نقاشات وأسئلة

[NsaN]

هو طبعاً رسم الاوفا افضل كونه حلقات خاصة..
بس هم رسم المسلسل ممتاز (هو طبعاً فيه اخطاء بسيطة بس ما في انمي يخلو من هالشيء)..
و بالنسبة للقصة هو يبدأ بقصة تختلف كلياً عن الاوفا و لكن المفاجأة تكتشفينها بعدين (صدقيني مفاجأة اكثر من رائعة)..
و يفضل ان انج تشوفين المسلسل بعد ما تنتهين من الاوفا مباشرة..
وبالنسبة لسؤالج المسلسل يتكون من 26 حلقة..

[*Ran*]

لكن المفاجأة تكتشفينها بعدين (صدقيني مفاجأة اكثر من رائعة)..

شكله راح يصير شي عجيب ..... يمكن الشهر الياي بعد ماخلص إلي عندي أشوقه
الصراحه حمستني ^^

أخوي تعرف أوفا حلوه نفس نوعية ريد أور داي من ثلاث أربع حلقات يعني مو وايد .....

[3shiro]

اي صح هذا اسمه مشكور أخوي ........^^

منو فيكم شاف Read or die الـ Ova مو المسلسل ...... شرايكم فيه مو حلو أنا شفته
من 4 شهور وعجبني وايد ......^^

انا شفت الاو في ايه وهو 3 حلقات يمكن بس ما عجبني وايد.

[*Ran*]

انا شفت الاو في ايه وهو 3 حلقات يمكن بس ما عجبني وايد.

أنا أول ماشفت الحلقه الأوله ماعجبني وما كملته لكن يوم كنت فاضيه ومتملله وكنت أبي أشوف
شي فشغلته من الأول الصراحه ماقمت من جدام التلفزيون إلي يوم خلصته كله ......^^
فأنصحك أتشوفه مره ثانيه وهو مو طويل وايد يعني ماراح ياخذ من وقتك مدته تقريباً
ساعة ونصف (ثلاث حلقات ).........

[*Ran*]

أنا مساع قاعده أدور بهالمواقع الخاصه بالإنيمي وشفت صور لمسلسل
اسمه Hime Chan no Ribbon يوم شفته حسيت إني شايفته من قبل
عربي لكن مو متأكده فأتمنى من إلي يعرفه يقولي هل دبلجوه عربي
وشنو اسمه ....... سنة انتاجه1992 ^^

[*Ran*]

وهذي صوره له عشان تتذكرونه ...... أنا حاسه إني شايفته عربي مادري ليش

[NsaN]

ران

للأسف اختي ما اعرف اي OVA بنفس نوعية R.O.D..
و بالنسبة للانمي اللي حاطة صورته حاس انه مو غريب علي بس ما اذكر والله..

عندي كم استسفار لو سمحتوا...

المسلسلات التالية تستحق المتابعة او لا؟؟ و بشو تنصحوني ابدأ؟؟

1. Monster
2. Tenjou Tenge
3. Jungle wa itsumo Hare nochi Gu
4. MADLAX

و في حد شاف Samurai 7؟؟ و هل يستحق المتابعة؟؟ يا ريت اللي شافه يخبرنا شو رايه بالمسلسل..

و مشكورين..

[*Ran*]

أخوي Magenta ^^
أنا ماشفت من إلي ذكرتهم سوى جم حلقه من Tenjou Tenge..... وإذا إنت تحب
القتال والحركات العجيبة فأنصحك فيه
وعندك Monster عجيب وايد لا يطوفك ........... أما الباقين ما أعرف عنهم شي .....

[*Ran*]

شباب عندي طلب لوسمحتوا ........ ^^
ممكن أحد يذكر لي جم فيلم يكون ذو قصه واقعيه يعني ما فيه قوى خارقه وخيال
مو شرط رومانسي المهم واقعي سواء كان رومانسي أو كوميدي أو درامي عادي المهم مافيه خيال ...^^

[NsaN]

Grave Of The Fireflies..
هذا اذا ما كنتي شايفته من قبل..
واقعية لأقصى حد و قصته من اروع ما يكون (يكفي انها مقتبسة عن قصة حقيقية)..
الانمي رقم واحد بالنسبة لي..

