قضية الاسبوع ҉ಢ ೋ المولود الجديد ೋ ಢ

[yami vergil]

Heartbeat


عدل كلامج يامي
المشكلة احنا مو بعالم مثالي
يعني لو اكون صادق مع صديقي صعبه انه يقدر صدقي معاه وراح يفهم هالشي عكس اللي انا اقصده
لو طلب رايي بشي وقلت له بصراحه هالشي غلط يزعل ويمكن سنين مايكلمني
وهذا حصل مع احد اصدقائي كان صادق مع قريب له وهالقريب كان من اعز الناس عنده
تخيلو هالقصة من اربع سنوات ومازال قريبه مايكلمه وحتى السلام ما يرد عليه السلام ولا يسلم عليه
الا احيانا يكون محرج اما الناس تخليو

وبعدين انتو يالبنات سالفتكم سالفه
يعني لو وحده تقولين لها فستانج مو حلو او قصة شعرج تلوع الجبد
او مكياجج ويييع
راح تزعل منج مجبوره تقولين لها شغلج حلو هههه
طبعاً مو الكل الا من رحم ربي

البنات حساسات اكثر على فكره مايتقبلون اي شي بس في بنات ما شاء الله مثلا يشتكون من مشكله تعرضوا لها
انا لما اصارحهم وقول لفلانه انتي غلطانه في كذا وكذا ماتزعل مني لكن الغالبيه يزعلون ومايرضون اقول لهم انتوا غلط
يبوني أأيدهم وأخفف عنهم زين ماينفع اكذب عليج هشكل اكون نافقتج ... صديقك واايد حسّاس @@ 4 سنوات عالاقل مايقبل
يكون سلام بينكم !! وايد يكابر بصراحه >_>

بالنسبه حق المكياج والفستان لوول لازم اختار الوقت المناسب يعني لو ليلة العرس سألتني مايصير احبطها وهي مستانسه
لو سألتني عقب العرس ممكن اقول لها مثلا المكياج الناعم احلى عليج او فستانج مال عرس فلان يليق عليج مثل هالستايل اكثر

king.de

لكن كشكل عام أحب أكون شفاف و صريح لدرجة حمقاء وممكن أي شخص يمتلك هذه الصفه في عالم أو مجتمع اللي الأغلب يعيشه

لان نخاف نقع فالكذب واحيانا كلام ماله داعي نقوله بس عشان مانطيح فالكذب لووول

صج في ناس يضحكون لما يكذبون .. توقعت اروش تقول لكم قصة وحده كانت ويانا صواريخها عجيبه وشغلها فالكذب
نظيف ماقدرنا نكشفها بسرعه ..

انا تضحكني الوحده الي كل ماقلت شي تقول "ايه وانا بعد" شدعوه كل شي عندي او سويته او جربته انتي بعد ؟؟ لووول

ممم لا أحياناً تكون المجامله شيء جميل و أنا عن نفسي أجامل لو فكرت أن مجاملتي راح تكون شيء محمود لغيري
لكن لو فكرت أن مجاملتي أو سكوتي راح يكون عائق أو مشكله سواء لي أو لغيري
فـ لا أكون صريح في النقطه هذه ولازم نستخدم الوقاحه لو ما أفادته الصراحه
وسؤال جميل أوني سان ◕‿◕

عدل كلامك ni-chan شكرا ^^

[NiN RevO]

السلام عليكم ورحمة الله وبركاته ..

مشكوره اراشي على الدعوه << ما بغى يجي

انا ما بعلق على كل الكلام لكن بوضح نقطه لـ هارت

وبعدين انتو يالبنات سالفتكم سالفه
يعني لو وحده تقولين لها فستانج مو حلو او قصة شعرج تلوع الجبد
او مكياجج ويييع
راح تزعل منج مجبوره تقولين لها شغلج حلو هههه
طبعاً مو الكل الا من رحم ربي

هذا مو من الكذب اخوي .. اولا ً هذا من الذوق والذوق ما فيه صح او خطأ
وثانيا ً لازم تجامل الناس يعني مو من الضروري تمشي ذوقك على الناس .. صح ؟

انت ممكن تلبس لون معيا ً وانا ما احبه تسألني شرايك ما راح اقول لك ويييييع او شهالون
الا اذا كانت ميانه او اني على يقين انك ما راح تزعل وتكون من باب المزح
اما الناس الثانين لازم تجاملهم علشان ما تسلبهم ذوقهم ..

[Heartbeat]

arashi

أنا أقول هالكلام في كل قضيه
حلو نبدأ نجاوب عالاسئله وبعدها نناقش أمور أكثر ^_^

ادري والله اراشي انتي مشاءالله عليج مايفوتج شي
انا بس كنت اذكر الشباب بس مجرد تذكير , انا حاولت اجاوب على اسألتج بس الشباب مشاءالله
ماقصرو فـ قلت ادخل بالنقاش على طول

yami vergil

البنات حساسات اكثر على فكره مايتقبلون اي شي بس في بنات ما شاء الله مثلا يشتكون من مشكله تعرضوا لها
انا لما اصارحهم وقول لفلانه انتي غلطانه في كذا وكذا ماتزعل مني لكن الغالبيه يزعلون ومايرضون اقول لهم انتوا غلط
يبوني أأيدهم وأخفف عنهم زين ماينفع اكذب عليج هشكل اكون نافقتج ... صديقك واايد حسّاس @@ 4 سنوات عالاقل مايقبل
يكون سلام بينكم !! وايد يكابر بصراحه >_>

بالنسبه حق المكياج والفستان لوول لازم اختار الوقت المناسب يعني لو ليلة العرس سألتني مايصير احبطها وهي مستانسه
لو سألتني عقب العرس ممكن اقول لها مثلا المكياج الناعم احلى عليج او فستانج مال عرس فلان يليق عليج مثل هالستايل اكثر

عدل البنات حساسات حيل وهذا شي طبيعي

اي والله يامي اربع سنوات حاولت اصلح بينهم مرتين وماكو فايدة الله يهديه بس

تصدقين يامي عدل كلامج اهم شي اختيار الوقت المناسب
بس اخاف بعد العرس تقولج ليش ماقلتي لي قبل العرس اكيد الناس ضحكو علي
لو قلتي لي ما اروح ولا اروح وشكلي مو حلو ههههههههههه
رضا الناس غايه لا تدرك
صج صج احيانا مهما فعلنا نظل عندهم غلطانين
وعلى فكرة انا ما استثني نفسي
احيانا اكون مثلهم ازعل هههههههه بس الحمدالله انا ما اطول ارضى بسرعه

NiN RevO

هذا مو من الكذب اخوي .. اولا ً هذا من الذوق والذوق ما فيه صح او خطأ
وثانيا ً لازم تجامل الناس يعني مو من الضروري تمشي ذوقك على الناس .. صح ؟

انت ممكن تلبس لون معيا ً وانا ما احبه تسألني شرايك ما راح اقول لك ويييييع او شهالون
الا اذا كانت ميانه او اني على يقين انك ما راح تزعل وتكون من باب المزح
اما الناس الثانين لازم تجاملهم علشان ما تسلبهم ذوقهم ..

والله كلامك اخوي ريفو منطقي
فعلاً يمكن اللي انا اشوفه مو حلو يكون عند غيري حلو
فعلاً هالامر يقع في خانة الذوق
لكن اللي يخليك تشعر بالحيره وانت بينك وبين نفسك ساعات تقول
هل سكوتي واخفائي عن رأيي يعتبر خداع هل انا اخدع صديقي لسكوتي
يعني اذا قلت والله ستايلك حلو والصحيح ان ستايله مو عاجبني
القصة مو اذا كان ذوقي يختلف عن ذوقه
القصد هو موافقتي على شئ انا مو مقتنع فيه , واذا قلت له شغلك مضبوط وانا رأيي العكس
هذا مايعتبر كذب
تدري انا شنو اسوي اذا احترت في مثل هذه الظروف
اقول له مادري انا ماعرف في هالسوالف هههههه اتهرب عن الاجابة افضل

[NiN RevO]

^
هههه .. لا اخوي هذا مو كذب ابدا ً هذا يندرج تحت حسن الخلق وفن التعامل مع لااخرين

واذا كان على قولتك فيه شيء غريب في صديقك او كان لبسه فيه شيء مو عاجبك ..

