محتار بين : ليجايا 2 - وايلد ألمز 3 - سيكودين 3 - جرانديا 2 - جرانديا اكس !!

[M7MOOOD]

Touya

الصراحة أنا أول مرة أسمع أغنية رااائــعه للعبة آر بي جي بعد كرونو كروس مثل هذه الأغنية لبداية لسيكودين 3 :واو:

RPGboy

يعطييييييك مليوووووووووون ألف ألف ألف عافية .. والله أنت عملت لي خدمه جليلة أبدا ماراح أنساها لك .. ابدا أبدا أبدا .. والله تعب أخوي جدا جدا في عرض الألعاب علي الله يجازيك ألف خير و يريح بالك و يبرد قلبك مثل ما يحت بالي و بردت قلبي يا حق .. والله ماني عارف شلون أجازيك على عملك هذا

و ليجايا 2 طلعت مو بذاك المستوى الي كنت متوقعه و هو مستوى عالي مثل ماقال الأخ جيلتي جير عنها لما ختم اللعبة و قال أنها أفضل لعبة بعد فاينل فانتسي 10 على البلاي ستيشن 2 ?:

و وايلد أرمز 3 أنا شلتها من راسي .. كذلك جرانديا 2 و جرانديا اكس .. لأني خلاص قررت و بفضلك أن أشتري سيكودين 3 .. بس انشاءالله يكون فيها قصة رومانسية و غرامية

و شكرا لك مرة ثانية

BAHAMUT ZERO

انشاءالله يكون فيها رومانسية شديدة مثل ما قلت .. بس اذا شريتها و لقيتها خالية من الرومانسية حسابك راح يكون عسير معاي :6

squall 911

تصدق باجر عندي امتحان اسلامية و علي ثلاث صفحات من القرآن حفظ و أنا للحين ما درست و لا حفظت شي من الآيات و الساعه الحين راح تصير 11 مساءا .. يا أخي أنا وين و الدراسة وين

bounty

يمكن أشتري جرانديا 2 بعد ما أختم سيكودين 3 ====> بالأول خل أشتري الثانية علشان ألعب بالأولية

xenosaga

أتفل على آيريس :!

و لا في الأحلام أسترجي أتفل على آيريس .. و مرة ثانية لا تقول هالكلام عنها :غضب:

:" :" تراني أحوبها :" :" (( :6 ))

النسر الأسود

شكرا على رايك خيو مؤيد .. ساعدتني كثير .. بس منو قال أن فاينل فانتسي 7 رسوماتها سيئة .. بل هي أفضل لعبة آر بي جي على البلاي ستيشن 1 من ناهية الرسومات ":"

RPGgirl

خلاص خيتو ... أنا عزمت و قررت أن أشتري سيكودين 3 .. اذا الأغنية من أمس لما نزلتها للحين مو قادر أتركها دقيقتين على بعض .. كل شوي أعيدها و أسمعها .. عيل شلون لما أشتري اللعبة

على العموم .. شكرا لابداء رأيك و تنوير عقلي و تصقيل دربي لأختار لعبة الآر بي جي الي راح أمضي رمضان هالسنة معاها .. شكرا جزيلا لكي و لكل من شارك في هالموضوع و أبدأ رأيه .. خاصة الآخ آر بي جي بوي .. شكرا لكم

الا ممكن تقولون لي شنو تتمحور قصة سيكودين 3 باختصار ؟

كذلك عن قصة جرانديا 2 .. و شكرا

[Touya]

الرسالة الأصلية كتبت بواسطة النسر الأسود



والله عجيب معقول سكودين 3 أحلى من فاينل فانتسي 10
طيب أنا ما فيني أقول شي فأنا ما لعبت باللعبة غيرشوي بس شفت الرسومات وطريقة القتال بس أنا لاحظت أن الرسومات أضعف من فاينل فانتسي وأن طريقة القتال أضعف من فاينل ولا أعتقد أحد يضاهي فاينل فانتسي بعروض الفيديو فيا ترى ما السبب يلي جعلكم تقولون سكودين 3 أحلى من فاينل فانتسي 10
أرجو الإجابة بسرعة
وشكرا

