قهوة WoW .. :P

[Karazhan]

القزم مختفي فاقدينه او مرتاحين انه موجود يا شباب

يمكن صادوه يغش بالزقاير لأن حسب الروايات انه عنده كشك زقاير عشان جذي تشوفونه يقدس التدخين اكثر من رفيجي

يقال انه يغش ، يحط مع التتن جت

التتن اهو التبغ يعني مال الزقاير و الجت اهو العشب اليابس اللي لونه اصفر يعطونه الخروف عشان يفرش اساسنه ، ياكله بعد شنو

يقال انه يخلط المكونين ويعبيهم ويبيع للناس

ههههههععععههههههه؛؛ه؛
هههههههههههه

مليق صح

[Karazhan]

مع ان بالايفون يعطيني ٦٠ ميجا

ابي ال٤ ميجا ملاتي وينهم يا كيمز

[قزم مصرطح]

مع السلام وعليكم
القزم باك يعني القزم رجع يعني قزم عائد من غيبة يعني القزم كان نايم طول هالمدة المرجلة بأدنى حد بسبب قلة التدخين وصلت 0.5% يعني نكره الحين اشوف صرصور بالارض اخاف واهرب اشوف عنكوب يغمى علي مباشرة لازم ارفع المرجلة واعوض الوقت اللي كنت نايم فيه على الاقل ارفع المرجلة 60% لأن المدام متسلطة ولازم اضبط الأمور وارفع المرجلة والا راح تطغى علي واروح في الزبالة

عموما تحية طيبة للكرزان طبعا عشرت العمر ورفيجي اللي سرواله بالماي وتحية خاصة للغائبة دي دي لازالت بالقلب رغم الفراق بسبب لسان الكرزان السليط وتحية للاخضر الكيت كات ويوشي نائبي بالاشراف على المنتدى اللعبة خلاص هدو اللي اتذكر

وطبعا تحية لعشرت عمري واللي على قبلها انا غنيت واللي من غير زينها انا ما حبيت منين نشوفها يطير نعاسي هديك نونو على قبلها انا جامي نعشق غيرها تحية خاصة لك نونو ونبدأ الحفلة يا ليلي يا ليلي ودنادنا

[Karazhan]

السلام عليكم

كيف الحال اخواني واخواتي

انا واعوذ بالله من كلمه انا ، راح اعطيك محاضره غدا عن تاريخي في المنتدى والاحداث التي حصلت معي في مشواري هنا

والكلام راح يطول

لذلك مااقدر اكتب قصتي لأن الان الساعه ٨ ونص وخمس بتوقيت الكويت

وانا وراي عشا و نوم لأن الدوام الساعه ٧ الصبح

ومااظن اني راح اتعشى لأن ماكو شي موجود ، لكن بتفائل خير يمكن احصل شي او اسوي خبزه و جبنه الفها واكلها

وانا قررت اكتب تاريخي و مشواري عشان ابين لك الظلم الذي جاء منك خصوصا لما قلت في المشاركه فوق "لسان كرزان السليط"

وعشان تعرف انت و كل المغرر بهم الذين يصدقوك ان لساني سليط وخصوصا دوديت اللي ماكو كلمه شينه ماقالتها لي وطلعت

عشان تعرفون جميعا اني مسكين ومظلوم و دائم اكون بوجه المدفع و المصيبه تطيح على راسي انا بالذات دون غيري





الحين اخليكم و باجر بأذن الله لما ارجع من الدوام اكون فاضي و مار المطعم ماخذ اكل اقوي فيه بدني واشرب الشاي على رواقه واكتب كل مايخطر في بالي

عشان ابرر وادافع عن نفسي و انتوا تشوفون وتحكمون منو الغلطان



مع السلامه

[قزم مصرطح]

اول شيء لدي مشكلة قبل ماتكتب صفحات مشكلتي اني لدي خلل ايديولوجي في الوقت بشكل عام وخلل في الليل والنهار بشكل خاص بمعنى لا افرق بينهم يعني وقت اللي يكون فيه الناس على الغذاء اكون انا نايم الوقت اللي تكون فيه الناس على العشاء اكون انا لسه استيقظت واعد فطور الصباح لما تكون الناس نايمة اكون انا على الغذاء اتغدى وهكذا بمعنى الليل هو نهاري والنهار هو ليلي