تقدر تقول له ان لبسك حلو ومناسب للحدث لكن لو تعدل كذا وكذا قليلا ً بيكون احلى

بتكون ردت فعله في الغالب متجاوبه معاك وراح يأخذ رأيك بعين الاعتبار

اما اذا قلت له ويييييع شلابس انت ..؟؟!! اتوقع انه اولا ً بيزعل .. وثانيا ً ما بيسمع كلامك

يقول النبي صلى الله عليه وسلم : ( احب الاعمال الى الله ادخال السرور على قلب امرؤ مسلم ).
ويقول : ( ادناكم مني منزلا ً يوم القيامه , احاسنكم اخلاقا ً ).

اسف اذا غيرت الموضوع ...

شرايكم يكون الموضوع القادم حسن الخلق ؟ ^_^

[Heartbeat]

هههههههههههه
لا شدعوة يازيني وانا اقول له وييع مو راكبه علي
انا اهني دائما افضل السكوت
لكن مشكلتي بالليل قبل لا انام اقعد اعاتب نفسي ساعه قبل النوم
ليش ماقلت له ليش ما صارحته ليش وليش هههههههه مصيبه تالي الليل
نسوي ونعمل واخر الليل نحاسب نفسنا بعد فوات الفوت ههههههههههه
يا كثر ماقعد اخر الليل قبل النوم اعاتب نفسي واقول
ليش ماقلت جذي ليش ماسويت جذي واقعد سهران وانا اقول ليش هههههه

تصدق موضوع حلو حسن الخلق انا ارشحه يكون موضوع الاسبوع القادم بقوه

[Al Bhed Girl]

السلام عليكم ورحمة الله وبركاته



شكرا أراشي على الدعوة ^^ ،، اعذريني على التأخير ، على الرغم من ضيق الوقت الا اني اصريت ان اشارك بهالموضوع ..


-- مقدمــــة --




الكذب خصله سيئة جدا ، والكذاب مذموم بين الناس ، ومحد يقدر يتعامل معاه بأريحيه لأن ممكن يسمعون منه المزيد والمزيد من الكذبات ،، بالتالي تقل ثقتهم تجاهه ..

ومع اعتياد الشخص للكذب ممكن يحط نفسه بمواقف حرجه ، بكل كذبة يكذبها يختلق لها كذبة اخرى تناقضها بالتالي يسهل على الناس اكتشافه

والكذب ماله لون ، مجرد عذر اقبح من ذنب عشان تتهرب من أخطائك وانا اشوف ان الشخص القادر على تحمل المسؤولية هو القادر على تحمل أخطاءه ،،


-- حالآت خاآصــــة --



العديد منا يقع بمواقف لايحسد عليها ، لكن مضطر للكذب فقط بهالموقف لأجل غاية ومصلحة عظيمة اهم من الكذب مثل الحالات التالية ، فيشسوي ؟؟


الجواب كالآتي :

لا شك أن الكذب رذيلة مقيتة حرمها الشرع، لمساوئها الجمة، بيد أن هناك ظروف طارئة تبيح الكذب وتسوغه، وذلك فيما إذا توقفت عليه
مصلحة هامة، لا تتحقق إلا به، فقد أجازته الشريعة الإسلامية حينذاك، كإنقاذ المسلم، وتخليصه من القتل أو الأسر، أو صيانة عرضه وكرامته، أو حفظ ماله المحترم، فإن الكذب
والحالة هذه واجب إسلامي محتم.


وهكذا إذا كان الكذب وسيلة لتحقيق غاية راجحة، وهدف إصلاحي، فإنه آنذاك راجح أو مباح



كالإصلاح بين الناس، أو استرضاء الزوجة واستمالتها أو مخادعة الأعداء في الحرب.


وقد صرحت النصوص بتسويغ الكذب للأغراض السالفة.

قال الصادق (عليه السلام): ( كل كذب مسؤول عنه صاحبه يوما إلا في ثلاثة:
رجل كايد في حربه فهو موضوع عنه، أو رجل أصلح بين اثنين يلقى هذا بغير ما يلقى هذا يريد بذلك الإصلاح فيما بينهما، أو رجل وعد أهله شيئا وهو لا يريد أن يتم لهم)(1 الكافي ).

واحنا شفنا نماذج حية يشهد لها التاريخ في دور شجرة الدر باخفائها لخبر وفاة السلطان وقت مواجهة الجيش للحملات الصليبية ، وتظاهرها مع اطباء السلطان بانه مازال حي
اضغط هنا للاستزادة او معرفة تفصيلية لدور شجرة الدر رحمها الله .



-- شي يبط الجبــــــــــــد --

اللي يثير استيائي وغضبي ،، استعمال كذبة ابريل وانتشارها بكل مكان تروح له وحتى بالمنتديات !

شنو فاضين وماعندكم الا "تستوردون "أقبح العادات الدخيله ، وتتعاملون معانا فيها ؟؟

STOP LYING ..GET A LIFE !!!


شقصة كذبة أبريل ومتى كانت بدايتها ؟؟

بدأت هذه العادة في فرنسا بعد تبني التقويم المعدل الذي وضعه شارل التاسع عام ‏ ‏1564 وكانت فرنسا أول دولة تعمل بهذا التقويم وحتى ذلك التاريخ كان الاحتفال بعيد ‏ ‏رأس السنة يبدأ في يوم 21 مارس وينتهي في الأول من أبريل بعد أن يتبادل الناس ‏ ‏هدايا عيد رأس السنة الجديدة.

وعندما تحول عيد رأس السنة إلى الأول من يناير ظل بعض الناس يحتفلون به في ‏ ‏الأول من أبريل كالعادة ومن ثم أطلق عليهم ضحايا أبريل وأصبحت عادة المزاح مع ‏ ‏الأصدقاء وذوي القربى في ذلك اليوم رائجة في فرنسا ومنها انتشرت إلى البلدان ‏ ‏الأخرى وانتشرت على نطاق واسع في إنجلترا بحلول القرن السابع عشر الميلادي ويطلق ‏ ‏على الضحية في فرنسا اسم السمكة وفي اسكتلندا نكتة أبريل.

يعني للاسف بعضنا يالمسلمين قاعدين نطبق عادة سبب نشأتها احتفال النصارى بعيد رأس السنة بتاريخه القديم في 1- أبريل بعد ما تم تعديله إلى 1-يناير ،،

أنا بالفعل انصحكم ان لما تسمعون بعادة جديدة سلبية او احتفال خزعبلاتي جديد داخل علينا قبل لا تقولون :

"ان الكل يسويها فرقت علينا ؟ !"

" يلا عادي شفيها يعني مجرد مزح ..مزح ! "

أنكم تتأكدون من مصدرها ،هل هي مذكورة بالقران او السنة ؟؟اذا لا شقصتها ومن وين جت ؟

على هذا الاساس تتخذون القرار برفضها لما كانت مخالفة لشرعنا ،،يعني للاسف تجينا
خزعبلات مثل كذبة ابريل وسببها عرفتوه فوق ، وعيد الهالوين اللي اصله من اساطير الرومان واحتفالهم بالهة الفواكه والحبوب ،،وتشوفون جيران قرايب واصدقاء يشاركون في هالمناسبات اللي ماانزل الله بها من سلطان ،،
الناس بالفعل تحتاج دعوة لانها كل مالها وتبتعد عن شرع الله للاسف ..

