي ستريت فايتر 4 (وسايلنت Z بعد !)

كنا نلعب في 6 مجموعات .. وكل مجموعة فيها 4.. يعني 24 واحد مشارك، وفيه وايد ناس يايين يتفرجون بس. النهائي كان بين Booom و Tan_UAE (جايل vs. أكوما) وانتهى بفوز جايل (بووم).

الشباب مسجلين كل شي في البطولة لكن مادري وين بيحطونهم. بسألهم وبرد عليك إن شاء الله.

ما عليك، الشباب شكلهم ناوين على بطولات أكثر في المستقبل، فأتوقع التنظيم بيكون أحسن والمشاركين بيكونون أكثر من 24.. ننتظر ونشوف !

عاد الكل كان مرتبك (وأنا يمكن أكثر واحد ارتبكت ولعبي صار اي شي).. لانها أول بطولة لوايد ناس.. وأنا من الناس اللي شبه متعود العب اونلاين يعني بدون وجود أي حد وياي عرفت. هذا واللي لعب ضدي ما شاء الله ممتاز (خذ المركز الثالث).

نتمنى نشوفك في البطولة الياية! (سوبر ستريت فايتر 4؟ )

مرحبها دوكفليد شحالك
والله شي جميل انهم سو بطوله ستريت فايتر 4
و وين بالضبط سو البطوله و لو ما عليك امر تروم تسوي موضوع تحط الجدول و النتايج و يوم يسون ابلود للفيديوهات ان شاء الله تعطينا اللينك.؟
السموحه ^_^

----
هاذي المكان الي لعبنا فيه ستريت فايتر ثيرد سترايك
D:


و جي كان نظام اللعب و ها كان اخر مباراه بين kim ( chun lie) - vs (Rizu ryu ) o
كان اخر مباراه و اكثر من نص اللعيبه و المشاهدين راحو لان الوقت شوي تأخر

ماعرف ليش مب واضح من يوتيوب بس لو تشوف لين اخر الفيديو بتشوف ان البروجكتور ورا و ان الشباب يلعبون عكس البروجكتور يلعبون على شاشه التلفزيون و الجمهور طبعا عكس اللاعبين لانهم يشوفون من البروجكتور , لو تبدأ تشوف من دقيقه 2:22 بتشوف كيف النظام
و ان شاء الله يكون عندك النتايج و الفيديوهات عشان نشوفه
السموحه ^_^