بتشوفوني في طاش 13 .. في دور ارهابي

[MoaeD]

مؤيد ,,
اذا خالد سامي ولد عمك ..
اجل انا برويز مشرف .

سلملي عليه هههههههههه

وليه ما يصير ولد عمي

على العموم استخر وبالتوفيق

[Lucky guy]

لكي قاي ,,
ياخي ذا العالم ماتبي تصدق .. بالله عطني رايك .. انت انسان واعي ومثقف خخخخخخ
يعني لازم اقوللهم من اللي طلع معي لجدة .

لكن قاتل الله الحسد .

بدال مايقولون .. مبروك .. وعقبال ماتصير من النجوم .

هذا مهوب مصدق .. وذا مسوي خفيف دم .
انا اقدر الاراء .. لكن اذا عندك راي .. حطه .. زي بعض الاخوة فوق .
لكن انك تخش بس عشان تستعبط ..!!!

يا أخي العزيز أنا ما أستعبط ولا يحزنون بالبدايه كنت معطيك راييء وقلت الى الامام !! والان أقول لك الى الخلف !!

عشان الصلاح -____- بس شكلك أنت خلاص صورت وقضيت بس هل بتستمر بالتمثيل أو ماذا ؟!!

وهل فكرت بالراتب اللي بتستلمه هل هو حلال أم حرام مثل ما قالوا الاخوان يعني مدري وش أقولك صحيح أنك أخذت خطوه وبجدارة بس ما فكرت ماذا بيحدث بعد وما ستواجه من قبل نظره المجتمع إليك ..

فكذا اقول الله يهدي الجميع ..

[Trapped Inside]

يا أخي العزيز أنا ما أستعبط ولا يحزنون بالبدايه كنت معطيك راييء وقلت الى الامام !! والان أقول لك الى الخلف !!

عشان الصلاح -____- بس شكلك أنت خلاص صورت وقضيت بس هل بتستمر بالتمثيل أو ماذا ؟!!

وهل فكرت بالراتب اللي بتستلمه هل هو حلال أم حرام مثل ما قالوا الاخوان يعني مدري وش أقولك صحيح أنك أخذت خطوه وبجدارة بس ما فكرت ماذا بيحدث بعد وما ستواجه من قبل نظره المجتمع إليك ..

فكذا اقول الله يهدي الجميع ..

اول مره ترد رد فوق العشر كلمات ..


هارب ... تراك فهمتني غلط .. اموت على الفهم ولله ..

[Lucky guy]

اول مره ترد رد فوق العشر كلمات ..


هارب ... تراك فهمتني غلط .. اموت على الفهم ولله ..

" خير الكلام ما قل ودل " ..

[Trapped Inside]

" خير الكلام ما قل ودل " ..

صدقت ..

بالمناسبه اول مره ترد من دون ما تحط ذا الوجه " -___- " >>> ما كنك مصختها ..

[أفلاطون]

.. وش عليك من اراء الناس اذا انت مقتنع ..
.

هذا الكلام حلو وجميل ويغرك من اول نظره..

في بعض امور الحياة العاديه يمكن يتخذ بعض الناس هذا الكلام كمبدأ لهم مع ما فيه من تهميش لعقول الغير ..تخيل مثلا ان هذا الكلام ماخذه احد المسؤولين او الرؤساء او الملوك كمبدأ له

وايضا اتوقع ان فيه بعض امور الحياة تتطلب انك تتعامل بهالمبدأ..خصوصا في بعض الامور اللي تخصك(سيارة-لبس...الخ)

لكن..هل يصلح ان الواحد ياخذ الكلام هذا كمبدأ في امور الدين؟

اذا كان ممكن..اجل يجيك واحد ويصلي ثلاث صلوات في اليوم ويمشي وهو ملك

والتجربة دائما .. هي الجواب .. ..