يعني اذا كلش فاضين أعطيكم كذا حل :

العبوا بلاي ستيشن

سوو رياضة

عدو نقط السقف !!

ولا احسن شي..
استغفروا ربكم خلتتخفف ذنوبكم واكسب فيكم اجر

يعني ليش تنسلخون وتجارون الغير بعادات دخيله مو لكم ولا تناسبكم ؟؟ مضروبين على روسكم مثلا ؟!

- - - - - - - - - - - - - - - - - - - - - - - - - - -


قبل لا اختم ردي الطويـــــل

اشاركم بقصة قصيرة وذات معنى جميل متعلقة بالموضوع ،، أتمنى انها تفرفشكم ( =
بالاضافة إلى اقوال من القران والسنة تبين خطر الكذب وتحذر منه وتوضح الاثار المترتبه عليه ،،


قصة بائع البرتقال

انتصب بائع برتقال على قارعة الطريق يبيع ثماره ، فمرت بقربه عجوز وسألته إن كانت هذه الثمار المعروضة للبيع حامضة ؟
ظن البائع أن حريفته العجوز لا تأكل البرتقال الحامض ، فرد عليها مسرعا :
- لا . هذا برتقال حلو . كم يلزمك يا سيدتي ؟
- ولا حبة واحدة . أنا أرغب في شراء البرتقال الحامض ، فكنتي حامل وهي تهوى أكل ذاك الصنف من البرتقال .
ها قد خسر البائع الصفقة .
بعد وقت طويل ، اقتربت منه امرأة حامل ، وسألته :
- هل هذا البرتقال حامض يا سيدي ؟
وبما أن المرأة حامل ، فإن الإجابة كانت على طرف لسان التاجر :
- نعم . هو حامض يا سيدتي . كم كيلوغرام تريدين ؟
- ليست لي رغبة في هذا البرتقال ، فحماتي تحبذ البرتقال الحلو وتمقت البرتقال الحامض .
ها هو التاجر يخسر مرة ثانية الصفقة .
إن من يريد خداع الآخرين يخدع نفسه قبلهم .



-- أقوال مختارة عن الكذب --



قال رسول الله (صلى الله عليه وآله) في حجة الوداع: (قد كثرت علي الكذابة وستكثر،فمن كذب علي متعمدا، فليتبوأ مقعده من النار، فإذا أتاكم الحديث فاعرضوه على كتاب الله وسنتي، فما وافق كتاب الله فخذوا به، وما خالف كتاب الله وسنتي فلا تأخذوا به)(5 احتجاج الطبرسي).


قال تعالى :((إن الله لا يهدي من هو مسرف كذاب))(غافر: 28).
وقال تعالى: ((إنما يفتري الكذب الذين لا يؤمنون بآيات الله، وأولئك هم الكاذبون ))(النحل: 105).
وقال أمير المؤمنين (عليه السلام): ( اعتياد الكذب يورث الفقر)(3 الخصال للصدوق).
وقال (عليه السلام): (كان علي بن الحسين يقول لولده: اتقوا الكذب، الصغير منه والكبير، في كل جد وهزل، فإن الرجل إذا كذب في الصغير، اجترأ على الكبير، أما علمتم أن رسول الله (صلى الله عليه وآله)قال: ما يزال العبد يصدق حتى يكتبه الله صديقا، وما يزال العبد يكذب حتى يكتبه الله كذابا)(1 الكافي).

المصادر :

ويكيبيديا - كذبة أبريل .
الحكمة- الكذب_2
ملاحظة : في مصدر عندي من منتدى اخر ماحبيت اكتب رابطه هنا عشان مايصير مثل الاعلان ..

[yami vergil]

Heartbeat

عدل البنات حساسات حيل وهذا شي طبيعي

اي والله يامي اربع سنوات حاولت اصلح بينهم مرتين وماكو فايدة الله يهديه بس

تصدقين يامي عدل كلامج اهم شي اختيار الوقت المناسب
بس اخاف بعد العرس تقولج ليش ماقلتي لي قبل العرس اكيد الناس ضحكو علي
لو قلتي لي ما اروح ولا اروح وشكلي مو حلو ههههههههههه
رضا الناس غايه لا تدرك
صج صج احيانا مهما فعلنا نظل عندهم غلطانين
وعلى فكرة انا ما استثني نفسي
احيانا اكون مثلهم ازعل هههههههه بس الحمدالله انا ما اطول ارضى بسرعه

مب زيين ماراح تنقبل صلاته @@ و 4 سنين مب شوي >< الله يهديه ان شاء الله
لو سألتي قبل العرس بقول لها بس مشكله... السالفه معقده يعني تكون دافعه فيه مبلغ وتراويني وقول لها مب حلو ؟؟
وماتقدر ترده او تستبدله لانهم بيكونون مضبطينه على مقاسها @@ بس يهون عن لو كان في يوم العرس ماينفع احبطها وعقب العرس
يمكن شوي هاه اقدر ألمح بطريقه ماتزعلها ... والله السالفه معقده XD

تصدقون انا عندي الواحد يصارحني مهما كانت المصارحه قويه وتزعل ولا اني اكتشفت عقب وانصدم
يعني يهون علي ازعل لو الشخص صارحني بشي اكثر من لو اكتشف عقب .. ما احب حد يجاملني
ويحسسني اني ثقيله انا اعتبره كذب ونفاق خصوصا لوحد شايل بخاطره علي في شي وماقال لي
واكتشف عقب من نفسي اتضايق اكثر

لاحظوا ان احنا نربط الكذب والنفاق ببعض في نقاشنا ونخاف ان نعرض نفسنا للاثنين

تصدق موضوع حلو حسن الخلق انا ارشحه يكون موضوع الاسبوع القادم بقوه

نشوف رأي الوزراء لان هم مرتبين حسب الترشيحات XD وانا اضم صوتي معاكم

Nin Revo

تقدر تقول له ان لبسك حلو ومناسب للحدث لكن لو تعدل كذا وكذا قليلا ً بيكون احلى

بتكون ردت فعله في الغالب متجاوبه معاك وراح يأخذ رأيك بعين الاعتبار

ريفو هالشي مانقدر نطبقه مع البنات مستحيل وخصوصا لما في مناسه البنت تشد حيلها فالتعدل لووول
تخيل اقول حق وحده الاكسسوار الي عليج مب لايق مع اللبس @@ من وين بتجيب غيره ؟؟
بس مره كنت مرقعه ولابسه حزام مب وايد لايق مع لبسي بس يمشي ولاني كنت مستعيله ومب فاضيه ادورعدل ومتأخره عالعزيمه
قلت حق بنت خالي احس اني مرقعه والحزام ماله خص قالت لي احسن من انج تخلين مكانه فاضي من غير الحزام
عجبني ردها وفهمت ان لو انه مب مناسب بس احسن من اني البس اللبس من غير حزام ^^ مثل هالردود فيها ذوق وتعبر عن الراي بصراحه
من غير دفاشه

Al Bhed

مصلحة هامة، لا تتحقق إلا به، فقد أجازته الشريعة الإسلامية حينذاك، كإنقاذ المسلم، وتخليصه من القتل أو الأسر، أو صيانة عرضه وكرامته

ياريت حد يعطيني مثال على عالنقطه الي بالاحمر

اللي يثير استيائي وغضبي ،، استعمال كذبة ابريل وانتشارها بكل مكان تروح له وحتى بالمنتديات !

