عضو موقوف
بالتأكيد كان كل الخير بالعراق في زمن صدامالمشاركة الأصلية كتبت بواسطة حسـن
اشو دتحجي عبالك الامريكان كلشي ممسوين بلاوي؟
بس لحظة .. الايام اللي اني عشتها بالعراق جانت تحت حكم صدام!! يعني بفضل صدام و البعث
هسة يعني الاحتلال زين لانه صار اكو انترنت؟ ليش شنو العراق مجان بيه اي خير لمن جان صدام بالحكم؟
صدك جذب ..
وهنا تجد بعض من خيره
http://massgraves.info/
فعلا الذي يده في الماء ليس كالذي يده في النار !!!!
عضو نشيط
عاد سنفور لتحريف الكلام ..لن أرد عليك.
كبير يا فيليبي
عضو جديد
الانترنت جاء الى العراق في 2000وكانت محصورة في بغداد فقط وفي مكاتب بعدد اصابع اليد لاصحابها الذين لم تكن رتيهم في الحزب الفاشستي المقبور البعث اقل من رفيق .. ومدير المكتب كان من وراء شاشته يزور كل الصفح التي يزورها المتصفحين ليعلم الى اي شئ يطالعون .. فلم يكن احد يتجرأ ان يتصفح الاخبار او زيارة الصفح السياسية .. وانت قلت بانك زرتها لذلك اقسم بالله العظيم بانك لم تزر مواقع الاخبار او السياسية و اعود واقسم بالله العظيم على انك لم تتصفح المواقع السياسية
اشو دتحجي عبالك الامريكان كلشي ممسوين بلاوي؟
اولا اني كايلك اني معايش بالعراق .. ثانيا هذا المنطق غلط.
يا أخي اني بالنسبة الي شخصيا احس ان اجمل ايامي عشتها بالعراق .. و كل سنين الغربة هذه ما احسبهة من عمري,
بس لحظة .. الايام اللي اني عشتها بالعراق جانت تحت حكم صدام!! يعني بفضل صدام و البعث
هسة يعني الاحتلال زين لانه صار اكو انترنت؟ ليش شنو العراق مجان بيه اي خير لمن جان صدام بالحكم؟ اليس التعليم في العراق هو الافضل على مستوى كل الدول العربية؟ اليست الامية في العراق هي في اقل مستوى؟ الم يكن العراق آمنا من المخدرات؟ الم تكن تصل للعراق آخر و احدث انواع الكومبيوترات؟ و هذا ايام صدام .. فهل هذا منطق؟ الاحتلال زين لانه سمح بالانترنت
يعني يابة هذا مو منطق .. خوبن وين الكهرباء؟ شنو فائدة انترنت اذا الكهرباء تجي ساعة و تنكطع اربع ساعات؟
صدك جذب ..
اما التعليم في العراق فهو كان ومازال الافضل على مستوى كل الدول العربية لان العقول العراقية شهيرة على الصعيد العالمي كله فلم يكن عبقرية الدماغ العراقي من صنع البعث انما من صنع الله
اما بصورة عامة وكما تدعي بان العراق كان افضل حالا فاقول قم بزيارة العراق الان بعد تطهير العراق من الجرثومة البعثية لترى الفرق في كل شئ
اصبح كل بيت عراقي له سيارة في حين كانت السيارة التي يملكها ما بين كل 10 عوائل هي البرازيلي المزنجرة التي كانت تسير يوم في المدينه وتبات 10 ايام في الشيخ عمر
الملابس التي كان العراقي يلبسها كانت قد ابيضت من الغسل ولم تكن تعرف بان اللون للبس ان كان ازرقا او اخضرا ,, وكان يشترى من عيد الفطر الى عيد الفطر قميصا واحدا من البالات
وجوه العراقيين كانت شاحبه مصفرة جماجمهم كانت يستطيع المرء من معرفة تفاصيلها
هكذا كان المواطن العراقي صاحب اول احتياطي نفط في العالم .. كان يعيل عائلته براتبه الثماني دولارات في الشهر
هذا هو حال العراقيين على زمان سيف العرب المنكسر الذي اقتلع كالجثة المتعفنة للجرذ من حجره الجبان
هكذا كان العراقي يعيش والان وبعد زوال الطاغوت ويريدون العراقيين ان يعيشوا كباقي الشعوب وياتي الانذال المغسولين من الذمة والضمير ليمجدوه ويحلمون بعودته
الا تبت ايادي كل من يحمل في نفسه مقدار ذرة من اعجاب بشخص الجرذ صدام النتن
عضو نشيط
اني مكتلك الانترنت جان موجود .. كل اللي ردت اكوله ان منطقك غلط.
