God of War تتربـع على عـرش ألعـاب الأكشن بــلا منــازع ^مراجعة^

[Austin 3:16]

عاد تبون الكلام السنع ...

اللعبتين يختلفن عن بعض ويستحيل مقارنتهن !!!!!!!!

[Flanteus]

Flanteus لنكن واقعيين الجرافيك هو افضل ماصمم على البلاي 2
والصراحة ماادري وش فيك تنتقد الجرافيك ماادري يمكن انت متعود على جرافيك العاب الـpc المطورة الجديدة !! مو

... نكن واقعيين !!

جيب لي صور لبرنس الجزء الثاني وصور من لعبة جود ... وعطني اياهم عشان اروايك الجرافيك السنع ..

اما البي سي فللأسف ماعندي بي سي قوي .. >< !!

حبيبي ميستري .. احنا مو كل ما شفنا أماكن ضخمة وواسعة قلنا الجرافيك رهيب خلاص ... هذا الشيء اول ما انبهرنا فيه كان في بداية البلاي 2 اول ما نزل وخصوصا في لعبة ICO اذا كنت تفتكر ...

لكن الحين الناس صارت تدقق في كل صغيرة و ... الكبيرة خلاص اصبحت من الهامش

تصميم الوحوش وتصميم الشخصيات الفرعية سيء جدا .. مع ان التصميم العمراني كان رائع في بعض الأماكن لكن الجو العام للعبة خربها مظلم وحالك ويش بتشوف ..

ابغاك تقولي شايف الوحش الأول هل تعرف كيف تفاصيل وجهه ... ولا بس تشوف شيء يتحرك وتقعد تخبط فيه ( اشبه رسوم الوحوش في اللعبة بالجزء الثاني من ديفيل ) ..
غير كذا ما انتبهت للرجل الضخم اعتقد الاه الحرب كيف كان شكله ...

ايضا محد انتبه للشعلات النارية اللي تكون مضاءة ( أنا انتبهت لها بعد ما شفت الرجل الضخم ).. كيف صايرة تقول واحد قاعد يبخ ريد ..


شباب أنا لمن اتكلم عن الجرافيك اتكلم من جميع النواحي ترا فيه بلاوي شفتها كلها من بداية اللعبة ..
بس اعتقد أكثركم انبهر بالتصميم العمراني او الأماكن الشاسعة .. وغض النظر عن التفاصيل ..

نعم انا لا أنكر ان تصميم الشخصيات وخصوصا لمن يجي عرض تلاقيه واضح لكن لمن يخلص العرض ترجع الشخصية مربعات !!

( ما عدى البطل ) ...

على العموم أهم شيء لا يعتقد البعض اني كرهت شيء في اللعبة قمت عيبت على اللعبة كلها .. لا والله ... لأني فعلا انصدمت عدة مرات .. وخصوصا إني ما العب الا الألعاب القوية غالبا فما ارضى بأقل من ذلك ..

ملك الحرب ينتصر هنا بسهولة .. فقتل الاعداء له طعمه الاخاص في ملك الحرب .. بينما ممل في ديفل ...

وين يابو ...
اصبح تخبيط الأعداء يمين يسار وانت منت داري وين سلاحك يروح ......أصبح متعة .. !!

حبيبي أوستن <--- صح الإسم كذا ؟
زمن التخبيط الهمجي هذا انتهى مع نهاية البلاي 1 ( الله يخلي كراش .. تحس بطعم الهمجية لمن تضغط مربع ).. الحين الناس تلعب العاب ( ايا كانت حتى لو سيارات ) .... الضغطة الواحدة يحسبون لها ألف حساب !!!

شوف ديفيل .. ولا تكن .. ولا حتى برنس .. أو ميتل جير ... أو أي من الألعاب القمة تجد ان التحكم والضرب في اللعبة متقن بدرجة خيالية والواحد لمن يلعب هذي الألعاب لازم يصفي ذهنه تماما لأنها تحتاج تركيز واي تشتيت للإنتباه ممكن يخرب عليه ..
اما في جود ما عندك ما عند جدتي ..

والله اني قاعد اخبط الوحوش اللي تطير في المرحلة الأولى فوق السفينة والاقيها تموت من حالها !!
أي متعة هذي !!

هذا من ناحية من ناحية ثانية حركة القتل السينمائي ليست جديدة على الألعاب اذكر انها كانت في لعبة بليد .. اللي كان النظام القتالي حقها اخس من جود لكن اللي يحليه أسلوب القتل هذا ..