الكرزان لازم تعرف انها بنت لو اخطأت معذورة انت لو اخطأت غير معذور لانك رجل هذه احدى خصائصي وقواعدي اللي تجعلني بقمة المرجلة وتساهم بنسبة 30% من المعدل الاجمالي من المرجلة ونسبة 60% تساهم بها سجائر مارلبورو تبقى 10% من المرجلة يساهم فيها مسلسل الكابتن ماجد بطريقة غير مباشرة خصوصا الحلقة الأخيرة من مسلسل الكابتن ماجد لما يقف الكاتن ماجد وينظر للحارس الخصم ويدردش شوية ثم يسدد تسديدته البعيدة المدى تثقب الشباك اتوقع بالريسليمانيا هالعام يشارك المصارع ذاروك ضد جون سينا مرة اخرى او يدخل بمنافسة مع بروك ليزنر وباتيستا على لقب بطل العالم للوزن الثقيل ثم ان كريستيانو رونالدو تم طرده مؤخرا ببطاقة حمراء بسبب غير مقنع الحكم كتب تقرير يقو فيه انه ضربه على وجهه في لعبة امل الشعوب راح يضيفون اصدار به وحوش جديدة انصحك يا الكرزان تجي

[Karazhan]

السلام عليكم

كتبت المشاركه فوق الساعه ٨ ونص وخمس

والان اكتب المشاركه هذي والساعه ٨ ونص وخمس

يعني مرت ١٢ ساعه

شنو الجديد يعني ؟ مدري والله

المهم

ياجماعه بقولكم قصتي

انا بدأت قصتي في سنه ١٩٩٦ مع الانترنت ، ايام كان الانترنت بطيئ جدا والسرعه كانت ٣٢ كيلو بت بس

كنت ادخل برنامج اسمه Mirc وهذا برنامج محادثات كتابيه يجتمعون فيه العالم وكل شخص يسوي قناه خاصه ويعزم فيها الناس

ماكان في جوجل ولا يوتيوب ولا اي شي الواحد ينشغل فيه

سنه بعد سنه دخل الانترنت السريع اللي اهو دي اس ال ، وبعدين صار في جوجل ويوتيوب ومنتديات ، طبعا انا كنت العب وقتها سوني وبالكمبيوتر لعبت كوماند اند كوكر ، لعبه ار بي جي شهيره جدا

المهم طحت بلعبه ووركرافت في سنه ٢٠٠٤ او ٢٠٠٥ ماني متذكر بالضبط لكن من بدايتها ، المهم استمريت فيها الى اليوم ، مع مراحل العمر والتطورات اللي حصلت بعالم الانترنت وانا مع ووركرافت

انا الان ما العب ووركرافت ، تقريبا بالشهر ادخل مره واقعد ساعه وبعدين اطلع ، لكن يعني مازلت ادخل اللعبه ما قطعت نهائي عنها

المهم دخلت المنتدى هني عندكم بعد ٤ سنوات في لعبه ووركرافت تقريبا ، وكانت عندي خبره لا بأس فيها عن الحلول داخل اللعبه

انا خبرتي مثل ما كنت اقول سابقا تتعلق بداخل اللعبه فقط ، يعني اي شخص يسألني عن القصه او عن بليزرد او عن باتش ما ارد عليه ، ليش ؟

لأن تخصصي داخل اللعبه فقط ، ما تخصصت بالقصه ولا الباتش وشنو راح ينزل جديد او عن بليزرد كشركه ، والكل اعتقد كان يعرف هذا من خلال مشاركاتي في القسم ، مع ان عندي بعض المعلومات عن القصه لكن ما احب اتكلم الا بالقليل عشان الناس ماتعتقد اني خبير ويبدأون يسألوني و اتوهق بالاجابه

هذا الكلام فوق عني وعن مشواري في القسم

بعد ذلك ولأني انسان ابيض و صريح "ابيض يعني ماعندي شي اخفيه ، مو يعني لوني ابيض و مربرب مثل عيال التجار" صرت اقول للناس عن نفسي ، اتوقع الحين كل الناس تعرفني مثل واحد من ربعهم

