قهوة WoW .. :P

[Karazhan]

والله مشغول في المنتدى العام

هناك مشاركاتي هالايام

[Karazhan]

في رمضان اللي فات اعاده الله علينا قزرته باليوتيوب

شنو كنت اطالع ؟

كنت اطالع هذا



اغلب المقاطع في روسيا و هذي سلسله طويله من الافلام اللي خلص رمضان وانا ماخلصتهم


لاحظت ان الروس وبصراحه يعني فيهم حمير سواقه , خصوصا بالتقاطعات والاشارات المروريه , تحس مايعرفون شنو بريك "فرامل"

يجي مسرع من جهه و الاخر مسرع من جهه اخرى ولا يعترفون بالفرامل نهائيا

ولاحظت ان اكثر الحوادث اما بسبب سيارات لادا او هي من صنعت الحادث

سيارات لادا مشهوره في روسيا لرخص ثمنها و تعمر معاهم و صنعوها من اجل ان تكون سياره الشعب واللي مايقدر يشتري سياره يشتريها

اشترتها شركه جنرال موتورز الامريكيه الان

كانوا فاتحين عندنا بالكويت فرع و لما قررت اشتريها ورحت للوكاله شفتهم مسكرينها وماقاموا يبيعون السياره

السياره مشهوره في مصر بشكل خاص واغلب الافلام تلاحظونها موجوده



شكلها هذا مو راضي يتغير من بدأت الشركه بصناعتها , لكن بعد شراء جينرال موتورز للشركه قاموا يصنعون سيارات حديثه تواكب التطور , وماادري هل طوروا من هالنوع وغيروا شكله او احتفظوا بشكلها الكلاسيكي

كان سعرها بالكويت قبل ان تقفل الشركه 950 دينار

اللي عنده السياره ومن الكويت يقولي

بشرط تكون جير عادي او كما يقول السعوديين عايدي

مدري صح او خطأ

الجير العادي تسمونه عايدي او سياره عندكم اسمها عايدي ؟ التبس علي الامر

المهم

كل هذي القصه عشان اقولكم اني قزرت رمضان بالمقاطع هذي





والسلام عليكم ورحمه الله وبركاته

[x5alodx]

زهقنا واحنا ننطر الاكسبدشين اليديد

[Karazhan]

ريلاسك اخوي ريلاسك وطول بالك

اهم شي لا تتهور وتقوم بعمل مروع

باقي من الوقت شهرين يمكن وراح يجي ان شاءالله و راح تزهق وتقول متى ينزل الاكسباشنن الجديد لغايه لفل 120

مثل ما كنا ننتظر الايفون 6 والحين نزل والوضع صار طبيعي

[Karazhan]

السلام عليكم ورحمه الله وبركاته

انا شريت من ايباي جهاز رادار يكشف الكاميرات اللي حاطينها وزاره الداخليه عشان يشفطون ما يتبقى من رواتبنا

الحكومه ادامها الله لنا ما تاخذ ضرايب من المواطنين نفس الدول الثانيه , لكن شنو طلعوا ؟

طلعوا اذكى من الدول الثانيه بسحب رواتبنا لكن بطريقه لا تقهر المواطن فيها

يعني الدول الثانيه لما يروح يستلم راتبه يخصمون منه الضرايب واهو يشوف بدون مايكون مسوي مشكله مع الحكومه و يشوف الراتب ينقص الى ان يروح ربعه

احنا لا

تاخذ راتبك كامل , لكن لما تروح تسوي فيزا للخادمه ياخذون منك 30 دينار ولما تطلع عالخط السريع تشوف كاميرات اكثر من عدد الشعب

الكاميرات اللي يسمونهم بالسعوديه ساهر

بوحا يعرفهم لأن دايم على خط عرعر رايح راد

وبنهايه السنه لما تروح تجدد دفتر السياره تشوف عليك 300 دينار مخالفات , ال300 دينار هذي مع رسوم الخدامه و الطوابع عشان تجدد بطاقه وجواز وغيره من معاملات الحكومه تشوف انك دفعت 500 دينار

بس بدون ما يقهرونك لأن يقولك تبي تجديد دفتر سيارتك ادفع لأنك مخالف واذا تبي جواز سفر ادفع