اما في جود اللي يشفع للهمجية في الضرب هذا الأسلوب لأني شفت حركات حلوة .. وخصوصا لمن تسوي كومبو في الهوا بعدين تمسك الوحش في الهوا أيضا ... !!

لكن الواحد بيمل كل شوي يقعد يضغط شفرات سرية عشان يقتل الوحش وين قاعدين
( المشكلة انك لازم تقتلهم بهذي الطريقة والتي تصبح مملة بعد فترة عشان تاخذ نقاط اكثر >< ) ..

شيء آخر .. ما لاحظت أن اغلب الوحوش ما يرتدون من ضربات البطل المعضل والخارق وووو ...

ليش ؟؟
لأن الضرب همجي واذا خلوا كل وحش يقعد يرتد من كل ضربة تجيه كذا راح تنهي اللعبة بدون ولا ضربة !!!
عشان كذا حلو المشكلة وقالوا .. الوحوش ما ترتد او تتكنسل ضرباتها .. وزادوا انهم خلو الوحوش يضربون بشكل مفاجئ !!!
( هيا جب لي أحرف الحريفين يعدي من ضربهم المفاجئ الغبي ) ..

شيئين فقط اللي انا لاحظتهم ممكن تخليك تصد ضرباتهم ..
الأولى : الحفظ ..
ايوا تحفظ حركاتهم واسلوبهم في الضرب .. خلاص .. تقعد تعدي اللعبة كلها بالطريقة ذي !!

والدليل عندك الخنزير .. اول ما تشوفه يبدا يصد هجماتك وقف وحط وضعية الصد وراح تلاقي هجمة منه !!

واقعد على هذا المنوال مع كل خنزير !!!!

وما راح تجيك ولا ضربة وانا أضمن لكم !! قاعدين نلعب آربي جي حنا .. !!

الثاني :
انهم جعلوا بعض الضربات السريعة والمفاجئة يظهر لها نور !!
يعني اول ما تنتبه لهذا النور حتى لو كانت الكاميرا بعيدة .. تعرف ان الوحش هجم عليك !!

البعض الحين يقول.. والله حركة حلوة !!
هي فعلا حركة حلوة .. لكنها اكبر دليل على فشل النظام القتالي !!!

ياهو يا عالم .. ضربات الوحوش ما تبان ... الا يبينوها بنوووووووووور !!!
فشلتونا الصراحة !!




كذا كفاية ( لسا بقي ألسحار في اللعبة والألغاز وووو ).. وهذا كله لاحظته فقط في بداية اللعبة خلال 4-6 ساعات لعب فقط ..

فيمكن تشوفون كلامي فيه خطأ من نواحي ( فقط اذا ظهر العكس لمن تتقدم في اللعبة ) ..
أو فيه شيء انا ما لاحظته زين ( لكني متاكد من كل شيء شفته ) ..
لهذا السبب أنا اقبل التعديل اذا واحد جبلي بروف ^_^ !!



سلام

[Flanteus]

عاد تبون الكلام السنع ...

اللعبتين يختلفن عن بعض ويستحيل مقارنتهن !!!!!!!!

لو انها كانت غير أكشنية أو انكم ما حاولتم تضعونها في القمة .. ذيك الساعة ما راح نقارنها ويستحيل مقارنتها كما تفضلت اخي اوستن ...



سلام

[صخر]

سلام

اللعبه اسطوره

وصراحه استمتعت فيها اكثر من ميتل قير....وبرنس اوف برشيا

بس الي ما لعبها لحد الان انصحه يتركها.....لأن خرابيطها واجد

صح ان اغلب الالعاب فيها تعدد الهه...وذكر اله غير الله(خصوصا الRPG).......بس في هذي اللعبه بالغوا كثير

وانا نصحت وانتوا حرين طبعاً.

[Austin 3:16]

انا قصدي بانهن يختلفن ليس بالنوع .. لكن بالاسلوب ... ومن قال لك ان نوعية القتال همجي في جود ...

بالعكس ..نظام القتال ممتاز ...لكل نوع طريقة .. اتحداك ان تقوم بقتال همجي امام اثنين من الوحوش الكبيرة ... قسما انك ماتققدر تعدي المرحلة .. لازم تضربه وترواغه وتحاول ..فهل هذا همجي ...؟؟؟