عضو جديد
اهلا اخي موكا شوف في لعبة اسمها امل الشعوب موجود فيها القزم وشلته احسن من هذه ومافيها لا ولد بطنها اللي اذنه بالماي ولا شي فيها القزم بنفوذه ومعارفه تجي عندي تصير كفو تكون تحت حمايتي واهم شي قائمة الاصدقاء كلها عندي بنات يعني مفيش بعد انت فكر بالموضوع لو عجبتك روح اخطبها برايي راح تكون خروف بس لكن جرب حظك
الكرزان شنو اخبارك لسه عيونك الجميلة زعلانة مني بخصوص اضبطك للصيد وباقي الاشياء اشوفك تتجاهل القزم كثير فين راح لقبك الوسيم جدا
......................................
عضو مميز
هلا وورشيف
قصدي القزم , شلونك شخبارك طيب ان شاء الله
شنو اخر انجازاتك بالحياه خارج الانترنت , شنو سويت ووين رحت ووين جيت
بشرني عنك
عضو جديد
مافي بشرى حياتي نكره طول النهار تدخين واسهر لوقت متاخر واصحى بنص النهار اخرج ادخن اشوف نباتات الصيف كيف هي وشنو تلبس واسهر ثاني للصبح وكذا يعني نكره بكل ما للكلمة من معنى حياة الكلب بالشارع احسن، عندك نصائحالمشاركة الأصلية كتبت بواسطة Karazhan
......................................
عضو مميز
عندي نصايح
ليش ما تروح البحر تصيد سمك ؟
ليش ما تروح تفتح التلفزيون على قناه فتافيت وتتعلم عمل القطايف لأن رمضان الشهر الجاي , يعني يمديك تحترف الشغله ان بدأت من الحين
ليش ماتروح تركب عطورات و تكتشف عطورات جديده و ترسلي منها
عضو مميز
انا مستغرب من بعض الناس صراحه
ماادري احس مالهم معنى بالحياه او يعني ناس مالهم اي هدف
مثلا
يجي واحد عمره 30 سنه , تقوله تعرف بالكمبيوترات حتى لو معلومات بسيطه ؟ يقولك لأ
تقوله تعرف بالطبخ , يعني مثلا طلعت مخيم او مكان بعدين انت وربعك تعرف تضبط الطبخ ؟ يقولك لأ
تقوله تعرف للسيارات لأن عندي مشكله بسيارتي و ابي اي شخص حتى لو يفتيلي من عنده , تعرف انت ؟ يقولك لأ
تقوله ودي اسافر بس ماادري وين اروح , تعرف بلد جميل , اي بلد مو شرط بلد معين ؟ يقولك لأ
تقوله ابي اصيد سمك وماادري شنو استخدم طعم ولا عده الصيد , تعرف بصيد السمك ؟ يقولك لأ
تقوله ودي اصيد طيور , تعرف بصيد الطيور ؟ يقولك لأ
تقوله عندي مشكله عائليه ولازم اشكي لأحد عل وعسى يشوفلي حل , عندك خبره بالمشاكل العائليه وحلولها ؟ يقولك لأ
تقوله تعرف عن الالعاب ؟ يقولك لأ
تقوله تعرف شي من علوم الدنيا ؟ يقولك لأ
تقوله تعرف بالقانون لأن عندي مشكله وماادري شسوي او وين اروح ؟ يقولك لأ
ناس ماتعرف شي بالدنيا ابد , مايعرف الا يقعد في بيتهم ياكل ويشرب وينام ويشجع ريال مدريد او برشلونه او افرقه ثانيه ماادري شسمهم و دوري ايطالي ودوري انجليزي
بس هذا اللي شاطرين فيه
المشكله انهم يدخلون الانترنت و حياتهم بالانترنت stock مادري اذا الكلمه صح , يعني يدخل ويطلع بدون اي فائده اكتسبها , مايدخل مثلا جوجل يبحث عن علم او موضوع ولا اليوتيوب يشوف معلومات فيه
والمصيبه انهم متروسين بالنت , وتعرفهم بطريقه بسيطه , انهم اكثر ناس ينشبون فيك , يعني تكتب موضوع يكونون معارضه على طول بدون علم و درايه , وبالاخير يكتشف انه كان غلطان وينحاش , اسبوع و اقل بعد تشوفه مناشب واحد ثاني بموضوعه وبالنهايه هم غلطان
تكتب موضوع مثلا تقول
انا افضل جيب تويوتا او نيسان , لأن هالجيبين اشهر جيبين لمنطقتنا و تكاد تكون اعطالهم معدومه , يعني الواحد فيهم يعيش معاك 20 سنه
لو تخيرني بين جيب لاند كروزر او سفاري و بين رنج روفر راح اختار الياباني لأن اقوى واحسن ويعمر اكثر
يطلعلك ابو الشباب هذا طاق الرصيف و جايك مطفي الليت ويقول