على فكرة اني جنت ازور مواقع سياسية و اسلامية .. لعلمك لمن رحنة بـال 2000 شفنة هواية شغلات متغيرة .. بس عموما مو هذا موضوعنا.
الخلاصة انك لحد الان تأيد الحرب و "الدبابة" الأمريكية؟
كبير يا فيليبي
عضو جديد
ياحرب؟؟
اذا ماكو ارهابيين ماكو حرب... ما افتهمت اي حرب تقصد
اذا ملاحقة الارهابيين تقصد .. فانا ساعارض الحكومة اذا ما تهاونو معهم ولم يقلعونهم من جذورهم النتنة التي تقتل كل يوم العشرات من ابناءنا
والدبابة الامريكية انا مؤيدها ولا بد ان تبقى الى ان يتم تشكيل الحكومة الشرعية التي سينتخبها الشعب في الشهر العاشر من العام هذا وبعدها فلا بد ان ترحل
عضو مثالي
أحسن شي شعارهم
تريد زواج متعة.. انتخب 169
عضو جديد
تعلم كيف تكون محاورا و كيف تختار الكلمات المهذبه وبعدين اتدخل في ما لا يعنيك
ماكو اسم عراقي بوضاري
مادام انت مو عراقي فرجاء لا تتدخل في شؤن بلدنا
اذا تسمح للغير التدخل في شؤن بلدك فهذه مشكلتك وانت حر ... اما نحن العراقيين نعتير حدود جمهوريتنا خط احمر ونفصل القدم التي تطأ التراب العراقيية
عضو نشيط
خير خير ..
يا حرب؟ ولك الحرب .. الحرب!!!! الحرب اللي ليهسة مخلصت!! يا أخي الحرب .. شبيك؟ياحرب؟؟
اذا ماكو ارهابيين ماكو حرب... ما افتهمت اي حرب تقصد
خوش كلاوات .. مثل هذا اللي طلع اول يوم سقوط بغداد و كال زين هسة الامريكان حررونا بس خلي يطلعون!!!والدبابة الامريكية انا مؤيدها ولا بد ان تبقى الى ان يتم تشكيل الحكومة الشرعية التي سينتخبها الشعب في الشهر العاشر من العام هذا وبعدها فلا بد ان ترحل
لك والله مد افتهم انتوا شلون تفكرون .. بس شكول .. لك آخ آخ ..
يا ليل كم أثقلتني بالهم و الأحزان
أصداء صرخة موطني تنساب في وجداني
فتكل نحري أعيني يمدامع الحرماني
هتف الجهاد بإخوتي فمضوا بلا استئذان
سأعيد أرضي بالدم القاني و بالنيران
و الله لن يطئوا الثرى إلا على جثماني
كبير يا فيليبي
عضو جديد
حبيبي بوفلاح
ربما لن تصدقني اذا قلت لك بانني عاشق للعراق واهله .. وانا مغرم وهائم بحب حبيبتي العراق
لكن انت والاخ التكريتي اكبر مشكلة في حياتي لانكما ( في نظري ) ظالين عن الطريق الذي يؤدي الى بغداد الحبيبة واعتبر انه فرض على ان ادعوكما الى الطريق
لاني كل عراقي اعتبر نفسي خادم له،، فوالله على الرغم من الالام التي تدخلها انت و تكريتي الحبيب كل يوم بردودكما وانتم من اقسى المتحاورين هنا في المنتدى الا انني خادم لكما لانكما عراقييان شريفان ... ماعدا العراقيين البعثيين .. فاذا اصبحو عيني اليمنى ساقتلعها
ولكن يا اخي ارجو ان لا تنسى بانني من الناخبين وانت من المقاطعين .. ولكن انت عراقي وانا عراقي فدمنا واحد وخلقنا الله تعالى من تراب واحدة
لذا لا تكن قاسيا على غيرك ممن انتخب ... فكل يرى الاشياء من زاوية مختلفة من الاخر .. فقط الاختلاف بيننل هو انني مؤيد للحكومة وانت معارض
والمعارضة حقك المشروع الذي حرمت انا منه لعقود .. والمعارضة دليل على حرية الرأي والديمقراطية
لابد ان نعي الديمقراطية بصورة صحيحة لاننا شعوب متخلفين في هذا المجال من العلوم المرضية !!