يعني قلت للناس عن اسمي ، و من اي بلد ومن اي منطقه و سيارتي شنو ووظيفتي شنو و وين درست وشنو اكلت و شنو عملت

ماكو شي ما قلته حتى اني حطيت صوري بالمنتدى واعتقد الكل شافني ، هذا لأني انسان ماعندي لف و دوران ولا اخفي شي ، اللي بقلبي على لساني

عكس لما يجي واحد مثل اللي في بالي و مثل القزم هذا اللي تشوفونه هني ، حتى اسمه ما يقوله او من اي بلد

في فرق بيني وبينه ، اهو يعتقد ان معرفه الناس بالنت مضيعه للوقت وان يشارك وقت ما يكون فاضي وينتهي الامر بعدها ، اما انا اشارك لأني اعتقد انك اناس مهمين بالنسبه لي واعتبركم اصدقاء مثل اصدقائي اللي خارج الانترنت ، يعني ربعي بالدوانيه ، اعتبركم مثلهم

مو اشارك عشان اسلي نفسي وقت يكون ضايق خلقي ولما الضيقه تروح مني انساكم ولا كأني عرفتكم

انا انسان اعرف نفسي ، واعرف ان بداخلي انسان شرير ، وقلت هذا الشي لكم اكثر من مره ، يمكن البعض يعتقد اني اتطتنز لكن هذا الصج ، بداخلي شخص شرير دايم يخرب علي

وقلت ايضا اكثر من مره ان انا بسرعه ينقص علي ، يعني يجي شخص ويقص علي يخليني اروح معاه لغايه ما يحصل اللي يبيه ويتركني

انا لأني ابيض ولا عندي لف و دوار اصدق الناس و لا احكم عليهم من الشكل ، اصدق الكل الا اذا شفت ما يخالف ذلك

وكم مره اقول في مشاركاتي ، ياجماعه لحد يقص علي ترى اصدق بسرعه ، يجي البعض ويطبل لي وانا اصدق واقوم بأعمال نهايتها اخد توقيف محترم ، واهو يدزلي خاص يضحك

انا ما ازعل من التوقيف لكن ازعل لما اهو نفسه يدزلي بالخاص يتطنز ويضحك علي وانا توقفت بسببه

انا كرزان حصلت على اعلى توقيفات بالمنتدى ، لدرجه ان الناس قالوا لازم تعطون كرزان وسام التوقيف "يعني تقديرا للتوقيفات اللي حصلت عليها استاهل وسام شرف"

وفوق هذا ما تركتكم ، مازلت بالمنتدى اللي اعتقد ان ماكو مراقب فيه ما عطاني توقيف او انذار

كل مراقب جديد لازم يستفتح فيني

وبعدين حبه حبه حصلت على الاوسمه اللي تشوفونهم واللون الذهبي و لا تعتقدون اني كنت من البدايه اطمح لهذي الامور

انا عمري ما طمحت لوسام او لون و قلت من قبل هذا الشي ، صحيح اني قبل كنت اطالب بأوسمه لكن كنت اطالبها للناس في القسم مو عشاني ، كنت ايضا اقول نبي اوسمه و اني ابي اوسمه بس الكل يعلم اني اتغشمر مع المراقبين

لكن غصب عطوني اوسمه و رحت كتبت لهم ان يتوقفون من اعطائي الاوسمه و طالبت ايضا انهم يشيلون الاوسمه مني لكن محد قدر

قلت اكلم دارك تب يمكن يقدر وفعلا كلمته وقالي مااقدر لأن الامر متعلق بالنظام ، يعني الوسام اللي يجيك ما يروح منك خلاص

استسلمت للأمر ولكن قلت اتمنى مني ورايح ان طلع اسمي بالترشيح للأوسمه ان تستبعدوا اسمي ، مابي اوسمه جديده

واللون لما فزت بمسابقه كانت الجائزه لون ذهبي و قلت وكلامي موجود اني اذا فزت مابي لون ، ولكن الظاهر اني مااقدر اعدل بالقوانين الخاصه بالمسابقه و عطوني لون غصب

يعني ياجماعه انا ما اهتم بالاوسمه والالوان ، وكل مره اتكلم فيها عن وسام او لون يكون من باب الضحك والغشمره


