عضو مميز
اتمنى إن مورينهو يسحب كلامه بخصوص إن قفلنا السوق .. بنزيما ما هو المهاجم القناص , بنزيما مهاجم مكمل أكثر من إنه مهاجم صريح
محتاجين قناص إلي تعطيه الكرة و تضمن إن يسجل وبسهولة , رونالدو - هيجوين - بنزيما ماهم قناصين بمعنى الكلمة
و أيضاً خضيرة , اللاعب ما حسيته شريك ممتاز لألونسو بجانب إنه بطئ , و مع قرب خروج لاس , اشوف إن محتاجين محور سريع و مقاتل
شفاني .. أدري صعبة , بس أي أحد ثاني المهم إن ناخذ محور سريع و مقاتل يعوض رحيل لاس , لأن الآخير افتقدته بصراحة في المباراة
•°•╬╬• Crown Clown •╬╬•°•
الرابطه منورها باهلها توكوتشي ^ـــ^
طبعا ابقول نفس كلامكم الريال كان مسيطر على المباراة لاكن ما استغل الفرص اللي جاته
لفهت نظري اليوم كوينتراو الصراحه لاعب جيد وله مستقبل
بالنسبه لبنزيما قدم اليوم افضل مستوياته وحاول اكثر من مره
يالله عاد ان شاء الله تعوضونها في مباراة الاياب وتفوزون عليهم ^ــ^
عضو
المباراة كانت رائعه واول مره من سنتين اطالع الكلاسيكو وانا مرتاح نفسيا
بس لوما اخطاء راموس جان بتكون مثاليه
والحكم ساعدهم في كورة ميسي وما قال لفالديز شي يوم يطيح رونالدو بيده
إن شاء الله نعوض في الاياب وناخذ اللقب على ملعبهم
ملاحظه: نسبة السيطرة على الكرة ريال مدريــد 66% برشلونـة 34%
ولوما دخول شافي في الشوط الثاني جان السيرطه بتكون اكبر بس شافي دخل وعدل وسطهم ونظمه
مراقب عام سابق وعضو مميزنائب رئيس رابطة ريال مدريد
فانتازي ليجيند من فترة طويلة ما شفناك بالرابطة يا هلا فيك مرة ثانية
الله يبارك فيك للاسف ما كانت النتيجة لصالحنا ><"مبروك شباب المستوى .. اول مره من سنين اشوف الريال يمسك مباراة قدام البرشا
الفريق سوا كل شيء ما عدا التسجيل ..
Hard Luck شباب النتيجه وفالكم الفوز في ارضهم ان شاء الله ^__^
و حياك الله بالرابطة ولا تقطعنا
تحليل منطقي كالعادةحرام والله إن فريق يلعب ويشلخ المرمى من التسديدات لكن ما يمتلك ذرة حظ من الفريق إلي أمامه
الهدف الثاني حظ بشكل كبييييير , اللاعب يقطعها تطق برجل ميسي و وفجأة بيبي يزلق و جووووووووول , نتيجة غير عادلة بتاتاً
الحكم .. متحفظ بشكل كبيييييييييييييييييييييييييييييييييييييييير , كان قريب من الكرة و %90 شاف يد فالديز و هي تعرقل رونالدو لكن .. بس واضح إن خايف
دي ماريا بتاتاً ليس بالفورمه , رونالدو أيضاً غايب و نوعاً ما كان أناني في الشوط الأول , أعتقد إن تبديل المراكز بينهم كانت خطوة سلبية , لاحظنا إن دي ماريا كان يلعب أمام البارسا في اليسار
لكن هالمره خلاه يمين , هالشيء ما حبذت إن يصير + رونالدو صاير أقرب للجناح بدلاً عن المهاجم الثاني , وهو شيء مو متعود عليه كثيراً