لكن اذا كانت التجربه في الامور الشرعيه متى يكون الجواب؟بيجيك رسول ويعلمك نتيجة التجربه؟والا النتيجه يوم القيامه؟

[D0WN~T0WN]

ياناس وقسم بالله لو انه بيشارك بفيلم اباحي الحين

هي تجربة جديدة ومااظنه يفكر بالفلوس بالوقت الحاضر
وبعدين الحلقة هادفة وكثار يتمنون المشاركة فيها

[أفلاطون]

ياناس وقسم بالله لو انه بيشارك بفيلم اباحي الحين

هي تجربة جديدة ومااظنه يفكر بالفلوس بالوقت الحاضر
وبعدين الحلقة هادفة وكثار يتمنون المشاركة فيها

امثله على مستوى كلامك...

#واحد بيسرق 100ريال..

DoN~T0N:خلوه يسرق والله لو انه بيسرق البنك المركزي

ـــــــ

#واحد يدخن..

DoN~T0N:خلوه يدخن والله لو انه ياخذ مخدرات

ــــــــــــــــــــ

اتصل على شيخ وقل له االاوضاع كامله وان قال لك ما فيه مشكله في المشاركه انا اول واحد يبارك له

ياخي الامور هذي موب انت ولا انا اللي نفتي فيها ولا نحكم فيها عقلنا فيه ناس مختصين بالامور الشرعيه مثل ما فيه ناس مختصين بالطب..

ياخي اذا جاك مرض لا قدر الله بتروح للطبيب عشان يوصف لك العلاج والا بتروح للصيدليه وتطلب دوا من راسك؟؟ خلوكم منطقيين شوي!!

[Arsene Lupin]

أفلاطون جزاك الله خير...

حول ما أحلف لك بالله ان هارب فهم و تعمق الكلام في دماغه و قلبه...

خلاص خله يفكر الحاله و يتصرف من نفسه... التحجير من الناحية الدينيه تنفر الواحد...

أدري نيتك طيبه بس يكفي نقاش هههههههههه

و جزاك الله خير...

[HArb200]

خوباج ,,

ياخي انا ارد عليهم .. اما اقتناعي فهذا شي مفروغ منه .

اودين ,,

هذي هي اهم نقطة :icon6:

مؤيد ,,

ياخي حدث العاقل بما يعقل ..
مهوب اهانة لشخصكم الكريم .. ولكن وبكل بساطة .. خالد ابيضاني .. وانت اسوداني .
مع اقتناعي باختلاف الالوان .. بالتاكيد.


لكي قاي ,,
ياخخخخخي تعجبني مداخلاتك .. ماقلتلك انت ادمي مثقف وواعي خخخخ
وعلى فكره انا مااقصدك .. لكن الاستعباط واضح ترا ببعض الردود .
وبالنسبة للراتب احيلك لرد الاخ داون تاون .. :vereymad:

ترابيد انسايد ,,
حصل خير ..

داون تاون ,,
ياخي كلامك جميل جدا .. ومعبر جدا .
اشكرك على دماثة خلقك .خخخخ

ارسين ,,
ياخي انا لو بغيت اقلب الموضوع لافتاء .. مابدهاش .
لكن بيتدمر الموضوع .. وتخرب فكرته ومضمونه.



لكن افلاطون واخت الاسلام .. يقولون .. اقتنعوا برأيي .. ولانيب مقتنع برأيكم .
ناقشوني برايي ولا ابي اناقشكم بارائكم

[MoaeD]

مؤيد ,,

ياخي حدث العاقل بما يعقل ..
مهوب اهانة لشخصكم الكريم .. ولكن وبكل بساطة .. خالد ابيضاني .. وانت اسوداني .
مع اقتناعي باختلاف الالوان .. بالتاكيد.

انا اتفق معك بهالمسأله .. لكن موب لدرجة الأسوداني عاد


لكن ما قد سمعت بسالفة "العرق دساس" ؟ ترى الخوال يأثرون يبو

ليتك تشوف واحد من اخوانه (كل اخوانه الباقين من ابوه بس) .. منتب مصدق انه اخوه

[أفلاطون]

خلاص خله يفكر الحاله و يتصرف من نفسه... التحجير من الناحية الدينيه تنفر الواحد...
.

