ليش كذا يا ميكامي يا بتاع كابكوم (( من القهر مسكين ))

[Jin Kazama]

يا شين الغيره

ما بزيد شي على الي قالوه الاخوان ":"

بينمما ابداعات شينجي ما يشترونها الناس

اها

انزين خل ابداعته تنفعه

على الأقل شينجي بنفسه صمم سلسلة ريسدنت ايفل

منو قال؟

اصلا شنجي ميكامي ما كان موجود يوم صمموا رزدنت ايفل 1

وخش عليهم عرض برزدنت ايفل 2 :6

وخرب عليهم رزدنت ايفل 3

والناس ما كانت تشتريها عشان ابداعات شنجي ميكامي كانوا يشتروها عشان اسمها بس

بس بعد رزدنت ايفل 3 محد اهتم باللعبه لانهم حسوا بالسخافه

وانت قلت ان مبيعاتها على الدريم كاست وعلى الps2 مب عاليه وعلى الكيوب نفس

يعني بكل بساطه ...خيرها بغيرها :6


نسيت اقول شنجي ميكامي على باله رزدنت ايفل الي رفعت البلايستيشن وراح للكيوب عشان يسوي نفس الشي ويثبت للعالم انه قوي ويقدر يغير في مبيعات شركة سوني وننتندو

بس بعد نزول رزندت ايفل جات الصدمه وخسرت شركة كابكوم

عشان يلحق نفسه صرح بالعاب مثل اونيموشا 2 ودفل ماي كراي 2 ووايد العاب على الps2

ولو لا مببيعات كابكوم على الps2 كانت الشركه رايحه فيها وكل هذا بسبب حماقات شنجي ميكامي


ومثل ما يقول المثل ما طار طير وارتفع الا كما طار وقع":"

[Guilty Gear X]

he is as fool as the president of Nintendo

sowwy 4 my ruddness ":"

[king_zell]

منو قال؟

اصلا شنجي ميكامي ما كان موجود يوم صمموا رزدنت ايفل 1

وخش عليهم عرض برزدنت ايفل 2

وخرب عليهم رزدنت ايفل 3

والناس ما كانت تشتريها عشان ابداعات شنجي ميكامي كانوا يشتروها عشان اسمها بس

بس بعد رزدنت ايفل 3 محد اهتم باللعبه لانهم حسوا بالسخافه

وانت قلت ان مبيعاتها على الدريم كاست وعلى الps2 مب عاليه وعلى الكيوب نفس

يعني بكل بساطه ...خيرها بغيرها

أخ Jin Kazama خلينا نزيد ثقافتك شوي ، ترى شينجي كان موجود معهم بالجزء الأول وتركهم الجزء الثاني ، وبالنسبة للمبيعات فإنها كانت قوية بكل الأجزاء وبثبت لك هذا الحين ، وانت تقول بعد الجزء الثالث الناس حسوا بالسخافة هههههه ، شوف هذه قائمة أفضل الألعاب مبيعا باليابان لعام 99 بأكمله :

http://www.the-magicbox.com/top100-1999.htm

شوف مبيعات ريسدنت ايفل 3 وصلت 1,339,022 نسخة!

وهذه لسنة 2000 :

http://www.the-magicbox.com/Chart-BestSell.htm

تقدر تلاحظ مبيعات كود فيرونيكا وصلت 403,964 نسخة...

وهذه سنة 2001 :

http://www.the-magicbox.com/Chart-BestSell2001.htm

تشوف مبيعات كود فيرونيكا للبلاي ستيشن2 وصلت 379,205 نسخة ولعبة ديفل ماي كراي وصلت 616,778 نسخة ...


تقدر تشوف إن مبيعات ألعاب الي هو صممها دائما قوية لكن مبيعات سكوير أقوى دائما رغم إن بعض ألعابهم مش أفضل من ألعابه!

وتبي تعر فليش المبيعات على الكيوب لريسدنت ايفل ضعيفة ، لأن هذه اللعبة نزلت بالسابق أكثر من خمس مرات ، على البلاي ستيشن1 نزلت ثلاث مرات وعلى سيجا ساترن مرة وعلى الPC مرة تبيها الحين تبيع على الكيوب مليون ، لكن ريسدنت ايفل زيرو توقع يكون شي ثاني ":"

وبالنسبة لأونيموشا2 وديفل ماي كراي2 فإعلم إن شينجي ما يشتغل عليهم إطلاقا وهذا للمعلومات فقط وهو يعمل حاليا على مشاريع سرية...