بنزيما كان رائع , ثقة + تخفيف وزن مع تقوية العضلات أثرت عليه و الحين صاير أخف بكثير , كان ممتاز جداً بصراحة
أوزيل كان أفضل بكثير عن المباريات السابقة أمامهم , تحركاته جيدة جداً , بس كان يفتقد للتوازن أحياناً
شاهين كان بيكون الفارق لو كان متواجد , قهر والله , حرام الإصابة تحرمنا منك , أنتظر عودتك بشغف , راح تبهر العالم إن شاء الله
رونالدو كان اناني وما بين في المباراة لو تم استبداله باحد اللاعبين افضل بس المشكلة انه رونالدو وممكن يعمل الفارق في اي لحظة خصوصا في الكرات الثابتة XD
اوزيل ممتاز جدا في المباراة وتحس بانه بدأ يدخل في الفورمة ^^
دي ماريا كان وجوده مثل عدمه تضييع للفرص لا اكثر
بنزيما كان الافضل في المباراة من وجهة نظري وكوينتراو ينافسه من دخل شعلل الملعب بشكل اكبر ^^
وبالنسةب لاهدافهم فنفس الكلام قلته للي كانوا يطالعون المباراة معاي :P
هذا الي كنت انتظره نسبة الاستحواذ ولا قدرت اشوفها اتوقع ان تم وضعها خلال المباراة لكن وقت وضعها ما كنت منتبه عليها ><المشاركة الأصلية كتبت بواسطة EL Madridsta
المباراة كانت رائعه واول مره من سنتين اطالع الكلاسيكو وانا مرتاح نفسيا
بس لوما اخطاء راموس جان بتكون مثاليه
والحكم ساعدهم في كورة ميسي وما قال لفالديز شي يوم يطيح رونالدو بيده
إن شاء الله نعوض في الاياب وناخذ اللقب على ملعبهم
ملاحظه: نسبة السيطرة على الكرة ريال مدريــد 66% برشلونـة 34%
ولوما دخول شافي في الشوط الثاني جان السيرطه بتكون اكبر بس شافي دخل وعدل وسطهم ونظمه
عضو
^^^^^^
لا ما حطوها في المباراة بس جفتها في النت
اوزيل ممتاز بس في النهاية تعب حتى يوم يدخل هغوين كان يوقف ومافي احد يوصل له الكوره لانه اوزيل تعبان ومو قادر يتحركاوزيل ممتاز جدا في المباراة وتحس بانه بدأ يدخل في الفورمة ^^
دي ماريا كان وجوده مثل عدمه تضييع للفرص لا اكثر
ودي ماريا لو تلاحظ الشوط الاول كان دوره دفاعي اكثر من هجومي
عضو
إعذرونا عالتقصير وخصوصاً الأخ سنيك بسبب الظروف ><
المهم اليوم فالكلاسيكو أشوف شيء نضج فالأداء لكن بعض الثغرات موجودة ولازالت تشكل عقبة
ميسي اليوم الدفاع مسكوه بس لين الحين مايقدرون يمسكونه 100% يعني من كرتين هدفين ؟
بس جهد ممتاز من الدفاع بس الخطأ الي تسبب في الهدف ولا كمجمل 100%
و أما بخصوص بينزيما ماقصر بس الريال ناقصه حظ ، هالريال منحووس اليوم كل كرة يستلمها يبدع إلا صوب المرمى
عالعموم بإنتظار الإياب و إن شاء الله نبدا الموسم ببطولة السوبر
2012
SRT Group
الفريق اذا استمر على هالأداء .. بإذن الله اقل شي نطلع بالدوري والكاس
واذا تخلص الفريق من الخوف ضد الافرقه القويه .. الابطال لنا ان شاء الله
ومادري ليش بعض الناس حاطين على بنزيما واهو يلعب ضد برشلونه .. ومستانسين بقول راؤول ضد فريق توه صاعد وفايزين 5-1 !!