ثقيلة دم وبالنهايه اسمها كذبه يعني حرام -..- واول مره اعرف قصتها تسلم يدج ألبيد ^^

ويعطيج العافيه على كل كلمه ونقطه كتبتيها ^^

[Heartbeat]

مب زيين ماراح تنقبل صلاته @@ و 4 سنين مب شوي >< الله يهديه ان شاء الله

الله يهدي الجميع ان شاء الله , لكن بخصوص لا تقبل صلاته انا اول مرة اسمعها متأكدة منها

لو سألتي قبل العرس بقول لها بس مشكله... السالفه معقده يعني تكون دافعه فيه مبلغ وتراويني وقول لها مب حلو ؟؟
وماتقدر ترده او تستبدله لانهم بيكونون مضبطينه على مقاسها @@ بس يهون عن لو كان في يوم العرس ماينفع احبطها وعقب العرس
يمكن شوي هاه اقدر ألمح بطريقه ماتزعلها ... والله السالفه معقده XD

صج معقدة السالفة هههههههههههههههه
الله يعينكم انتو قبل المناسبه بشهور تستعدون لها وصعب التغيير عدل كلامي ولا غلطان
احنا الامر سهل

تصدقون انا عندي الواحد يصارحني مهما كانت المصارحه قويه وتزعل ولا اني اكتشفت عقب وانصدم
يعني يهون علي ازعل لو الشخص صارحني بشي اكثر من لو اكتشف عقب .. ما احب حد يجاملني
ويحسسني اني ثقيله انا اعتبره كذب ونفاق خصوصا لوحد شايل بخاطره علي في شي وماقال لي
واكتشف عقب من نفسي اتضايق اكثر

فعلاً لما أزعل من صراحة صديق لي أهون من زعلي عليه لأنه أخفى الأمر علي
وفي النهاية حين يصارحني لابد ان استوعب مع الوقت انه اراد مصلحتي حتى لو كانت صراحته ليست في وقتها
بس ان شاء الله ما ازعل اربع سنوات
انا مو متأكد بس يامي انتي تعتبرين المجاملة نفاق
فعلاً لو تفكرين بتأني تجدين أن المجاملة ان كانت في غير محلها تعتبر نفاق

لاحظوا ان احنا نربط الكذب والنفاق ببعض في نقاشنا ونخاف ان نعرض نفسنا للاثنين

يامي في فرق بين النفاق والكذب او الاثنين يقعون بنفس الخانة واقصد النتيجه وهي بالنهاية ان تقول شئ غير الحقيقة

نشوف رأي الوزراء لان هم مرتبين حسب الترشيحات XD وانا اضم صوتي معاكم

أكيد أهم شي الوزراء

ياريت حد يعطيني مثال على عالنقطه الي بالاحمر صيانة عرضه وكرامته

المقصود فيه المحافظة على عرضه وقد تكلمنا عنه سابقا هل نسيتي
وهو ان يسألك احد عن شئ خاص لعائلتك مثلاً وتكذبين حتى لا تبوحي بهذا الامر الخاص
مثلاً عمرك ماسمعتي من يقول اعراض الناس موب لعبة
صيانة العرض هو المحافظة عليه
والعرض هي الام والزوجه والابنه والاخت والخ....
والقصد انه اذا كان قول الحقيقة فيه اسائه للعرض هنا نكذب
والكرامة لا تختلف كثيراً يعني اذا كان قولك للحقيقة ينقص من كرامتك هنا تضطرين للكذب
والله وأعلم

كذبة ابريل الحمدالله عمري ماتعرضت لها ولا طبقتها

[yami vergil]

الله يهدي الجميع ان شاء الله , لكن بخصوص لا تقبل صلاته انا اول مرة اسمعها متأكدة منها

من احنا يهال تقول لنا الوالده ان الي مايكلم اخوه المسلم 3 ايام ماتنقبل صلاته
خليني اشوف دليل ... تدري.. هو مب حرفيا ماتنقبل صلاتك اظاهر قالوها لنا هشكل عشان يبسطون المعلومه
شوف شنو لقيت <<< ثاني مره اكتبهم لان كل الي كتبته انمسح

تعرض الأعمال في كل يوم خميس واثنين . فيغفر الله عز وجل في ذلك اليوم لكل امرئ لا يشرك بالله شيئا . إلا امرأ كانت بينه وبين أخيه شحناء . فيقال : اركوا هذين حتى يصطلحا . اركوا هذين حتى يصطلحا الراوي: أبو هريرة المحدث: مسلم - المصدر: صحيح مسلم - الصفحة أو الرقم: 2565
خلاصة حكم المحدث: صحيح

أربع من كن فيه كان منافقا ، أو كانت فيه خصلة من أربعة كانت فيه خصلة من النفاق حتى يدعها : إذا حدث كذب ، وإذا وعد أخلف ، وإذا عاهد غدر ، وإذا خاصم فجر الراوي: عبدالله بن عمرو بن العاص المحدث: البخاري - المصدر: صحيح البخاري - الصفحة أو الرقم: 2459
خلاصة حكم المحدث: [صحيح]

*خاصم فجر: اي شدد فالخصام وبالغ فيه

لا يحل لمسلم أن يهجر أخاه فوق ثلاث ، فمن هجر فوق ثلاث فمات ، دخل النار الراوي: أبو هريرة المحدث: الألباني - المصدر: صحيح أبي داود - الصفحة أو الرقم: 4914
خلاصة حكم المحدث: صحيح

تاكدت من صحتهم من هالمصدر :
http://www.dorar.net/enc/hadith

وفي غيرهم بس هاي كم مثال بس عرضت @@

صج معقدة السالفة هههههههههههههههه
الله يعينكم انتو قبل المناسبه بشهور تستعدون لها وصعب التغيير عدل كلامي ولا غلطان
احنا الامر سهل

اييه وايد XD
ايه تقريبا قبل بشهر ولا شهرين ^^ << بيكون فيه موضوع عن العروس ان شاء الله لوول
دام احنا بندخل موسم اعراس XD

فعلاً لما أزعل من صراحة صديق لي أهون من زعلي عليه لأنه أخفى الأمر علي
وفي النهاية حين يصارحني لابد ان استوعب مع الوقت انه اراد مصلحتي حتى لو كانت صراحته ليست في وقتها
بس ان شاء الله ما ازعل اربع سنوات
انا مو متأكد بس يامي انتي تعتبرين المجاملة نفاق
فعلاً لو تفكرين بتأني تجدين أن المجاملة ان كانت في غير محلها تعتبر نفاق

ايه في بعض الحالات اعتبرها نفاق مب في اشيا بسيطه مثل لبسي

يامي في فرق بين النفاق والكذب او الاثنين يقعون بنفس الخانة واقصد النتيجه وهي بالنهاية ان تقول شئ غير الحقيقة

صح في فرق بس تقريبا مثل ماقلت يرتبطون ببعض في بعض المواقف
المنافق يكذب فالنهايه ..

