السلام عليكم
انا لي شهر بنادي وتمريني
السبت صدر وظهر
الاحد اكتاف وذرعه وسواعد
الاثنين افخاض وبطن
والثلاثاء صدر وظهر
ولاربعاء اكتاف وذرعه وسواعد
وشرايكم بهاذا البرنامج
وعندي سوئل انا إذا جيت اتمرن البس مشد حق البطن يلمن اخلص اتمرين هل يضر ولا مايضر
وعليكم السلام،
جدول فيه أخطاء، الصدر والظهر عضلات كبيرة والمفروض تخليهم بيوم لحالهم
بما انك تتمرن 5 أيام و يومين راحة فالتعديل بكون ( يفضل للمبتدئين في اللعبة):
السبت: صدر + تراي
الأحد: ظهر + باي
الاثنين: بطن + تمارين كارديو اذا حاب
الثلاثاء: أكتاف + مثلثات + سواعد
الاربعاء: أرجل + بطات
الخميس: راحة
الجمعة: راحة أو تمارين بطن
أو انك تركز على عضلة وحدة في اليوم كما في الآتي (يفضل للمتقدمين في اللعبة):
السبت : صدر + بطن
الأحد : ظهر
الاثنين : تراي + باي + سواعد
الثلاثا : أكتاف + مثلثات
الأربعاء: أرجل + بطات + بطن
الخميس : راحة
الجمعة راحة
وتعيد الجدول
وبالنسبة لحزام شد البطن، انا اشوف بعض الشباب يلبسونة وقت تمارين الحديد ولكن بوجهة نظري انه ماراح يفيدك، لبسه وقت تمارين الكارديو ( جهاز المشي مثلا) ولا تستخدمه وقت تمارين المعدة
يعطيك العافيه ياكبتن وطيب انا ابغى اضخم العضلاة تنصحني بالبروتينات
وهل هو مضر إذا تركت الحديد
يعطيك العافيه كبتن انا طولي 180 وزني 70 وهدفي تضخيم
اببسئلك انا ماعرف البروتينات لو تقولي افضل بروتين وكم سعرها وكيف استخدامها
(انا دايمن اتمرن بطن يومين اجيب 200 بس ماطلعلي عضله لي شهر وانا على الحاله ذي وعندي كرشه صغيره ماراحة لو تعطيني طريقه تروح الكرشه
يعطيك العافيه ياكبتن وماعليش تعبتك معايا بالسئله
الله يعافيك حبيبي
انت محتاج زيادة وزن من 8-12 كيلو وانا انصحك انك تستخدم النتروتك مع أمينو 2222 سوفت جل
العب تمارين بطن كل يوم وترك أو 3 مرات بالاسبوع، ولازم تخصصلك تمارين معينة في يوم البطن، مثلا تمرينين للعضلة العليا وتمرينين للعضلة السفلى مع الوسط وايضا تمرينين للخواصر
او ممكن تلعب يوم بطن ويوم خواصر
وهالتمارين موجودة في موضوع مشرفنا أبوراشد للسكس باك وتشوفه في قسم المواضيع المميزة
وبما انك ضعيف وتعاني من الكرشة، حاول انك تخصصلك حصتين كارديو بعد التمرين في الاسبوع لمدة 30-45 دقيقة
والتغذية خل وجباتك 5-6 وجبات وبعد التمرين ابتعد عن الكاربوهيدرات ولكن قبل التمرين ممكن تاكل وجبات غنية بالكاربوهيدرات ولكن طبعا خل كل وجبة تحتوي ع بروتين حتى تغذي العضل طوال اليوم
بالنسبة للاسعار، ما ادري انته من وين ولكن سعر النيتروتك بالكويت بحدود 20-25 دينار والأمينو 2222 بحدود 10-12 دينار
عمري لينر فديتك والله لول
اليوم كملت 4 حبات قبل الريوق وقبل الغدا
والحمدلله لا اله الا الله
كل شي بالسليم
طلعت المشكله من الزقاير
اليوم قللت الزقاير حيل وفي مشروع اقطع ان شاء الله
ودي وتقديري وانتظرني بالنتايج :$
لاني من الحين قاعد احس بتغير
كبتن لنر انت عطيتني بروتينات سئلت عنها قلو حلوه مره بس ابسئلك كيف استخدمها مع اتمرين ولى بعد اتمرين
وانا من السعوديه ومدري وين يبوعون البروتينات بس بقول لواحد جيبلي من جده
عندي استفسار امينو 2222سوفت جل هاذي حبوب ولى بودره وانشالله يكون مو احبوب انا محب الحبوب