أخ ستيف بورنسايد أن كتبت الكلام في موضوعي السابق لأني ما كنت متأكد من الخبر وكنت جايبه من موقع فرنسي ، لكن الحين بعد ما تأكدت أي واحد يقدر يشارك :-)

[Jin Kazama]

شوف مبيعات ريسدنت ايفل 3 وصلت 1,339,022 نسخة!

تقدر تلاحظ مبيعات كود فيرونيكا وصلت 403,964 نسخة...

تشوف مبيعات كود فيرونيكا للبلاي ستيشن2 وصلت 379,205 نسخة


انا قلت كلام تقديري وانت جبت الدليل مشكور

انا قلت بعد رزدنت ايفل 3 حست الناس بسخافة اللعبه شوف كيف انخفضت المبيعات

مسالة قويه ما اختلفنا بس المبيعات هي الي تحكم اذا الناس عجبتهم والا لا

تبيها الحين تبيع على الكيوب مليون ،

مو انا الي ابيها تبيع مليون

حبيبكم شنجي ميكامي ذابح نفسه عشان يعمل اللعبه ومعدلنها ..هو الي يباها توصل المليون وفوق ..بس خاب ظن الريال

وبالنسبة لأونيموشا2 وديفل ماي كراي2 فإعلم إن شينجي ما يشتغل عليهم إطلاقا

انا اتكلم عن الشركه عموما

وأنا اقول ليش الالعاب حلوه وتحقق مبيعات خياليه ":"

[M7MOOOD]

وقاعدين تقولون فاينل فانتسي أحلى من ريسدنت ايفل ... أنا ما أدري على أي أساس قررتوا

قصص فاينل فانتسي و شخصياتها و موسيقاها و رسومها و حرية اللعب و كبر مناطق اللعب و التجول بحرية في عااالم كاااامل .. عكس رزدنت ايفل اللي هي مجرد تدخل غرفة تلقى زومبي تضربه بالمسدس تاخذ مفتاح تفتح غرفة ثانية تلقى لغز تحله تاخذ مفتاح تفتح غرفة اللي بعديها و تلقى وحش .. الخ .. بالله هذه لعبة


فاينل فانتسي العظيمة ويييين و رزدنت ايفل ويييين

شينجي صادق في كل كلامه ، من ناحية أجهزة سوني وخراباتها ومن ناحية كنجدوم هرتس ...

مثل ما قالوا الشباب .. أصابه هوس العظمة .. و من غيرته قال هالكلام .. لو فيه خير كان طلع لنا لعبة تكون بمستوى فاينل فانتسي
و الحين صار يقول هالكلام بعد ما اشتهر هو و ألعابه الخايسة على أكتاف أجهزة سوني .. صج نذل و قليل حيا ... و المشكلة أنه للحين قاعد يصدر أشهر ألعابه على البلاي ستيشن 2 .. فعلا قلة حيا عيني عينك

لكن شي يقهر إن ألعاب سكوير السخيفة والقوية كلها تبيع أعداد خيالية ، بينمما ابداعات شينجي ما يشترونها الناس

أنت الحين عن جد قاعد تقارن شركة عظيمة كسكوير سوفت .. بذاك الأهبل ميكامي اللي طلع لنا كم لعبة شروها الناس فرح و صدق روحه
كخخخخخخخ هههههههههه ... Ceat Realle

[king_zell]

قال ايش قال القصص ، يكون بعلمك يا M7MOOOD إن قصص فاينل فانتسي ما في أغبى منها وكلها خرابيط وخرافات وقصص حبب للمهابيل ...

وشركة كابكوم أفضل من شركة سكوير سوفت بكل المقاييس ، على الأقل عندهم تنوع بالألعاب ...

ولا تحسبني متعصب أو شي بالعكس ، أنا عندي لعبة من سكوير أفضل من ألعاب مكامي كلها وهي كرونو كروس ...":"

[M7MOOOD]

شفت اللي في هالصورة هذه لعبته عندي و عند الأغلبية تسوى سلسلة رزدنت ايفل كلها و اللي ابتكرها ":"

[Jin Kazama]

الرسالة الأصلية كتبت بواسطة king_zell
قال ايش قال القصص ، يكون بعلمك يا M7MOOOD إن قصص فاينل فانتسي ما في أغبى منها وكلها خرابيط وخرافات وقصص حبب للمهابيل ...

وشركة كابكوم أفضل من شركة سكوير سوفت بكل المقاييس ، على الأقل عندهم تنوع بالألعاب ...

