ثلاث أسباب، كي لا تشتري البلاي ستيشن 3 PS3

[Lasto]

صنع وبيع وشراء الكوبي حراااااام حرام حرام شرعاً وقانوناً...

أخوي أنا أتفق معاك في كل شي ما عدا هذي النقطه:mad22: لأنه صح أنه ممنوع قانونا بس موب حرام شراءه يعني موب معقول الواحد يشتري سي دي ب200 درهم و يقدر يشتري بنفس السعر 20 سي دي أو لعبة بل بالعكس حرام عليهم هذي الأسعار الغالية و حتى أنا للحين و الله العظيم ما شفت أي فرق بين المستنسخ و الأصلي ولا مرة عالعموم مشكور على مداخلتك .

[Dr.DrEaM]

يعني موب معقول الواحد يشتري سي دي ب200 درهم و يقدر يشتري بنفس السعر 20 سي دي أو لعبة

تبذير اسمه ... قال اللعبة بــ 200 درهم او 20 درهم وتشتري ال ب 200 هذا اسمه تبذير .. >_<"

[xnnx]

الكوبيحراااااام حرام حرام شرعاً

مين ابن عثيمين الله يرحمه <<<< امزح
والله الحرام ان الواحد يحط 300 ريال بالدسك عشان علبة نضيفة ودفتر بالعلبة
الكوبي قانونا ممنوع بس لاتنسى احنى بدول عربية يعني كل ممنوع مرغوب
انا الحمدالله ماعمري حطيت ريال بدسك اصلي
اصلا ماعمري لعبت بلعبة اصلية غير الالعاب الي تجي مع كروت الشاشة
اصلا نفسيا يوم تسوي شي محرم قانونا تحس انك خبيث ومحد يقدر يلعب عليك
جرب يوم روح اشتري لعبة كوبي ومر على اقرب مطعم وخذلك ثنين فطاير بالجبن والله غير تدعيلي

[rubso]

يا سيدي إنتا واحد محترم G.Hussain نسيت اعلق على الموضوع بشكل مفصل رح أبدأ وأفهمك أنه موضوعك مالو معنا بالنسبة لي يا أخي الكريم
أول شي إنتا تقول لصوص الخليج والمنسوبين الى نسبة الأعراب والحمد لله لم أعد أسكن في منطقة الشرق الأوسط و أقطن اليوم في بلاد الأجانب و من صفة الأجانب الصدق في التعامل السعر الموحد للمنتج دون اي استثناء و لا يفتحون باكيج الجهاز ويبدلون قطع الجهاز كتبديل اليد الأصلية بيد تقليد ولا يقومون بأي تعديل على الباكيج
ثانيا وهو الأهم اذا اشتريت الجهاز وكان به اي خلل فلك الحق الكامل بتبديل الجهاز أو استعادة نقودك في اي وقت شئت وهذا ما يدل على ثقة التعامل
ثالثا تجدون أن اللعبة الأصلية غالية وأنا لا أجدها كذلك نظرا للرواتب والأجور في بلدان الغرب الا في البلدان العربية الرواتب ضئيلة جدا و سلوك محلات بيع الألعاب والطمع ضر ما نفع

كله هذا موجود عندنا في دول الخليج وبالذات الكويت، العاب الاكس 360 يبيعونها بأمريكا بـ 60 دولار، تنباع عندنا بـ 20 دينار .. توقعنا تكون 30 دينار لكن الله ستر

xnnx الله يرجك يا شيخ ضحكتني

[ديمون]

كله هذا موجود عندنا في دول الخليج وبالذات الكويت، العاب الاكس 360 يبيعونها بأمريكا بـ 60 دولار، تنباع عندنا بـ 20 دينار .. توقعنا تكون 30 دينار لكن الله ستر

xnnx الله يرجك يا شيخ ضحكتني

أخوي الا اريد قلك شي أنا عمري 22 سنة أعمل في مصنع الفورد واقبض على الساعة 30 دولار بما يقارب ال 10000 ألاف دولار في الشهر أهذا ما تأخذونه في دول الخليج وانتبه ترى عامل العمر مهم

[Super Shadow]