-

بداياتي كانت معارك و توقيفات بالمنتدى ، ونهايتي اوسمه ولون

لو اني اطمح للأوسمه كان من البدايه حصلت عليها ، عملت نفسي مسكين ولا لي دعوى بأحد وحصلت علي الاوسمه وبعدين اكشف عن نفسي او وجهي الحقيقي

لكن بدأت بتوقيف وانتهيت بأوسمه ونياشين والوان

عشان تعرفون ان الناس بالبدايه افهموني غلط و صار اللي صار

لكن انظروا الان ، كل اللي مسويين نفسهم قلوبهم عالمنتدى تركوه ورحلوا وبقيت انا على التوقيفات والانذارات والرسائل الخاصه اللي يهددوني فيها بالتوقيف

مع ان في ناس بدون ما يسمعون مني يحكمون علي

مابي اقول اسماء المراقبين اللي كرهوني بالبدايه و دخلوا بنص الموضوع ولا يعرفون عن شنو نتكلم ولكن لأن من احد الطرفين انا و الثاني مراقب ، فهو على طول وقف مع المراقب

وغلط علي و عطاني توقيف

طيب اسم مني بالاول وبعدين وقفني ، انت تدري بالاول شنو الموضوع قبل تتكلم ؟ مايدري

مايدري ان المراقب اللي انا معاه نتهاوش ارسلي رساله بالخاص يهددني بالتوقيف وانا قلتله اني ما اتهدد ، تبي توقفني وقفني ، وجلس يهدد لغايه ما بط راسي

رحت للأداره وقلت ياجماعه ابي فلان يوقفني ، قالوا ليش ؟ قلت السالفه كيت وكيت وانه يهددني بالخاص وانا الحين ابيه يوقفني

قالوا طول بالك قلت طولت بالي بس انا مااحب احد يهدد كل مره ، تبي توقفني وقفني اما كلام زايد ما ابي

الى ان دخل بنص الخط احد المراقبين ولا عرف شي عن الموضوع و شتمني وقال كلام ما ينقال و عطاني توقيف

المراقب هذا الله يسامحه اخذها فزعه ، بعدين هذا المراقب شافني في مواضيع اكتب فيها و ارد على الناس بقسم غير قسم ووركرافت

تحسف

و ندم

وقال شلون شتمت و وقفت هذا العضو

لكن حاول يصالحني لما رآه مني ومن ردودي على الناس واني مااترك احد الا وصرت عظم في بلعومه ، حب ان يتقرب لكن خاف اني اقوله تتذكر يوم شتمتني و عطيتني توقيف

لكن انا مو من طبعي اقول جذي ، اللي راح خلاص انتهى بالنسبه لي ، المهم ان بدأ يرسلي شكر ويكتب كلام يمتدحني فيه

شاف اني ما جبت طاري اللي حصل سابقا ولا عاتبته ، فرح وصار يشكر ويرسل كلام مع الشكر

طيب ليش انت كمراقب ماتكون اعقل من الاعضاء كلهم وتسمع من الكل قبل ان تعمل شي وتتحسف عليه بعدين

انا بنقل لكن جمله كتبها احد المراقبين لما عطاني توقيف ، معروف ان اذا تبي توقف احد تكتب السبب عشان هذا الشخص ان دخل وشاف نفسه موقوف يقرأ السبب

انا توقفت و لما دخلت عشان اشوف سبب التوقيف ، شنو شفت ؟ شفت هذا السبب


رسالة إدارية

لقد تم حظرك للسبب التالي:
تربية شواارع غير مرغوبة بالمنتدى .. عذرا فانت مطرود


هذا كان السبب ، الاخ المراقب بدل ان يكتب سبب مقنع للأداره و للعضو عشان الاثنين يعرفون لماذا تم التوقيف ، صغر عقله وكتب هالكلام

اهو مافكر يعني اني ادخل بأسم ثاني ؟ اهو يعتقد ان التوقيف يخلي الشخص يدخل السجن المؤبد و لن يقابله مره ثانيه

تبون الصج ، انا مازعلت لما قرأت هالكلام و لو اشوف المراقب هذا ما اعاتبه على الكلام هذا ، بس راح اقوله ان مره ثانيه يكون واجهه مشرفه للمنتدى والقسم المسؤول عنه

