أرسم بالرصاص ماتريد

[fatoom]

شكرا شاهين ...
بس خلفيه لجهازك ...حرام في أحسن منها
و أرتب بوايد...

[fatoom]

شكرا رانما ...

[fatoom]

هي شباب محد شارك ...
ليش محد عنده شغل بالرصاص..؟
أوكي ...اوكي ...
شوفو هاي ...

[shaheen]

هههههههه انا استحليت القعدة واشوف رسوماتكم وبس..
ونسيت ان لازم احط رسوماتي بعد... هههههههه
لا يا فطوم... انشاء الله بتشوفين رسوماتي اليوم
رسمتج وايد كيوووت.. حلوة وايد..(متفائل وانا اتذكر المجلة)

[fatoom]

هههههههههههه وايد أستحلتها ها ...
يلا خاطري أشوف شيء جديد...
إشرايكم في هاذي ؟

[shaheen]

اختي فطوم.. ابي اعرف سنة كم رسمتي هالرسومات
شكلج سويتيها في مرحلة مهمة في حياتج

[fatoom]

آخر رسمه تقصد شاهين؟
ولا الكل ....
بالنسبه لآخر وحده ...كانت من سنتين تقريبا ...
أما الباقي ....اممممممممم...( بعد تفكير عميق )

ما أذكر ....
لكن هاذي إلي الحين حاطتها بعد تقريبا من سنتين ..
إشرايك ؟ هاذي بالذات مشاوره فيها أولاد ..
بس عشان أرسم الأسلحه عدل ...
و بعد ما رسمتها قالو الأسلحه غلط...:غضب:
طبعا ماأهتميت هي هي هي
انتوا شتشوفون؟

[nicky]

فطوم رسمج حلو و في كل مره يزداد روعه
nicky .... ":"

[Rewayah]

الله الله الله الله :واو: !!
شوه هالإبداع !!
فطوم رسوماتش حلوة وايد ومثل ما قال شاهين معبرة كثيييير !!
البنت اللي ماسكه المسدس !! ولا بطلة إيفانجاليون :واو: !!
تقدرين تسوين منها مانجا رهييييب !!
فظييييعة !!

والرسمة الثانية !!
فهمت تلميحات شاهين فيها !!
"رسمتج وايد كيوووت.. حلوة وايد..(متفائل وانا اتذكر المجلة)".
الرسمة ظاهرة من "دجة" توتة وربعها !! أو مي مي أو قرية التوت !!
تصلح تكون شخصية قوية بالمجلة !!
بينجنون الأطفال عليها وخصوصاً الصغيرات !! مثل هاي الشخصيات تنشهر بسرعة !!
شفتي إنتي "فروحة" شو سوت بالناس, كبار وصغار, شياب وشباب, حريم وريايل !!
خدامتنا هذاك اليوم سمعتها تغني "دقاددا دقاددا" !!

خلود, كل ما عليتش هو أن تصقلي الشخصية هذه وتتمرني على رسمها من عدة جهات !!
وراح تكون عندش شخصية جداً ثمينة -_^ !!

الرسمة الثالثة القديمة جميلة وكلاسيكية !!
نفس نوع البنات اللي كنت أرسمهم في ما مضى...
والشعر رهيب ومتقن ما شاء الله عليتش !!

... ... ...شعرها يذكرني بالمقاتلة الشقراء اللي تحب تستعمل مسدس "الكاريجو" اللي حاربت فري مان على ظهر الغواصة !!
كان أحلى مقطع نزال وصراع عملة "ريوتشي إيكاجامي" !!
وخصوصاً لما قامت ترقص !!

رسمة جميلة فطوم -_^ !!

[Rewayah]

تعقيب:-

بالنسبة للرسمة الأخيرة... ... ... ... هيهيهيهيهيهيييي رووووووعة !!
أنتي خبيرة بعد في هالأشياء !! هاه ؟؟!!
الشخصيات الشريرة موتي وحياتي !! أوووبس... كشفت عمري ":" !!
النظارة السوداء اللي تخلي ألبرت ويسكر يصيح, والشعر المرفوع والجرح اللي على العين اليسرى !!
فعلاً أفكار شباب !!
قلتي أيش ؟! ماعجبتهم الأسلحة !!
مش مهم, لأنها موجودة والأهم أنه الشخصية تكونت !! وهذا الأساس !!
والأسلحة بتنصقل بمجرد ما تتعلمين على رسمها وراح تضيفينها كأكسسوارات إضافية وهذا مش صعب !! لذلك ليس لها أهميه, أو تأثير في الشخصية حتى ذلك الحين !!
يعني لو كنتِ راسمة بس مسدس في الصفحة, وقالوا أنه شويه غلط ما يخالف !! بس في حالت رسمتك هذه, العنصر الرئيسي هو "Th main Figure" أي الشخص نفسة, والأسلحة أشياء ثانوية !!

إذا أستمريت يا فطوم في محاولة إرضاء الجميع صدقيني بتتعبين !!
أنا أستغرب ليش أغلب الناس تغيب أبصارهم عن الجوانب الحلوة وتتركَّز على العيوب :غضب: !!
أذكر مثل يقول:
"محاسن الناس تكتب على سطح من ماء, وعيوبهم ومساوئهم تنقش على الصخر" !!
هل هذا يدفعنا إلى فهم ان اللإنسان يميل "للكمال" ؟!؟!
ما عليتش من تعليقهم !!
أنا عجبتني كثيير -_^ !!
أنا أموت في مثل هالنوع من الشخصيات الطويلة والقريبة نوعاً ما للواقعية !!
شكراً فطوم على كل هذه الأبداعات يا الغالية, ما قصرتي !!

[fatoom]

شكرا روايه ...لهدرجه عجبك هاي المقاتل ...
خلاص بأدور المقاتلين إلي عندي وأطلعهم ...
هي هي هي بس للأسف أغلبهم عند نيكي ...
بأجرب أستعيرهم ...
وشكرا روايه ...
كلامك يشجع ...
سلاااااااااام

[tm13]

السلام عليكم كيفكم شباب من زمان عنكم ..............مشاء الله اشوف رسامين جدد ....ورسومكم صارت اروع وهذي رسمه

[عنيد]

coooooooooo ooooooooool
وايد حلوه رسوماتك يا فطوم والى الامام
بصراحه رسماتك تاخذ العقل :واو:
واسلوبك رائع

[Ranze Eto]

:واو: Tm13



Where Have you beeen ??????


I Miss you Girl:غضب:


but


Nice To See yaaaaa Again

[tm13]

هلا Ranzieوانا والله فرحانه اني رجعت لكم....