انت مع وجهك تقارن السفاري برنج روفر ؟ مجنون انت ؟ صاحي ؟ وين السفاري ووين الرنج
ابك الرنج لو ابيعه اشتري 2 سفاري
تقوله يالحبيب انا مو قصدي ابيعه واشتري بفلوسه , انا اتكلم عن راحته البال و العمر المديد و السيارات اليابانيه معروفه عندنا بطول عمرها , يعني الان تطلع بالشارع تشوف جيبات يابانيه موديلات الثمانينات والتسعينات مافيهم الا العافيه وقاعدين الناس تستعملهم وتروح عليهم كل مكان
اما الرنج روفر صحيح انه فخم وغالي لكن مايصلح , ولو تبحث الان ماتشوف بالشارع لا قديم ولا جديد , لأن الناس تدري انه اعطاله كثيره ومايصلح , وماياخذه الا اللي فلوسه مايدري وين يوديها , و ياخذه يعيش عنده سنتين ويبيعه وماتشوف موديل قديم بالبلد
لا من الثمانينات ولا التسعينات , انقرضوا لأن حتى القديم وان قل سعره ايضا مايصلح لأن ان فتح حلقه مايسكره بعد
يجيك مره ثانيه ويقولك واهو مسكر الدريشه
ابك انت مو صاحي , ابك هذا مركب الملوك , تحط سفاري اللي تقول طراد و لاند كروزر عن الرنج , ابك هذا فخم و راحه و منظر و اغلى من السفاري واللاند كروزر
تقول يابن الحلال انا قلت انه غالي وفخم وكل شي لكن انا اتكلم عن استعمال
يجيك مره ثالثه ويقولك
ابك انت تقارن الياباني بالاوربي ؟ ابك هذا صناعه اوربيه
المهم ان نهايه الموضوع سبيت الشخص هذا وسبيت اهله فوقه و كبر الموضوع و صكوني باند من الموقع
هذا واحد من العينات اللي تعرف انهم حشو دنيا , مالهم اي معنى بالحياه , ولا يفهمون شي ويسوي روحه يفهم و يدخل بأي موضوع ويناشب العال
ملاحظ ان في ناس هني جذي بعد , ماعندهم اي شي ولا حتى هوايه غير ريال مدريد
عضو جديد
صيد السمك احبه وكنت سابقا اروح كل يوم بالصيف
نصائحك يلزمها شي واحد وهو اللي افتقده لسنين رشدي وراحة البال
ردك الثاني طويل واللي يكلمك قزم احس انك قصدتها تسخر ،لي عودة لردك الثاني
......................................
عضو مميز
يااخي انا مسكين
ورب الكعبه مسكين والناس على بالهم اتغشمر
اضحك واجامل غصب ولا هو بودي
والناس تحسبني من الهم خالي
اسمع بس اسمع
الهوى او الكوس كأنه يقول لميحد شلون وصف حبيبتك عشان اعرفها ؟
قاله
لي جيته في المحلي متعلي بين مغيب وجنوب
بتشوف كامل الي بالحلي هو غايه المطلوب
بعدها كأنه يقول لميحد انا كأني عرفته من الوصف لكن وضح اكثر عشان اروح وانا عارفه 100%
قاله
في طلعته لي هلي يخجلي يعزل هوى المحبوب
هو اقمري ويحللي متجلي هيّب على الغيوب
طاع انا منو اكلم
انتوا مال حب انتوا ؟
انتوا مال بليز هيل مي
بليز 1 جولد
خلني اروح منتدى العشاق والرومنسيه ابرك
التعديل الأخير تم بواسطة Karazhan ; 31-05-2014 الساعة 09:27 AM
عضو مميز
السلام عليكم يا محلوه
صارلكم يومين ساكتين مقطوع النت او اهلكم حارمينكم من الانترنت بسبب الامتحانات يا مبزره
عموما
جايكم انقل لكم اخر ماتوصل اليه رفيجي ولد بطنها اللي عروقه بالماي بتجميع الجولد "الذهب يعني"
مو صج , باللعبه اقصد
لو صج انسوا اقول
انا ادري يا حلوين راح تقولون كرزان انت ورفيجك ماعندكم سالفه . احنا عندنا طريقه نطلع 200 جولد باليوم
يجي واحد ثاني يقول كرزان احنا نطلع 500 جولد باليوم
يجي ثالث ويقول اطلع 1000 جولد باليوم
يجي بوحا مسوي روحه الملك ويقول اطلع 5 الاف جولد باليوم وهذا اكبر مبلغ الواحد يطلعه
فأنت ياابو الشباب كم راح تطلع باليوم مع رفيجك اللي عروقه بالماي ؟
راح اقولكم وبكل تواضع , راح اطلع اكثر من ......
