|::| مـجـلــس مـنـتـديــات البــلاي سـتـيـشــن |::|

[croove]

كيف بدأت مع الفيدو جيمز بالأساس ؟؟

أذكر أني كتبت رد طويل شويه تكلمت فيه عن بدايتي مع ألعاب الفيديو جيمز بس ما أذكر في أي موضوع حطيته

على العموم بإختصار
لعبت أتاري و بعدين جهاز صخر لفتره قصييرة جداً يعني تقدر تقول أني ما لعبته
ثم الفاميلي و بعدين السيجا و السوبر ننتندو ثم الـ PS1 و PS2

الا اقول ..كيف الواحد يقدر يكتب استعراض <------ ناوي يسوي Preview

ممممممممممممم
من الي أشوفه أنك تكتب رأيك من الصور و عروض الي شفتها للعبة
يعني توضح الأشياء و المميزات الي لاحظتها من العرض و الصور و تذكر كم معلومه عن القصة و الشخصيات
و تذكر معلومات بسيطة عن اللعبة مثلاً موعد نزول اللعبة و الشركة الي عملت هذي اللعبة و . . . . . . إلخ

أو أنك تكتب عن الـ Demo لهذي اللعبة (طبعاً لازم تلعب الـ Demo حتى تكتب رأيك عنها)
و تتكلم عن طريقة اللعب و شو شعورك بعد تجربه الـ Demo و تكتب عن بعض الأشياء الثانية الي حصلتها في الـ Demo

يعني أعتقد أن هذا يعتبر Preview للعبة إذا كتبت رأيك عن الصور و العروض أو من الـ Demo

[~ SoKo ~]

أذكر أني كتبت رد طويل شويه تكلمت فيه عن بدايتي مع ألعاب الفيديو جيمز بس ما أذكر في أي موضوع حطيته

في المجلس الأول أعتقد ..

"SuIkOdEn"

[THE Kojima]

هلا شباب...كيفكم؟ و كيف المنتدى هذه الأيام؟؟ للأسف أنا ما اقدر ادخل بشكل منتظم لمدة أسبوعين تقريباً لأني ما زلت مسافر...بس باحاول اتواصل معكم و اشوف جديد المنتدى بإذن الله تعالى..و خلوني اقرأ على ايش تتكلموا ذلحين علشان اشارك معكم

[~ SoKo ~]

هلا شباب...كيفكم؟ و كيف المنتدى هذه الأيام؟؟ للأسف أنا ما اقدر ادخل بشكل منتظم لمدة أسبوعين تقريباً لأني ما زلت مسافر...بس باحاول اتواصل معكم و اشوف جديد المنتدى بإذن الله تعالى..و خلوني اقرأ على ايش تتكلموا ذلحين علشان اشارك معكم

الحمد الله .. انت كيفك .. المنتدى الحمد لله .. و ان شاء الله ترجع بالسلامة .. .. حاليًا نتكلم عن بدايتنا مع العاب الفيديو .. ..

"SuIkOdEn"

[N E O]

أول شي مبرووووك روكي على التوقيع

كيف بدأت مع الفيدو جيمز بالأساس ؟؟

كتبت رد طويل في المجلس الأول

أقولك بإختصار

صخر>>> فاميلي>>>سيجا>>>snes>>>جيم بوي عادي>>>جيم بوي ملون>>>ps1>>>جيم بوي ادفانس>>>ps2>>>بلاي ستيشن 3

هلا شباب...كيفكم؟ و كيف المنتدى هذه الأيام؟؟ للأسف أنا ما اقدر ادخل بشكل منتظم لمدة أسبوعين تقريباً لأني ما زلت مسافر...بس باحاول اتواصل معكم و اشوف جديد المنتدى بإذن الله تعالى..و خلوني اقرأ على ايش تتكلموا ذلحين علشان اشارك معكم

اهلاً calgary...الف مبروووك على الفوز في المسابقة ....المنتدي يسلم عليك ...ترجع بالسلامة

[~ SoKo ~]

اهلاً calgary...الف مبروووك على الفوز في المسابقة ....المنتدي يسلم عليك ...ترجع بالسلامة

نسيت اباركلكم في المجلس .. .. الف الف مبرووك لدراجون و كالجاري و البقية ..

