جالاري اوف إفريثنج

[حسين العطار]

تسلم نيو

هاي رسمة جديدة... تدريب على طريقة الـ cell بالتظليل

[Neo Cid]

ولكم باك يا حسين ..

التظليل ممممممممممتااااااز .. خاصة أنه من النوع المتدرج .. يعجبني هالاسلوب ..


يا حسين نبي منك حركات أكثر .. ملينا من الويوه .. نبي شوية أكشين . :6

لاني اذكر على بداياتك بالمنتدى كنت تراوينا أشياء كانت جديدة بالنسبة لبعضنا ..

[حسين العطار]

سلام شباب و شابات

شخباركم و شحالكم و .. إلخ

منو عندنا؟.. نيو سيد.. يا هلا.. كنك صاير الوحيد اللي يزور المعرض
و مكافأة لك صور أكشن..

[Miss_kimino]

السلام حسين العطار :0)

ما ادري لو كان هذا اول رد لي في الجاليري .. ما اتذكر رديت ..بس اكيد زرته عدة مرات


بصراحة رسمك يختلف عن رسم الانيمي وهذا شي يميزك


يعجبني تظليلك بالرصاص ماشالله عليك تظبطه بشكل غير طبيعي ..

الرسمة الاخيرة حلو وايد ^ ^ عجبني التلوين فيها ! و الوضعية

و رسمة القرصان هم بعد روعة :0) خصوصا وانها بالرصاص


بالتوفيق اخي و انشالله تشوف مني ردود اكثر في الايام المقبلة ;-)

[Maytham]

سلام عليكم ^^ شلونك أخوي حسين؟ أهلا بعودتك .. (صاير نظام شفتات :6 )

ماشاء الله الرسمة روعة من ناحية توزيع الألوان و الإضاءات ..و كتصميم كذلك ..

آنة صراحة ودي أنتقدها .. لأني أحس إن رأيي المتواضع راح يكون فيه فايده ..

بسم الله نبدأ ^^:

1- الراس و عضلة الرقبة .. أحسهم بعاد شوية عن الصدر ..
2- العين اليمن وينهي :7: ! إلا إذا صاحبنا فقدها ..
3- عضلات البطن .. خصوصا الي بالأخير أحسهم كبار زيادة ..
4- الجسم بشكل عام .. ضخم .. أحس نوعا ما يبيله ميزان ^^.
5- لو تلاحظ .. الذراع .. بنفس طول الساق !! ..
6- بالصدر بالذات .. أحس طريقة تلوينه تخليه مسطح .. بدل لا يكون فيه استدارة ..
7- القدم اليمنى صايرة بزاوية 90 و هذي ما تصير ^ذا كانت الساق على جنب ^^، .. يبيلها تظبيط
8- توزيعة العضلات في الذراعان .. يبيلهم تعديل ^^.

و هذا كل ما لدي .. آنة أعلم إنك مصمم فذ .. خصوصا في تصميم السيارات .. و التصميم بشكل عام .. و التظليل الرائع بعد .. بس ألاحظك ما تظبط رسم الأجسام البشرية !! ليش يا فنان ؟؟

على العموم أرجو أن لا أكون قد أزعجتك بملاحظاتي ..

و لك تحياتي الحارة
ميثم