[*Ran*]

شايفته أخوي Magenta ^^
اذكر شفته بالعربي باسم سيتا الحنون وكانت الأحداث مؤثره لأقصى حد .....
ياريت أخوي إذا تعرف فيلم ثاني تقولي ^^

[TNT-BOY]

شباب عندي طلب لوسمحتوا ........ ^^
ممكن أحد يذكر لي جم فيلم يكون ذو قصه واقعيه يعني ما فيه قوى خارقه وخيال
مو شرط رومانسي المهم واقعي سواء كان رومانسي أو كوميدي أو درامي عادي المهم مافيه خيال ...^^

شوفي الحوايج الى مدحتهم لاني ما اتابع الخيال بل ما اشتهيه بالاحرى

وانتي تريدي افلام ؟

انا الحين بكتب لك على الطاير لأني مستعجل شوي

Perfect Blue <<<<<<<<<< كله عن ناس "سايكو"

Lupin <<<<<<<<<<<<< له افلام واجد بس حلوين

Ashitano Joe <<<<<<<<<< غني عن التعريف بس للأسف ماهو عندي كامل

Heaven's Door <<<<<<<<<< وهو الفلم مال Cowboy Bebop وادا عجبكي المسلسل فاكيد بيعجبكي الفلم لانه عباره عن حلقة بس طويلة

Black Jack <<<<<<<< ادا ماشاهدتيه فشاهديه اما ادا ماتعرفيه فهدي المصيبة

Blood - The Last Vampire <<<<<<<<<< بس ما امدح لك في القصة تراها ضعيفة جدا


Detective Conan <<<<<<<<<<<< يعني اسمك ران يعني المفروض انكي شفتيهم

Initial D <<<<<<<<<<<<< بس ما اتوقع يعجبك لانكي بنت وهو سيارات × سيارات


وهدا الى اذكره الحين

[*Ran*]

Perfect Blue <<<<<<<<<< كله عن ناس "سايكو"

هذا الفيلم موجود عندي بس لحد ألحين ماشفته لأن أعضاء
وايد ما مدحوه ......... لكن يمكن أشوفه عشان أحكم بنفسي .... ^^

Lupin <<<<<<<<<<<<< له افلام واجد بس حلوين

هو له مسلسل صح ....... إذا هو نفس إلي في بالي فأنا أفكر أشوف المسلسل
لأنه فيه مغامرات جميله مثل عدنان ولينا إلي أحبه .......... أعتقد له فلمين

Ashitano Joe <<<<<<<<<< غني عن التعريف

طبعاً غني عن التعريف ...... ^^

Heaven's Door <<<<<<<<<< وهو الفلم مال Cowboy Bebop

أنا ماشفت من المسلسل إلى جم حلقه وما أبي أشوف الفيلم
إلى بعد ما أنهي المسلسل ..... ^^

Black Jack <<<<<<<< ادا ماشاهدتيه فشاهديه

لا شفته من زمان ...... وإذا ماشاهدته ليش يكون مصيبه ؟

Blood - The Last Vampire

شفته وصح كلامك بالنسبه للقصه وتسلسل الأحداث ...... ^^

Detective Conan <<<<<<<<<<<< يعني اسمك ران يعني المفروض انكي شفتيهم

لا تزعلني منك أخو ي هذا سؤال تسألني إياه :vereymad: -------------))) أكيد شفتهم كلهم.......

Initial D

أنا ما أحب هذي النوعيه لكن ودي أشوف أول حلقه بس عشان أشوف طريقة حركة السيارات
لأني شفت له صور وكانت السيارات رائعه من ناحية الرسم فودي أشوف الحركه .....

[*Ran*]

شباب في شي نسيت أقوله في الرد إلي فوق ........ وهو
إن مغامرات كوكي أقدم الإنيمات ينعرض الآن على قناة ليبيا
فإلي يبي يتذكر أيام الطفوله يطالعه ......... يعرض تقريباً الساعه
ثلاث ونصف أو أربع بتوقيت الكويت ...... ^^

[Doel]

. Jungle wa itsumo Hare nochi Gu
4. MADLAX

و في حد شاف Samurai 7؟؟

السلام عليكم ..


أخوي Magenta

Jungle wa itsumo hale nochi guu انمي رهيب و يضحك وايد لأن Guu ابدا ما ترحم Hale المسكين... صح نسيت.. الأنمي كله عبط × عبط

MADLAX ما ادري اذا شفت Avenger ولا لأ بس هالأنمي نفس الأسلوب بالضبط ...(البرود و الشخصيات اللي تكون غامضه في البدايه) نقدر نقول انه افنجر بس بقصه ثانيه

اما بالنسبه لساموراي 7... انا شفت اول حلقتين و صراحه وايد عجبني (مع ان الحلقة الأولى ممله شوي ) و انا انصحك تشوفه

Doel