"SuIkOdEn"

[JAK]

مبروك (((SuIkOdEn))) على الفوز فالمسابقه تستاهل والله ...

[~ SoKo ~]

مبروك (((SuIkOdEn))) على الفوز فالمسابقه تستاهل والله ...

الله يبارك فيك ..

خخخخخ ردودي كثيرة في المجلس .. أخاف يشوتوني .. بجمّع الكلام و بقوله مرة وحده

"SuIkOdEn"

[PaPEr Cut]

بدايتي مع الفيديو جيمز كانت مع الأتاري .. فاميلي .. سيغا .. نينتيندو .. بلاي ستيشن .. بلاي ستيشن 2 + بي سي + جيم بوي ..

هلا شباب...كيفكم؟ و كيف المنتدى هذه الأيام؟؟ للأسف أنا ما اقدر ادخل بشكل منتظم لمدة أسبوعين تقريباً لأني ما زلت مسافر...بس باحاول اتواصل معكم و اشوف جديد المنتدى بإذن الله تعالى..و خلوني اقرأ على ايش تتكلموا ذلحين علشان اشارك معكم

أهلين calgary .. الجميع بخير إن شاء الله دامك بخير ، وبإنتظار عودتك للمنتدى ..

[Mr_Gamer]

السلام عليكم ياشباب

كيف حالكم
وكيف المنتدى معاكم

واسف على المدة اللي غبت فيها لكن وش اسوي غصب عني

وان شاء راح تعود مشاركاتي ومواضيعي من الغد


ومبروك ايضا للفائزين في المسابقة

اخوكم the mystery

[THE ROCK IS THE BEST EVER]

كيف بدأت مع الفيدو جيمز بالأساس ؟؟

كتبت رد مختصر في المجلس القديم

المهم لعبت الفاملي و بعدين صار عندي السوبر نتندو 64 لعبت اللعبة ماريو الي تجمع النجوم ما عجبتني كثير

بعدين صار عندي الدريم كاست اللعبة الوحيد على الجهاز الي طايرت مخي هي شون مو هاذي اللعبة رهيبة جدا

وطبعا كان عندي البلاستيشين تو قبل هاذي الاجهزة كلها لعبت عليه مدة طويلة بعدين اخترب الهارد ديسك شريت

البلاستيشين تو جديد (الواحد ما يقدر يعيش بدون سوني ) وحتى الان هو معي يشتغل تمام

وبس هاذي قصتي بختصار شديد

أول شي مبرووووك روكي على التوقيع

الله يبارك فيكم

المشاركة الأصلية بواسطة calgary_dude
هلا شباب...كيفكم؟ و كيف المنتدى هذه الأيام؟؟ للأسف أنا ما اقدر ادخل بشكل منتظم لمدة أسبوعين تقريباً لأني ما زلت مسافر...بس باحاول اتواصل معكم و اشوف جديد المنتدى بإذن الله تعالى..و خلوني اقرأ على ايش تتكلموا ذلحين علشان اشارك معكم

هلا وغلا بقاري دود

كيف الحال عسك طيب

لا تطوال الغيبة مره ثانية

ومبروك الفوز بالمسابقة

السلام عليكم ياشباب

كيف حالكم
وكيف المنتدى معاكم

واسف على المدة اللي غبت فيها لكن وش اسوي غصب عني

وان شاء راح تعود مشاركاتي ومواضيعي من الغد


ومبروك ايضا للفائزين في المسابقة

اخوكم the mystery

الجميع بخير الحمد الله

اهم شيء انت كيفك عساك بخير ؟؟؟؟

لا تطوا الغيبة مره ثانية

[AbuElresh]

ماشاءالله تبارك الله .. أنا ما غبت غير كم ساعة مو يوم .. ألقى المجلس كذا صار ..
شكلكم بتحطوا حركم كله في المجلس قبل الدراسة .. المهم ابدأ بالردود ..

اقول شباب وش رايك بالتوقيع الجديد

روعة التوقيع ROCKY ..

إجابتي في المرفقـات .. أحس انها غلط ..
عموما .. إذا صارت غلط .. جاملني وقل انها صح

هي للأسف Lasto جوابك غلط .. لكن عشانك الاجابة صحيحة 0% ..

