قهوة WoW .. :P

[Karazhan]

جيرمي اختفى , اخر مره كان بالموقع الثاني و بعدين ما شفته

وورشيف ايضا قطع لكن رجع قبل فتره هني وقعد يشارك واختفى مره ثانيه , وانا اشك والله اعلم ان الشخصيه اللي فوق اسمه القزم اهو وورشيف , لأن لما يدخل وورشيف يختفي القزم و لما يختفي وورشيف يطلع القزم

واثنينهم نفس الطبع , مستحيل يعطيك معلومه صحيحه عن نفسه , انا اشك فيهم

الزقاره الالكترونيه شقوني الجمارك بالمصادرات . كل ما اطلب فلاتر يصادرونها ولما اروح اسأل يقولولي ممنوع تدخل البلد , اقوله طيب البلد متروس صيني واهو اللي مو ثقه , يقولي مالنا شغل , احنا عندنا اوامر بالمصادره

بالعربي يبون يفيدون التجار و الناس ممنوع تطلب من بره , عاد عندنا بالتلفون برنامج اسمه للبيع , هالبرنامج كله ناس تبيع وتشتري , واشوف كثير من الشباب يبيعون الزقاير الالكتروني , بس ماشفت احد يبيع مثل فلاتر زقارتي , اغلبهم يبيعون السائل

وانا مابي السائل لأن يجيب الغصه , لكن ان حصلت احد يبيع الفلاتر راح اشتري بدون تردد , عالاقل استخدم الالكترونيه شهر و الزقاره العاديه شهر , يصير المجموع 6 شهور بالسنه ادخن و 6 شهور اريح الرئتين والقلب ويمديهم يسوون فورمات و اعاده ضبط

اما رفيجي ولد بطنها اللي عروقه بالماي مازال موجود و دايم يوصيني اني ابلغكم تحياته وقبلاته الحاره , لكن اقوله ماكو احد كل الشباب اتركوا اللعبه و المنتدى صرت انا بروحي مجابل القسم , رحت القسم العام اناشبهم هناك من كثر الزهقه , يتكلمون عن سوريا وماادري شنو

المهم

انت الحين رجعت ووركرافت يعني او مازلت اكس بوكس

او تلعب الاثنين

[لوعةالفرقا]

الزقارة الالكترونيه مثلك بعد هنا يصادروها وإللي كان يوفر الفلاتر بطل يجيبها خايف

اهم شيء ولد بطنها لان بدونه راح نضيع في اللعبه وتشوفنا مشردين ^^

لا والله توني ع الاكس بوكس بس يمكن نهاية الاسبوع الجاي اشحن بصراحه اشتقت لها بالحيل آخر مره شحنت وقت مانزل البنديريا ولفلت شخصيتين 90 ومن خلص اشتراكي ماعاد جدد إلى يومك

[Karazhan]

ماكو شي جديد الا الرايدات الحين الى جاروش , ماادري انت لحقت على الرايدات هذي او لأ , لأن بالبدايه كان كل شي مقفول وبعدين صاروا يفتحون بالترتيب

انا ناطر الاكسبانشن الجديد بشوف شنو قصته و منو راح يحطون بالرايدات

خصوصا ان الزمن راح يرجع الى ماقبل هالاحداث , ايام ابو جاروش و ثرال و باقي الشباب اللي بسببهم صار الوضع اللي احنا فيه

فأنت ان رجعت الحين يمكن راح تزهق , لأن بعد ماتدخل الرايدات وتخلصها راح تشوف ماكو شي تسويه بعد

عكس لفل 70 و 80 اللي تسأل كل يوم شنو daily و weekly وتروح الدنجن والرايد عشان تخلصه

المهم ان الوضع مثل ماهو عليه

شخبار ستارز وورز تلعبها او لا

انا دخلت قبل امس ولما شفت اللفل وصل 55 ضاق خلقي , مالي خلق الفل

[Karazhan]

ابشركم وابشر الامتين العربيه والاسلاميه

بليزرد اللي مايستحون على وجيهم قليلين الادب صكوني باند نهائي

اكاونتي فيه 9 شخصيات لفل 90 مع 400 الف جولد راح هباءا منثورا

حساب الباتل نت الحين فيه 6 اكاونتات كلهم باند

ويستمر مسلسل التوقيفات

ماخلصنا من المنتدى طلعولي بليزرد بعد

انا جذي حظي نحس , بس راح يجيهم يوم يتحسفون ويندمون و راح يخلوني جيم ماستر

[Karazhan]