صح .ممكن ان التحجير من الناحيه الدينيه ينفر الواحد..

وانا قلت (ممكن) لأني ما ادري وش معنى التحجير عندك بالضبظ!!

لكن انا بوضح لك الموقف وبعد كذا قل لي هذا اللي تقصده والا لا..

لما تقول رأيك لواحد وهو يرد عليه بكلام ينفي صحة رأيك..هل ترد عليه وتوضح له رأيك على اساس ممكن انه ما فهم وش تقصد ؟ والا تخليه ما ترد عليه بهدف عدم التحجير في الامور الدينيه؟!

لو تلاحظ ردودي ...

ردي الاول كان على الموضوع بشكل عام..

وردي الثاني كان على رد له.. انا كنت اشوف ان فيه مفاهيم ميب صحيحه بالنسبه لي واللي لايمكن انها تدل على انه فهم فكرتي زي ما قلت انت...فهل اخليه بنفس الحجه؟ ...والا احاول اوضح له فكرتي الين اشوف في رده انه فهم الفكره حتى لو ما اقتنع فيها؟

في ردي الثالث ..كان رد على كلام له عرفت منه انه ما يبي يغير رايه ولا كان يبي ااراء معارضه لرغبته وانه موب مستعد يناقش في الموضوع عشان يوصل الى نتيجه..(مع انه في هذا الرد تعذّر بعذر ممكن الواحد يرد عليه)هنا انا اسميها نقطة (التحجير في الدعوه) يعني..يا اكمل وارد على العذر اللي قاله او انهي الموضوع ..لو تلاحظ اني ما رديت على عذره..

وهو بعدها رد علي رد فهمت منه انه ما اقتنع برأيي..هل قعدت اعابط؟

والردود اللي بعدها ما كانت موجهه له ..كانت ردود على اعضاء ثانين اناقشهم في اارائهم اللي كانت بعضها خارج الموضوع وبعضها في جزء من الموضوع ..وابو الشباب ماجيته لا بخير ولا بشر


لكن تشوف رد مثل رده الاخير اللي اعتبره مستفز شوي وش تسوي؟

عالعموم انا اتمنى اني اكون فهمت فكرتك زين ورديت عليها..

لكن اذا كنت مافهمتها اتمنى انك توضحها سواء برساله خاصه او برد هنا لأن هذا الموضوع يهمني جدا لأني ابي اعرف هل طريقتي صحيحه او لا؟==>لو ما يهمني الموضوع كان ما تحمست وكتبت كل هالرد اللي اتوقع انك عارف اكثره:|


لا تدقق على الاخطاء الاملائيه:|

[أفلاطون]

لكن افلاطون واخت الاسلام .. يقولون .. اقتنعوا برأيي .. ولانيب مقتنع برأيكم .
ناقشوني برايي ولا ابي اناقشكم بارائكم

اخي العزيز هارب المنفتح على الطبيعه المتحلي بالعزيمه.. الموسّع صدره العظيم الدبره..

كيف انا اقول اقتنعوا برأي ولانيب مقتنع برأيكم..وناقشوني براي ولا ابي اناقشكم بارائكم!!

اصلا الاقتناع بالرأي متى يكون؟

الاقتناع بالرأي يكون يعد توضيح الافكار اللي تتم بالمناقشه..

الحين الزحمه اللي انا مسويها بموضوعك وش تسميها؟ ما تسميها مناقشه لرأيك؟

والا كنت تحسبني امزح


عجبن عجبن!!!!!!

[Lena]

لا ادري عن تفاصيل الموضوع

بس الزبده بالنسبه لي..

اخيرا بنشوفك ...@@ ههههههه

مبروك مقدما وبالتوفيق



همسه في اذن اودن..يبغالك بقصه قويه مع اذنك مب همسه الله يرجك هههههه

[rushin_911]

مبروك أخوي و إن شاء الله نشوفك قريباً على الشاشة