ان شاء الله بالاياب الريال يتخلص من الخوف ويضغط ضد دفاعهم الضعيف .. واهم شي دفاعنا يضبط حاله <_<
رئيس رابطة برشلونة
السلام عليكم
كل عام وانتو بخير
ومباراه جيده من مدريد وسيئه من برشلونه
- برشلونة أنهى المباراة مسيطراً على الكرة ليتفوق على ريال مدريد على ملعبه بفارق ضئيل بنسبة (52) لـ(48) و هذه هي المباراة رقم (184) على التوالي التي يمتلك فيها البلاوجرانا الكرة أكثر من خصومه مع بيب جوارديولا.المباراة كانت رائعه واول مره من سنتين اطالع الكلاسيكو وانا مرتاح نفسيا
بس لوما اخطاء راموس جان بتكون مثاليه
والحكم ساعدهم في كورة ميسي وما قال لفالديز شي يوم يطيح رونالدو بيده
إن شاء الله نعوض في الاياب وناخذ اللقب على ملعبهم
ملاحظه: نسبة السيطرة على الكرة ريال مدريــد 66% برشلونـة 34%
ولوما دخول شافي في الشوط الثاني جان السيرطه بتكون اكبر بس شافي دخل وعدل وسطهم ونظمه
المصدر
Strong heart
من جد احسه استعجل يوم قال قفلنا السوقاتمنى إن مورينهو يسحب كلامه بخصوص إن قفلنا السوق .. بنزيما ما هو المهاجم القناص , بنزيما مهاجم مكمل أكثر من إنه مهاجم صريح
محتاجين قناص إلي تعطيه الكرة و تضمن إن يسجل وبسهولة , رونالدو - هيجوين - بنزيما ماهم قناصين بمعنى الكلمة
و أيضاً خضيرة , اللاعب ما حسيته شريك ممتاز لألونسو بجانب إنه بطئ , و مع قرب خروج لاس , اشوف إن محتاجين محور سريع و مقاتل
شفاني .. أدري صعبة , بس أي أحد ثاني المهم إن ناخذ محور سريع و مقاتل يعوض رحيل لاس , لأن الآخير افتقدته بصراحة في المباراة
تحسه مقفل السوق بدري
لاس المفروض ما يطالع
لان لاس مفيد جدا سريع بالهجمة مرتدة ومقاتل عكس خضيرة الي هو بطيئة بي الهجمة المرتدة
وايضا ما عندنا لاعبين من نوعية محور دفاعي زي لاس و خضير كثير بس هم الي محور دفاعي
وايضا ينقصنا مهاجم قناص يعني انا مو فاهم مورينهو صراحة بهل نقطة من اول ما جا يقول لازم يصير عندنا مهاجم ثالث وبعد جاب اديبايور
وفي سوق انتقالات ما جاب مهاجم قناص يعني ما ادري هل هو قعلا قفل سوق انتقالات هو ما جاب مهاجم قناص وبيكيذا يناقض نفسه مورينهو ولا قاعد
يطبخ صفة على نار هادية احنا ما ندري عنها زي تجديد راموس و بيبي الي الصحافة ما دروا عنها
ما اظن ان الفريق خايف من الفرق القويةواذا تخلص الفريق من الخوف ضد الافرقه القويه
بعني الي يلعب بهل طريقة قدام برشلونة ما اظن تسميه فريق خايف من الفرق القوية
الي ينقص الفريق شيين هما الحط و التركيز
الحظ ما لنا يد فيه
بس التركيز
تركيزهم لازم يكون عالي طوال المباراة مو بس اول 20 دقيقة و 25 دقيقة
يعني والله يا شباب يوم برشلونة جاب عليهم التعادل قلت خلاص لاعبينا راحوا فيها
لان عارف تركيزهم يرحوا فيها ذاك الوقت مو بس قدام برشلونة اول ما احد يجيب علينا هدف تشوف تركيزهم راح فيها
مو اول مره تصير لنا بصراحة زهقت من الحالة هاذي مورينهو لازم يشوف له حل بقصة التركيز هاذي
وايضا بيبي لا يتهور ابدا طوال المباراة وانا حاط قلبي على يدي طوال المباراة خايف انه ينطرد
عضو
لسه العقده موجوده.. بالذات لا أستلم ميسي الكره.. والدليل أن الهجمه الوحيده لميسي جاب منها هدف
مورينهو طور الأداء بالفعل بس الباقي على اللاعبين..