ولك من الف تحية يا اخي الغالي ابن الغاليين
عضو نشيط
ولك اني اللي اريد افتح عينك بس والله تعبت وياك .. يابة مو قصة انتخابات .. هسة اني قسم من اقاربي صوتوا .. شنو يعني! مو هذا موضوعنا! محد كال اللي صوت خائن (عالأقل آني مدا كول هيجي) .. بس دنكول هاي الانتخابات كلاوات و غير نزيهة.
لك همينة يكلي بعثية .. عمي كافي عاد عايش بهالأوهام ..لاني كل عراقي اعتبر نفسي خادم له،، فوالله على الرغم من الالام التي تدخلها انت و تكريتي الحبيب كل يوم بردودكما وانتم من اقسى المتحاورين هنا في المنتدى الا انني خادم لكما لانكما عراقييان شريفان ... ماعدا العراقيين البعثيين .. فاذا اصبحو عيني اليمنى ساقتلعها
اكلك فد شغلة .. حجيبلك من الآخر ..
انت اكيد تعرف أبو طبر, صحيح؟
الزرقاوي هو أبو طبر مال أمريكا .. و خلص عاد! كافي تكلي بعثية و ارهابيين.
شوف اكلك فد شغلة, البعثيين طلاب دنيا لو طلاب شهادة؟ طبعا مو طلاب شهادة! و مستحيل واحد بعثي يفجر نفسه انتحاري, لأنهم طلاب دنيا.
حتكلي القاعدة .. اكلك زين عيني, منو كلك المقاومة افكارهم مال قاعدة؟
شوف اكلك فد شغلة يا الحبيب .. العراق هسة هوسة .. صحيح لو مو صحيح؟ يعني ممكن اي واحد تيلثم و يروح يلزم رشاشة و يخرط .. تكدر تعرف هذا مقاومة لو قاعدة لو مافيا لو عصابة؟ يمكن يكون عميل مهمته تشويه المقاومة! شنو المشكلة؟ الزم رشاشة و اخرط بالشارع و صيح الله أكبر عاشت المقاومة و عاش البعث! اي واحد يكدر هيجي يسوي, هل هذا يعني انه هذا الشخص من المقاومة؟ او انه يمثل المقاومة؟
انطيك مثال بسيط .. مرة جنت دا اتفرج عالـ CNN من زمان و جان طالع تقرير .. فهذا المراسل جال بالعراق و عباله انه الناس تحب صدام حسين! ليش؟ لانه اي واحد يسأله شنو رأيك بصدام حسين يكله "اييي هذا قائدنه احنه نحبه!" و ملكاله فد واحد يكله لا .. و هو طبعا ميعرف شنو القصة فصدك!
دتعرف قصدي؟ يعني علمود تقيم الوضع زين, لازم تكون عندك معرفة زينة بيه.
يعني هذاك المراسل مبين عليه ميعرف شنو يعني مخابرات بالدول العربية .. خصوصا العراق (و اغلب الدول العربية يعني..) فعباله ذولة يحبون صدام منصدك!
فهسة الوضع بالعراق هوسة, أي واحد يكدر يسوي اي شي و يدعي انه هو اي واحد. هسة اني اكدر اروح ابوك بنك و اعوف ورقة ادعي بيهة انه اني من فلان جهة.
زين هل هذا يعني انه فعلا الجهة اللي اني كتبتهة هي اللي نفذت العملية؟
انطيك فد شغله, هسة لمن صار سلب و نهب اول ايام من الاحتلال .. الامريكان كالوا ان هذا الشعب ديسترد امواله المسلوبة!!! صح لو مو صح؟؟! اشو بعد شوية كالوا هذولة المجرمين اللي طلعهم صدام من السجون!! بعدين كالوا هذولة اللي همة هسة صايرين مقاومة!