الجواب في المرفق .. مني متأكدة

أخيراً ظهرت الإجابة الصحيحة ..

..

عليــه العـوض ومنه العــوض .. كل هذي ردود !!
حتى مسابقة أبو الريش مالحقت أجاوب عليها (ولو أن الصورة الأولى كانت الأسهل ) ..

شايف كيف .. إذا غبت عنهم لحظات بتلاقي صفحتين اتملت وبيكملوا الصفحة اللي بعدها .. عموماً انتظر المسابقة الخامسة ووريني شطارتك ..

كيف بدأت مع الفيدو جيمز بالأساس ؟؟

بدايتي كانت مع الأتاري وكمبيوتر صخر أو الـMSX2 .. وطبعا كانت عندي ميتل جير لكن وقتها كان عمري على ما اذكر 6 او 7 سنوات .. يعني ما كنت أعرف وش هي ميتل جير هذه المهم انها لعبة مثل بقية الالعاب .. بعدها كمبيوتر العائلة في المرحلة الأخيرة من الإبتدائية .. بعدها سيجا وسوبر نينتيندو في المتوسطة .. في أول ثانوي البلاي ستيشن الأول .. وفي أول سنة في الكلية البلاي ستيشن الثاني .. كان عام 2000م يوم ما انساه .. شريته بأول مكافأة أستلمها من الكلية .. بعدها الاكس بوكس والكيوب والبلاي ستيشن Slim .. وأخيراً وليس آخراً الـPSP .. هذه كانت بدايتي باختصار وصولاُ إلى آخر شيء ..

هلا شباب...كيفكم؟ و كيف المنتدى هذه الأيام؟؟

هلا أبوعابد .. والله لك وحشة .. حنا الحمدلله بخير وكلنا منتظرين عودتك بالسلامة ..

واسف على المدة اللي غبت فيها لكن وش اسوي غصب عني

أخيرا ظهرت يا مستكشف .. نورت المجلس الجديد والله .. ننتظر مشاركاتك حبيبي .. وانتظر المسابقة الخامسة ..

مع أرقى التحيات,,,

[N E O]

السلام عليكم ياشباب

كيف حالكم
وكيف المنتدى معاكم

واسف على المدة اللي غبت فيها لكن وش اسوي غصب عني

وان شاء راح تعود مشاركاتي ومواضيعي من الغد


ومبروك ايضا للفائزين في المسابقة

اخوكم the mystery

حمد لله على السلامة ...المنتدى يسأل عنك ...ورينا همتك

--------------------

First person shooter is thr best ever

أمس سويت معجزة وختمت لعبتين تصويب في نفس اليوم

Deltaforce: black hawk down<<< نهايتها سخيفة

Dark watch<<< فيها نهايتين

[THE ROCK IS THE BEST EVER]

First person shooter is thr best ever

أمس سويت معجزة وختمت لعبتين تصويب في نفس اليوم

Deltaforce: black hawk down<<< نهايتها سخيفة

Dark watch<<< فيها نهايتين

لو يسمعك بيبير كيت كان طار من الفرح

[Arnegrim]

Dark watch<<< فيها نهايتين

سمعت وايد عن هاذي اللعبة

هل هي أر بي جي؟ ولا أكشن ولا مغامرات؟ و اللعبة حلوة؟

[F I N A L]

هلا شبااااااااب ..^____^

غبت عنكم كم يوم لاني عندي ان شغالات ..

كيفكم .. ^___________^








اوه صح نسيت نزلت لكم موضوع يحمسكم .. تفضلو هنا

http://montada.com/showthread.php?t=408868

[AbuElresh]

المسابقة الخامسة:

أشوف أجوبتكم ..

على فكرة شبيبة .. المسلسل راح يتأجل للأسبوع القادم إن شاءالله بسبب ظروف السفر يللي عندي .. اليوم إن شاءالله راح أحط لكم بعض نقاط هذا المسلسل وشخصياته ..
Lasto إنت وROCKY بكرة راح أقلع من المطار الساعة 10 صباحاً .. جهزوا القهوة ..