عضو
ضد برشلونه ولا غيره ... لاعب يضيع 3 فرص محققه وتباني اتمدح فيه واجامله ... ناهيك عن ان فالديس مو ذالك الحارس اللي يخوف
وما اعتقد ان فيه اي مقارنه XXXXX بنزيما و الملك راؤول
راؤول كان يهزء برشلونه رايح جاي من يوم عمره 18
وبن زيما عمره 24 وبعده ينتظر فرصه ونصبر عليه لي متى !! موسمين وهو يخبص
.................................................................................................... ...........
وفي آراء تقول ان بنزيما ماهو مهاجم راس حربه ,,,
اذا خلاص انحلت المشكله والحل بسيط : (الريال لا يحتاج لبنزيما)
ليش المجاملات عشان لاعب متوسط الامكانيات اصلاً
التعديل الأخير تم بواسطة ~ Snake ~ ; 16-08-2011 الساعة 03:01 AM
Strong heart
اخوي مو هو الوحيد الي ضيع في المباراةضد برشلونه ولا غيره ... لاعب يضيع 3 فرص محققه وتباني اتمدح فيه واجامله ... ناهيك عن ان فالديس مو ذالك الحارس اللي يخوف
وما اعتقد ان فيه اي مقارنه بين XXXXX بنزيما و الملك راؤول
راؤول كان يهزء برشلونه رايح جاي من يوم عمره 18
وبن زيما عمره 24 وبعده ينتظر فرصه ونصبر عليه لي متى !! موسمين وهو يخبص
.................................................................................................... ...........
وفي آراء تقول ان بنزيما ماهو مهاجم راس حربه ,,,
اذا خلاص انحلت المشكله والحل بسيط : (الريال لا يحتاج لبنزيما)
ليش المجاملات عشان لاعب متوسط الامكانيات اصلاً
هذا رونالدو عمل اكثر من بنزيما و ضيع اكثر من بنزيما و رونالدو فرصة كانت اكثر محققة من بنزيما بس ولا احد جاب منهم هدف
التعديل الأخير تم بواسطة ~ Snake ~ ; 16-08-2011 الساعة 04:11 AM
عضو مميز
بنزيما إذا بتقيسه مع بقية المهاجمين إلي لعبوا المباراة فهو الأفضل بينهم , واضحة السالفة ترى
بعدين شلون تقارن راؤول اب بنزيما؟ , أساساً الفريق مختلف بنسبة كبيرة آنذاك و الحين , وبعدين راؤول من الناشئين و الضغط عليه يوم كان يلعب وهو صغير قليل
والثة فيه من المدرب كانت كبيرة حيل , وهذا إلي كان ينقص بنزيما في أول موسم بالذات , يكفي تشوف منو كان خلف راؤول في الوسط , الحال يختلف الحين
وراؤول مهاجم رأس حربة ( قناص ) , أما بنزيما فهو مهاجم ثاني أو مهاجم 9 و نصف يعني مهاجم مكمل , يعني نفس أنيلكا , دروجبا قناص و أنيلكا مهاجم مكمل له
بالرغم من ذلك قاعد يلعب في مركز رأس الحربة و مقدم أداء طيب , ليش الإنتقاص من إمكانيات بنزيما , ياليت لو تنصفون اللاعبين , كل واحد تعطونه حقه
اللاعب لما يكون سيء نقول عنه سيء و إذا كان جيد نقول عنه جيد
وشنو هم الفرص المحققة إلي تتكلم عنهم؟ , الفرصة إلي شالها ماسكيرانو؟ , أولاً وضعيته ما كانت تسمح إن يسدد بالطريقة الممتازة + تدخل ماسكيرانو السريع و الإنتحاري بنفس الوقت
