" جــGYM ــــيم المنتـــدى "

[THh Rock]

يَ هلآ وغلآ بريدآوي .. الله يعافيك .. خذ هذا Forum Code
السلطان ابشر الوجبة الثانية بعمل حسابك ..

والله حركاااااات عدي صاار تووب شيــف ^-^

[مشاري الرياض]

صباح الخير شباب

امس مدحنا انه مافيه زحمه والحين مووووت وقرف وزحمه

كيفكم ان شاء الله بخير

اليوم عندي اكتاف وسواعد ...

[buraydawi]

صباح النور ....
اليوم رآآآحة ... البارح خربتها ي عيال .. اشتهيت مندي لحم




هذي صورة لتجربة حبيب قلبي عمر

[مشاري الرياض]

احييييييه لحم مندي

وصورة اكل

وربي جعت


عوافي يارجال وسع صدرك

[amma271]

هههههههههه
يسمى البط المهاجر ( نحّم)
يَ صباح النرجس

هههههههه
بريداوي ما شاء الله عليك تسولف تحسبك بمنتدى مكشات
بعض المصطلحات محلية و بقووووووووة

عاد سبحان الله مدري وشلون يجيكم شف للنحم!
و كل طيور الماء ما غير زخمة و لحم أسود

و عاد أنا كاره النحم بشكل خاص بسبة المقاريد الي معي
كانوا يقولون ( للي بيروح يقضي حاجته -الله يكرمك- راح يطير نحم)

[buraydawi]

^^^^^^

خلاص كرهتن الله يحوم اتسبدكم ...
يَ حبي للدخل بس

[بردان1]

هههههههه بريداوي
والله حتى الدخل قلبو به تسبدي العيال

مامثل القميري


نحيف يحاول فيه قسم للاستفسارات طال عمرك واذا ماقدرت راسل الاشراف

[بردان1]

يؤ بريداوي شنوحك تنزل صورة طبختي خخخخخ


بس والله اكتشفت ان وضع الطبخ والله بسيطن امره ان شاءالله
وان شاءالله ابي استمر عليه
وحتى ذوقته اخوي امس قال اوووه ممتازه
والمره الجاية بضيف عليه فلفل وقرون وبقدونس

---
طيب بريداوي الشوي شلون صدر مشوي خخ او لازم شواية
وطريقة الفرن الي قلتلك بالقصدير عمرك جربته ؟ يعني تطلع زينه تنوكل وشهيه ولالا
ودي اجربه بس احسه ماتطلع مثل هذي

[S.A.G.2]

اعذروني يا شباب بس صرنا في مجلس ....ـم .. كل الموضوع سوالف x سوالف // ع الفاضي طبعاً !!!

فيه شات وفيه مسنجر وفيه فيس بوك وغيره من وسائل الاتصال الاجتماعي ,,,,

خلونا نسولف في المفيد بلا قميري بلا كركري

واعذروني ع الشطحة

[mr.m0hamed]

^
اي والله زعجونــا هههههه بس خلهم يستانسو

[بردان1]

ايوالله خلهم يستانسو

شف وش حليلنا والله مبسوطين لاتعقد الوضع وحنا عاد هذي سوالف جانبية بس السالفة الرئيسية ماسكتن على الطبخ والطبخ اهم نقطة باللعبة خخخ

--
ع العموم معذرتا
واليوم اكتاف ان شاءالله وبحاول اخش بطن

[buraydawi]

المعذرة شباب .....
عمر: بخصوص المشوي الطعم حلو بس يبيلها وقت : تسلق الصدر مع البهاروالبصل (بالكاتم عشر دقايق) وبعدين تدخله الفرن (الشواية ) خمس دقايق للتحمير << طريقة البيت
اما القصديرة : جرب تبل قطع الدجاج بتتبيلة حلوة (بهار وملح وثوم ووبصل شرايح وملعقة صلصلة ) وجب سفرة او صحن وحطه على عين الفرن نار هادية همن حط القصديرة فوقه وغطها بفوطه .. يمكن تاخذ ثلث ساعة .... او مباشرة بالفرن < وهذي اسهل .... بس عيب القصديرة (الوقت )
ممكن تجرب فيليه سمك بالقصديرة نفس الطريقة << تجنن

[بردان1]

الله يعافيك

راح اجربهن كلهن ان شاءالله


نبي نتفلسف عاد بالاكل
وابي اشريلي كم علبة تونه عشان لاصارت النفس مهي منفتحه على الطبخ اكل تونه
اهم شين مانترك التغذية

يالله تسجيل خروج للنادي

[buraydawi]

الله يوفقك ان شاء الله ...
حتى التونة انا احمسه مع البصل تطلع رووووعة

[بردان1]

انت اصلا كلك روعة


---
اليوم كان اكتاف والحمدلله كان روعه وجيد

والحين صدور الدجاج تحت التحضيير
صدر كبير تقريبا 200 قرام