مثل هالموقف صج صج اتوهق مثلا انا اتفق مع وحده ان
نطلع مكان وتتصل وحده وتسألني اليوم بتطلعين ؟؟ انا اتوهق.. ادري لو قلت لها ايه بتشتغل
تحقيق وتسأل وين ومع مين ؟؟ ومابيها تيي ويانا مثلا ماتعجبني فالطلعات تتمكيج او ماتتصرف
بركازه شبتسوون لو كنتوا مكاني ؟؟

المقصود فيه المحافظة على عرضه وقد تكلمنا عنه سابقا هل نسيتي
وهو ان يسألك احد عن شئ خاص لعائلتك مثلاً وتكذبين حتى لا تبوحي بهذا الامر الخاص
مثلاً عمرك ماسمعتي من يقول اعراض الناس موب لعبة
صيانة العرض هو المحافظة عليه
والعرض هي الام والزوجه والابنه والاخت والخ....
والقصد انه اذا كان قول الحقيقة فيه اسائه للعرض هنا نكذب
والكرامة لا تختلف كثيراً يعني اذا كان قولك للحقيقة ينقص من كرامتك هنا تضطرين للكذب
والله وأعلم

انا كان في بالي شي ثاني فبغيت اتاكد
جزاك الله خير ^^

[Heartbeat]

من احنا يهال تقول لنا الوالده ان الي مايكلم اخوه المسلم 3 ايام ماتنقبل صلاته
خليني اشوف دليل ... تدري.. هو مب حرفيا ماتنقبل صلاتك اظاهر قالوها لنا هشكل عشان يبسطون المعلومه
شوف شنو لقيت <<< ثاني مره اكتبهم لان كل الي كتبته انمسح

ايه الاهل يا حليلهم يوصلون لنا المعلومه ببساطه من غير تدقيق صعب نفهم فا يقولون لنا من الاخر ترى اذا سويت جذي يصير جذي
ثاني مره تكتبينهم ههههههههههههههههههههههه
كانت تصير معاي وايد عشان جذي لما اكتب واتعب قبل لا اضيف الرد انسخ كل اللي كتبته عشان مارد اعيد كتابتهم
مشكورة على الاحاديث جزاج الله خير

اييه وايد XD
ايه تقريبا قبل بشهر ولا شهرين ^^ << بيكون فيه موضوع عن العروس ان شاء الله لوول
دام احنا بندخل موسم اعراس XD

صج الاعراس لها موسم انا اللي اعرفه واشوفه ان الاعراس بأي وقت عندنا معدى رمضان وايام العيد
موضوع عن العروس لووول
نشوف رأي الوزراء بالموضوع

ايه في بعض الحالات اعتبرها نفاق مب في اشيا بسيطه مثل لبسي

بصراحه يامي انا اشوف والمنطق كذالك يقول , ان النفاق بالنهاية كذب
خليني احاول اسوي مقارنه نثلا شنو النفاق ومتى يكون
يعني اللي اتذكره من قصص الاسلام وعلى ايام الرسول علية الصلاة والسلام
انه وصف المنافقين باللي يدعون الاسلام وهم غير مسلمين وخليني انقل لك حديث شريف يقول

حديث: (( آية المنافق ثلاث: إذا حَدَّث كَذَب , وإذا وعَد أخلف ,وإذا اؤتُمن خان)) ق عن أبي هريرة. وزاد مسلم: (( وإن صام وصلى وزعم أنه مسلم)).

اعتقد ان الحديث واضح الكذب هو نفسه النفاق
الله يهدي الجميع ان شاء الله

مثل هالموقف صج صج اتوهق مثلا انا اتفق مع وحده ان
نطلع مكان وتتصل وحده وتسألني اليوم بتطلعين ؟؟ انا اتوهق.. ادري لو قلت لها ايه بتشتغل
تحقيق وتسأل وين ومع مين ؟؟ ومابيها تيي ويانا مثلا ماتعجبني فالطلعات تتمكيج او ماتتصرف
بركازه شبتسوون لو كنتوا مكاني ؟؟

مصيبه اهني تتوهقين شنو تسوين
انا في مثل هالمواقف اذا اتصل شخص غير مرغوب فيه ما ارد عليه عشان ما اضطر للكذب
واذا رديت عليه وحصل الامر , صراحه وقتها مادري شلون بتصرف اقوله الحقيقة ولا اخفيها واقصد انكر اني بطلع
مصيبه يامي وين مانروح الظروف تجبر الانسان انه يكذب الله يهدينا ان شاء الله
طبعاً انا ما اقصد الكذب الخبيث , اقصد في الحالات اللي ذكرناها

انا كان في بالي شي ثاني فبغيت اتاكد
جزاك الله خير ^^

وإياك ان شاء الله

[Arashi]

يعني لو ليلة العرس سألتني مايصير احبطها وهي مستانسه

أنا قلتها في ويه وحده لأنها بطّت جبدي XD

توقعت اروش تقول لكم قصة وحده كانت ويانا صواريخها عجيبه وشغلها فالكذب
نظيف ماقدرنا نكشفها بسرعه ..

ايه قلت بخليها لليوم...ملحمه هاذي مب قصه XD

انا تضحكني الوحده الي كل ماقلت شي تقول "ايه وانا بعد" شدعوه كل شي عندي او سويته او جربته انتي بعد ؟؟ لووول

عاد هاذي rocket launcher أشكره الجذبه واضحه XD

السلام عليكم ورحمة الله وبركاته ..

مشكوره اراشي على الدعوه << ما بغى يجي

وعليكم السلام ورحمة الله وبركاته
حياك الله...المهم وصلت بالسلامه XP

اما الناس الثانين لازم تجاملهم علشان ما تسلبهم ذوقهم ..

المشكله ساعات تجيني وحده لابسه لبس....يعني مب عدل..ماصخ..عيب >_>
ماقدر أجاملها واقول لها حلو
أقول لها عالاقل "لو أطول كان بيطلع كشخه"

انا بس كنت اذكر الشباب بس مجرد تذكير , انا حاولت اجاوب على اسألتج بس الشباب مشاءالله
ماقصرو فـ قلت ادخل بالنقاش على طول

شكرا لأنك فتحت باب للنقاش
هو الموضوع لازم يكون جذي ^^

شرايكم يكون الموضوع القادم حسن الخلق ؟ ^_^

أوكي لو مجموعه منكم موافقه ^^

بكل كذبة يكذبها يختلق لها كذبة اخرى تناقضها بالتالي يسهل على الناس اكتشافه

يس يس وبقول لكم قصه توضّح هالنقطه (وكل شي متعلّق بالكذب @@)

اللي يثير استيائي وغضبي ،، استعمال كذبة ابريل وانتشارها بكل مكان تروح له وحتى بالمنتديات !

مع الأسف حتى الشكرات الكبيره تسوي هالمقلب السخصيه وتنزل اعلانات كاذبه...يهال >_>

إن من يريد خداع الآخرين يخدع نفسه قبلهم .

أحس ان العجوز هي حماة الحامل اللي يات تشتري البرتقال بعدها XD

نشوف رأي الوزراء لان هم مرتبين حسب الترشيحات XD وانا اضم صوتي معاكم

تونا سفراء لكن هم الوزراء
XD

يامي في فرق بين النفاق والكذب او الاثنين يقعون بنفس الخانة واقصد النتيجه وهي بالنهاية ان تقول شئ غير الحقيقة

هو يعتمد حسب المجامله...في مجاملات ماتضر مثل لما تقول لشخص لبسه حلو (دام هو عاجبه) ولو انه ما عاجبك لكن مافيه مشكله من الناحيه الدينيه
اما لو تجوف واحد لابس شورت قصير فوق الركب هذا مايصير تجامله وتقول له لبسك زين لأن مايصير شرعا الريال يلبس فوق الركب
مثلا @@

نشوف رأي الوزراء بالموضوع

XP
العروس ما حطيناها في التصويت لأن بنطرح الموضوع اول ما الكل يأجّز ^^

مصيبه يامي وين مانروح الظروف تجبر الانسان انه يكذب الله يهدينا ان شاء الله

وفي ناس مرّوا علي...انا ماحب اطلع معاهم ويدرون اني ماحب لأن الطلعات خرابيط ومشاكل وفي اماكن ماتناسبني >_>
ولو عرفوا اني طالعه مع حد يعصبون
أضطر أكذب...لأنهم لو عصبوا يروحون يشحنون ربعي ضدّي...والله لهالدرجه
ويتكلمون فيني
ماقدر أقول اني بستسلم واطلع معاهم...لأنهم مع الاسف يختارون اماكن ما تناسب بنات واوقات غلط هذا غير حركاتهم اللي تلفت النظر
هل أنا هني معذوره؟ >_>

[THE-HELL]

