قهوة WoW .. :P

[CRAZY EVIL]

خطأ مطبعي

المهم تقلي ماحد يشارك والمشكلة انا وكلام فاضي وانا كاتب الرد ذا لي 4 ايام وانت مارديت غير بعدها بيومين, شكله انعديت انت كمان

يلا عوافي

انت مو شسمه ذاك راعي المشاكل ايام زمان Outland اظن اسمه, واكلت بان ورجعت متخفي ؟

[Karazhan]

اي اي انا

بس مادخلت مخفي , صحيح اني اكلت باند محترم لكن سويت عضويه ثانيه و دخلت عادي و اكلت باندات بعدها لين الله اكرمني و انصك المراقب باند وافتكيت منه ومن بانداته

و مو انا راعي المشاكل , بوحا اهو راعي المشاكل و اللي دايم يستغلني و يجرجرني بالكلام لين ازعل واعصب واقعد اتهاوش وانصك باند

يعني اهو يستخدم سياسه التهويش و الانجرار الى الهاويه , بالطريقه هذي قدر يخدعني و يجرني الى الهاويه و بنهايه المطاف انصك باند واهو يقعد يضحك

[CRAZY EVIL]

عنصرية يارجال

اهم شي مافي احد مزعلك ذلحين

[Karazhan]

اي اهو عنصريه عنصريه

المراقب سعودي جداوي و بوحا سعودي جداوي وانا كويتي و مو اي كويتي , كويتي فقير لا ظهر ولا واسطه بالكويت

انسان مسكين بالكويت

لو اني سوري مثلا كان على طول توظفت بالامن السياسي او استخبارات لأن هالوظيفتين يخلونك شيخ

تعرف شنو يعني شيخ , حتى لو كنت من افقر عائله بالبلد تصير شيخ وتستغني و الكل يبي رضاك

وكل ما تصلخ الناس بالتقارير وتقدمهم للمسؤولين كل ما صرت محبوب ومخلص لهم و تترقى الى ان تصير رئيس فرع وبالحاله هذي تمسك المراقب و بوحا و بريداتور و الثالث نسيته بس ببحث عنه وبشوف اسمه شنو وفي غيرهم بعد كم واحد

تستدعيهم للفرع و تاخذ راحتك معاهم

اهم شي تدق محكر فوق سطح الفرع

لكن ماعندنا هالوظايف بالكويت للأسف

المهم انا بروح اسبح وبعدها بروح الدوام

مع السلامه

[Yoshi]

و اكلت باندات بعدها لين الله اكرمني و انصك المراقب باند وافتكيت منه ومن بانداته

المراقب سعودي جداوي و بوحا سعودي جداوي

قسمنبلاه يبي لك بقس انت .. مثل هذا

[Karazhan]

يبن الحلال مو قصدي عنك

انت جداوي ؟ انت رياضي

اقصد المراقبين السابقين ايام بوحا

المهم شلونك يالمخفي شخبارك , لما الحين تدش مخفي يعني نفسي وله شنو

انت وينك حي ميت , بالسعوديه او رحت سوريا ؟

غريب امركم , تقطعون مره وحده و ترجعون مره وحده , انتوا شنو متفقين مع بعض او داشين قروب واتساب و تقررون متى تدخلون ومتى تقطعون

[Karazhan]

نرجع مره ثانيه مع عميد لاعبين العالم واقوى حارس عرفته البشريه

[Warchif]

عدنا والعود أحمد

يمكن تشوفوني كثير هنا بس نبي تفاعل خاصه من حبيبنا يوشي
طبعا كرازان مايحتاج نوصي عليه بس يشوف مشاركاتنا واهو يشغل القنبلة النووية قصدي البطارية النووية ونشوف المعلقات السبع في سبعمية صفحه

[Karazhan]

هلا وورشيف

حمدلله عالسلامه

ليش راح نشوفك كثير ؟ انصكيت باند من الالعاب كلهم بما فيهم البرايف او شنو ؟

[Karazhan]

اهم شي انك ما تتشيحط وتسوي نفسك يعني مجرم , يعني انا القوي و تسوي روحك بطل جدام البنات

اتعضوا

[Warchif]

هلا وغلا بكارا <--- بختصر اسمك من اليوم يعني اسمك صاير كارا

انا شايفك وحداني وتغرد بروحك وتكلم روحك في القسم فقلت في نفسي حرام الرجال شوي ويصير مجنون عبله او انجلينا جولي فقلت لازم التدخل العاجل قبل انفصام الشخصية

بعدين اشتقنا للشباب هنا وتذكرت ايام الحرب الباردة مع زملاء الحرب بوحه وشلته

والحين واو راجعه بقوه فقلت خلنا نحاول نرجع الايام الحلوه للعبه مع الشباب في القسم ونسوي جيلد pvp ورايدات ودناجن
نبيها ترجع أيام الوناسة

ودي اخش باتل جروب والا ارينا معك ومع يوشي نطقطقها شوي

[Karazhan]

ادخل مع يوشي احسن 2v2

انا مااصلحلك لأني فاشل باللعب , اما يوشي حسب مااشوف واسمع انه ملك الدرود و واصل مستوى عالي يمكن 2200

وانا كنت على وشك اني اكتب قصص هني بالقسم عن معاناتي وبداياتي وشلون ان حلمي بالمنتدى اني احصل كل الاوسمه بكل الاقسام والى الان ماحصلت الا شي بسيط