ويكون حليم و صدره وسيع ويسمع من جميع الاطراف ، مو عشان اني تكلمت مع مراقب ثاني في موضوع اهو يجهله يسوي نفسه القوي و يعني اهو صاحب الفزعات ويوقف الناس ظلما و عدوانا

يعني امريكا اللي تتدخل بكل شئون الدول يعني اهي شرطه العالم و كل ماتدخل مكان تعفسه و تتسبب في الفتن

هذا الاخ نفس امريكا او معجب بسياسه امريكا ويبي يطبقها علينا ، يتدخل بمواضيع ماله علاقه فيها ويعني اهو الحكم و يوقف الناس عالمزاج

الان

هذا من الناس المتابعين لي بالخفاء وانا اعلم بذلك ، ومن الناس اللي يصفق لي بكل رد ، ومن الناس اللي يفرح لما يشوف اسمي بواجهه المنتدى واني كاتب رد على احد ويدخل عشان يقرأ شنو كاتب

انا ليش اقول هالكلام ؟ لأن صرح لي بذلك

اما انه نسى الموضوع اللي حصل قبل ، او يعتقد اني نسيت ويحاول يصلح اللي عمله

وانا متأكد ١٠٠٪ انه احد القراء لهذه المشاركه و متأكد انه يعلم اني اتكلم عنه

فوق هذا كله

ماعمري شلت بقلبي على احد ولا زعلت من احد ، وانا على يقين ان كل من اختلف معاي وبعدين سمع مني راح يغير تفكيره

لكن الناس ماادري ليش تدخل علي بقوه وتحاربني وانا ادري بالنهايه راح يصير صديقي

المهم ان الموضوع انتهى الى هذه اللحظه من مشواري


-

فدخل هذا المجرم الملقب بالقزم الى قسم ووركرافت

هو متابع سابق لا شك في هذا ، لكن هل هو عضو معنا ام لا

اهو يعرف كل شي عني تقريبا ، ويعرف كما قلت لكم اني بسرعه اصدق وانجرف خلف الاعضاء اللي اعتقد انهم صادقين او يزعمون انهم من اتباع رفيجي ملك اللعبه ويعلنون ولائهم لرفيجي

لكن الحقيقه انهم يعلنون الولاء لجعلي اقف معهم فقط ، والحصول على الامتيازات او الحصانه في المنتدى

مع اني والله لا عندي امتيازات ولا حصانه وله كان شفتوا اسمي بالعنابي او الاخضر او اطلع لون خاص فيني ، لون عدم تعرض

هذا المجرم يعرف اني كما قلت بسرعه اصدق ، لأني ماتعودت ان اكذب الناس

ويعرف السر الخطير اللي اهو ان بداخلي شخص شرير

و لاحظتوا انتوا ان دايم يتكلم عن التدخين والمرجله والامور هذي ، عشان يحاول يخليني اعتقد انه موالي لرفيجي وان معاي قلبا وقالبا ، وان يمتاز بنفس الصفات المطلوبه اللي يمتازون فيها اتباع الملك

انا وبكل اسف اقولها

صدقته

وبدأ يستغلني ويخليني اقول كلام انا ما كنت اقوله ، و اهو يبدأ بالعنوان ويخليني اكتب القصه ، خصوصا مع دوديت

و خدعني و خلاني اكتب واقول ما قاله لساني الى ان زعلت دوديت وارسلتلي رساله بالخاص تعاتبني ، وانا ارسلت للمجرم رساله قلتله خلاص لا تجيب طاري دوديت و سألته هل ارسلتلك رساله ؟

قال لأ

عرفت ان الموضوع طاح براسي انا بس ، واهو طلع منها زي الشعره من العجين

طلع يستغلني ويستغل الشخص الشرير بداخلي

مع اني قلت لكم ياجماعه بكل مره نتكلم عن شي ، دايم اقول لا تسحبوني بالكلام عشان ما اخربها

طبعا محد من الاعضاء سحبني بالكلام من قبل ، الا هذا المجرم اللي سحبني يوم بعد يوم واستغل عدم تواجد احد بالقسم وقعد يلعب بمخي الى ان طاوعته

