لا تستفزوا القزم وإلا راح اجدب عليكم كلكم بمعنى القزم راح يمسح بكم الأرض كلكم وراح اولع المنطقة باللي فيها بالأخضر واليابس
عضو جديد
لا تستفزوا القزم وإلا راح اجدب عليكم كلكم بمعنى القزم راح يمسح بكم الأرض كلكم وراح اولع المنطقة باللي فيها بالأخضر واليابس
......................................
عضو متواصل النشاط
صباح الليل
سوري طولنا عليكم تعرفون عاد العيد جريب ومن سوق لسوق ومن صالون لصالوون
المهم شخباركم
قزوووم شو موديك قسم فاينل فانتسي تتحرش فيهم
انت خلاص ضمن مجموعه واو مع انك ما تعرف ولا شي في اللعبه
وبخصوص القزم بو قحفية
انا شايفته في لعبه اختي الصغيره تلعبها ودايما تطلب كرت انترنت عشان تشتري قولد للعبه
..........................................................
عضو جديد
اهلا اختي وعشرت عمري دي دي كيف حالك بخير , يعني شنو تقصدين من صالون الى صالون اخذتي الخروف لصالون التجميل يعني , لأن كان لدي سلحفاه كنت ازينها بالألوان
بخصوص القزم بوقحفية من فاينل فاتسي فهو موجود من قديم الزمان من الجيل الأول للبلايستيشن حتى يومنا هادا يعني قزم قديم في فاينل فانتسي وله تاريخ حافل بالإنجازات , الأقزام دائما تشرف
......................................
عضو مميز
يعني كل رمش بصالون
كل اصبع تحط وسمه و بدي كير بصالون
التسريحه بصالون
الحمام مغربي عشان يتناسق لون الجسم بدل ركب و اكواع سود بصالون
هذوله احنا عيال التجار جذي , انا كوني من اسره غنيه جذي اسوي وكل عيال التجار والاغنياء , عشان ان صار العيد كل السوالف عن الصالونات , اقولهم وين قصيت شعري , وين دقيت اللحيه , وين قرضت اظافري , وين شلت الجلد الميت من رجولي
شنو انت ماتعرف هالامور ؟ مو من عايله غنيه يعني ؟
عضو جديد
لا ما اعرف هالأمور اللي اعرفه هو اني بعد أكل لحم الخروف يوم العيد اخرج في الليل الى البحر ومعي علبة سجائر مارلبورو ادخنها كلها واعود آكل لحم ثم اعود للبحر لأدخن وهكداالمشاركة الأصلية كتبت بواسطة Karazhan
......................................
عضو مميز
اييييييييييييييي
عيد اللحمه
انا فهمتكم
اي نعم انا فهمتكم
فهمت الجميع
عضو جديد
كل عام وأنتم بخير وعيدكم مبارك ..
قزم مصرطح،،
ترى خبيت لك كم راس خروف على شوية كراعين ، لوين حاب أرسلهم؟
.
في فمي مـاء ..!
عضو مميز
وانتي بخير وصحه وسلامه
الحين ان رحتوا اورقمار راح تشوفون جاروش مازال الوورشيف عدل
اكيد عدل
توني قاعد العب بأكاونت رفيجي ولد بطنها وشفت vol jin مكانه , قلت شلون جذي ؟ قال لما تذبح جاروش بالرايد راح تتغير عندك اللعبه وانت وكل شخص ذبح جاروش راح تشوفون الوورشيف اهو فولجين لأن ثرال لما خلصتوا من جاروش دخل مع باقي الهورد والالاينس و صار مقطع سنيمائي
و فيه تم تنصيب فولجين الوورشيف , وبعدين عاد راح تشوفه الوورشيف , اما اللي ماذبحوا جاروش راح يشوفون جاروش نفسه اهو الوورشيف
طبعا اهو مايموت حسب كلام رفيجي ولد بطنها , اهو ياخذه الباندا الزعيم اللي دايم يطلع بالافلام
كان يبي يذبحه ثرال لكن ملك ستورم وند وقفه
المهم ان هذي السالفه كلها
زعيمكم و سيدكم و قائدكم troll
هههههههههههههه
اشوه اني رحت هيومن قبل مااسمع هالخبر
عضو جديد
اردت ان اخبركم ان القزم سافر لقضاء اجازة العيد في قرية الأقزام السعيدة , على الأقل المنتدى في عطلة العيد سيرتاح وانا كمان من ردود القزم المبهدلة
وعيد مبارك وشكرا اختي ازشرا
......................................