زين هسة منو ذولة؟ الشعب لو حرامية لو المقاومة؟
زين شوف اكلك فد شغلة .. خلينا من القاعدة او الزرقاوي, هسة المقاومة لمن تطلع فيديوات مال عملياتها .. هل تكون هذه العمليات تفجير سيارة في الشارع؟ ام تفجير لغم في دبابة امريكية؟
و اذكرك بشغلة, شوكت اول مرة طلعلنا الزرقاوي؟ اول مرة طلع جان هذا ذبح الامريكي بيرج, و كان هذا شهر خمسة 2004, يعني بعد أكثر من عام كامل على الاحتلال! زين وين جان كبلهة؟ مجان موجود! جانوا الامريكان يكولون صدام هوة ورة المقاومة, بس بعدين قبضوا عليه و استمرت المقاومة, فجان لازم يلكولهم فد واحد لاخ سيئ الصيت علمود يلزقون المقاومة بيه! ليش؟ علمود يشوهون صورة المقاومة!
زين اسألك سؤال, انت تتابع الأخبار زين لو لاء؟ الفلوجة من الحصار الأول الى المعركة الثانية كانت متحررة من الأمريكان, يعني لم يكن فيها أمريكان, زين, وخلال هذه الفترة كان للمقاومة ظهور علني و سووا "مجلس شورى المجاهدين" و يضم علماء و مشائخ و أهل النخبة في المدينة. فهل كان الزرقاوي عضوا في هذا المجلس؟ كم مرة نفوا وجود الزرقاوي او معرفتهم بيه؟ يا أخي .. محد شاف الزرقاوي ولا شي! شخصية ما الهة وجود الا في الانترنت! زين هو وجهة معروف, ليش يتلثم؟
انت بالعقل, الواحد ليش يتلثم؟ لانه ميكدر يطلع وجهة, إما لأنه يخاف ان ينكشف فيعرض نفسه و أهله للخطر .. او لأسباب أخرى. زين الزرقاوي عنده شي يخاف منة؟ كل الناس تعرف شكله!
إذن .. اللي يطلع يتلثم عنده شي يخبيه, و تأكد تماما أن هذا الشي اللي يخبيه هو ان وجهه لا يشبه وجه الزرقاوي! لأنه ليس الزرقاوي أصلا!
هسة اذا واحد طلع ملثم و قال انا اسامة بن لادن, هل تصدقه؟ انا لن أصدقه .. لان اسامة بن لادن لا يلثم نفسه لانه ما عنده سبب يلثم نفسه.
يا أخي انت تعرف ابو مصعب شلون يطلع بيانات عالنت؟ اكو منتدى اسمه منتدى الأنصار, منتدى عادي مثل هذا المنتدى, اكو بيه كم شخص يكتبون فيه بيانات بين الفينة و الأخرى, يدعون فيها انها بيانات من أبو مصعب الزرقاوي! تصور عاد! ما هي مصداقية بيان هكذا؟
فياعيني .. لتصدك هذي الدعاية الكاذبة مال بعثيين و مدري شنو .. و تذكر ان ابو مصعب الأمريكي شخصية وهمية, وهي مثل ابو طبر, تستخدمه الحكومة لتخويف الناس و السيطرة عليهم.
و عندما تنفجر سيارة في الشارع, اعلم ان المقاومة بريئة منها, و تذكر ان الامريكان لا يريدون لنا الخير .. و السلام عليكم
كبير يا فيليبي
عضو جديد
عاش لسانك والله يا حسن يا ابو علي الورد على هالحجي المظبوط المشكله انو هذ هو الشي اللي محد يريد يقتنع بيه عبالهم السالفه بسيطه و مشو ويه التيار الامريكي الجديد مال الارهاب شيصير يكولك ارهاب ميدرون انو ماكو مخابرات بالعالم ما موجوده و الها ضلع باللي ديصير بالعراق والله المقاومه بريئه من اي شي يمس اي عراقي شريف بس ويامن تحجي او المن تكول كلها قافله.
