عضو في غرفة التحقيق

[Neo Cid]

Madoka :

- ليش اخترت النيم نيم "نيو سيد" ؟

ذكرتيني بأيام الجاهلية بهذا السؤال .. .. الله يسلمج اختي .. ثالث عضوية

كانت لي بالمنتدى هي Cid Highwind .. و طردت فيها ( لأسباب لا تسألون

سببها ) .. و بعدين فكرت بأسم يديد . خاصة أني أحب الاسم الأول سيد هايوند ..

فخطر ببالي اسمي نفسي Neo Cid على أساس أن نيو معناها كلمة جديد ..

فهذا كان السبب .. عودتي للمنتدى بأسم جديد ..

- اشلون تعرفت عالمنتدى ؟؟

تصدقين ؟ .. قعدت أفكر شلون تعرفت على المنتدى بس ما اذكر ؟ ... :":

بس اللي خلاني أشارك فيه هو منتدى فاينل فانتسي ..

- كم وزنك؟ طولك؟ عمرك؟ شنو اسمك؟

من زمان مو قايس طولي و حاسب وزني و ناسي اسمي .. اقصد اسمي

موجود بالبطاقة الشخصية .. ميثم ..

- اي فصل من فصول السنه تفضله اكثر ^^؟

الصيف .. مادري ليش تكرهونه .. بس أنا أموت عليه .

لما تكون يوعان و انت قاعد عالكمبيوتر و قررت تروح للثلاجه و تاخذ شي تاكله .. شنو اهو؟؟

أرد للكمبيوتر يوعان لأن ثلاجتنا ما فيها شي ينوكل ... :":

- منو اكثر عضو ودك تلتقي فيه و تشوفه ^.^ ؟

كل أخواني و حبايبي في منتدى الرسم الحر بدون استثناء ..

- منو العضو اللي لو شفته جدامك راح تزنطه(اتغشمر) ..

سؤالج محلة أختي .. لا تخافين لو أقولج ما أزنطة .. أعطيه بكس بويهه ..

ترى جوابي جد و ماهو غشمرة .. و العضو عارف نفسه بنفسه ..

- هل تستخدم المسنجر؟ و كم عدد الاعضاء اللي ضايفهم عندك ؟؟

1 2 3 4 5 6 7 8 ................ 24 ................35 ............ مو أكثر من 60 عضو

لأن الكونتاكت عندي 110 .. و بعضهم مختفين و بعضهم عندهم ايميلين

او ثلاث .. 60 على أكثر تقدير ..

alucardracula :

يا هلااااااااااااا بالغالي الماكو أغلى منه .. و اللي الذهب طاح سوقة بعد ما عرفوا

غلاته الناس عندي ..

-عيل شنو أحلى الألعاب الكلاسيكية برايك؟

البطريق بالطبع .. بس فيه لعبة التركيب .. نسيت شنو اسمها .. هذي للحين

العبها ..

-ما رأيك في الفامبايرز؟

لعبة اهي ولا تقصد بالواقع ؟ .. لو بالواقع صراحة أشوفهم ككوووول .. ":"

ودي أصير واحد منهم .. بس مرات يبطون جبدي لو أشوف واحد منهم و سنسونة

متعلقة من خشمة ..

-شنو أحلى قصّتين عندك؟

The Lord Of The Rings و Star Wars من الجزء الأول إلى السادس .. باستثناء
الأجزاء الإضافية ..

-ما هي اللعبة التي استهوتك بموسيقاتها؟

فاينل فانتسي 7 .. و للحين أسمع موسيقاتها .. خاصة الريمكس .. و موسيقى

قتال الوحوش الرئيسية .. و جينوفا ..

-عدّد أحلى خمس ألعاب عندك؟

1- فاينل فانتسي 7

2- ميتال غير سوليد 1

3- كرونو كروس

4- زينو ساجا

5- ستار وورز جيداي نايت 2


و أجمعين ان شاء الله ..

مشكورين على الأسئلة .. ما فيه اصعب ؟ .. هذا اسمة استجواب ..

[alucardracula]

تسلم يالغالي على كلامك الطيّب
..
..
..
(لما أعرف أن واحد يحب الفيديوجيمز أحب أعرف آراءه فيهم باستمرار فأرجو أن نمط اسئلتي ما يضايق بس!)
-من هم أفضل خمس شخصيّات فيديوجيمز برايك؟
-ما هي اللعبة التي تنتظرها بفارغ الصبر؟هل تتوقّع أنها سوف تكون عند حسن ظنّك؟
-شنو أحلى المواقف (أكثر من موقف) عجبوك في فاينل فانتسي؟
-اذكر لي رأيك في شخصيّات فاينل فانتسي الثامن(سكوال,زيل,سيفر,ايرفين)؟
ننوّع الى فئتي المفضّلة الآن..
-ما هي الحكمة اللي تحب تردّدها؟
-ما هي الحكمة المُناسبة لهذا الزمن برايك؟
-(التاريخ يعيد نفسه) ما مدى صحّة هذه المقولة فيما يحدث الآن في العالم؟
-شنو ينقص الشخص في زمننا عشان يخاف الله سبحانه؟
-نصيحة تحب توجّهها الى الشباب اللي التهو عن ذكر الله؟
..
..
اعذرني اذا كنت طوّلت عليك فرأيك يهمني...أتمنى لك التوفيق يا ميثم العزيز..