عضو جديد
اووه تطوّر عظيم ،، قلبت الاينس يعني؟
فكرتك من المتعصبين للهورد ..
قزم،
تروح وترجع بالسلامة .
.
في فمي مـاء ..!
عضو مميز
انا متعصب للهورد ؟
غريبه
انتي ماشفتيني قبل اتطنز على ثرال و الهورد واقولهم قائدكم القرد الاخضر
انا مع ملك ستورم وند المجرم البايعها اللي ماتنطفي له نار , انا احترم الهورد فقط عشان ريكسار وله الباقي ما هموني , وانا معاهم حاليا لأن ربعي معاهم , انا بروحي بالفريج العب الاينس , و لما العب شوي ازهق ماكو احد فأضطر اروح للهورد
يعني مو بأيدي , لو بيدي شي لو الود ودي , مااصير هورد والالاينس ضدي
انا حبيت الاينس عشان ملك ستورم وند , انسان مجرم , انسان مايرد على لباس العمامه , انسان مايهاب الموت , حتى اهو بنفسه لما راح يكلم ثرال بعد ما قضوا على جاروش قال يا وورشيف
جان يفتحون الدرب الهورد وله يشوف فولجين واقف وخلفه ثرال , انصدم وشاف انهم حطوا فولجين الوورشيف , جان يقوله شوف حبيبي بتصير بايعها مثل جاروش وتستخدم دمك , تدري شنو راح يصير ؟
راح تصير نهايتك
ومشى عنهم
انسان مجرم , مستعد يروح يدفش اورقمار بروحه بدون مساعده احد , مثل ما سوى ريكسار المجرم
هذوله انا لازم اشتري تماثيلهم من بليزرد ستور , ملك ستورم وند و ريكسار
اثنينهم تحفه اللعبه , ريكسار لما غصوا الهورد في ايرون فورق و ماتوا دزه ثرال قاله يامعود روح ساعدهم يالجامبيون champion يعني
قال حاضر , وراح اهو بروح مع البت ماله وطشرهم كلهم لين وصل حق زعيم الدوارف
انسان مجنون , انا ان جاني ولد بسميه ريكسار حتى لو تطلب زوجتي الطلاق مسميه يعني مسميه
هذوله ريكسار و فاريان ابطال , ضيف عليهم معمر القذافي و صدام حسين و محمد فرح عيديد و ولد بطنها
المقطع هذا عباره عن جزئين
الجزء الاول للهورد و الثاني للألاينس , يعني لما تكون هورد وتذبح جاروش راح تشوف المقطع هذا لغايه الدقيقه 1:40 لما فولجين يقول for the ولد بطنها
وبعدين ينتقل بنفس المقطع تشوفون جينا تكلم ملك ستورم وند القائد البطل المجاهد الرمز المغوار السيد فاريان من بعد الدقيقه 1 و 40 ثانيه , هذا من هني اهو المقطع اللي يشوفونه الالاينس لما يذبحون جاروش
طبعا مايذبحونه , مايموت الظاهر يخلونه حمالي او شي عند الباندا
وعاش القائد troll
خلو ريكسار البطل الشجاع وحطوا ترول
وينك يا بوحا تشوف المسخره اللي صارت من بعد , رفيجي ملك اللعبه ولد بطنها اول ماشاف المقطع وان الترول صار زعيم قعد بالساحه اللي يم الدوانيه يحث على راسه التراب , وقعد يضرب نفسه بالنعال
واحنا نمسكه ونهديه ونقوله يمكن كذبه ابريل , تعال دش الدوانيه لاتفضحنا عند الناس
المسكين هلوس من سمع الخبر فلا حول ولا قوه الا بالله
يلا
اليوم ترول باجر بقره
