تصحيح لموضوع : الرسم و التلوين بالفتوشوب .... ( بس بجنوون !)

**MZM** · 20-12-2002, 03:43 PM

الحين إضغط زد Delete بالكي بورد
راح ينمسح خط المتجه و يبقى خط الفرشاه فقط

**MZM** · 20-12-2002, 03:45 PM

و إذا ما انمسح المتجه .... إضغط عليه بالماوس و بعدين إضغط Delete لما ينمسح و يبقى خط الفرشاه بروحه مثل الصوره اللي فوق

و الحين وصلنا لمرحة مسح الرسمه البدائيه الأساسيه و الشخابيط اللي ورا ....... اللي سويناهم أول شي
ممكن نمسح الطبقه بالمره (( الطبقه اللي سويناها اول وحده .. Layer 1 ))
او نضغط على رمز العين اللي جنب الطبقه و راح تصير مخفيه

**MZM** · 20-12-2002, 03:48 PM

و بالنهايه تكون النتيجه ..... هي رسمه خطوطها صحيحه ..... و ناعمه و بالشكل المطلوب تمام ..... و بطبقه بروحها

**MZM** · 20-12-2002, 03:58 PM

من المثال السابق ........ نطبق نفس الفكره و نفس الخطوات
(( المثال البسيط اللي شرحناه فوق هو لإختصار الشرح الطويل .. لكن المهم وصلت الفكره .. و عليك الباجي و التطبيق على الرسمه الحقيقيه

))
و ما ننسى ان الخطوط و النقط والطبقات ببلاش ........... يعني حط على حسب الدقه اللي تحتاجها

و الرسمه اللي هي موضوعنا للشرح كانت خطواتها بنفس الفكره
اولا نحط خطوط الرسمه بشكل سريع ....... سواء من الخيال او فكره مستوحاه من شخصيه ........ و كإننا نرسم برصاص على ورقه

**MZM** · 20-12-2002, 04:02 PM

و بعدها نضيف طبقه جديده ..... و نحول الخطوط الأوليه و الشخابيط لخطوط ناعمه و دقيقه بالـ Pen Tool بنفس الاسلوب بالمثال الأول البسيط

**MZM** · 20-12-2002, 04:05 PM

لكن يفضل ..... انك تعزل الشعر عن الوجه بطبقه مستقله .....
يعني مثل ما هو موضح بالصوره

**MZM** · 20-12-2002, 04:07 PM

بحد ما ننتهي من الرسم و التعديل ...راح تنتج معانا الرسمه نظيفه و خطوطها سليمه

**MZM** · 20-12-2002, 04:09 PM

بعدها بالمساحه ..... نمسح الخطوط و الأطراف الزايده

**MZM** · 20-12-2002, 04:13 PM

و أخيرا ........ تنتهي الرسمه المحبره و الجاهزه للتلوين ...... بخلفيه بيضا و طبقه للوجه و طبقه فوقها للشعر

تأكد ان الخطوه الأولى هي أساس الفن

....... يعني لا تتوقع بعد ها الخطوه إذا شغلك فيه خلل انه بيترقع
حاول قدر الإمكان تطور قدراتك الفنيه بالخطوه الأولى بأكبر شكل تقدر عليه
و هي إنك ترسم رسمه نظيفه محبره و حلوه

إنتهت الخطوه الأولى .....

**MZM** · 20-12-2002, 04:17 PM

الخطوه الثانيه

و هي التلوين
في هاذي الخطوه راح نستخدم طبقات كثيره
الأمر مو صعب ..... بالعكس ممتع لدرجه كبيره (( هونها تهون ....... عقدها تتعقد

))
بمجرد التفكير راح تعرف اننا راح نلون بطبقه جديده ^^.... و تكون تحت طبقة رسمة الوجه المحبره
على شان خطوط الوجه و الشعر تصير فوقها باينه
يعني كل طبقات الألوان سواء البشره او الشعر كلها تكون (((بين))) طبقة الخلفيه البيضا (Background) و طبقة الرسمه المحبره
و طبقات الألوان نفسها تنقسم ........ لطبقات تلوين الجلد ... و طبقات تلوين الشعر
اولا .... طبقات تلوين الجلد

نضيف طبقه جديده ..... بين الخلفيه و الرسمه المحبره مثل ماهو واضح بالصوره

**MZM** · 20-12-2002, 04:22 PM

و تكون هاذي هي أول طبقه من طبقات تلوين الجلد ....... و هي طبقة اللون الأساسي للبشره ( اللي هو لون البشره الأصلي بدون نور او ظلال )

و الحين وصلنا لإختيار الألوان

أسهل و أسلم طريقه لإختيار الألوان :6 ..... هي اننا نفتح صوره حقيقيه ألوانه متناسقه

..... او رسمة مانجا فيها نفس درجات الالوان اللي نحتاجها :6 و ما اضن فيه حد يحب الرسم و ما يكون عنده مخزون ضخم من الصور و الرسوم اللي منقيها نقوه من الانترنت

.... ( ههههههه الحين بوريكم قشي اللي بالكمبيوتر :6

)
إفتح أي صوره ... فيها لون البشره عاجبك

**MZM** · 20-12-2002, 04:29 PM

و لا تنسى شغلنا و تسرح و تروح بالخيال مع صور المانجا بالانترنت :6 ( واحد عارف روحه .... بسرعه يسرح

)

و خذ درجات الوان البشره بورقه جديده مستقله .......

( تذكر ها الخطوه مهمه في جمييييع رسومك و تلوينك بالفوتوشوب ... يعني حاول تنقي و تحفظ أحسن شي

)

شوف ها المقطع .... مأخذون من صوره فيه تدرج ألوان البشره ممكن يكون حيل مهم لك بالتلوين و هو نفسه اللي حنا مستخدمينه في تلوينا الحين :6

**MZM** · 20-12-2002, 04:32 PM

خل الصوره اللي فيها الوان البشره جدامك على طول
و غير لون الفرشاه إلى لون البشره ..... بأداة الـ Eyedropper

**MZM** · 20-12-2002, 04:34 PM

و الحين إختار الفرشاه ( Paintbrush) و إختار اللون الأساسي المناسب للجلد ......... و لون على طبقة الجلد بعد ما تختار نوع و حجم الفرشاه المناسب
سواء فرشاه صغيره او كبيره من قائمة الفرش

**MZM** · 20-12-2002, 04:37 PM

لاحظ اننا نلون بستخدام الفرشاه العاديه ....... مو بأداة الصبغ المعروفه Paint Bucket
لان الفرشاه دقيقه بتلوين المناطق الصغيره ..... و هي الأفضل إذا كنت تبي نتايج صحيح بالكامل
الحين لون البشره بلونها الاساسي بإستخدام الـفرشاه Paintbrush

الموضوع: تصحيح لموضوع : الرسم و التلوين بالفتوشوب .... ( بس بجنوون !)

أدوات الموضوع

ضوابط المشاركة