فاينل .. موضوعك ألحين بشوفه ..
مع أرقى التحيات,,,

[THE ROCK IS THE BEST EVER]

سمعت وايد عن هاذي اللعبة

هل هي أر بي جي؟ ولا أكشن ولا مغامرات؟ و اللعبة حلوة؟

نوع اللعبة First person shooter

بالنسبة ان اللعبة حلوه والله ما لعبت اللعبة

ما اقدر افيدك في هل ناحية اسف

[The Last Fantasy]

كيف بدأت مع الفيدو جيمز بالأساس ؟؟

في المجلس القديم حطيت رد طويل عريض .. ..
باختصـار :
العائلـة --> صخـر --> سوبر ننتندو --> سيجا ميجا درايف --> بلاي ستيشن 1 --> جيم بوي --> بلاي ستيشن 2 .. وقريبا إما PSP أو DS ..

calgary_dude
في انتظــار عودتكـ .. ومبروكـ فوزك في المسابقـة .. تستاهلهـا ..

the mystery
ولكــم بـــاكـ ميستيري .. ..

F I N A L
موضوعك إبداع واللـه .. بكل ما تحمله الكلمة من معـاني .. ..

AbuElresh
صعبــة >< .. المشكلـة كل لاعب يشوف جهة .. خخخ .. متخلّفين .. راح ألقاها يعني ألقاها ..
تروح وتجـي بالسلامة .. والله البيت بيتك .. حيّـاك في أي وقت ..

[Arnegrim]

نوع اللعبة First person shooter

بالنسبة ان اللعبة حلوه والله ما لعبت اللعبة

ما اقدر افيدك في هل ناحية اسف

شكرا على التوضيح ^_^
كنت أتحسبها أر بي جي أو تشبة بوكيمون

[Austin 3:16]

السلام عليكم ...

اخي ابو الريش ..شف في المرفقات الحل ...انا اعتقد ان الكرة خارج الملعب ..واضح من وقفة اللاعبين ..

[THE Kojima]

لا ستو, ورقة المنتدى, ذا روك, علاء, و كل اللي رد على كلامي اليوم الصبح:
الله يبارك فيكم شباب..و مبروك عليك يا سويكودن..و باحاول أني أتابع أخبار
ا لمنتدى أول بأول إلى أن أعود إن شاء الله..

و بالنسبة لبدايتي مع عالم الألعاب..و لو أنه سؤال مكرر لكني باقول لكم
المختصر المفيد: جهاز الـ NINTENDO NES و بالتحديد ماريو 1 كانت
بدايتي...و من ثم الأتاري..و من ثم السيجا ميجا درايف مع سلسلة
سونيك 2 و العائلة..و تعرفت على الـبلايستيشن لاحقاً و كانت تيكن 1 و
ريزدنت أيفل 1 من أوائل الألعاب التي لعبتها على الجهاز..

[The Shadow]

السلام عليكم شلونكم

بس بغيت اقول لكم شرايكم بالتوقيع

ذا روك غيرة وغيرة شوارانا !!

المبدع لاستو سواة لي ماقصر وعطاني هديه بعد صورة شخصية

ماقصرت اخوي لاستو

[N E O]

لو يسمعك بيبير كيت كان طار من الفرح

سمعت وايد عن هاذي اللعبة

هل هي أر بي جي؟ ولا أكشن ولا مغامرات؟ و اللعبة حلوة؟

كنت أتحسبها أر بي جي أو تشبة بوكيمون

اقول ارنيجرم لا تطنز على اللعبة... تراها بتخوّف وتصنيفها 17+ ...بعدين ما بتنام في الليل "Kidding"

------------------

علاء...جوابي في المرفقات...نشوفك على خير حبيبي وان شاء الله تروح وترجع بالسلامة

------------------

Final...اخيراً حطيت الموضوع ...بروح اشوفه

------------------

بس بغيت اقول لكم شرايكم بالتوقيع

انا اقول وين شايف استايل التواقيع

اتاريه لاستو ....توقيع كووول...واللي سواه كووول...واللي حاطنه كووول بعد

[Loewe]

أبدأ بمراجعة .. القصة .. اسلوب اللعب .. الرسوم و الاصوات
.. تقييمك الشخصي .. و انتهى الامر << طبعًا هذا بشكل مختصر .. الله يبارك في الهروب العظيم موضوعه فادنا جميعًا

.. اما بالنسبة للاستعراض أحس انه يتطلب جمع المعلومات الدقيقة اللي ما تعرفها ..
ا المراجعة تقدر تكتبها بنفسك و ما تستعين الا بالصور ..