[MeMe CHaaN]

اوووووه سوري .. مادري من وين يبت نيو كيد أنا... لوووول.. :#

المهم ..

5) هل أنت راضي عن نفسك؟؟

ليش ما جاوبت على سؤالي هذا؟؟؟؟ :" :"
لوووول... لا لا أمزح أمزح و مستحيل ألومك ماشالله من قلة الأسئلة
نسيت إجاوب عن سؤالي هذا.. لوووووول...:6 :-)

شوي شوي علينا .. قلنا وقع علينا الاختيار بس مو تعطونا أسئلة مستحيلة

جان تكسر خاطريه.. لووووول..

بس بعد هذا ما يمنع أنا تطلقون المزيد من الأسئله صوبه؟ لوووول

على طاري الطلقات...
سؤال:

*************************************
لو عندك 3 وردات حق منو بتهديهم؟
و لو عندك 3 طلقات على منو بتصوبهم؟ ((على ما كون منهم.. لوول))

**************************************

و السلام ختام...

[Ranma Saotome]

ياهلا ومرحبا بحبيبنا نيو سيد
الله يعينك صج حرقوووك بالاسئله..
وخاصة اللورد.. لورد خف عليه شوي مسكين

اسئلتي:

1- تفكر تاخذ دورات خاصه او متقدمه في مجال الرسم؟ مثلا التلوين او الفوتو او الماكس او غيره.. ياريت لو تذكر اسماء مجالات الفن اللي مهتم فيها وتتمى تتعلم عليها اكثر (سؤال ملخبط)

2- انا ماشفت ولا جزء من جندام.. تنصحني ابدا بأي موسم.. وبعده اي موسم.. وبعده وبعده.. ياريت لو تعطيني الترتيب الافضل؟

3- افضل مسلسل انيمي رجال آليين بالنسبه لك؟ (واحد او اكثر مو مشكله)

شوووكراااااان

[alucardracula]

هذي يسمونها يا رانما ضريبة المعزّة
أعز هالرجال أحب أعرف رأيه في أمور تهمني وجهة نظره فيها
أرجو أن ما يتضايق الأخ نيو سيد منّي بس:":
موفّقين ان شاء الله,,

[Neo Cid]

alucardracula :

اخذ راحتك أخوي .. أنا شوراي غير أجاوبكم ..

-من هم أفضل خمس شخصيّات فيديوجيمز برايك؟

كلاود سترايف .. سيد هايوند .. سوليد سنيك .. الوكارد ( عشانك بس ) و زيلدا اللي ما اعرف عنه شي ..

-ما هي اللعبة التي تنتظرها بفارغ الصبر؟هل تتوقّع أنها سوف تكون عند حسن ظنّك؟

فاينل فانتسي 12 .. و للحين ما سمعنا عنها خبر غير صورة بوستر كبير لا

أكثر .. و للأسف .. و انا متأكد من أنها راح تكون أحلى من فف10 ..

-شنو أحلى المواقف (أكثر من موقف) عجبوك في فاينل فانتسي؟

لمن آيريس تموت .. كلاود لمن يكتشف حقيقته .. زيدان تريبال

لمن ينقذ كوجا بالنهاية .. و اعتقد بس . هذا اللي اذكره حاليا ..

-اذكر لي رأيك في شخصيّات فاينل فانتسي الثامن(سكوال,زيل,سيفر,ايرفين)؟

غلطة كبيرة اقترفتها سكوير في اللعبة كلها ..

-ما هي الحكمة اللي تحب تردّدها؟

هههههههههههههه .. بهذي ربعي عارفيني فيها .. الحكمة تقول :

( تكبر و تنسى ) .

-ما هي الحكمة المُناسبة لهذا الزمن برايك؟

مداح نفسه يبيله رفسة .. ( تنطبق على كل من بوش و صدام ) ..

-(التاريخ يعيد نفسه) ما مدى صحّة هذه المقولة فيما يحدث الآن في العالم؟

والله مو عارف لو التاريخ يعيد نفسه .. بس اللي أعرفه أن كل اللي قاعد يصير

هو بسبب الموساد الصهيوني و محاولة أمريكا للسيطرة على القلوب العربية

الضعيفة ..و بهذا تزيد من هيبة ما تدعيه بدولة اسرائيل الكبرى ..

