كيف بدينا بـFinal Fantasy

[Arashi]

Phonix Down حلوه ههههه
ولين تقييمك لفاينل فانتسي 7 ؟

اوكي
أنا بديت قصتي مع فاينل فاتنسي بالكراهيه الشديده للعبه
كانت السالفه سنة 98 او 99....يعني اول مانزلت فاينل 8
طبعا كنت أعرفها كرسم حلو لا أكثر ولا أعرف شنو ار بي جي
المهم...واحد من الاهل عطاني فاينل7 لأنه كان قرفان منها
وهو أي لعبه تقرفه يصدرها لنا خخخخخ
لعبتها شوي ولاعت جبدي...وقلت وع شنو هاللعبه
يعني انت توقف مكانك وتطي امر attack وبس..وين الاكشن؟
كرهتها وحذفتها في الكبت
بعدها بفتره جفت عرض حلو لفاينل 8...شريتها عشان الرسم وبس هههه
كانت اول مره اجوف رسم واقعي في لعبه
جفت انها من نفس طينة فاينل 7
بس قلت ماعليه...عشان الرسم ولقصه نسوي أي شي
لعبتها ولعبتها وبديت أحبها...تعودت عالوضع...هني بدت ألعب ار بي جي وفاينل فانتسي
يوم من الايام جفت أختي تلعب فاينل7 مع ولد عمتي
وعجبتني فكرة انك تسمي اللاعبين كلهم على كيف كيفك
حتى انها سمت كلاود عباس وايريس حمدو على اسم ولد عمتي هههه
I'm hamadi the flower girl >> ليلحين مانسيت شلون هالجمله طيحتها من الضحك
المهم...بعدها أدمنت على هاللعبه وصارت #1
وشريت بعدها فاينل 9 و10 و10-2 و12 وهكذا
أدري طولت عليكم بقصتي الحزينه

تقييمي:
FF7>>>10 أسطوره...قصه..لعب..شخصيات..كل شي
FF8>>9.5 رسم..قصه..بس شوي جاده
FF9>>9 أيضا رسم وقصه وشخصيات وحلوه فكرة أربع لاعبين في وقت واحد
FF10>>9 أول فاينل عالبلاي ستيشن2..ستايل لعب جديد ورسم قوي
FF10-2>>8.5 ستايل غريب واول جزء مكمل لفاينل فانتسي..لكن دلع البنات يقرف
FF12>>8 اللعب فيه حلو وفيه تحدي...ستايل مميز لكن القصه دمها ثقيل والشخصيات ماتدش القلب

عندي اضافه وهي الموسيقى:
أحلى شي موسيقى فاينل 8و10 وخاصة اغاني النهايه
بعدهم 9و7 وخاصة أغنية النهايه لفاينل9
12 مافيها شي حلو -__-

[Arashi]

العمذره لكن توني جفت هالسؤال بعد قراءة الردود@.@

فحبيت اعرف شنو المميز في FF
هل هي القصه او الاسلوب او حتى الذكريات الحلوه اللي قضيناها معها،،،،
تحياتي

المميز فيها اول شي القصه...لأن مثل ماقال اول واحد أسس اللعبه(نسيت اسمه)
لأنه قال انا ماعرف اسوي لعبه انا أعرف أحكي قصه...وفعلا كل جزء قصته أعمق من الثاني
وخاصة فاينل 7 اللي دوخت راسنا بأسرارها وتحس انك لازم تقعد في مجلس وتحللها مع ربعك
الرسم دايما حلو وهو أفضل رسم من بين جميع الالعاب اللي نزلت على أي جهاز
الار بي جي مميز فيها...يعني كل جزء له طريقة لعب مختلفه عن اللي قبله ومافي تكرار
القصص والعوالم غير...كأنك تنتقل من كوكب لآخر
الشخصيات...شكلها وتصرفاتها غييييير تماما...مافي شخصيتين متشابهتين 100%
وتحس انك تندمج معاهم وانك واحد منهم...لدرجه تحس انهم معاك على أرض الواقع
ذكريات حلوه....عندي...اولها مع فاينل 8
شلون كنت أكره سيفر وارسم قصص على نفسي وخواني وعيال الاهل نضربه وندخل سكوال والباقي
في القصه ههههههه
وفاينل7 لما لعبناها اول مره وسمينا الشخصيات أسامي تضحك
والحلو فاينل لعبه طويله...وكل ماطال عمر اللعبه تتعلق فيها أكثر وتزعل لما تخلصها

على فكره...اللعبه اسمها فاينل فانتسي لأنها كانت أمل سكوير الوحيد
كانت سكوير تعاني من خساره ونزلت هاللعبه فاينل فانتسي (ironic title) مثل مايقولون
لأنها كانت نهايتها...لكن فانيل فانتسي أنعشت الشركه وخلتها مثل ماتجوفونها الحين
عندي القصه بجبيها لكم من اليوتيوب^^

[المـ ح ـب]

هلا هلا

شنو هذا كله

شرايك نسميك مرجع FF

صراحه حكايه تنفع تكون قصه

اسميها

انا و Final Fantasy

ولين تقييمك لفاينل فانتسي 7 ؟

ما في اي داعي للدهشه

انا حطيت الموضوع ولسا ما لعبت السابع

وانا اعطيه واحد ويمبه صفر

يعني 10 اسطوره كامله

اما الموسيقى

موسيقى العاشر كانت الاحلى بعدها 8


مشكوره خيتو على مرورج الحلو

[VAAAN]

السلام عليكم
اما انا فكانت بدايتي مع FF12 وعرفت الشريط عن طريق صديق قال حكي

ان اللعبة حلوة فانا جربت حظي واشتريتها لعبتها في البداية قلت عنها لعبة مب

حلوة بعدين لمل وصلت مراحل ابعد صارت العبة في نظري حلوة بس بعدي ماختمتها

من ثم لعبت FFX-2 FFVll وعجبوني واشكر سكوير لانها سويت العبة الجميلة
وشكرا