"SuIkOdEn"

لول .. مراجعة أهون على الاقل اكون لعبت باللعبة ..
لكن استعراض ؟ للعبة ولا حتى اي موقع وضع لها استعراض و عندي معلومات عنها و لكن مو قادر ارتبهم في نص مناسب.. ..وشكراً على المحاولة سكوديون..

[color=darkgreen]
ممممممممممممم
من الي أشوفه أنك تكتب رأيك من الصور و عروض الي شفتها للعبة
يعني توضح الأشياء و المميزات الي لاحظتها من العرض و الصور و تذكر كم معلومه عن القصة و الشخصيات
و تذكر معلومات بسيطة عن اللعبة مثلاً موعد نزول اللعبة و الشركة الي عملت هذي اللعبة و . . . . . . إلخ

أو أنك تكتب عن الـ Demo لهذي اللعبة (طبعاً لازم تلعب الـ Demo حتى تكتب رأيك عنها)
و تتكلم عن طريقة اللعب و شو شعورك بعد تجربه الـ Demo و تكتب عن بعض الأشياء الثانية الي حصلتها في الـ Demo

يعني أعتقد أن هذا يعتبر Preview للعبة إذا كتبت رأيك عن الصور و العروض أو من الـ Demo

كلامك منطقي لكن .. انا مالعبت بالديمو ولا نزل للعبة , اما فكرة اني اكتب عن العرض همممم فكرة ممتازة جداً .. أعتقد انك عطيتني فكرة جديدة جداً لـ عمل Preview شكراً croove , وانتظروا الـ Preview حقي راح يدهشكم ..

[AbuElresh]

راح ألقاها يعني ألقاها

هيا شد حيلك .. لأن Austin و.D.S أجوبتهم غلط .. صارت الحين بثمان إحتمالات ..

هذه الصورة الجديدة بعد التعديل ..

مع أرقى التحيات,,,

[Loewe]

أول مره اشارك في المسابقة ..
هذا تخميني ان شاء الله يكون صحيح

[The Last Fantasy]

المبدع لاستو سواة لي ماقصر وعطاني هديه بعد صورة شخصية

ماقصرت اخوي لاستو

تستاهل كل خير أخوي ..

انا اقول وين شايف استايل التواقيع

اتاريه لاستو ....توقيع كووول...واللي سواه كووول...واللي حاطنه كووول بعد

نياهاهاهاها <-- تأثير الوسكي ..

هذا تخميني ان شاء الله يكون صحيح

جيت بأرفع إجابتني في المرفقات لقيتك حطيت نفس الحل اللي كنت بأحطه ..
عاد إن شاء الله تطلع صح عليــك

[AbuElresh]

الكنوز الثلاثة وحرب الزعماء

مسلسل مجلس منتدى البلاي ستيشن

مسلسل أكشين خيالي .. يغلب عليه طابع الإثارة والتشويق .. بالإضافة إلى لمسة كوميدية ..

النقاط الرئيسية في هذا المسلسل:

1/ هدف المسلسل هو للتسلية والترفيه والدخول إلى عالم الخيال من خلاله.

2/ المسلسل بعيد كل البعد عن البلاي ستيشن وألعابه بشكل خاص وعن الكمبيوترات بشكل عام .. إلا في القليل القليل.

3/ المسلسل كاتب منه 25 حلقة إلى الآن ولم أنتهي منه .. وبدأت أرتب لأفكار الجزء الثاني ولم يبقى سوى شخصيات جديدة.

4/ كل حلقة من حلقات المسلسل تعادل ما يقارب صفحتين من الورد .. لذلك راح أرفقها بالمرفقات لعدم أخذ مساحة كبيرة في المجلس.