اخوي هذا رابط موضوع عن بيع المكملات في الرياض
http://montada.com/showthread.php?t=669563
وهذا في المدينة المنورة
http://montada.com/showthread.php?t=674022
طريقة استخدام النيتروتك:
سكوب واحد 3 مرات باليوم اول اسبوع وبعدين سكوب واحد قبل وبعد التمرين باليوم لحد ما تخلص العلبه
والعلبة بتخلص بسرعة فراح تحتاج لعلبة ثانية في أقرب وقت
أول اسبوع:
( في الصباح أو بعد الفطور بساعة مع حليب + قبل التمرين مع ماء + بعد التمرين مع ماء )
الأمينو 2222 سوفت جل هو حبات ولكنها سهلة البلع، ممكن تاخذ أمينو 2222 السائل مو مشكلة
طريقة استعمال الأمينو 2222 السوفت جل:
حبتين قبل 3 وجبات رئيسية + حبتين قبل وبعد التمرين = المجموع 10 حبات يوميا
طريقة استعمال الأمينو 2222 السائل:
ملعقتين قبل 3 وجبات رئيسية + ملعقتين قبل وبعد التمرين = 10 ملاعق
موفق
نصيحه يا رجل خارق سوفت جل افيدلك وتقدر تمر على موضوعي بخصوص الامينو 2222 سائل وتابلت
انا نفسك بس الحين صرت اتحدى واستمتع في بلعه ( لينر يضحك ) شماااات خخخخخخ
ابوي لينر والله في مشروع ان شاء الله الحين خفيف علاخير وانا ادخن صارلي 10 سنوات وان شاء الله مع هالرياضه بتروح
سؤالي طال عمرك سخيف وبليد
بس تحملني
هل ينفع العب عضله تنشيف وعضله تضخيم :| :| :|
يعني انا ليلحين فيني شوية زوايد
مثلا الصدر اكثر شي اعاني منه
اقدر بيوم الصدر العب تنشيف
والباي العبه كتضخيم ؟
بنتظارك يا الوووووووووووووحش
صراحة انا اول مرة اسمع هالكلام
خل كل عضلة تاخذ حقها، يمكن يكون شكلك مو متناسق اذا طبقت هالكلام
وكل ماخففت الزقارة، وضعك بيتحسن
اذا اهتميت بالكارديو مع ممارسة الحديد ، بتخسر الزوايد الي عندك ان شاءالله ، بعد ماتوخر الدهون، العب تضخيم أو بناء عضل صافي وأكرر ،لازم تخلي كل عضلة تاخذ حقها بالاوزان
اوكي يا الغلا انا الحين بكمل التنشيف لي اول اسبوع من رمضان
لان مالي خبره بالمكملات برمضان ومبتلش والله الي اعرفه اني راح اقطع الليبو 6
واكمل الاسبوع تضخيم لمى اقطع الليبو 6
وبعدها ارجع جولات تنشيف
جزاك الله خير .. وماقصرت .. وشرحك كان وافي للنقطه اللي مافهمتها .. ماشاء الله عليك
-----
ولكن انا انصحك تستخدم سكوب ونصف لكل جرعة ( 30 جم بروتين) لان معظم ال 60 جم بروتين اذا اخذتها جرعة واحدة، الاغلب راح يمتصه جسمك فقط 30 جم بروتين فالأفضل تاخذ 30 جم بروتين لكل جرعة ( سكوب ونص) حتى ايضا تقلل نسبة الصوديوم والكلسترول في المنتج مع انهم شبه معدومين
-----
كلامك شدني .. المكتوب والموصى في المنتج خذ سكوبين في كل جرعة .. لأفضل النتائج
وواللي اعرفه انه لازم توفر مايريده الجسم خلال يومك ..وعادي لو تاخذ 50 جرام في كل مره.. والبروتين الزايد يتخلص منه الجسم ..اذا صار اكثر عن حاجته اليوميه
لكن الحينه اذا اخذت 50 ج بروتين في جرعه وحده .. جسمي بياخذ 30 والباقي بيتخلص منه .. ؟
وخاصه اني اشوفها صعبه عليه احيانا اوفرها فالوجبات .. وصعبه اني اخذ المكمل لاكثر من 3 مرات فاليوم اذا كنت بوزعها الصبح وبعد التمرين وقبل النوم ..
اسمحلي على الكلام الطويل .. تعرف في كم شي متضارب في عقلي ..