مع اني اعرف شخص اسمه كريس وهذا الشخص بيده الاوسمه لأني الاحظ انه دايم الناس تشكره على الاوسمه فقلت الظاهر ان اهو اللي يعطي , لكن المشكله شنو المشكله انه مايحبني وانا معاه مختلفين بالافكار و دايم ضد بعض

واعرف المدير واللي اهو مثل ماتقول big boss مثل مال ميتل جير جذي , يعني الكل بالكل , بس اهو مايدخل بالامور هذي , يعني مثل ماتقول رئيس دوله و تروحله تقوله ابي بيت حكومه او مزرعه , اهو يقدر لكن يقولك انا حاط وزير اسكان روح قوله واخذ منه

مع انه يقدر بقرار ملكي يعطيك مو ارض تبني عليها بيت , يعطيك منطقه كامله

قطيت نغزات لين قلت بس وماكو فايده , ابي اوسمه المنتدى كلها مع النجوم والنياشين ملات كمال الاجسام

مع اني خوش ولد , ماادري ليش داقين الثقل علي , 5 سنوات متواصل بالمنتدى مايوقفني الا الباند بس , حتى بالركود الاقتصادي يوم ما قام يدخل احد وانا مجابل , هذي جزاتي يعني ؟

حتى بتغيير الاسم ذلوني فيه , ترى رحت قلت بغير اسمي الى MegaLodon و محد عطاني وجه

يارجل انا قاعد اتحارب من الكل الحين , الظاهر والله اعلم اني اصبحت غير مرغوب فيه بالمنتدى بسبب مخالفتي لبعض السياسات والافكار

بشوف نهايتها شنو

[Warchif]

ياكارا

اللعب مو بس فوز وتحدي
احنا نلعب للوناسة والضحك سواء فوز او خساره
هي ليش اسمها لعبه ؟؟

انت محارب لانك إنسان عصامي طموح بس طموحه يهد جبل من الطمع
خف شوي يارجال اقنع بالقليل
قليل دائم خير من كثير زائل

نبي نروح ستورم ويند ونذبح الالينس وننحاش ويلحقونا وانواع المطاقات والإستهبال
ياخي الواحد يلعب عشان ينسى همومه مو في كل حاجة الواحد يكون جاد ويقطع عمره عشان يكون أحسن واول واحد
من تواضع لله رفعه
نبي ناس عندها ذمة مو ذمتها وسيعه
نبي ناس عندها شهامة ونخوة من نذالة وغدر

نبي عهد الأصدقاء يرجع مع رنين رنين يامرحبا بك يا رنين

[Karazhan]

السلام عليكم ورحمه الله وبركاته

اخواني و حبيباتي

كيف حالكم عساكم بخير وصحه وعافيه

اسف طولت عليكم و عليك يا ايها المجاهد البطل المقدام وورشيف

بصراحه وبكل جرأه اقول : انا من النوع اللي مايحب يموت باللعبه , واذا مت في اللعبه اموت قهر بالحقيقه و احيانا تصل الحاله فيني الى خلع ازرار الكيبورد او كسره بالحائط , وقليل جدا تصل الى البكاء

لكن حاليا تم اعطائي باند على اكاونتي الجديد والذي يحوي على 6 حسابات , منهم حساب لم استخدم البوت عليه الا مره واحده فقط , فتم اعطائي باند قوي نسف كل ما بنيته

انا ليش وضعي عادي الان ؟

البعض يتسائل ويقول لماذا لا يولول او يبكي او يشتكي ؟؟

هذا لأني تعودت على الحرمان والقهر , انا انسان مسكين وفقير و من زمان يعني مو من الان , لذلك تعودت ان يحصل معي كل شي سيئ , عمركم شفتوا مسكين وفقير حظه حلو ؟ مستحيل



انا في قلبي كلام كثير جدا , ودي اكتبه لكن اغلب الناس الان يحبون السرعه , يعني مواكبين زمن السرعه , يريدون سطر او سطرين وخلاص وانا مااعرف اكتب سطر او سطرين

عموما يا اخواني و حبيباتي الساده المشاهدون في كل مكان


اعلموا بارك الله فيكم ان كل مايجري من حولكم و في البلدان العربيه والاسلاميه هي مسرحيه كبيره تقوم بها امريكا والصهيونيه العالميه لشرق اوسط جديد

اعلموا بارك الله فيكم ان كل ما تشاهدونه من احداث معداً له و محسوب

وان المطيه التي تركب عليها امريكا والصهيونيه العالميه لتحقيق مخططاتهم في البلدان الاسلاميه هم جماعه الاخوان المسلمين كما يلقبون انفسهم

وانا اقول ليسوا مسلمين بل متأسلمين

يمكن البعض متعاطف معهم كونهم بتوع ربنا كما يقولوا وانهم يلقبون بالمسلمين و ان الذي امامهم علمانيين وغيره

هذا الكلام باطل لا اساس له من الصحه , كل المسلمين الوسطيين ضدهم وانا اولهم , فهل نحن علمانيين

هؤلاء جهله لا يفقهون شي , مخدوعين بالجماعه وانهم هم المسلمين الحقيقيين والباقيين لا

عموما لكي لا اطيل في هذا الامر , ارجوا من الاخوه الحذر من هؤلاء و البحث خلفهم و النظر في تاريخهم لكي تعلموا انهم جماعه اخوان مجرمين متأسلمين


-

اليوم ان شاء الله غدانا لحم و باجر غدانا سمك

باي

[Karazhan]