5/ سوف تكون هناك حلقتين كل أسبوع (كل يوم أربعاء وخميس) بسبب غقتراب موعد المدارس والجامعات .. وسأضع أول حلقتين الأسبوع القادم إن شاءالله.

6/ قصة المسلسل كتبتها باللغة العربية الفصحى .. بينما حوار الشخصيات باللهجة العامية وذلك لإضافة اللمسة الكوميدية وعدم الشعور بالملل.

7/ المسلسل من أكبر القصص التي كتبتها .. إذا لم يلاقي إقبالاً عليه من بعد الحلقتين الأولى والثانية سيتم إيقافه .. أو في حالة عدم قبول المراقبين له .. وسيكون المجلس هو نقطة الوصل بينكم وبين المسلسل لأنه أبطاله من هذا المجلس .. أيضاً ستكون مشاركاتنا عن المواضيع المطروحة وعدم احتكارها في المسلسل فقط.

8/ ستكون الكتابات ملونة في هذا المسلسل .. وسيكون ترتبها على النحو التالي:

اللون الأسود = كاتب القصة.

(اللون الأخضر) = تعليق أو إضافة.

اللون الأحمر = الشخصيات الرئيسية.

اللون البني = الشخصيات الفرعية.

اللون الأزرق = حوار الشخصيات.

9/ سوف تصل إلى شخصيات المسلسل رسائل خاصة تعلمه بوجوده في هذا المجلس.

10/ شخصيات المسلسل مأخودة من المجلس السابق .. وتحديداً من الصفحة 30 إلى الصفة 37 .. بالإضافة إلى الأعضاء المشاركون في المجلس بكثرة.

11/ المهن الموجودة (تنازلياً):

زعيم - مسئول - مستشار - جندي مسئول - جندي مشرف - مشرف - جندي.

الرتب الموجودة (تنازلياً):

قائد - مساعد أول - مساعد ثاني - مساعد.

12/ سيتم اختصار الأسماء الطويلة لبعض الأعضاء في المسلسل إلا في حالة التعريف.

أخيراً وليس آخراً .. كشف الستار عن أبطال ونجوم المسلسل:

The Last Fantasy

@عاشقPS2@

Squall 9

Soliden

PaPEr Cut

hussien-11

JAK

calgary_dude

BIG-M

Austin 3:16

*روجينا*

عبرات الزمن

DRAGON SLAYER

(((SuIkOdEn)))

Frank Jeager

Arnegrim

p.t.m.p

UaEeVIL

THE ROCK IS THE BESTE EVER

LEON

§Angemon§

F I N A L

AbuElresh

zero 159

croove

اعذروني إذا لم تكن الأسماء صحيحة .. هذا كل ما لدي الآن .. انتظروني الأسبوع القادم لنبدأ أولى الحلقات من هذا المسلسل .. وتقبلوا أسفي واعتذاري على الإطالة ..

مع أرقى التحيات,,,

[THE ROCK IS THE BEST EVER]

مشكور اخوي ابو الريش على التقديم الحلو لمسلسل

مشاء الله جميع شلة منتدى البلاستيشين موجودة

THE ROCK IS THE BESTE EVER

واسمي منور بينهم

[Austin 3:16]

باعتقادي ان حل Az'Sky هو الصحيح ..لاني كنت ابختاره اذا طلع حلي السابق غلط ..لاني الحين اعتقد ان الكرة خارج الملعب ..


ويابو الريش نحن في انتظار قصتك على احر من الجمر في الصحراء ...

[N E O]

نياهاهاهاها <-- تأثير الوسكي ..

شششششش...التزم الصمت...بلاش فضايح خلنا مستورين

الكنوز الثلاثة وحرب الزعماء
مسلسل مجلس منتدى البلاي ستيشن

ان شاء الله تكون ناجحة...اهم شي كل الأعضاء فيها...بالتوفيق علاء

[The Shadow]

p.t.m.p

لا اكيد صاير شي
اكيد صاير شي مافي كلام يعني
شكل دعوة صلاة العشاء جابت مفعول
اولا يتم ترشيحي لمسلسل مشاركين فيه مراقبين متميزين واعضاء متميزين
ثانيا تجيني رسالة خاصة من شخص متميز جدا جدا او بالاحرى مراقب متميز
يطلب فيها مني بزيارة موضوعه والمشاركة فيه !! رسالة شخصية
واكون عضو في مسلسل جميل ؟؟؟؟؟!!!!!
وكله في يوم واحد!!!!!!!
لا اكيد دعائي استجيب من الله
الحمد الله الحمد لله
يمكن تقولون وشفيه ذا ؟؟
لاتستغربون

فرحة عضو صغير فقط !!