الموضوع مو موضوع قوة الصورة أو الصوت او نظام القتال... أهم شي مقدار إستمتاعك باللعبة

أنا شخصياً أفضل ألعب سايكودن الثانية على اي لعبة فاينال فانتاسي

وزي ماقلتو الناس أذواق. أنا عندي الحكم الأول والأخير هو القصة.. وش بتكون فايدة لعبة متطورة بالصورة والصوت والقتال إذا كانت قصتها مو قد المستوى؟ في ألعاب كثيرة زي كذا. ويمكن ماذكرت إلا عشان قدراتها بس مو مستواها. وفيه ألعاب كثيرة الصورة من ايام السيجا سي دي ولكن مستواها اعلى بكثير من قدرات جهازها... اتمنى انك فهمت علي

M7MOOOD

انت شفت بداية الجزء الثاني؟؟ مع انها قديمة بس تنحب:6

أنا اتذكر اني سحبتها على الجهاز بس الظاهر انها انحذفت:"

وبالمناسبة.. مين ذكر ان قتال سايكودن مو شي؟؟:6
فيه اكثر من نظام قتال في اللعبة في الأجزاء اللي راحت... قتال عادي مع اعداء عشوائيين... وقتال مان تو مان مع شخصية محددة(بسيط بس حلو)
وقتال المعارك:6

اعتقد انهم زين سوو حيث خلو مجال للتنويع

[Justine]

الرسالة الأصلية كتبت بواسطة M7MOOOD


الصراحة أنا أول مرة أسمع أغنية رااائــعه للعبة آر بي جي بعد كرونو كروس مثل هذه الأغنية لبداية لسيكودين 3 :واو:




انشاءالله يكون فيها رومانسية شديدة مثل ما قلت .. بس اذا شريتها و لقيتها خالية من الرومانسية حسابك راح يكون عسير معاي :6





الا ممكن تقولون لي شنو تتمحور قصة سيكودين 3 باختصار ؟

[/COLOR]

أفا ما سمعت شي بذي الروعة ?:
بالله وين راحت Simple and clean
بالله وين راحت مقدمة جزئي وايلد آرمز .... مقدمة الاول الحالمة و مقدمة الثاني الحماسية اللي تبث الدم في العروق
وين راحت مقدمة لونار الاول و الثاني
اسمح لي انت اهنت موسيثى المقدمات صراحة ?:

----------------------------

خخخخخخخخخخ
ما تقدر توصل لي عشاني في السعودية و انت بسلامتك بالكويت يعني اي دميغ يجيبك عندي :6

----------------------------

قصة سويكودين 3 تدور بعد نهاية الجزء الثاني ب15 سنة ... بعد انطفاء شرارة الحرب السابقة بدأت ايادي خفية تحيك المؤامرة لبداية حرب جديدة ...

تدور الحكاية حول 3 ممالك : هارمونيا المقدسة ( او اعتقد انها محايدة )
و دولة كارايا ( تقدر تقول انها افريقيا )
و دولة ناسي اسمها و هم مثل ما هو ظاهر اوروربا الوسطى


بخلاف كل الاجزاء هناك 3 شخصيات رئيسية HUGO و CHRIS و GEDDO
و كل واحدة لها سيناريو الين ما تتقابل و تشترك اقدارهم في وقف الحرب ( انا انهيت الفصل الاول من سيناريو HUGO و CHRIS و الحين ماشي في الفصل الاول من سيناريو GEDDO )

تبي تنبهر ... تفهم القصة صح و من غير تعقيد .. خذ هاذي النصيحة
بداية اللعبة العب بسيناريو HUGO ثم CHRIS ثم GEDDO

صدقني ما راح تندم

[Touya]

الرسالة الأصلية كتبت بواسطة BAHAMUT ZERO


أفا ما سمعت شي بذي الروعة ?:
بالله وين راحت Simple and clean
بالله وين راحت مقدمة جزئي وايلد آرمز .... مقدمة الاول الحالمة و مقدمة الثاني الحماسية اللي تبث الدم في العروق
وين راحت مقدمة لونار الاول و الثاني
اسمح لي انت اهنت موسيثى المقدمات صراحة ?:

فله كل ذا المقدمات احبها... بس نقطة نظام من وين هي simple and clean?