السلام عليكم

ياجماعه انا مزنوء واحتاج مساعده

غسلت ايدي من الانجليز ما منهم فايده ابد

انا سويت جيلد و محتاج 3 يوقعون عليه , انبح صوتي وانا اتكلم بالشات لكن عمك اصمخ

قلت اعطيكم 1 جولد

10 جولد زين

100 جولد ياجماعه

250 جولد

شنو يبون يعني ؟ مليون جولد عشان يوقعون ؟

فأنا من هالمنطلق اناشد كل الشرفاء بالعالم انهم يجيبون 3 اشخاص بس يوقعون و لما اسوي الجيلد يطلعون و ينتهي الموضوع

لو تبون جولد بعطيكم لكن تعالوا بس

الشخصيه في سيرفر ستورم سكال واهي لفل واحد وقاعده في اورقمار , يعني مو يجيني واحد مسوي شخصيه الاينس او مسوي شخصيه لفل 1 في سلفر مون

سوو اورك او ترول وتعالوا اورقمار

ارجوكم

هذا اكاونت جديد , اكاونتي القديم انصك باند الله يكفيكم شره , طاحوا علي استخدم البوت بعض الناس اللي ماعندهم لا ذمه ولا ضمير و بلغوا عني بليزرد واهي ماقصرت صكتني باند وضيعت مجهود سنه كامله بكنز الجولد والقطع البنفسجيه

وان شاء الله اردها لكم بالافراح , يعني اي شخص فيكم يبي يسوي جيلد ومحتاج ناس توقع ماعليه الا يكتب بالمنتدى وانا اجي طيران اوقع له بشخصيتين , عندي اكاونتين يعني و يضمن توقيعين و الشباب بعد هني مايقصرون

ونسوي فريق مساعده للأخوه العرب اللي يبون يسوون جيلد , نكتب موضوع و نثبته للي يبون يسوون جيلد و ماعليهم الا يكتبون شلون نتواصل معاهم باللعبه و نجيهم نوقع و يسوون الجيلد و نمشي احنا لأي اخ عربي اخر يبحث عن موقعين


اتمنى انكم تتفاعلون والملك راح يشكركم ويقبلكم واحدا واحد

[Karazhan]

ضيفوني ياجماعه azshari@gmail.com

ابي توقيع بس

مابي جولد والله , يعني لا تفكرون وتقولون هذا شكله راح يطيح بجبدنا كل شوي plz 1g

لا انا عندي عزه نفس مااطلب شي من احد

ضيفوني وكلموني , اذا ما رديت يعني صاحبكم شغال , اذا رديت يعني انا موجود , شوفوا شخصيه لفل 1

لفل 90 هذا مالكم شغل فيه لأنه اخوي ههههههههه

انا لفل 1 بلاد الف بنت , اي بنت لي متى الحرمان

المهم بليز ساعدوني

يعني ما ودي اتكلم بالشي هذا لكن للذكرى , تدرون اني نذرت عمري لكم ولمساعدتكم طوال هذي السنين

الحين انا ابي المساعده

والسلام عليكم ورحمه الله وبركاته

[Karazhan]

انتوا شنو


ماكو قلب

خلاص


انتزعت الرحمه من قلوبكم


اخاف انتوا الانجليز اللي معاي بالسيرفر ؟ مسوين روحكم يعني انجليز عشان تفتكون من العرب ومساعدتهم

او تعطون جولد لهم ان اعرفوا انكم عرب و قعدوا يكلمونكم ويقولون و راس العرب ١٠ جولد و انتوا تعطونهم


انا بس ابي توقيع

[SuperSNakez]

اوربي ولا امريكي

[arlund]

أبشر بسعدك يا كرزهان
بدخل عشانك والله بكرة بعد الظهر أنشاء الله

[Karazhan]

اوربي

لا مو بكره ليش

لأن اليوم الصبح جاني الصباغ

شوفوا خل اقولكم قصتي


انا قلت بغير الشقه و ديكوراتها وبصبغها

واتصلت على واحد يصير مندوب الملك بغرف النوم و كلمته وقلت ابي غرفه نوم و صاله وبفصلها على مزاجي قال اوكي