[AbuElresh]

للأسف Az'Sky تخمينك إنت وLasto وAustin خطأ .. كذا صارت 7 احتمالات .. شدوا حيلكم ..

هذه الصورة الجديدة بعد التعديل ..

والله ماشاءالله أشوف اقبال على المسلسل من الحين .. ان شاءالله يكون بس يكون ناجح ويلاقي اعجابكم ..

تجيني رسالة خاصة من شخص متميز جدا جدا او بالاحرى مراقب متميز

أخوي p.t.m.p .. أنا مثلك عضو .. لا مميز ولا غيره .. وان شاءالله يلاقي اعجابك ..

مع أرقى التحيات,,,

[The Last Fantasy]

الكنوز الثلاثة وحرب الزعماء
مسلسل مجلس منتدى البلاي ستيشن

هذا المسلسل اللي كنت تكلمني عنه ... ... توقعاتي بأن المسلسل بيكون ناجح بجميع المقاييس .. .. فكرة المسلسل عجبتني كثيرا ^^ ..

The Last Fantasy

أحسن شي ان اسمي في أوّل القائمة .. نياهاهاهاها <-- مو وسكي .. ..

شششششش...التزم الصمت...بلاش فضايح خلنا مستورين

.. يا للفضيحة .. ..

للأسف Az'Sky تخمينك إنت وLasto وAustin خطأ .. كذا صارت 7 احتمالات .. شدوا حيلكم

هممم .. أحس بأني عرفت الإجابة .. بس نترك فرصة لغيرنا بما ان إجابتي طلعت غلط ..

[Austin 3:16]

الجاوب خطأ ..طيب ليش اللاعبين واقفين عن اللعب...
لا يكون فاول او تسلل ..

حلي الجديد في المرفقات ..

[AbuElresh]

هذا المسلسل اللي كنت تكلمني عنه ... ... توقعاتي بأن المسلسل بيكون ناجح بجميع المقاييس .. .. فكرة المسلسل عجبتني كثيرا ^^ ..

إن شاءالله أكون عند حسن توقعاتكم وظنكم ..
[quote=Austin 3:16]حلي الجديد في المرفقات ..[/quote] للأسف Austin جوابك وتخمينك للمرة الثانية خطأ .. ألحين صارت 6 احتمالات .. بدأت تخف ..

الصورة الجديدة ..
أنا إن شاءالله راح أرجعلكم يوم الخميس .. وأنا تركت الحل عند Lasto

مع أرقى التحيات,,,

[The Last Fantasy]

أنا إن شاءالله راح أرجعلكم يوم الخميس .. وأنا تركت الحل عند Lasto

تروح وتجي بالسلامة عـلاء .. المسابقـة راح تستمـر علـى يدي ..

[The Shadow]

أخوي p.t.m.p .. أنا مثلك عضو .. لا مميز ولا غيره .. وان شاءالله يلاقي اعجابك ..

مع أرقى التحيات,,,

والله اخوي ابو الريش ماقصدي ازعلك لكن يوم ذكرت ان هذا الشخص مراقب متميز

كنت اقصد المتميز (( عاشقps2 )) مراقب منتديات الاكس بوكس

وهو دعاني الى موضوعة المتميز

وشكرا مرة اخرى على اشراكي في المسلسل

سلااااااام

[عبرات الزمن]

:: مــراحـــب ::
أخبـــاركــم ؟؟!!

صعبــة >< .. المشكلـة كل لاعب يشوف جهة .. خخخ .. متخلّفين

من جــد .. تجيــب الحــول ^.^
جربـت ... قولوا لي صحيح وأجبروا بخاطري

المسابقـة راح تستمـر علـى يدي ..

كــن أكثــر عطفــا" لاستــو
في إنتظــار مسلسل AbuElresh بشــوق
وســلام