الأداء كان ممتاز و ممتع لكن عيبه تضييع الفرص , فوق ال30 تسديدة اتت منها هدفين , بس لا ننسى بعد إن حارس اياكس ستيكلينبرج ممتاز و هذا الوحيد إلي محسسني إن راح يعوض فاندرسار في منتخبه , هيجوين و رونالدو و دي ماريا كلهم يبون يسجلون عشان يطمئون على أنفسهم و على حالتهم الغريبة إلي صايره , هيجوين انا عندي أدائه اليوم أحسن من المبارتين إلي طافوا , لأن كان ينطر الكرة و ما يتحرك لكن بالمباراة هذي قعد يتحرك و يستلم الكرة و شيء وشيء طبيعي يصير أناني لأن في حالته انك تكون هداف الفريق بالموسم الماضي و تقعد تضيع فرص كثيرة و انت مو مسجل و لا هدف شيء ماهو جيد , كان المفروض يكون هادي مثل ما سجل الهدف الثاني , رونالدو ما مشت معاه و كان يبي يسجل أي هدف حتى لو تضرب بمدافعهم و تدخل الهدف وحالته نفس هيجوين لكنه يعطي باصات أكثر من هيجوين , دي ماريا تحصل على باصات قليلة فشيء طبيعي إن يبي هو إلي يستثمرها و يسجل هدف وحاب يثبت نفسه مع الفريق و يثبت للمدرب إنه لاعب كبير عشان يعتمد عليه المدرب , مارسيلو أدى مباراة جميلة جدا من الناحيتين , و المدرب عطاه الحرية إن يهجم في حال سنحت له الفرصة و شكل كثافة عددية بالهجوم و ساهم في فرص عديدة , أياكس ماكان قوي ممكن لأن خطة مدربنا هي إلي فرضت أسلوبنا عليهم و طبعا أكيد أثر غياب سواريز على فريقهم , شخصيا كنت أبيه يلعب أمامنا لأن أبي الدفاع يختبر بإختبار حقيقي و قوي.