-شنو ينقص الشخص في زمننا عشان يخاف الله سبحانه؟

التدبر في خلق الله سبحانه .. لأن معظمنا أكثر شي مجابلين أشغالهم ومو

نفس أيام قبل .. الزمن يتغير .. بس المهم هو التدبر في خلق الله .. و ترك

المعاصي و الالتزام بالمستحبات .. لأنها باب للواجبات..

-نصيحة تحب توجّهها الى الشباب اللي التهو عن ذكر الله؟

1-هالله هالله بالصلاة ..

2- الصاحب ساحب

3- أقم صلاتك .. قبل مماتك ..

( مسوي دعاية .. ) ..


MeMe CHaaN :

اوووه .. نسيت السؤال .. ما عليه .. بجاوب عليه الحين .. يمكن بسبة سؤالج

عن الماي عطشت و كتبت الرد بسرعة ..

5) هل أنت راضي عن نفسك؟؟

لع .. و لحسن الحظ ..

لو عندك 3 وردات حق منو بتهديهم؟

1- أمي

2- أبوي

3- أقطها بين ربعي علشان يتهاوشون عليها ..

و لو عندك 3 طلقات على منو بتصوبهم؟ ((على ما كون منهم.. لوول))

1- شارون

2- بوش

3- صدام

و التكلمة برد خاص لعزيزنا الثاني رانما ..

[Neo Cid]

Ranma Saotome :

ياخذ راحته اللورد .. احنا اخوه و ربع .. ما فيه بيننا تعب ولا مشقة .

1- تفكر تاخذ دورات خاصه او متقدمه في مجال الرسم؟ مثلا التلوين او الفوتو او الماكس او غيره.. ياريت لو تذكر اسماء مجالات الفن اللي مهتم فيها وتتمى تتعلم عليها اكثر (سؤال ملخبط)

بالنسبة للشق الاول .. انا فكرت أني أدخل دورة .. و للحين ببالي هذا الشي

( دورة فوتوشوب طبعا ) .. بس المشكلة جدولي مزدحم بالصيف بشكل فضيع ..

يعني عندي وايد أشغال .. و أولويات .. يعني راح آخذ مادة الفيزياء كورس

صيفي .. و بدخل معهد انجليزي علشان أحسن من انجليزيتي ( الحين الحمد

لله لا بأس بها ) .. بس ان شاء الله من يفضى لي المجال بحاول ادخل دورة

الفوتوشوب ..

و بالنسبة لمجالات الفن .. فاللي أشتغل عليهم حاليا هم التصوير الضوئي (

الفوتوغرافي ) و التصميم .. و بحاول اتعلم على الرسم تدريجيا بالمستقبل

ان شاء الله ..

- انا ماشفت ولا جزء من جندام.. تنصحني ابدا بأي موسم.. وبعده اي موسم.. وبعده وبعده.. ياريت لو تعطيني الترتيب الافضل؟

السؤال هذا مو بمحلة .. :": .. بصراحة أنا عكس أخوي جيم .. أنا ما احب شي

اسمه جاندام .. فيني عقدة منه .. :": .. .... :":

3- افضل مسلسل انيمي رجال آليين بالنسبه لك؟ (واحد او اكثر مو مشكله)

لمن كنت صغير كنت أتابع خماسي بشكل فضيع .. و حتى كريندايزر ( هذا

ملك الآليين بالنسبة لي ) .. والله أيامها كانت أيام عز بالنسبة لنا .. ":"

alucardracula :

تسلم يالغالي .. :#

والله ودي افتح المعجم و أطلع منه كلمات تعبر عن اللي بقلبي تجاهك ..

بس شفت ان كلمات المعجم ما تعبر عن اللي بقوله .. :" <-- لا يقص عليك ..

مشغل أطلس الكتروني ..

لا اشدعوه أخوي ... اخذ راحتك بالأسئلة .. لو انت ما تسأل منو يبي يسأل ..

و أنا بعد عضو تحت التحقيق .. يعني لا ترحمني .. لأنه إذا جا دورك ما راح أرحمك ..

[Bu Laban]

الله على أيام صخر مع أحلى لعبتين (البطريق الذي لا يتوقف و Princess )
:"

و كان فيه بعد لعبة الكونج فو (كانت من الالعاب الرهيبة ذاك الوقت :6 )

اليوم ماعندي أسئلة كثيرة ، بس بحاول :

1-شنهي المواضيع اللي تنجذب فيها غير الرسم و الانمي؟
2-شنهي طموحاتك المستقبلية من الناحية الدراسية؟
3-ما هي مواصفات التي تريدها لزوجة الغد؟==>مش مجبور تجاوب على هذي :-)
4-أكلاتك المفضلة ، لبسك المفضل ، حيوانك المفضل؟
5-ما هي أفكارك للوضع اللي عايشينه في هذه الايام؟


هذا الاسئلة كلها خفيفة مالقيت شي أعجزك فيه

مستني ردك :6

[Neo Cid]

Bu Laban :

1-شنهي المواضيع اللي تنجذب فيها غير الرسم و الانمي؟

التصميم و التصوير .. و متابعة الأخبار ..