واخذ المقاسات وكل شي وانا اخترت الغرفه والقعده واتفقنا و راح

دقيت على مال الصدقات و قلت عندي غرفه نوم و صاله وبصراحه جدد مافيهم الا العافيه تعالوا اخذوهم ، وفعلا جوني واخذوهم

صرت انا عالارض الحين بس عندي الدوشق ، مادري شنو تسمونه لكن اللي تحطه عالسرير وتنام عليه

المهم جاني الصباغ عشان يطبخ الغدا ، بذمتكم هذا سؤال ؟ يعني صباغ شنو وظيفته ؟

المهم جاني اليوم الصبح وشلت اغراضي كلها حطيتهم بنص الغرفه وحطيت فوقهم طربال ازرق

يعني حطيت الدوشق وحطيت فوقه الكمبيوتر والتلفزيون والرسيفر وكل شي عشان ما يحوشهم صبغ

بعدين انا صعت

لا قعده ولا كمبيوتر ولا اي شي ، صرت قطه وجهه ، مره نايم بغرفه اخوي و مره قاعد بغرفه اخوي الثاني و مره عند اختي اتغدا ومره عند اختي الثانيه اتعشى

مو انا الله يسلمكم ويخليلكم اخوانكم وخواتكم عندي ١٦ اخ و اخت ، كلهم متزوجين الا اخوي ، وانا كل يوم قاط وجهي في بيت

المهم انا مااقدر اعيش عند احد فيهم لأني مع امي قاعد وامي مره كبيره ومريضه وخصوصا انها تعودت اني اسويلها الريوق

فما حبيت اطلع اعيش بره

المهم عشان ما اطول عليكم انا لميت اغراضي وحطيت فوقهم طربال وبدأ الصباغ يصبغ ، وريحه الصبغ مااقدر اتحملها والارض كلها معجون و جبس و صبغ فما اقدر اقعد واطلع الكمبيوتر

عشان جذي ومن هذا المنطلق مااقدر اشبك هاليومين كلش ، فأنا اقول خزنوا الباتل نت ولما تتعدل الامور واشبك اضيفكم ونبدأ سلسله

التواقيع

وايضا نسوي جمعيه 'معاً نبني الجيلد' ونساعد اي شخص يبي يسوي جيلد عشان يخزن فيه كل اغراضه وفلوسه

يعني يسوي جيلد خاص فيه بس ويخلي شخصيه لفل ١ اهي الجيلد ماستر وتكون مثل البنك

مثل رفيجي ابوي شنب دايم يسوي جيلده بنفسه ويخليه بنك

طولت عليكم ها ؟

تدرون ليش لأني زهقان او على قوله اهل الرياض طفشان

ماعندي كمبيوتر و لا مكان انام فيه والحين اكلمكم من الايفون وقاعد بالصاله اتابع مع امي قناة فتافيت


الحين اتمنى تعذروني ليش ما شبكت دام تبون تساعدوني وتقولون يمكن هذا مايستحي يبينا نوقع واهو مايدش

الحين عرفتوا ليش مااقدر ادش ، الحياة كسيفه



باجر يخلص الصباغ ان شاءالله و بالليل بشوف في ريحه او لأ ، اذا اختفت بشيل الطربال و بطلع العده كلها وارجع لكم


يلا اخليكم الحين ، اي شي تبونه قولولي


ضيفوني بالامستردام او اذا ماعندكم ايفون ضيفوني باللعبه ازشاري جي ميل دوت كوم

تحياتي وتحيات الملك وقبلاته

[arlund]

الله يكون بعونك
وش لك بالصبغ؟ كان خذتلك ورق أحسن لك
مايتغير مع الوقت و شكله أحلى و أرخض ولا يطلع ريحه

على طاري اللعبة
أنت في أي سيرفر تلعب؟ لا يكون stormscale ؟
ماودك تجي تلعب في alliance silvermoon ؟
بعدين وش قصة الباند؟ وكم مرة جاك باند ؟
مازلت على honorbuddy ؟

[Karazhan]

حكم القوي

وله انا عطني كمبيوتر و انترنت و زقاير وقطني في جاخور بوسط البر ماعندي مشكله

انا في ستورم سكال و اللاينس العب بسيرفر اوتلاند لكن انصكيت باند الله يكفيك شره و راح الاكاونت بالشخصيات اللي فيه