الي يقولون أن شراء الأشرطة الأصلية تبذير

يعني الي يملكون اجهزة الجيم كيوب مبذرين الحين

بخصوص الكوبي

الواحد اذا اشتراه كيف بيضمن أنه بيشتغل عدل

و كيف بيضمن أن السيدي ما بيخترب في المستقبل

و كيف بيضمن أنه ما بيخرب جهازه

الكوبي يعيش معاك لفترة و يخترب بعدين ، هذا الي يصير معي

و بالنسبة لي أفضل شراء الأصلي

شريط واحد بالشهر أو كل أسبوعين كافي لي

مافي داعي لشراء كومة كبيرة من الشرائط الكوبي و في النهاية بيجرب بس الألعاب الي عجبته و الباقي يفره نفس ما أشوفه عند البعض

قبل ما تعصبون أو تزعلون من كلامي مع احترامي الشديد لكم

الكلام الي اقوله الواقع الي صار معاي

والله الحرام ان الواحد يحط 300 ريال بالدسك عشان علبة نضيفة ودفتر بالعلبة

أي جهاز هذا اي سعر أشرطته ب300 ريال ؟؟؟؟؟

و في نقطة ثانية

مافي داعي أن الواحد يفتي و يحلف ويقول تبذير و حرام و ما أعرف ايش

[xnnx]

الي يقولون أن شراء الأشرطة الأصلية تبذير

يعني الي يملكون اجهزة الجيم كيوب مبذرين الحين

بخصوص الكوبي

الواحد اذا اشتراه كيف بيضمن أنه بيشتغل عدل

و كيف بيضمن أن السيدي ما بيخترب في المستقبل

و كيف بيضمن أنه ما بيخرب جهازه

الكوبي يعيش معاك لفترة و يخترب بعدين ، هذا الي يصير معي

و بالنسبة لي أفضل شراء الأصلي

شريط واحد بالشهر أو كل أسبوعين كافي لي

مافي داعي لشراء كومة كبيرة من الشرائط الكوبي و في النهاية بيجرب بس الألعاب الي عجبته و الباقي يفره نفس ما أشوفه عند البعض

قبل ما تعصبون أو تزعلون من كلامي مع احترامي الشديد لكم

الكلام الي اقوله الواقع الي صار معاي

الكوبي ممكن البلايستيشن2 يخرب مع الكوبي لاني صلحتة مرتين بسنة وحدة
لاكن الاكس بوكس عندي من ايام حرب الخليج والى الان ماخرب
شي ثاني انت تقول الاصلي احسن تعال نشوف طيب
الكوبي لو بتشتري العاب كوبي لمدة سنتين قول حتخرب العدسة مرتين تصلحها ب300 ريال
قول اشتريت خلال السنتين هذي 100 شريط احسب الشريط ب15 ريال يعني راح ادفع 1500 ريال العاب + قيمة عدستين العدسة ب300 ريال = 2100 ريال هذا مجموع شراك بالسنتين
نجي للاصلي احسب اللعبة ب250 ريال هذا على الاقل عندنا
قول اشتريت خلال السنتين 50 شريط نقصت النص عشان اصلي تعال نشوف 250X50=12500
هيا تعال قولي ايت احسن اصلي ولا كوبي ؟؟؟؟؟؟؟
لاحض الكوبي مشتري 100 شريط ب2100 ريال لاكن الاصلي 50 شريط ب12500
هذا حساب تقريبي يمكن اقل يمكن اشكل انا مادري

[Super Shadow]

أخوي xnnx أنت شكلك ما فهمت كلامي و تسرعت في ردك علي

أنا أقولك عن الواقع الي صار معاي

أنا راضي بأني أشتري الأصلي مرة في الشهر

مافي داعي للحسابات الي قاعد تحسبها و عوار راس ، لأن الوضع الي صار معاك ما صار معاي انا

الشرايط الكوبي الي أنا اشتريتها بعد فترة تخترب معاي ، هل صار معاك ها الشي؟؟؟؟؟

ما حصل نفس ما قلت

عشان جي أنا أحب أشتري الأصلي لأني ضامن أنه بيشتغل تمام 100%

و أنا مب من النوع الي يلعب بالألعاب طول الوقت

هيا تعال قولي ايت احسن اصلي ولا كوبي ؟؟؟؟؟؟؟

الأصلي طبعا

قبل ما تعصب من ردي هذي وجهة نظري و الواقع الي صار معاي

و شكرا

[xnnx]