2-شنهي طموحاتك المستقبلية من الناحية الدراسية؟

اهم شي ان المجال اللي اشتغل فيه يكون الهندسة .. لكن مو هامني بأي

قسم بالهندسة بالتحديد ..

3-ما هي مواصفات التي تريدها لزوجة الغد؟==>مش مجبور تجاوب على هذي

ههههههههههههههههه ...

4-أكلاتك المفضلة ، لبسك المفضل ، حيوانك المفضل؟

الاكل هو الشاورما ..

و اللبس هو اللبس الصيفي و الاهم يكون رياضي شوي مو رسمي ..

و الحيوان هو القطو .. ":"

5-ما هي أفكارك للوضع اللي عايشينه في هذه الايام؟

الله يخس أمريكا و بريطانيا ..

و مشكور على الأسئلة ..

[BUBLE]

هااااااااااااي^^

مسكين سيد كلوه بالاسئلة:6 .....

عندي اسئلة خفيفة ..........

1- وين الاماكن اللي تحب تروح لها؟؟

2- اذا كان عندك مليون دينار..شنو راح تسوي فيه؟؟

3- شنو اكثر مادة تحبها بالمدرسة؟؟

....وبس;-)

[هـداف]

أوبس

متأخر اشوي

اوكي
عندي كمن سؤال

_________

1- تحب الكورة ؟؟

2- تلعب كورة؟؟

3- شنو أحسن منطقه تلعب فيها؟؟(حارس ، دفاع، وسط، مهاجم)

4- من أحسن لاعب عندك؟

5- تشجع أي فريق؟

6- تشجع أي منتخب؟

:6

انشاءالله تكون الأسئله خفيفه وبسيطه عليك:6

[Neo Cid]

BUBLE :

1- وين الاماكن اللي تحب تروح لها؟؟

بالكويت .. اتمشى عند البحر .. أروح الديوانية مع الربع .. أئذي الواحد أقوله

كاني جدام باب بيتكم بطل الباب .. << --- تحسون قله أدب

2- اذا كان عندك مليون دينار..شنو راح تسوي فيه؟؟

اللستة طويلة .. ما اقدر اذكرها بالمنتدى ..

3- شنو اكثر مادة تحبها بالمدرسة؟؟

الرياضيات .. خاصة استاذنا .. تحفة .. صارلة 3 سنين ورى بعض يدرسني ..

الله يبي صورته خل يطلب مني ..

sha3er :

1- تحب الكورة ؟؟

طبعا .. ":"

2- تلعب كورة؟؟

على الأقل بالاسبوع 4 مرات بالصيف ..

3- شنو أحسن منطقه تلعب فيها؟؟(حارس ، دفاع، وسط، مهاجم)

Full Option ..

بس المنطقة اللي افضلها أكثر هي الدفاع .. علشان أقص عليهم و أهجم ..

4- من أحسن لاعب عندك؟

ولد عمي توتي .. ( كنا نلعب مع بعض لمن كنا صغار )

5- تشجع أي فريق؟

العربي الكويتي .. و عالميا روما ..

6- تشجع أي منتخب؟

الكويت ... و ايطاليا ..

و مشكورين على أسئلتكم الخفيفة .. هذا ما صار استجواب ..

[Golden_Sun]

:! كل هذة اسئلة ..

اقول ميمي جان لا تختاريني للمرة الياية ... :6
انا بالغصب سئلت 3 اسئلة مادري من وين جوا لمخي

[alucardracula]

شكرا يا نيو سيد على مشاعرك الطيبة أخويي..
...
..
.
-ما هو رأيك في الخيول؟
-ما أفضل ثلاث مواقع في الإنترنت عندك؟
-ما الذي ينقص المنتدى برايك؟
-بماذا تنصح الأعضاء عموماً؟
-بماذا تنصح عضو معيّن(مو شرط تقول من)؟
.....
....
...
..
.
هذا و ما توفيقي الا بالله..بالتوفيق يا نيو سيد.

[رجل الحاسوب]

موضوع جميل يزيد من التعارف على الاعضاء (كنت في البداية اطمع بان اكون في غرفة التحقيق لكن بعد الكم في الاسئلة الوجهة للعضو المحبوب نيو كد غيرت رأي )
عموما سؤالي سيكون رصاصة الرحمه ل نيو كد
كم سؤال بعد التي سؤلتهم تستطيع ان تستحمل؟؟؟