ممكن تنصحوني بأفضل Mouse للألعاب ؟

[عمود ارتكاز]

هههههههههههههههههه
حلوة شغلة الأوفر كلوك للماوس
بكرة يطلعون تبريد وخرابيط

بس ان شاء الله أبعطيكم تقرير عنها
خلني أجمع معلومات
أخ وناسة إذا لقيت شي تكفى ارسلي الوصلات

[BeaUnkill]

اخوي الفاضل حسب حد علمي ان هذه المنتجات واقصد هنا (الأكسسوارات) ماعليها ضمان مع الآسف

الا اذا كان هناك وكيل موزع لها ... ؟

عفوا في خطأ عظيم طحت فيه .. انت سألتني من اين اشتريت MX518 وانا اجبتك من عند الميل الأزرق
هذا كلام غير صحيح .. راح بالي DiamondBack ..

اشتريتها من amazon.com ايام العز بتكلفة اجمالية بالشحن والأشياء ذي
350 ريال اذا لست واهما ً

لحظه اتضح لي وانا اقلب في ملفات تومز هاردوير ان الموديل تبعك MX500 به وزن مستفحل
http://www6.tomshardware.com/newsletter/vol3/1/mxmice.html
اقلعه وخبرنا

بالتوفيق

شكرا ً على التوضيح ، لكن ما زال السعر مرتفع !

بالنسبة للواد الثقيل MX500 ، قشعت الحديدة من جذورها ، وبالفعل يا شيخ تحس براحة .

بس للأسف خربانة ما عاد تولع لمبة ما ادري ليه

ما عندك حلول ممكن نجربها ؟ مع العلم اني فكيت الماوس وشيكت على التمديدات وكله تمام ماتشوف شي مقطوع ولا شي مفصول

[عمود ارتكاز]

خبرة 3 سنوات في تصليح الالكترونيات الدقيقة
مافي ريموت بالبيت ولا فيديو ما أصلحه
يمكن السالفة نفسها
وش المشكلة بالضبط يا أخ وناسة

[RICH BOY]

الماوس الموجود في الصفحة الاولى من الموضوع ممتاز

[BeaUnkill]

خبرة 3 سنوات في تصليح الالكترونيات الدقيقة


مافي ريموت بالبيت ولا فيديو ما أصلحه
يمكن السالفة نفسها
وش المشكلة بالضبط يا أخ وناسة

ياخي تصدق انك فلة ؟

توني قاعد افكر احط موضوع اشتكي فيه ماوسي الفلة ، توي انتبه انك تسألني عن المشكلة [ لول ] !

ياخي المشكلة بالظبط ، لمبة الماوس ما تشتغل ، الا في حالة وحدة ، اذا قعدت العب في بداية السلك وهو طالع من الماوس ..

رسم توضيحي :

____________[o] <<< ترى هذي ماوس ! والبداية سلك

عشان تولع اللمبة ( طبعا ً تولع وتطفى ، ما يمديني اشتغل عليها ) لازم احرك السلك عن هذا الطرف :

__________" هنا>> " _[o]

lol والله اني رسام !


وفكيت الماوس وشيكت كل شي مظبوط ! ومستغرب ليه الخلل هنا ! مع العلم ان السلك يدخل الى الماوس وياخذ له لفتين داخل الماوس ، يعني مو معقولة ان الطرف مسبب مشكلة !


انا قلت يمكن من نفس السلك الداخلي فيه خلل ولا معدوم من كثر ما اربطه ( دايم اخذها معي الكافيه ) !!

عطنا رأيك بحكم خبرتك 3 سنوات في الريموت كنترول

[عمود ارتكاز]

هههههههههههههههه

بدري توك تنتبه

المهم

اممممممممممممممم

يعني إذا حركت السلك يشتغل الماوس

أجل المشكلة من السلك

يمكن مرتخي شوي بسيطة

يمكن يبغاله لحام

بس ياليت لو تفك الماوس وتعطينا كم صورة توضيحية

[BeaUnkill]

اوكي ، إذا تبي صور اجيب لك صور ، بس بكره مو الآن ، ماعندي كاميرا في الوقت الراهن

بس ياخي السلك طبيعي .. يعني فيه تكميله له داخل الماوس بحدود 10 سم !! معقولة الخلل في نص السلك ؟

[عمود ارتكاز]

لازم يكون السلك طويل من الداخل عشان ماينقطع مع السحب
انت حط الصور بكرة وماعليك
نحاول فيها وان شاء الله تشتغل

[BeaUnkill]

أووف ! قسم بالله اكون لك من الشاكرين ، لاني طفراااااااااااان ومافيني من قعد يدور على MX518 ! يعني ودي اقعد على هذي الين ادبر قروش هذيك .. وربك يفرجها