الشرايط الكوبي الي أنا اشتريتها بعد فترة تخترب معاي ، هل صار معاك ها الشي؟؟؟؟؟

انا عندي العاب من يوم ماشتريت الجهاز يعني اشكل من سنتين والى يومك هذا شغالة
لاكن الكوبي يبغالة محافضة اشكل من الاصلي
بعدين لعبة مخلصها وعارف كل شي فيها ليش اضيع وقتي العبها من جديد
بعدين اذا رجعت وجاتك خرمة على اللعبة والديسك خربان كلها عشرة ريال وتجيب دسك ثاني
المهم احنى هنا نبغى نعرف ايت اوفر اذا انت تشوف ان الكوبي اوفر خلاص هذا المطلوب

[Super Shadow]

يا أخي xnnx أنا أحافظ عليهم و مع ذلك يختربون من كثرة استخدامهم

في مرة كنت مشتري لعبة كوبي و ما اشتغلت و رحت للمحل عشان أبدل السيدي

و اشتغل بعدين بس يوم وصلت نص اللعبة السيدي اخترب علي

ليش أروح المحل و أعور راسي و أبدل سيديات كل شوية ، أشتري الأصلي أريح لي من عوار راس

عشان جي انا أفضل الجيم كيوب على الأجهزة الأخرى

بعدين لعبة مخلصها وعارف كل شي فيها ليش اضيع وقتي العبها من جديد

هذا يعتمد على جمال اللعبة

اذا اللعبة عجبتك بدرجة كبيرة ـ راح ترجع تلعبها و تختمها مرتين أو ثلاث أو أربع

انا أعرف أختار اللعبة المناسبة لي

و شكرا لك xnnx

[G.Hussain]

مرحبتين بالشباب
بعيدا عن المهاترات و فلان يشتغل في مصنع فورد و الثاني في تويوتا و هالكلام اللي لا يودي و لا يجيب

انا عندي بلاي ستيشن 2 و شاريها من عند حبيب القلب كابول اللي في العين، بحوالي السبعمائة درهم مع اربع العاب و جهاز تحكم أصلي زيادة

عموما، انا من ذاك اليوم و العب فيها كوبي و لا في عمري اخترب علي الليزر و لا الديسك
فمن وين هالكلام ، بعدين ممكن واحد يشرحلي شو اللي يخلي الديسك يخرب الليزر اذا كان الديسك مش أصلي

يعني بالعقل و المنطق، الديسك الاصلي dvd و الكوبي بعد نفس الشي
شو الفرق
أفيدونا يرعاكم الله

[Super Shadow]

عموما، انا من ذاك اليوم و العب فيها كوبي و لا في عمري اخترب علي الليزر و لا الديسك
فمن وين هالكلام ، بعدين ممكن واحد يشرحلي شو اللي يخلي الديسك يخرب الليزر اذا كان الديسك مش أصلي

يعني الحين أنا جذاب و أقص عليكم صح؟؟؟

الي حب يصدق كلامي حياه و الي ما حب يصدق على راحته

ماني خسران شي

بس حبيت أقول حقكم تجربتي

يعني بالعقل و المنطق، الديسك الاصلي dvd و الكوبي بعد نفس الشي
شو الفرق
أفيدونا يرعاكم الله

معقول أنك ما تعرف الفرق؟؟؟

و من يقول أنه نفس الشي؟؟؟

و بعدين لو كانو نفس الشي كما تقول

ليش ذاك غالي و ذاك رخيص؟؟؟؟؟؟؟؟؟؟

[G.Hussain]

يعني الحين أنا جذاب و أقص عليكم صح؟؟؟

الي حب يصدق كلامي حياه و الي ما حب يصدق على راحته

ماني خسران شي

بس حبيت أقول حقكم تجربتي



معقول أنك ما تعرف الفرق؟؟؟

و من يقول أنه نفس الشي؟؟؟

و بعدين لو كانو نفس الشي كما تقول

ليش ذاك غالي و ذاك رخيص؟؟؟؟؟؟؟؟؟؟

يا ابن الحلال انا ماقلت كذاب و لا شي
بس يمكن يكون السبب البلاي ستيشن نفسها اللي معك
يعني ممكن تكون تعبانه بشكل و بآخر