تبي تعرف المبلغ ؟ اضغط عالمستطيل تحت
رفيجي ولد بطنها اللي عروقه بالماي يلعب اللعبه ويكتشف اسهل الطرق للمواطن العربي
انتوا 10 سنين تلعبون اللعبه , شنو قدمتوا لأخوانكم العرب ؟ شنو عرفتوا باللعبه ؟ بس تلعبون وخلاص ؟ ماكو انجازات او اكتشافات ؟
شنو العالم هذي اللي ماتستفيد منها شي
المهم عشان ماافصل عليكم , الرجل اكتشف اسهل طريقه تجمع الجولد , والفتره ماتتجاوز اليوم الواحد
يعني من ساعتين الى 20 ساعه وانت خالص
عضو جديد
وش الطريقة ي كرزان لاني بصراحة مطفر
عضو مميز
هلا مافكاناس
عدل اسمك جذي ؟
المهم
انت مبين انك جديد باللعبه و انا اشوف الطريقه هذي ماتصلح لك , لأن تحتاج وقت باللعب وانت يمكن تقعد ساعتين و تطفش وتقول انعل ابو كرزان على الساعه اللي شفت فيها كرزان على الطريقه مالته
عشان جذي مااقدر اقول الطريقه الا للناس الجادين بالموضوع , الناس اللي مستعده تقعد يوم كامل وتشتغل صح وبعدين تقرر بنهايه اليوم
لأني يااخي موفكاس
يااخي اسمك صعب حتى بالنطق مو قادر انطقه
المهم لأني يا اخ فلان كنت واضح وصريح مع الاعضاء والزوار , قلت خلال يوم تطلع 60 الف اقل شي
يعني انا حطيت شرط ان لازم تكون يوم كامل فاضي لطريقتي هذا , مو يقعد اللي يبي يجرب ساعه او ساعتين و يزهق ويمشي يقول طريقتك فاشله , هذا مو الاتفاق
وايضا قلت ان سيرفرك من السيرفرات المليانه ناس , هذي كانت شروطي بالاول و بعدها عاد تروح تشوف تطبق المشروع وان شاء الله تربح
اخوي فلان
انا اجزم بما لا يقتضيه الشك , انك خلال نهايه اليوم بجيبك 10 الاف جولد
ليش انا قلت بالبدايه 60 الف وبعدين قلت 10 الاف
هذا لأني حطيت اسوأ احتمالات , يعني اذا الواحد حظه نحس , يعني مطين بطين اسوأ حظ بالدنيا
راح يطلع مع 10 الاف جولد باليوم
تعرف يعني شنو باليوم , ولا اقدع بوت يطلعلك 10 باليوم
عضو جديد
هههههههههه اول شي اسمي انس ، اسم سهل جدا
وانا موب جديد على اللعبة العب من ايام السبعين بس وقفت اول مانزل cataclysm و رجعت الحين
واذا الطريقة تحتاج يوم كامل اشوفها صعبه لان عندي جامعة ومقدر اللعب اليوم كله .
يعطيك العافية يا كرزان 3>
Iron From Ice
السلاك عليكم ورحمة الله وبركاته
تم فتح قسم جديد في منتديات الالعاب واسمه قصص الالعاب
من يريد تاليف قصة عن هذه اللعبة او اي لعبة اخرى يذهب الى هذا الرابط
http://www.montada.com/forumdisplay.php?f=475
ننتظر ابداعتكم
Iron From Ice
عضو نشيط
يرحم ايام المنتذى هذا
له ذكريات جميلة
كيف حال الشباب ان شاء الله طيبين؟
عضو مميز
اهلا اخي نورت القسم او المنتذى على قولتك
اسمه الحقيقي منتدى وليس منتذى
المهم ماعلينا من صيد البدليات , احنا بخير و عافيه ولله الحمد
والمنتدى على حطه ايدك لكن الشباب يدخلون قطاعي , تكتب مشاركه و ماتحصل رد الا بعد اسبوع او اكثر
هني صاروا يدخلون فجأه وتشوفهم تقول خلاص المنتدى شكله صار مثل اول واحسن , بعد 6 ساعات تشوف ماكو احد و يستمر الى اسبوع او اكثر واحتمال شهر ماتشوف ولا واحد
امر الشباب غريب , مو صاحيين كلش يكفينا الشر , مايدخلون الا يطلبون جولد او مساعده بدنجن او رايد او توقيع على جيلد جديد وبعد ما توقع او تساعده باللي يبي حتى مشكور مايقولك و يمشي
عموما انا بعطيك درس عملي شلون ينحاشون الشباب , يعني يجي يكتب مشاركه وبعدين يختفي
الدرس اهو انت , شوف الحين انت كتبت مشاركه و نحشت و بعد شهر او اكثر بترجع
اقص ايدي اذا ما سويتها , عشان تعرف ان الشباب كلهم جذي مو بس انت
لذلك لازم نعرف المشكله ونبدأ في حلها , قولي شنو مشكلتك ؟ ليش كتبت رد ونحشت