اشوه اني من اتباع فاريان المغوار
وله لو كنت من الهورد كان ما سوت علي بالدوانيه يمسكوني طنازه و بالشارع وبالبيت يتطنزون علي
هم يدرون اني العب هورد عشانهم مو من حبي للهورد اللي ترول و قرود و بقر و متوفين بس عايشين و جن
الحمدلله والشكر
سبحان الله كل لاعب مع ميوله , في ناس نفس رفيجي مثلا يقول احس اني كلب , قبل الاف السنين لما كانت ارواحنا مو بأنسان وكل واحد روحه بمكان اما حيوان او طائر او نبات
يقول انا احس اني كنت قبل كلب , و اميل للكلاب , يعني احب اجمع صور الكلاب واحب اربيهم و اناضل من اجلهم لحمايتهم من المجرمين امثالكم "يعني انا و رفيجي وباقي الشله اللي نعتبر الكلب بالبر غزال و نطرده و نرميه"
فالناس حسب ميولهم , يعني تشوف واحد مختار تاورن مثلا , تقوله ليش ؟ يقولك احبهم , اهو هذا العقل الباطن , اهو اما انه قبل ملايين السنين كان ثور او وده يصير ثور
يلا بمشي قبل اخورها زياده
عضو جديد
السلام عليكم وعيد مبارك سعيد
القزم لازال في اجازة اللي يتحدث معكم الآن هو صديق وعشرت عمر القزم , حتى الآن القزم أكل ستة كيلو لحمة لوحده ولم يتشاركها مع احد يعني ربح صافي بدون خسائر , كما دخن من العيد الى الحين ستة علب سجائر بمعدل على كل كيلو لحمة يدخن علبة سجائر بعضها ملفوف والآخر مبلل . اما بخصوص موضوع القزم المرتقب عن طريقة تحضير وطبخ الراس وكرعين الخروف لن يكون هناك موضوع لأنه أكل راس الخروف والكرعين قبل ما يصورهم لكم , اكلهم وراح يشتري الكاميرا لما رجع تذكر انه اكلهم ونسي تصويرهم . هذه هي آخر مستجدات القزم وهو يسلم عليكم واحد واحد , يسلم على الكززان والكينج اللي اذنه بالماي ودي دي وازشارا والأخ بيب والأخ كمال الشناوي والأخ ابو حناوي والكل
......................................
عضو مميز
بيب و كمال الشناوي منو بالضبط
ابو حناوي يمكن قصدك ابو وضحى
انت تتحرش واجد بالشباب والمشكله ماتتحرش الا بالمراقبين
عضو جديد
انا احب المراقبين , وذلك يسمى حب مشاكس فقط وليس تحرش او ماشابه
الكرزان احكي لنا خرافة او قصة من قصصك اراك قليل الكلام , فأنا دائما اقرأ قصصك وخرافاتك قبل النوم مثل ما اقرأ قصة سندريلا او قصة القزم العجيب وباقي القصص
......................................
عضو مميز
انا ماعندي قصص
انا عندي تجارب حياه , انا مثل الفار دايم اجرب وابحث واشوف واقرأ وبعدين اطبق واقول النتائج للناس , واللي يحب يسوي يسوي كيفه
عندي تجربه ريجيم وراح نفتح موضوع ساخن له , خصوصا البنات يحبون هالسوالف , ماكو بنت ما تعرف دكتور تغذيه او سوت ريجيم وبالنهايه ماكو اي تغيير
انا جربت والى الان 4 كيلو نزلت وان شاء الله ناوي اصير 75
كنت 85 و خلال اسبوعين صرت 81
بس قولي منو بيب و كمال الشناوي