السلام عليكم
عدت لأكمل النقاش معكم ^_^

الحين بسألكم انتوا تقدرون تفرقون بين الكذب والمجامله ؟؟

في الحقيقة المجاملة بشكل عام تعتبر نوع من الكذب لأنك تقول شيء ما ينافي الحقيقة فقط لكي تفرح من امامك
وشخصيا لست خبير في الدين و لا استطيع ان اقول انها حرام او حلال
وفي بعض الاحيان لا بد منها خصوصا اذا كان الشخص الذي امامك حساس
ولو انني شخصيا اكره المجالة و اكره اكثر ان يجاملني شخص ما و لاكن قد يضر الشخص احيانا للمجاملة

ولا حد يسألني سؤال شخصي ومابي هالشخص يعرف .. مثلا سؤال
انتي كم رابتج ؟؟ زين ماحب حد يعرف ويقولون عادي مابنحسدج قولي...
خير >_> وهني اتوهق لاني مابي اقول كيفي ولا ابي اكذب وقط اي رقم

بشكل عام عندما يسألك شخص ما سؤال و لا تريدين الاجابة عنه اكتفي في الابتسامة ثم اسأليه لماذا تريد ان تعرف ؟

ثم حاولي تغير الموضوع
استخدم هذه الطريقة كثيرا

أنا احب الشخص الي يكون صادق معاك و يطلع مشاعره و رأيه تجاهك " لك انت " و بكل صراحة مو يكون كاذب بمشاعره تجاهك و فقط يجامل و يسلك للجميع و يلعب بمشاعرهم و كأنهم اغبياء ما يحسو فيه لأن الأشكال هذه دائما تتعب نفسيا سبحان الله

كلامك سليم مئة في المئة
واتفق معك تماما

بالضبط
وانا كان لي صديقه انقلبت عدوّه
او بالاصح
تركتها نهائيا لأنها مريضه بالكذب

للاسف الكثير من الناس الذين اعرفهم مريضين بالكذب و فعلا اريد ان اتخلص منهم

ولي عودة للتعليق على باقي الردود

[Arashi]

موقف حصل لي أيام الجامعه

اولا: أبطال القصه
اراشي - يامي - كيمي - توما - نينا - تولا <<< هم مختارين هالنك نيمات XD

انا وكيمي عيال عم..دخلنا الجامعه مع بعض سنه اولى في نفس التخصص ونركب نفس السياره
تعرّفنا على نينا توما...وعن طريقهم تعرّفنا على تولا لأنها كانت معاهم في المدرسه

مرّه من المرات كنا انا وتولا نمشي بعد ما أنهينا الامتحان..والباقي كانوا داخل القاعه ما انتهوا
وقعدت تقول لي شلون هي كانت أصلا صديقة توما في الابتدائيه وبعدها تعرّفوا على نينا...وكانت هي شاطره في المدرسه ودايما الاولى..وان عندها معجبات يطاردونها لدرجه ان وحده منهم كتبت لها رسالة تهديد "لو ما حبيتيني بنهي مستقبلج"...والبنت رفضت الرساله فلقت كتبها اليوم الثاني كلها مقطّعه والمشكله انها نهاية السنه وهي ثالث ثانوي @.@
قصه حزينه
وقالت لي شلون هي مشغوله تساعد أبوها عشان يبني بيت يديد (هو متعوّد ياخذ برياها في كل شي)
يعني تعرّفت عليها

المهم...السنه اللي بعدها دخلت يامي الجامعه ومعانا نفس التخصص...وصارت معانا في الشلّه (على أساس ان بنت عمنا ويانا بعد)
عرفنا ان تولا مريضه بالقلب...بس قالت لاتخافون المرض عادي وعايشه حياتها
الحمدلله ^_^
صارت تولا تشتكي انها تتعرّض لمضايقات من معجبات وتحصّل رسايل منهم (جفناها بعيونا)
وتقول انها مب قادره تركّز في دراستها وخايفه تاخذ أقل من A في المواد مثل ما متعوده
قلت لها لاتخافين معاج أراشي لاعبة التكواندو بتحميج << كنت حزام أصفر او اخضر XD

مره من المرات صار سوء تفاهم بين يامي وتوما ونينا وانا دخلت في السالفه...كلّمنا كيمي عشان ناخذ رايها وجفناها واقفه معاهم وماتبّي تتفهّم مشكلة يامي...مافي فايده
خذنا راي تولا وقالت الطرفين غلطانين بس ردة فعلهم كانت too much <<< بمعنى هالكلام يعني
بعدين لاحظنا ان توما ونينا تغيّروا علينا...واحنا بعد ما عوّرنا راسنا ولا سألنا ليش...فابتعدنا عنهم
بنت عمنا طبعا راحت معاهم...نفس الميول و الخ الخ الخ

تولا مشت معانا انا ويامي وكانت ساعات تمر عليهم...تقول انهم شايلين علينا ومايبون يتصالحون
احنا استغربنا..ماصار شي ولا تهاوشنا بس سوء تفاهم بسيط..مايبي له زعل!

بنت عمنا كيمي في السياره تقول لنا ان زعلهم شي طبيعي بعد ما قلتوا عنهم هالكلام الحلو
احنا مستغربين..أي كلام حلو؟ طبعا هي تعيد وتكرر هالجمله لكن مب راضيه تقول ايش "هالكلام الحلو"

بعد مدّه لاحظت ان تولا تحاول تصلح بينا...ومصرّه على هالشي بقوّه لين ماصارت تبكي عشان نتصالح
ليش الاصرار؟ شسالفه؟
اخر شي اعترفت ان مرضها مب شي بسيط...وان الدكاتره اخر مره قالوا لها ان حالتها صعبه وماتقدر تعيش الا تقريبا 7 سنوات...حسب تقديرهم..وهي ماتبي تموت واحنا مفترقين وتبينا كلنا نستانس مع بعض...الخ

هني انا ويامي انصدمنا...شلون جذي؟ @@
طبعا أنا سألت امي هل صج في ناس تعاني من هالاشياء...فقالت ممكن
تبا...وانا مابي أتصالح معاهم أصلا خاصة ان بنت عمي كيمي نرفزتني من كثر ما تغلط علي عشانهم
اليوم الثاني كيمي لاحظت اني متضايقه في السياره وسألتني ليش وقلت لها عن مرض تولا
هي حسّت بالحزن خاصة اني ماحب اسوي شي مجبوره عليه -__-

قلت لتولا استحملي شوي وخلينا نكمّل عادي ونجوف شنو يصير
يوم من الايام صار شي غريب حتى انا لين اليوم مب مصدقته @_@
اتصلت فيني تبّي مره ثانيه تقنعني نتصالح...وقعدت تبكي
انا فجأه انقلبت Dark Arashi وقلت لها ببرود "مابي اتصالح لو شنو يصير"
قالت انها بتموت من التعب والبكاء وانها بتفقد حياتها قبل اتجوفنا متصالحين
عجيبه اني قلت لها "مايهمني حتى لو متّي الحين بسببي...عادي عندي أقتلج"
البنت خافت وبكت زياده..قلت لها "قفلي الخط"

بعدها بكورس تقول لنا تولا انها بتضطر تسافر لخالها اللي عايش في النمسا عشان تتعالج
وبتكمّل دراستها هناك
فرحنا لأن في أمل...ويامي راحت معاها تساعدها عشان تكمّل أوراقها في الجامعه عشان تنتقل
توما ونينا عملوا لها حفلة وداع وحضرت الحفله كيمي وشرت لها هديّه بعد
وسافرت

بقينا انا ويامي...كنا نكلمها عالمسنجر ونسأل عنها وتقول ان كل شي اوكي والجامعه حلوه هناك...عادة كنا نطلع برّع السالفه ونتكلم في أشياء ثانيه وعن جامعتنا

بعد شهر تقريبا تخبّرنا تولا انها بترجع اجازه وتبّي تزورنا في الجامعه
في البدايه فرحنا...لكن..............