ولا تحسبني متعصب أو شي بالعكس ، أنا عندي لعبة من سكوير أفضل من ألعاب مكامي كلها وهي كرونو كروس ...":"

ما عرفت ترد علي

اصلا ما في مجال


وايش دخل كابكوم بالقصه حنا نتكلم عن هالخفه ميكامي

[msm]

البداية بميكامي ..

وبعدين قعدتوا تقارنون بين رزدنت وفاينال ....
وتطور الأمر الى كابكوم وسكوير ...بكرا PS2 والجيم كيوب ..وبعده سوني وننتندو :6 ...

أقول بلارزدنت .. بلا فاينال ..بلا هم ..

ميتال جير ..وبس ":" ..

[king_zell]

Jin Kazama تبيني أرد عليك ، اذا المبيعات هي الي تحكم فإن بوكيمون أحلى من فاينل فانتسي

[Jin Kazama]

الرسالة الأصلية كتبت بواسطة king_zell
Jin Kazama تبيني أرد عليك ، اذا المبيعات هي الي تحكم فإن بوكيمون أحلى من فاينل فانتسي

اكيد المبيعات تحكم اذا الناس حبت اللعبه والا لا


البوكيمون مو احلى من فاينل فانتسي




حنا نتكلم عن العاب بالغين مو بوكيمون و شلته هذي حق اليهال


ومعروف اليهال يلعبو اكثر وبتكون بوكيمون احلى بالنسبه لهم


رزدنت ايفل وفاينل فانتسي للكبار وبوكيمون حق اليهال يعني لا مجال للمقارنه

[M7MOOOD]

أنتم الحين من صجكم تقارنون فاينل فانتسي برزدنت ايفل ?:

هذه اهانة لفاينل فانتسي بأن تقارن بلعبة أقل منها بالمستوى :غضب: :غضب:

[تايدوس إمبرطور ال RPG]

الرسالة الأصلية كتبت بواسطة ستيف بورنسايد

مبروك عليك لعبت ريزدنت ايفل رميك

الله يبارك فيك

الحزين :
اللعبة رهيبه ولا فيها شيء ... تستاهل الي خذته

king_zell :
اهلييييين خيو
ما علينا من قدم الموضوع المهم
انت تقول ابداعات شينجي ميكامي ... و تقول انه سكوير كل جزء يسوونه فريق يختلف ... انا برد عليك و بقولك انه طاقم العمل الرئيسي ابدا ما يتغير ... اما طاقم البرمجه هو الي يتغير ما فيه مجال تطلع عيب في اللعبة من هل الناحيه ...
اما بالنسبة لمنتدى ريزدنت ... لان الكلام على شركة سكوير
و بالنسبة للمبيعات ولا جزء من ريزدنت جا جنب مبيعات فانيل فانتسي فيه فرق يا عالم
و زي ما قال اخوي محمود ... مهما كانت قصص فاينل فانتسي فيها خرافات دينيه و غيرها ... تظل هذي اللعبة تحصد جوائز كثيره على الموسيقى و القصه و الرسوم و العروض و غيره
اما بالنسبه للبوكيمون انا ما اعرف عداد مبيعاتها ممكن تجيب لي اياه ؟؟؟

rushin_911 :
اكيد اول الاسباب في نجاح كينج دوم هو كثيرة مبيعات جهاز بلاي 2 بس هذا ما يقلل من قيمه اللعبة

الرسالة الأصلية كتبت بواسطة Guilty Gear X
he is as fool as the president of Nintendo

sowwy 4 my ruddness ":"

اي واحد تقصد القديم ولا الجديد ولا كلهم سوى

MsM :
من قدك يا ميتل جير

[king_zell]

http://www.the-magicbox.com/top100-1999.htm

أنا ما أقول إن رسوم فاينل وأصواته بايخة بس قصتها دائما ما لها معنى ، بالنسبة لي سلسلة كرونو أفضل وهي من سكوير أيضا ، وريسدنت ايفل أيضا أبدعت بالرسوم والأصوات وآخر جزء هو الدليل ...

واذا الموضوع على المبيعات ، فإنه لا يودج لعبة تقدر تبيع أكثر من فاينل فانتسي لا لعبتين وهما بوكيمون و دراجون كويست ، هل هذا معناه إنهم أفضل من فاينل فانتسي ، هنا نقطة حديث شينجي ، شي يقهر ?:

[M7MOOOD]

أصلا مافي وجه للمقارنه بين العظيمة فاينل فانتسي و التافهه رزدنت ايفل ":"