و كرتين الرأس الأولى ضربت بالأرض و كادت أن تدخل لولا صدة فالديز , وأعتقد إن وهو بيضربها كانت في مضايقة من المدافع فالتركيز ماهو ذاك الزود
والثانية صعبة يسجلها , لسبب بسيط , بنزيما من متى كان ممتاز بالرأس؟ , هو ليس أديبايور أو غيره من اللاعبين المتميزين بالكرات الرأسية , والكرة أساساً كانت محتاجة للاعب مميز بالكرات الرأسية
أنصفوا لاعبين الفريق و عطوا كل واحد حقه .. وعلى فكرة .. هذي أول مباراة رسمية لنا
--------------------------------------------------------------------------
لاحظت في المباراة تخاذل بعض اللاعبين , وهالشيء جداً ما كان طيب
رونالدو و دي ماريا و راموس وبدرجة أقل خضيرة
رونالدو و دي ماريا خذلونا بصراحة , دفاع برشلونة غايب عنه بيكيه و بويول , ورغم ذلك الحبايب غايبين و كلش مو بالفورمه
رونالدو تحسن نوعاً ما بالشوط الثاني لما صار مهاجم ثاني في الكثير من الأحيان
دي ماريا خروجه كان أفضل حل , لأن واضح إن مو مستعد
راموس , هالبني آدم ما يصلح يلعب ظهير أمام برشلونة , من اليوم ورايح المفروض جوزيه يخليه قلب إذا بيلعبه
يتحمل الهدف الأول , معطي المساحة الكافية لفيا للتسديد و عدم تركيزه في بعض الكرات , أحبطني بصراحة
كاكا , كنت متوقع إن يلعب لكن .. أتوقع مورينهو كان خايف تروح عنه المباراة فأدخل كاليخون إلي يقدر يهاجم و يدافع
لكن كنت أفضل دخوله بدال أوزيل في آخر ربع-ثلث ساعة , أوزيل انخفضت لياقته في آخر المباراة , وهذي فرصة لكاكا ليثبت
نفسه , لكن مثل ما قلت , الظاهر المدرب كان خايف تروح منه المباراة .. بس عالأقل يطلع بنزيما و يدخل كاكا بدال هيجوين
ويخلي رونالدو هو المهاجم و ووراه كاكا و أوزيل و الوسط ووراهم كاليخون و كوينتراو و ألونسو
تعديل : نسيت أقول , جمهورنا إلي بالملعب رغم إن كله موجود لكن أبد ماكو تشجيع قوي! , بس لما نسجل نسمع صيحة
هذا شيء مو قاعد أشوفه إلا عندنا , يحبون يطالعون بس ما يشجعون .. جمهورنا ما يخوف للأمانة , لازم يتعدلون
آخخخخخ لو المباراة اب استاذ محمد الحمد بنادي القادسية لوول
التعديل الأخير تم بواسطة ~ Snake ~ ; 16-08-2011 الساعة 04:12 AM
عضو جديد
السلام عليكم ورحمة الله وبركاته
Real Madrid is the team No.1
عضو مميز
وعليكم السلام ورحمة الله وبركاته
هلا ناروتو , وإنت بخير إن شاء الله ^_^
صحيح كلامك , بس العضو المادريديستا تكلم عن الإستحواذ قبل دخول تشافي
حياك الله أخوي
وعليكم السلام ورحمة الله وبركاته
هلا أخوي , حياك معانا بالرابطة , نبي نسمع تحليلاتك ^^
-----------------------------------------------
ولكم باك WLD UAE , و CHaRGeR SRT8 ^___^
ضوابط المشاركة