قبل عودتها بومين تقريبا تدخل يامي غرفتي وتسألني "أراشي...انتي مقتنعه بأن تولا فعلا كانت في النمسا؟"
قلت لها "يامي؟ ليش بديتي تشكين؟"
قالت "السالفه مب داخله عقلي وفيها غلط"
قلت "تبين الصج؟ انا بعد شوي شاكه بس نطرت احد يوافقني الراي...خلاص..باجر نكلّم كيمي في السياره"

وفتحنا الموضوع مع كيمي

الحين جوفوا ايش صار

قالت "الحين اقتنعتوا؟ انا ادري من قبل انها تكذب"

قلت لها "نعم نعم؟ شلون تدرين؟ وليش ما قلتي؟"

قالت "لأنكم تعاملونها مثل الملاك..وما راح تصدقوني"

قلت " انا عمري ما عاملت حد مثل ملاك ولا كنت ميته عليها...ثانيا مستحيل أكذبج وانا أعرفج من اول ما انولدت...how could you؟"

خذتني كيمي عند بنت عمنا الثانيه (بسميها فيفي XD )

فيفي كانت زميلة تولا في المدرسه وقالت لنا قصتها الحقيقيه...سمعوا العجب العجاب

تولا اصلا كانت فاشله في الدراسه وزين منها تنجح في المواد
مرّه من المرات حسّت تولا بأنها محتاجه للفت النظر...فقامت وقطعت كتبها بيدها..وكتبت رسايل اعجاب بخط يدها ودخّلتهم في درجها عشان توهم البنات ان لها معجبه..البنات والمدرسات عرفوا هالشي واعتبروها حاله مرضيّه...فقاموا وعملوا لها حفلة تكريم (على انها الطالبه المتميزه)
والاخت طارت من الفرحه...وبعد الحفله وقفت عن هالحركات العبيطه >_>"

تفاجأنا من هالشي...ايش هالمرض!
يامي قالت " طيّب وايش سالفة الاوراق اللي ساعدتّها تسويها؟"

تعرفون ايش طلعت هالاوراق؟

أصلا الاخت جايبه F في كذا ماده فطردوها من الجامعه...فراحت تسوي اخلاء طرف
يامي استغربت اكثر وقالت " العجيب اني كنت معاها من مبنى لمبنى ودرت معاها على كل الموظفات...ولا وحده منهم قالت لها شي يدل على انها مطروده...كل اللي كانوا يقولونه لها (الله يوفقج)..."

جوفوا شلون الشيطان يساعدها @@"

قلنا خلاص..نروح نكلّم توما ونينا يمكن تزاعلنا وراه سالفه

وهم اول ما جافونا قالو "انتوا بعد؟ "

هههههه تبا...الكل مخدوع...وتصالحنا وقعدنا نناقش الموضوع ^^

الاخت قايله لهم "اراشي تكره توما لأنها أهانت أهلها ولأنها دايما تسمع أغاني"

تبا لج يا تولا...البنت لا أهانت اهلى ولا شي...وانا أصلا أسمع أغاني مثلها وأبادل وياها سيديات.. شلون اكرهها لهالسبب؟

وانا قلت "تدرون ان تولا قايله انكم ما تبون تكلمونا اصلا؟ "

نعم أيضا طلعت كذابه

الاخت بغت تفصلنا عن بعض عشان تكون هي الوسيط بينا...وكل الاضواء مسلطه عليها

طيّب...كيمي كانت تسمع للطرفين...وعارفه ان كل شي كذب في كذب...ليش ما قالت لنا؟

أعرف السبب لكن الحمدلله الحين كل شي اوكي بينا...كبرنا خلاص خخخ X3

ايضا..طلعت مب هي اللي تساعد أبوها في كل شي...الاعتماد دايما على أختها الكبيره..طلعت الاخت تغار من اختها

وبعد شي...هي أصلا عمرها ما كانت صديقة توما ونينا...هم اللي كانوا أصدقاء من الابتدائيه وهي توها تتعرّف عليهم في الجامعه

تخيّلوا الحظ...هي تكذب على كل وحده فينا في صوب وكل وحده تسمع روايه مختلفه...واحنا عمرنا ما تكملّنا مع بعض عن سوالفها عشان نكتشف التناقض...الظاهر الشيطان يموت فيها >_>

المهم

قلنا بنسوي خطه تأديبيه لها لما ترجع
الاخت اتصلت علينا بعد يومين وقالت انها جايه الجامعه

اوكي قلت لها "حياج الله"

جوفوا المقلب اللذيذ <<< اااااخ كم احب الشر

اول ما دخلت الكافيرتيرا اللي اتفقنا نتقابل فيها...جافتنا انا ويامي وكيمي قاعدين مع توما ونينا عل نفس الطاوله

ههههههههه

واحنا التفتنا عليها في وقت واحد "هااااااااااااااي " <<< تبا للنذاله XP

جوفوا شلون كان ويهها >>>>>

سلّمت علينا وهي على هالحال ولا حتى سألت ليش انتوا مع بعض

قلت لها "ايش رايج في المفاجأه؟"

هي ردت بارتباك ان زين تصالحتوا و و و و و

انا ويامي وكيمي طلعنا لأن السياره وصلت وقعدوا نينا وتوما يسوون معاها تحقيق

توما "شلون النمسا؟"

تولا "برد"

نينا "وين رحتوا؟"

تولا " برد..مارحنا مكان"

توما "اشدعوه كل أجوبتج برد؟ ماسويتوا شي؟"

تولا "ايه من البرد ما قدرنا نسوي شي...والجو مب زين لصحتي"

نينا " عيل شلون كنتي تروحين المستشفى والجامعه؟"

تولا "الدكاتره مارضوا اطلع وايد..فبس كنت أروح هالمكانين"

ملاحظه: الاخت كانت تقول انها بتروح بريطانيا وان بريطانيا شبه جزيره في أوروبا هههههه بعدين جابت طاري النمسا XD

في البيت انا ويامي سألنا أمي عن المستشفى اللي تولا تزعم انها تعالجت فيه...امي تقول اصلا مافي مستشفى بهالاسم في ذيكي المنطقه (أمي زارت النمسا وتعرفها)

طيييييييييّب...ما شبعت انتقام فقمنا نستجوبها عشان تعترف غصب انها كذابه

الاخت تولا من خوفها قامت ترسل لنا مسجات غريبه ان في وحده اسمها مزنه معصبه علينا وتبي تشتكي علينا الشرطه (ما اذكر ايش حجتها بس صارت سالفه بسبب الاستجواب واخترعت هالشخصيه)

والاخت اتصلت فيني عشان تقنعني أوقف حركات الاستجواب لأنها خطر علي

هني قلت خلاص لازم أصارحها وقلت "انتي كذابه من البدايه واحنا كشفناج ...خرّبتي بيني وبين ربعي واستغليتي الفرصه عشان تكونين the center of attention... وعشان انتي اللي يكون لج الفضل ان تصالحنا...قصة مرض القلب كلها كذب في كذب..ولو طلعت صج حلو لو تموتين على يدي ...لكن متأكده انها كذب...واصلا انتي مطروده من الجامعه ولا عمرج جبتي درجات عاليه وقصة النمسا بعد كشفناها لأن أهلي عارفين المنطقه اللي زعمتي انج زرتيها"

الاخت حاولت تقنعني اني غلطانه في حكمي عليها لكني عصبت عليها وقلت لها "بعد تكذبين زياده؟ خلاص مافي فايده اللعبه مكشوفه"