وانت مضطر تدفع

لكن شنو , اللي بالدول الثانيه ويدفعون ضرايب تشوفهم بالسنه يدفعون 200 دينار

يعني الحكومه تاخذ اقل من حكومتنا الرشيده لكن الفرق ان حكومتنا تاخذ برضاك و حكومتهم تاخذ غصب

المهم شريت رادار يكشف الكاميرات و جربته قبل شوي واثبت نجاحه

رحت الخط السريع اللي فيه 3 كاميرات وبعدين اخذت شارع ثاني فيه 3 كاميرات و اكتشفهم , بل اكتشف كاميرات اول مره ادري عنهم كانوا معلقين على الجسور

يعني الحكومه مو بس حاطه الكاميرات المعروفه , لا

حاطين كاميرات مخفيه وبدون فلاش عشان محد يكتشفهم , يعني الحكومه تصير اغبى من الشعب ؟ مايصير

هم حاطين كاميرات ثابته اللي تصورك و تعطيك فلاش مع الصوره , وهذي الكاميرا كل الناس احفظوا مواقعهم , اذا قرب عندها يخفف السرعه ولما يتجاوزها يدوس بنزين

الحكومه الموقره قالت لازم نحلب المواطن واحنا يالحكومه مانقدر نحط كاميرات تلحق السيارات او نقدر نغير مكانهم عشان الناس يتوهقون وين مكان الكاميرا

قالوا نحط كاميرات بدون فلاش و نخفيهم على جسور المشاة او جسور السيارات والاماكن اللي يصعب اكتشافهم و نخليهم يصورون المواطنين

عشان اذا راح يطلع جواز او هويه و نسى يجيب صور احنا يالحكومه يعطيه صور

المهم الجهاز هذا انا ماحبيت انغس فيه ويطلع خرطي فقلت ياولد اشتر ابو 15 دولار والتوصيل 8 دولار و جربه , اذا نفع خله عندك لين يخرب وبعدين اشتر واحد غالي واصلي

اليوم جربته و طلع شغل مرتب , اكتشف الكاميرات و الدوريات اللي ينخش ورى لوحه او شجره ويحط عليك الجهاز اللي مثل المسدس يشوف سرعتك

او يحطون جيب داخله كاميرا و يوقف على جانب الطريق يعني مبنشر ويصور العالم

وطبعا الكاميرات المخفيه , كلهم اكتشفهم


وداعا لمخالفات السرعه

[x5alodx]

ههههههه اتعب عالانجليزي ياريلاكس ؛)

[7koom]

كرزان شو احسن كلاس عندك ؟

[7koom]

كرزان شو احسن كلاس عندك ؟

[Karazhan]

احسن كلاس وكل اكاونت لازم يكون موجود اهو الديث نايت

كلاس مجرم

[Warchif]

اقول كارا

ارسل رابط الرادار حنا مثلك ذبحنا ساهر كل شوي مصورنا وتطلع صورنا زي صورة الجواز او الهوية ماهي عدله ابدا

بس اخاف يصيدونه الجمارك و يطلبوني بعدين تحقيق واصير عدو الشعب والحكومة

[Karazhan]

والله انا نفسك قلت 100% راح يتصادر من الجمارك

وطبعا الموظف الشريف راح يقول حرام هذا اصادره للدوله و ينقط بالمخزن لين يعفن , خل استعلمه و اوفر على نفسي فلوس المخالفات

وايضا قلت راح يتصادر بسبب اني راح اخلي الدوله تفلس

لكن مر بدون مشاكل مع اني توقعت راح يتصلون علي ويقولولي تعال راجعنا ولما اروح يسألوني عنه يقولون شنو هذا

عاد كنت مضبط ترقيعه واقول هذا gps للسياره عشان تحديد المواقع واشبكه على شاشه السياره ويعطيني الخريطه

لكن ربك ستر و ما صار شي , مر مرور الكرام

هذا الرابط , طبعا في انواع غيره كثيره لكن كبدايه قلت بشوف ارخصهم واجرب اذا يدخل للكويت او لأ و واذا مضبوط يصيد الكاميرات او قاصين علي . لكن ولله الحمد دخل و صاد الكاميرات

دخل اقصد دخل الكويت مو شي ثاني

http://www.ebay.com/itm/331197491454...%3AMEBIDX%3AIT

[لوعةالفرقا]