الحين اكاونتي جديد

الباند جاني اكثر من 30 مره و القائمه مستمره

الباتل نت يشيل 6 اكاونتات داخله اعتقد , اكاونتي الاخير فيه 6 حسابات او اكثر , لكن الحد الاعلى لأني اذكر حاولت اسوي حساب جديد قالوا مايصير انت استخدمت الحد الاقصى

المهم اكاونتي هذا كان اخر اكاونت عندي و انصك باند كله , كل الحسابات اللي فيه باند

غيره اكاونتات كثيره فيها حسابات بعد وكلهم باند

اي والله مازلت عليه الانر بدي , محد مضيعني الا هو و محد مصبرني عاللعبه الا هو وله بدون يمكن ما العب كلش

والحين مشغله بعد بأكاونتاتي الجديده

بس الله يرحم والديكم لا تسوون ريبورت علي

واحد قاطه في الباتل جراند والثاني حاطه في ستورم بيك عشان المونت time-lost drake

لحد يسويلي ريبورت ترى اذا صكوني باند ماراح ادش اللعبه مره ثانيه

[Karazhan]

في واحد كلمني توه وانا اكتب المشاركه فوق اسمه ابو ابراهيم

منو ؟

يوم انتبهت و قعدت اكتب رد فصل من اللعبه

المهم الحين البوت شغال , ان كلمتوني ومارديت يعني البوت الموجود مو انا

الحين بنام عشان دوام بكره ان شاء الله

مع السلامه

[Karazhan]

ابشركم وانتوا بشروا الامتين العربيه والاسلاميه لأني تعبت كل مره ابشرهم

اني انصكيت باند بأكاونتي الجديد , ناس ماعندهم قلب بلغوا عني

حتى ما طلعت من هالاكاونت الا 20 الف جولد بس

[قزم مصرطح]

السلام عليكم
اشوف ناس جديدة او قديمة ورجعت في القسم لازم تعرفو ان اشياء كثير تغيرت باختصار قسم اللعبة هو قسم القزم من الاخر يعني راح تدفعو رسوم اشتراك منتدى اللعبة ليس مجاني كالبقية انا المسؤول هنا اي واحد جديد بالقسم راح يدفع لي كل شهر قالب سكر طبيعي لاعمل شاي وقرعة من زيت الزيتون البلدي يكون اصلي وعلبة سجائر اي نوع نقطة نهاية

وبهذه المناسبة ابدأ بتحية خاصة لدي دي ، لو وجدت مصباح سحري بصحراء كعلاء الدين والسندباد وطلع منه مارد سحري وقال لي شبيك لبيك اللي تطلبه يتحقق اطلب طلب واحد بس تكون دي دي بخير وعلى خاطرها
ولو طلب مني امنية ثانية تتحقق اطلب مشاركة سيجارة مع الكرزان تكون ملفوفة من ايديه

ولو طلب مني المارد امنية ثالثة تتحقق اطلب الغاء الامنية الاولى والثانية واطلب بدلهما سيارة مرسيديس CLS موديل 2010 اركب فيها المدام والعيال اترك العيال عند ام زوجتي واروح مسافر انا وزوجتي بالمرسيديس ولما تجي تركب افتح لها الباب واتأكد من ان الباب مسدود جيدا لان خوفي عليها ما له قياس حتى لو اضطريت لسد باب السيارة بقفل وجيبت ميكانيكي يشمع الباب ، ونروح مسافرين بالمرسيديس وكل ساعة اتصل اطمئن على الاولاد واتأكد اذا كانو تمام لان ام الزوجة لا اثق بها كثير ، ولحسن حظي الجميل راح يطل الليل واحنا مسافرين والنجوم بالسماء بعدد كثير لا يعد ، ولحسن حظي الجميل ايضا راح يكون القمر مكتمل وانظر الى القمر ارى صورة المدام بدل القمر لانها اجمل من القمر وسرعتي بالمرسيدين لاتتجاوز 20 كيلومتر بالساعة مالنا بالسرعة شوية احسن ، خلاص اللي بعد مايصح يتقال

كنت طول هالمدة باللعبة وهاليومين اتوقع طرد من اللعبة لان في لاعب واشي اشتكى للادارة وقال اني شتمته مع اني ما اعرف اشتم اصلا كل الكلام اللي كتبته له باللعبة طلع كذا °°°°°°°°°°°°°°°°°°°°°°°°°°° فكيف اكون غلطت بحقه وهو ما طلع شي اصلا