اخيرا اعترفت انها كذابه ومادري ايش قعدت تخربط وتبكي عشان تبرر ووعدت انها بتتغير بس انا ما رضيت أسامحها وقلت لها البكاء ما ينعف معاي قبل ولا بينفع معاي الحين وانها دموع تمساح وانهيت المكالمه

بعدها طرّشت لي مسجات الدنيا عشان تقنعنني انها بتتغير واخر كلام قلت لها "انتي كذبتي علينا سنه ونص وسببتي لنا وايد مشاكل...مستحيل أثق انج بتتغيرين...لو تبين تبتدين حياه يديده صادقي ناس غيرنا ما يعرفون ماضيج لأن احنا مانقدر نثق بوحده كذبت علينا من أوّل ما عرفناها"


وبس...ارتحنا منها

في بعدها تكمله وهي انها ارسلت لنا جاسوسه لكن مب مهمه لأن مالها علاقه بالموضوع


الخلاصه:

-الكذاب دايما يكون محظوظ والكذبه تمشي تمام والادله كلها لصالحه...لكن مرّده رب العالمين يكشفه على حقيقته وبطريقه شنيعه وبعد مايزيد عدد الضحايا...جوفوا ايش كثر يلتمّون الناس ضدّه حزّتها...عادة لما يكذب عند هذا وعند ذاك حتى لو ما بين هالناس علاقه..سبحان الله...رب العالمين يجمع هالناس في بعض وتروي هالسوالف وتكتشف انه كذاب
-الكذاب عادة انسان عنده نقص ما يحمد ربّه عالنعمه ويطمع في المزيد...خاصة لما يكون غيران من اخ او اب او صديق فيقوم يألّف قصص عشان يطلع أحسن منّه جدام الناس
-لاحظوا ان الكذاب عادة يحاول يشابهك في كل شي عشان لا يتركّز محور الحديث عليك: بخلّي تولا مثال ولو اني أعرف غيرها وايد...توما تكتب شعر انجليزي فتقوم تولا تنسخ شعر انجليزي من النت وتنسبه لنفسها...وحده قالت انها تعرف ترقص فتقوم تولا تقول انها تعرف البريك دانس - وحده قالت انها مريضه فتقول تولا فيها القلب....وهكذا
-بتكلّم في الاخير عن أسوأ أنواع الكذب في نظري: الشخص اللي يكذب عليك بمشاعره...شلووووون؟ يعني يقول لك انه يحبك ويعاملك أحسن مايكون وهو في باله انه يكرهك او يبي يستغلّك...وبعد انتهاء المصلحه يقط عليك كلام مثل السم أو يقطّك في موقف لا تحسد عليه وتكون النتيجه صدمه عالاقل...ما أقصد فيه حب بين ولد وبنت طبعا وهذا أسوأ نوع وأسوأ استغلال...لكني أقصد الحب بشكل عام

[Jia]

اوه اوه اراشي ههههههه اهم شيء الخلاصة اهم شيء ههههههههههههه و الله تنكتون ههههه

اهم شيء و احسن شيء ان اللي يغلط يتعلم اكثر من اللي ما يغلط بس العيب انه يستمر في الغلط

,,,المهم جبت لكم معلومة عن الكذب في علم النفس و انشاء الله تكون مفيدة,,,

Pseudologia fantastica هي مصطلح يطبق من قبل الاطباء النفسيين لسلوك أو عادة إلزامية الكذب.

Mythomania هو حالة توجد فيها ميل للكذب والمبالغة المفرطة أو غير الطبيعية

و الحمد لله على كل حال و الحمد لله على نعمة الاسلام الله يديمها علينا و لا يجعلنا ننحرف يارب العالمين...

و مشكورة اراشي على الموقف هههه راح اشوف نفسي ههههههههه الله يقلع ابليسج ههههههههههههههه

[Jia]

اليكم موقف صار لي زمااان ايام الابتدائية

ابطال الموقف : انا و اختي1 و اختي2 و ابنت جارتنا (رقمت اخواتي عشان تفرقو بينهم)ههههههه

كنت في العاشرة من العمر و اختي(1) في الثامنة من العمر و اختي(2) في الرابعة من العمر و ابنت جارتنا في الثامنة من العمر

اخي الكبير دخل غرفته و اغلق الباب باحكام لكن عندما اراد الخروج

من غرفته لم يفتح الباب و حاولنا نفتح الباب لكن للاسف ما فتح

و البيت ما كان فيه ادوات اللازمة بصراحة نسيت اسمها الادوات اللي ما ادري

اضن ادوات النجار عاد كذا امكن نقدر نفتح بها الباب .. فأظطررنا نروح عند

الجيران نستعير من عندهم بعض الادوات عشان نفك الباب و نخرج اخي من غرفته

رحنا انا و اختي(1) نجيب الادوات من عند الجيران وطرقنا الباب و فتحت الباب ابنت جارتنا

و امها و قلنا لهم نبي الادوات (....) عشان نفك باب غرفة النوم مقفل ما فتح و بعدين دخلت جارتنا

تجيب الادوات و بترجع و نحنا انتظرنا عند الباب الجيران و كانت بنت الجارة واقفة عند بابهم وتنظر الينا انا واختي

(و انا كنت ما اطيقها لمشاكلنا احيانا معها زمان) وبعدين سألتنا و قالت ليه تبون الادوات (...) قلت

في نفسي ,,ملقوفة ,,و كادت اختي(1) راح تتكلم وتقول لها كل شيء وان الباب قفل على اخوي و نبي نفتح له الباب و ما فتح

فاسرعت انا و همست في اذن اختي(1) امام ناظري ابنت جارتنا و هي تنظر الينا و انا اهمس في اذن اختي وكنت اقول لاختي

,, لا تخبريها تراها راح تفضحنا و تخلي عايلتها و اخوانها يضحكون على اخوي و يصير اخوي مسخرة الديرة و راح يسونه كأنه جاهل ,,

فسكتت اختي(1) وتركت لي الكلام و.. قلت لها ان اختي(2) الصغيرة (و اللي عمرها اربع سنوات) قلت لها: ان اختي(2) الصغيرة

اقفل عليها باب غرفة النوم و ما فتح و حاولنا نفتحه و ما فتح .. لكن بدون حساب جأت اختي (2)الصغيرة (اللي لفقت عنها )ووقفت بجانب اختي(1)(اللي همست لها)

فقالت لنا بنت جارتنا وبنظرات كذا ,,شوفي هذي اختك طلعت من الغرفة ,,,ساعتها شعرت بالاحراج الشديد فقلت ,,لها راح اشوف امي اذا كانت محتاجة الادوات بعد ولا لأ,,

و هذه كانت الحجة يومها ((يا احراج))

و الفائدة ان الكذب مهما كان حبله قصير

و انه الكذب ممكن يوقع صاحبه بمواقف محرجة و مشاكل اذا ما كان عنده عذر لفعلته

و اذا ما كشف الكذب في الدنيا يكشف في الاخرة حتى لو كان بسيط و في نظرنا بسيط من يدري قد يكون كبير عند الله

و مافي عيب في الاعتراف بالصدق لان الاعتراف بالحق فضيلة

و لكل كذبة يجب ان يكون لها مبرر قوي

و ان نمسك السنتنا من الكذب لان من يكذب مرة واحدة قد يرجع و يكذب مرة اخرى

فإن الكذب يهدي إلى الفجور و الفجور يهدي إلى النار و من يكثر من الكذب يكتب عند الله كاذب

وإن الصدق يهدي إلى البر ، وإن البر يهدي إلى الجنة ، ومن يصدق الصدق دائما ولا يكذب يكتب عند الله صادق

و شكرا اراشي على الموضوع ^^ واتمنى يكون الموقف مفيد للصغار

وفي الختام الله أسال التوفيق لحسن الأخلاق وصلى الله على نبينا محمد وعلى آله وصحبه أجمعين .