احس انها مامرت علي

ونسيت بداية Legend of Dragoon احلى مافيها انها انجليزية لو تدقق:6

[squall 911]

الرسالة الأصلية كتبت بواسطة M7MOOOD



تصدق باجر عندي امتحان اسلامية و علي ثلاث صفحات من القرآن حفظ و أنا للحين ما درست و لا حفظت شي من الآيات و الساعه الحين راح تصير 11 مساءا .. يا أخي أنا وين و الدراسة وين

بالتوفيق ;-)

[Neo Cid]

الرسالة الأصلية كتبت بواسطة BAHAMUT ZERO



تبي تنبهر ... تفهم القصة صح و من غير تعقيد .. خذ هاذي النصيحة
بداية اللعبة العب بسيناريو HUGO ثم CHRIS ثم GEDDO

صدقني ما راح تندم

مشكور اخوي على المعلومة ..

صراحة أنا بديت باللعبة بهذي الطريقة .. سبحان الله بالصدفة :6 ... و أنا للحين توني .. مو موصل .. و اقدر اقول بعد ... للحين ولا مرة قاتلت لي وحش .. .. شالسالفة ؟ ..

المهم .. يعطيكم العافية .. صراحة .. بروح العب اللعبة ألحين ..

مع السلامة .. ":"

[M7MOOOD]

Touya

بس انشاءالله ما تكون طريقة قتال سيكودين 3 نفس طريقة قتال سيكودين 2 .. لأن طريقة قتال سيكودين 2 أبدا ما خشت مزاجي?:

أما مقدمات الألعاب الي ذكرتها أنا ما شفتها و لا سمعتها علشان أحكم عليها .. بس فعلا أحلى مقدمة ألعاب شفتها هي أغنية مقدمة فاينل فانتسي 7 .. لما الكاميرا تصعد و تظهر مدينة ميدجار كلها بكامل ضخامتها و تكنلوجيتها المتطورة و يحطون شعار فاينل فانتسي 7 و يحطون معاها موسيقى روووووعــة تخلي الدم يصعد الى الوجه :واو:

squall 911

تصدق اليوم امتحان اسلامية دخلت الامتحان و أنا مو حافظ الا نصف صفحة من الآيات الي أصلهم ثلاث صفحات .. بس في الامتحان أستاذنا ما قصر قام و نقلني الآيات كلهم و خلانا نغش من بعض على راحتنا والله العظيم امتحان اليوم كان مسخره و أضحوكة الي تلقاه لاف وجهه كله لورى و قاعد يتكلم مع زميله و يغششون بعض .. و الي حاط الدفتر في الدرج و طايح تنقل فيه و الأستاذ بس يقوم و يلوي أذنه و يقول له (( طلعت مو هين يا واد )) و يخليه يكمل غشه .. و الي يقوم من مكانه و يروح لزميله و ياخذ منه الاجابه .. و لا الي واقف عند الباب و ماسك أوراق الآيات و قاعد ينقل بصوت عالي صديقه القاعد أول واحد ناحية الباب .. يعني أول مرة في حياتي أشوف امتحان جذي مسخره

BAHAMUT ZERO

يعطييييك مليون عافية على شرح القصة باختصار .. و على طريقة بدأ اللعب بسيناريوهات الشخصيات .. شكرا




طيب .. مافي أحد الحين يشرح لي باختصار قصة جرانديا 2

[squall 911]