قزم ..
وش إللي ولاعه وديدي وانتي

تراني شنب مثل إللي بصورة مندوب الملك
بس انت عارف الرمزية هذي لزوم الخرفنه


وارشيف زميلي البطل في القصة إللي سردها مندوب الملك
وشخبارك ووين ايامك
صراحه انا اعطيك شهادة الهوردي الاصيل ومختمه من الملك نفسه
طبعا الملك مو انا إللي رحت له تكفل بالختم مندوب الملك حفظة الله ورعاه



على طاري ساهر توه مصورني قبل امس الله يحرق كمراتهم كلها
المشكلة اني عارف انه في ساهر بس المشكلة فهيت ومحسب اني ماشي بالسرعه القانونيه << اتعبتني كلمة قانونيه

شكلي بطلب حبه معك ^^
صراحه انت يامندوب الملك دائما ما تتحفنا بالاشياء الحلوة إللي نطلبها من الخارج
خصوصا الزقارة الالكترونيه تصدق مدري وينها لي سنتين ما استخدمتها

[لوعةالفرقا]

كرازان توني اشوف جزء من المقطع

لاتلومهم في الثلج مايمديك تمسك فرامل نهائيا
حتى شوف الحادث في الدقيقة 4:10 بتلاحظة صمد سيارة واقفه صدمه خفيفة ومع ذلك السيارة دزت كأن فيها احد مشى بها

يارجل كأنك تسوق على صالة تزلج !! لو تمشي 20 صادم يعني صادم

[ahmedwow999]

ضيفوني في الانستقرام وشوفو سيارتي ahmed0alattas

[Karazhan]

السلام عليكم ورحمه الله وبركاته

اخواني واخواتي كيف حالكم ؟

حبيباتي البنات شلونك شخباركم طيبين ؟ لكم وحشه

شلونكم يالربع الله حيا






اول شي انا جربوع

اعترف اني قليل ادب جربوع و مقصر معاكم جدا وهذا والله مو بيدي لو بيدي كان قعدت على قلوبكم

لكن انشغلت حبتين في القسم العام وكنا نتكلم بشكل موسع عن الدوله الاسلاميه و مقطتفات او مقتطفات مدري ايهي الصح

و النقاش يحتاج بحث و تدقيق في الكلام واسناده لمن , ايضا المقاطع اللي استشهدنا فيها تحتاج ايضا التدقيق عليها و معرفه كل المتحدثين في المقطع والبحث عنهم و عن فكرهم والى من ينتمون

اقسم بالله اني اجلس فوق ال3 ساعات بس عشان اكتب مشاركه وحده , ومره من المرات جلست ساعتين بس اكتب جزء من الرد على سؤال واحد

يعني كل وقتي كان هناك , اتنقل بين القسم العام و اليوتيوب وجوجل

الحين خلصت ولله الحمد و ماعندي شغل , بس شنو , اذا انتوا تضلون ساكتين انا بسكت معاكم , يعني تتكلمون اتكلم تسكتون اسكت

او انتوا تبوني اكلم روحي ؟ ترضون يعني انا اكلم روحي ويقولون عني اعداء الملك مثل بوحا و بريداتور و يوفي اني مجنون , اكيد مايرضيكم صح

فأنتوا تكلموا وانا اتكلم . وابشركم بعد , انا الحين ما صرت قرقه , يعني مااتكلم واجد , يعني اللي يكلمني ارد عليه واذا محد كلمني اسكت واكتفي بالمشاهده

و لوعه الفرقا , القائد المجاهد

شفت فلم الحوادث هذا , دقق على المقاطع اللي على التقاطعات و الاشارات , اترك الثلج بس شوف لما واحد يبي يلف ما يطالع وراه , لما توصل اللفه يكسر عليها و يعبط اللي وراه

و في اكثر من شخص يحطون مثل هذي المقاطع و كل شخص يحط سلسله توصل الى اكثر من 350 مقطع

انا قزرت رمضان عليهم

وعندهم سياكل بعد وشاحنات , اللي انت تشوفه السيارات

عموما

انا اخليكم الحين عشان بروح مطعم هندي جباتي و سمبوسه

او اروح حق محمد رفيق مطعم القاهره بسوق الكويت واقوله ها محمد شنو في مطعم طلب

راح يجاوبني