محل ملابس...شورتات سباحه شكلها زين...على 15 ريال
محل يبيع ثياب، سيديات و ملابس حق الخوال، وكلها مستوحاه من النجم الأفطس بوب مارلي، الغريب ان صاحب المحل تايلندي ولأخ وايد عايش الدور، لابس الثياب وحتى شعره مجعده، شكله كان...ياخ
بس غريب حجم التأثير اللي احدثه هالفنان من عصره لين يومنا هذا.
هذا منيكان انكتب عليه انه يطيح في يد راعي المحل
محل تحف وهدايا وأصنام
وهذا محل يسوي تماثيل ومجسمات من الحديد الخرده "مادري شفيهم على شخصية ألين وبرديتر؟؟؟
...شوف الفن شوف
مستلزمات المطبخ... ملاحات خخخخ...
هذا منظر من الشارع والمحلات...أش رايكم في الطقطاقي...عجيبتراه تكسي
--------------------------------------------------------------------------------------------
هذا كان التسوق في اليوم الأول من بعد الرجعه من المستشفى، اليوم الثاني قلت بروح مكان ثاني وبطريقه تنقل أسرع من البطبطه (طبعا ما راح أشرح اش معناها لأنكم المفروظ تكونون تعلمتوه already
I used the Sky line
وتوجهت حق اكبر مجمع تجاري "على حسب ما سمعت" وهو (MBK) يعني "مينون بن خبل"
الله وكيلكم أنا دخلت المجمع وصادني أحباط نصفي في العامود الفقري
7 طوابق كل طابق يبيله يوم علشان تشوفه وتاخذ راحتك فيه...أحم أحم *يحك خشمه* تبون الصراحه كل طابقين يبيلهم يوم علشان ما أبالغ، بالله عليكم هذولا وين اقدر خلصهم في يوم واحد، خاصة وأنا وراي 20 من الأفواه الجائعه تنطرني في الدوحه.
المهم أنا قلت خلني أشتري شي من اللي أبيه...وسألت عن محلات الألكترونيات، قالولي في الطابق الرابع and to the fourth I headed
أكبر مجزره في حقوق الطبع الألكترونيه أشوفها في حياتي، يمي يمي، كل الأفلام والمسلسلات اللي تطري على بالكم لقيتها، بس للأسف اللي قال لي عنها ماستر ارنب موجوده بس بالتايلندي وما فيه ترجمه أنجليزي
شوفوا القهر:mad22: ....كل هالبلاوي بس بالتايلندي والكلام بالياباني.
شوفوا الأمه طايحه تشري في الكوبي.
آخر الأفلام موجوده هاري بوتر ونارينا ومش عارف ايش...
أنا أشتريت مسلسل ذا سمبسونز سيزن 3 و 5 و6 ...على الأقل شي يتكلم أنجليزي، لقيت مسلسل فرندز بس كل السيزنز 36 سيدي والسعر بـ450 ريال...ما شريته.
هذا بوستر مكتبه، دعاية العوده للمدارس...شي عجيب ومعبر عن الفرحه لعوده المدارس
وهذا بوستر مسلسل كوميدي عندهم...ما كنت مصدق أن هذا ويه صجي...مستحيل، الأخ التوأم للرغيف العجيب
عموما بعد ما خلصت من هالسوق رجعت مكسر للغرفه وثاني يوم رجعنا قطر...
وأحنا في المطار، رحنا كوفي شوب، ابوي طلب قهوه وبسكوت....
"Just to tell you that it is in the Genes"
-------------------
هذي هي نهاية الموضوع...أتمنى انه عجبكم واعتذر على التقصيروالتأخير...
بالنسبه للأعضاء اللي سألوا عن الأماكن الخضراء والطبيعه، للأسف بس رحلتنا ما كانت سياحيه، والوقت ما أسعفنا
أن شاء الله في السفره اليايه إذا كانت ظروفي أحسن، راح ارجع لكم بموضوع أحلى.
تحياتي.
المشاركة الأصلية كتبت بواسطة E-Mad
شنهو، الحين هذا هو نينو....هذا جنه أيراني <=== اسم الله عليك انت مول الويه كلش
بل بل بل..........
بس في واحد أخير يقولون اسمه براد بت....منو هذا....؟