الرسالة الأصلية كتبت بواسطة M7MOOOD



تصدق اليوم امتحان اسلامية دخلت الامتحان و أنا مو حافظ الا نصف صفحة من الآيات الي أصلهم ثلاث صفحات .. بس في الامتحان أستاذنا ما قصر قام و نقلني الآيات كلهم و خلانا نغش من بعض على راحتنا والله العظيم امتحان اليوم كان مسخره و أضحوكة الي تلقاه لاف وجهه كله لورى و قاعد يتكلم مع زميله و يغششون بعض .. و الي حاط الدفتر في الدرج و طايح تنقل فيه و الأستاذ بس يقوم و يلوي أذنه و يقول له (( طلعت مو هين يا واد )) و يخليه يكمل غشه .. و الي يقوم من مكانه و يروح لزميله و ياخذ منه الاجابه .. و لا الي واقف عند الباب و ماسك أوراق الآيات و قاعد ينقل بصوت عالي صديقه القاعد أول واحد ناحية الباب .. يعني أول مرة في حياتي أشوف امتحان جذي مسخره

صار معنا نفس الشيء اليوم في اختبار الفيزياء

بس الفرق انه الطلاب هم اللي نقلوا من ورفتي مو أنا

و تقريبا نص الفصل نقلوا ورقتي نقل والباقي نقلوها من اللي نقلوا مني

[M7MOOOD]

الرسالة الأصلية كتبت بواسطة squall 911


صار معنا نفس الشيء اليوم في اختبار الفيزياء

بس الفرق انه الطلاب هم اللي نقلوا من ورفتي مو أنا

و تقريبا نص الفصل نقلوا ورقتي نقل والباقي نقلوها من اللي نقلوا مني

الله يكثر من هالمدرسين

[Justine]

جرانديا 2 تحكي عن الصراع بين جرانس اله العدل و النور و فالمر اله الظلام .... قصة صراع جبابرة انتهى بموت جرانس و تقسم اجزاء فالمر ...


تقدر تطالع موضوع الاخ جرانديا في المواضيع المميزة للحصول على كل شي

[M7MOOOD]

الرسالة الأصلية كتبت بواسطة BAHAMUT ZERO
جرانديا 2 تحكي عن الصراع بين جرانس اله العدل و النور و فالمر اله الظلام .... قصة صراع جبابرة انتهى بموت جرانس و تقسم اجزاء فالمر ...


تقدر تطالع موضوع الاخ جرانديا في المواضيع المميزة للحصول على كل شي

يا حرام .. الطيب يموت

طيب .. مشكور على الاختصار .. و أنا الحين راح أشوف موضوع الأخ جرانديا

[bounty]

حمود انت الحين بأي مقرر اسلاميه ؟؟

[Touya]

الرسالة الأصلية كتبت بواسطة BAHAMUT ZERO
جرانديا 2 تحكي عن الصراع بين جرانس اله العدل و النور و فالمر اله الظلام .... قصة صراع جبابرة انتهى بموت جرانس و تقسم اجزاء فالمر ...


تقدر تطالع موضوع الاخ جرانديا في المواضيع المميزة للحصول على كل شي

اخخخخخخخخخخخخخخ:غضب: :غضب:

ليه يأخ Bahamut Zero تقوله القصة بذا الطريقة?:
هاذي نقطة يعرفها بعدين في اللعبة أنبسطت اللحين خربت على الرجال صدمة كبيرة

[M7MOOOD]

الرسالة الأصلية كتبت بواسطة Touya


اخخخخخخخخخخخخخخ:غضب: :غضب:

ليه يأخ Bahamut Zero تقوله القصة بذا الطريقة?:
هاذي نقطة يعرفها بعدين في اللعبة أنبسطت اللحين خربت على الرجال صدمة كبيرة

:" :" اختربت القصة علي قبل لا ألعب اللعبة :" :"

[M7MOOOD]

الرسالة الأصلية كتبت بواسطة bounty
حمود انت الحين بأي مقرر اسلاميه ؟؟

مالك شغل

و ثانيا أنا اسمي محمود .. مو حمود .. فرجاءا التزم حدودك .