فأنا ارجوا من الجميع بما فيهم دوديت انهم يعذروني

يعذروني من بدايه دخول هذا المجرم الى القسم

كنا قبل دخوله بخير ، ماتغير الوضع الا لما دخل ، وهذا يدل على انه اهو اللي قدر يشربكنا مع بعض و يفض جمعتنا و يخرب علاقتنا

و المشكله انظروا الان اليه

جالس يتفرج علينا بدون ما يوصله اي اتهام ، جالس يتفرج ويضحك علينا

ما اكلها الا احنا

اتمنى اننا نكون يد وحده ضده و ان نجتمع مثل ما كنا قبل ولا نتفرق ، اهو الحين يحاول يسيطر على القسم ، نحش الكل وجلس بروحه

وشلون نصدقه واهو مجهول ، حتى ماندري من اي بلد

اتمنى تسامحوني على كل ما قلته او فعله من بدايه دخول هذا المجرم

[قزم مصرطح]

الكرزان اول شيء لقب اكثر واحد تم طرده ورميه بالزبالة حصل عليه القزم بدون منازع انت تجي بمرتبة ثانية او ثالثة
ثم انت تريد تسيير الامور على هواك وقت تكون تتحدث بغشمرة واعذرني بقلة ادب يكون عادل لك وشيء عادي ,ووقت ما تحب تقلبها لمسكين ومظلوم وما عمل شي وقت ماتشاء ويكون عادل لك بما يكفي يعني تقنع نفسك بأشياء وهمية لب الموضوع تفسر الامور على هواك لكن هذا لا يعني ان ليس لك ايجابيات بالطبع يوجد لاني شخص منطقي لكن اتحدث بنقطة معينة

والشي السخيف واكبر كذبة اقنعت نفسك بها هو انك تلومني لانك كنت وقح مع دي دي تحمل اخطائك كرجل

اللي ازعجني هو انك تريد ازاحة القزم من عرش اكثر واحد تم طرده واكثر واحد تم رميه بالزبالة لن اسمح لك بأن تاخذ مجدي وانجازاتي مني اللي حققتها بالمنتدى

[Rankor]

القزم المصرطح يملك هذا المكان.

[Karazhan]

يعني شنو

يعني انا الغلط واهو الصح

[Rankor]

يعني شنو

يعني انا الغلط واهو الصح

محشوم القزم من الخطأ
حاشاه الله الخطأ

[Karazhan]

مسكين وورشيف

ظلمته

حسبته اهو القزم واتهمته لين زعل و مشى وانا مازلت مصر انه القزم

طلع انت القزم يا رانكور

وانا اقول هالشخص مو غريب , هالشخص يعرفنا كلنا ويعرف كل سوالفنا

طلعت انت

[Karazhan]

ابشرركم ياشباب

ابشركم وابشر الامتين العربيه والاسلاميه

نزلت الوندوز عالماك والحين اكلمكم من الوندوز اللي بالماك

ضبطني محل ورشه دوت كوم بعد ان عجزت و عجزوا الهنود بحولي شارع ابن خلدون

طلعوا خرطي كلهم بس شاطرين بكلمه "يعرف بابا"

واهو سمكري في الهند جاي للكويت مسوي نفسه مهندس او فني كمبيوتر

[Rankor]

ههههههه عاد تصدق يا اوتلاند
أنا يوم كتبت كلامي هذاك الي فوق قلت شكلك بترد وتقول إني القزم
لا لا يا حبيبي لا تخاف انا ماني القزم
تذكر يوم نتهمك ونقول أنك ذاك البسطويسي
والله ناسي وش أسمه بس كان واحد حاط صورة مطوع ولابس لبس سوبر مان

[Rankor]

الا بالمناسبة يا شباب لازم تروحون وترحبوت ب Hitman
الرجال رجع بعد قطعه طويله

[Karazhan]

اي البسطويسي

كان حاط صوره خالد شيخ






مو بس هت مان رجعت

حتى انت رجعت و لا يقل هذا اهميه من رجوع هت مان


عقبال مايرجع البسطويسي بعد و بوحا و تكمل الفرحه و نبدأ رايدات على بعض بالقسم