اخويه الرايخ انته شكلك خوش ادمي بس يا ريت تجاوبني على سؤال بسيط لو واحد غريب فات على بيتك ويريد ياخذ مكانك و يحتله هل من المعقول تقبل لو شنو ردك هل تقاومه لو لا ؟
اني اشوف انو حتى الموضوع لو تجرده من الاسلام هم ما تقبل الاحتلال فالاحتلال يا اخي عمره ما كان في مصلحة المحتل والا كان سمو شي ثاني و كان كل الشعوب تمنت ان تكون محتله .
حتكلي مو كل الشعوب عدها صدام اني وياك بس بشرفك اكو واحد يطلع نفسه من حفره علمود يفوت بحفره اعمق ؟
عضو مثالي
http://www.montada.com/showthread.php?t=349211
ان تعرف تاريخ الامريكان الاحتلالي وسياستهم واكذيبهم تعرف من هو الارهابي الذي يقتل الابرياء ويلفق ضد المقاومة.
مسرحية ومكشوفة وندعوا الله ان يزيل الغمة عن اعين الجميع
عضو جديد
ابو فلاح اني بعد مراح اتناقش وياك .. كلما احاجيك باسلوب اخوي انت تجي تحاجيني بالولك والولك .. وباين انو انت مترسخة الشغلة براسك بانو مادام اني ما أايد المقاومة فما استحق اي احترام ,, ما اكول بس الله اليهديك
اخويه الجنابي اذا انت تحب العراق فاني العراق مخبلني ..! لا اني ولا اي واحد عنده غيرة يقبل بتواجد غربه ابيته .. بس اذا الامريكان ومجايين يسيطرون علة ذولة الخنازيز اللي اتشوه صورة المقاومة فشلون احنه اللي بعدنا من هلكد تعبانين مكادرين نوكف علة حيلنه
اني ما انفي وجود اشخاص مقاومة عراقية شريفة واذا ما قاموا باي عملية ضد الاحتلال وهربو راح اخبيهم ببيتي واخليهم على راسي
بس وينهم ؟؟؟ وشكد عددهم ... اكدر اقسملك بانهم ما يتجاوزون المية اكثر شئ الالف
والباقيين كلهم عرب اجانب دخلاء جايين ينجحون المخطط القذر لاسيادهم الاقذر من عدهم..اذا ما بين كل 100 عملية دنيئة تكون وحدة للعراقيين شراح يغير .. احنه منشوف غير قتل بالعراقيين و تفجيرات ...فالانسان العادي مراح يحترم حتى المقاومة الشريفة
لذلك اكول انتو من تكتبون بالمنتديات لازم اتديرون بالكم على هلنقطة الجدا خطرة .. لانه غير العراقيين ما يعرفون بس شي واحد اسمه مقاومة .. وجايه دك قتل بالعراقيين وهم مايسئلون اذا هذا عراقي او سوري او سعودي ... المقاومة هي عدهم اسم لشئ واحد...شويه كونو الين عالعراقيين بكتاباتكم .. اقله لا تشاركون بالمواضيع اللي تمجد هاية العمليات اللى بالاول والاخير هي مو بصالحنه
وبارك الله بيكم اخوان
عضو نشيط
عيني اذا دا كلت "لك" هذي مو شتيمة او فد شي اني لمن احجي وية اصدقائي كل حجينة "لك" و "ولك"
مع العلم اني استخدمة كلمة "ولك" مرة وحدة و كلمة "لك" مرة وحدة فقط في الرد السابق ..
التعديل الأخير تم بواسطة حسـن ; 17-02-2005 الساعة 12:26 AM
كبير يا فيليبي
عضو جديد
الحبيب بوفلاح
اني همينه دائما لمن احجي وية اصدقائي ما اناديهم الا لك و ولك
بس مو ويه اللى ما عندي وياه ميانة واحنه ما صايرلنا غير جم يوم نتناقش وبمكان علني
المهم انت حتى اذا تشتمني على مود العراق اني فوك راسي احطك لان انت بالاول والاخير عراقي غيور على الحبيب العراق .. بس لازم متشيل اي حقد على اي عراقي حتى اذا جان مسؤل بالحكومة اللي ما تحبها .. لان احنه بوضع محتاجين انوحد صفوفنا
الف بوسة على راسك ياالغالي
ضوابط المشاركة