بعدين سؤالك عجيب غريب
الاصلي غالي لانه اصلي و لانه الشركة تريد تغطي مصاريفها و تعبها في اللعبة اللي صرفت عليها سنوات شغلها الطويلة
لكن اللي يسوي الكوبي مش خسران شي و لا تعبان في اللعبة فيدفعك فقط ثمن تعبه في الكوبي مع شوية ربح اضافي

الاصلي و الكوبي من الناحية التقنية ما في بينهم فرق أبدا
اللهم الاصلي معه كتيب تعليمات و غلافه لماع و حلو و بس.....

عرفت؟

[Super Shadow]

بعدين سؤالك عجيب غريب

و أنت ردك أعجب و أغرب

بس في نقاط أحب أقولكم اياها

*الاصلي شغل ناس متعوب عليه .. في حد يرضى ان شركته اللي تبرمج العاب اييلها ناس وينسخون الشرايط ويبيعونهن كوبي

*الواحد يوم يشتري الاصلي ويلعب به شي طبيعي . ولو ياخذ شرايط اكثر ولكن يظل يلعب بهن جميعا ما اجوفه تبذير

*وينطبق عاللي يشتري المنسوخ . اذا اشتريت شرايط وايد منسوخه وانت ما تلعب . هذا تبذير ايضا

*الاصلي شغل ناس تعبانين عليه ومضمون

*الكوبي شغل ناس غشاشين لا تعبو عليه ولا شي ويكسبون فلوس عالبراد

و هذا آخر رد لي بالموضوع و الله يحفظكم و مع السلامة

[Classic Evil]

على طاري أن الكوبي يخرب السوني ..

أنا كنت شاري البلاي ستيشن 1 من اليابان و لما ركبت فيها كوبي من الإمارات طبعا ما اشتغل , ولكن المصيبة لما رجعت وشغلت الأصلي (الياباني) بعد ما اشتغل , حرق الليزر

فالحاصل هذا ما يتعلق بالكوبي و الأصلي , يتعلق بنظام الشريط , يعني لو تجيب شريط ياباني و تشغله على PS2 أوروبي (يمكن) يخترب .. ما أدري حاليا إذا تم معالجة هذي المشكلة أم لا .. لأن أحيانا الأشرطة اليابانية عندي تشتغل عادي ومافيها أي مشكلة .. فالخلل من وين يأتي الله العالم ..أمر محير

وفي بعض العروض تظهر في الأصلي الكوبي لا يظهرها ..
والأصلي قليل ما يعلق وما يخترب إلا في القليل القليل .. وإن شئت فقل لا يتلف .. عندي أصلي لبلاي ستشن ون فارنه في الاستور ويات القطوة أكلت كل الحلوى .. أنت عارف شو اقصد طبعا ..

المهم رحت غسلت الشريط ويشهد الله إنه اشتغل بعد سنين كان غايب في الجب اقصد ستورنا


البعض يقول أول ما ينزل ماراح يشاري PS3 وبينتظر نزول الألعاب أو اللعبة الفلانية , أصلا مافي فرق شريتها قبل ولا عقب ..

لأن ألعاب PS2 بتقدر تلعبها على اليديد فليش التخوف والتأخير ؟؟؟ إذا كان على السعر ترى كم بينزل ؟؟ ألف يعني ؟؟؟

واشتريها حال نزولها أفضل كي تظمن أن لا تلاعب حصل بها كما ذكر البعض أنه يتم التلاعب وتبديل قطع !!

مع أني متحفظ على هالكلام


بعدين تعال , محل كابول هذا وين صاير ؟؟؟
في واحد بشارع خليفة تقريبا عند الدوار .. هل تقصد هذا المحل ؟؟

البي اس بي سألت عنها من شهر كانت قيمتها 900 أو ألف درهم .. وين صارت هذي بألف وسبعمية ؟؟؟؟

هذا يلطم فلوس العالم لطم