FFVII اشياء لم يتكلم عليها احد (2)

[المـ ح ـب]

السلام عليكم ^^

كيف الحاال يشبااب ^^
مشكوور يآخ ..... Xkenshin
على المسااعده
بس في شي ماساعتني فيه انا اذا باريت الؤحش الاخير
ينقص مني واجد ~_~
وماني عارف اي طاقه تزيد فول الـ HP
يعني ممكن إذا عطيتني موصف للمحل الي يبيع الطاقه هاذي
إو إي حل للمشكه هاذي

مع تحياات


عاشق N

عفوا اخوي لاني تاخرت عليك بالرد


شوف اخوي
في وحوش بشكل تنين احمر حول مدينه التنقيب اللي منها مدخل الغابه انائمه
انت قاتلها ولما يبقى لها شوي طقها بضربة موف Morph
وهي راح تتحول لماده الكسير Elixer
انت جمع منها 2 _______________عندي طريقه تخليك توصلها 99

شنو هي
راح اقولك شوف اهم شيء تكون معك متريا W-Item
وبعدين في المعركه استخدم Elixer على اي واحد وبعدين لما تجي تستخدمها مره ثانسه افتح في المعركه _نفس المعركه _ Item وبعدين اضغط عيها بالدايره ولما تجي تستخدمها اضغط اكس يعني تنفي الامر وهكذا لين ما يصير معك 99

اما مشكله الطقات
عندي استراتيجيه ما راح تخذلك
شوف
حط متريا Final Attack وجنبها الاستدعاء Phonix
وحطFinal Attack وجنبها الاستدعاء الاخير نايت اف راوند
وراح تطق الوحش طقه ما شاف مثلها من قبل

اتمنى اني افدك
سلام

[Arashi]

السلام عليكم
أول شي أحب أقول موضوعك عجيييييييييييييييييييييييييييييييييييييب
قنبلة الموسم
بس مع الاسف ماقدر أقراه الحين لأني ماكملت الجزء الاول
اضطريت أقطع المنتدى فتره والحين ضاع مني -___-
ممكن لوووو سمحت تعطيني الوصله؟
أنا حاليا ألعب اللعبه للمره الرابعه وقاعده اسوي شوي دراسات عشان أفهم القصه
جفت الفلم والاوفا بس بعد ناقصتني أشياء
قريت القصه اللي كتبتها عن زاك وكلاود وفعلا جفتها في الاوفا
وباقي ألعب before crisis (اذا بينزل بالانجليزي) و Crisis Core
بس ياريت لو تحط وصلة موضوعك الاول عشان أقراه
وانشالله أرد لهالموضوع لما أخلصه ^__^
شكرا

[Arashi]

الحين يوم أجوف هالصور اقتنعت أكثر....هي المسرحيه غير عن اللي تلعبها اما مع ايريس او مع تيفا في الجولد سوسير؟
ويمكن نهاية loveless كانت نفس نهاية كلاود وايريس
البطل ماراح يجوف حبيبته أبدا
يعني كانت تلميحه بالفراق المأبد

[Arashi]

بالنسبه لمكان مقتل ايريس
انا بعد حسيت ان في شي غريب في الخلفيه
ومثل ماتقول...فجأه تحس ان الدنيا ظلمت وكأنهم مايبونك تجوف المكان
وطريقة عرض المشهد تخليك تندمج معاه لدرجه ماتعرف شنو حولينك
لكن أظن لو ان سكوير كانت تبي ايريس تموت في الكهف...موتتها في المعبد أحسن
عشان الماتيريا طاحت في مكان منشأ الAncient وهو اللي يمكن يعطيها القدره انها
تنقذ الارض...اما الكهف الشمالي فهو مكان مليان شر فما يصلح انها تموت وترجع للأرض هناك
احس انها كانت بتكون محبوسه والماتيريا يبطل مفعولها
مجرد فرضيه لا اكثر
ولي عوده انشالله لقراءة باقي الاجزاء...ويعطيك العافيه عالموضوع ^__^

[solid619]

ممكن احد يعرف على اية جهاز طلعت فاينل 7 في هذي الصوره

[المـ ح ـب]

مشكوره اختي arashi على مرورك الحلو
وتفاعلك الاحلى مع الموضوع

اعتقد ان الموضوع فشل في هذا المنتدى عشان كذي رديت اكتبه بالانجليزي عشان احطه في عيون على الخيال النهائي

ـــــــــــــــــــــــــــــــــــــــــــــــــــ
اما بانسبه للصوره اللي حطها اخوي solid619
عجييييييييييييييييييييييييييييييييييييبه اول مره اشوفها
وما اعرف على اي جهاز نزلت

مشكور كل من تفاعل مع الموضوع
تحياتي
Xkenshin

[Arashi]

اعتقد انه جرمHoly

أنا بعد أعتقد انه holy ... لأن يقولون في اللعبه ان سيفروث هو السبب ان هولي مايأدي وظيفته..لأن بعد مايموت سيفروث يقوم هولي وينقذ الأرض @.@
وليش لونه أصفر؟ المفروض لونه أخضر نفس النهايه...لكن يمكن لأنه عطلان عشان جذي ماكتمل ومالع بلونه الاصلي

"...the Promised Land... I think I can meet her... there."

فهمت من اللعبه ان هالارض الموعوده هي تيي بعد الموت...يعني مكان الاموات..وكلاود يعتقد انه لما يموت ممكن يجوفها...وهي ايريس قالت ان أمها رجعت للأرض وشنو اللي يفرح الancients اكثر من رجوعهم للأرض؟
والفلم يوضح هالفكره وهو ان كلاود على اخر الفلم كان بيموت وجاف ايريس وكاداج اللي ماتوا...لكن ايريس رجعته لأن مب وقته يموت>>>شلون ترجعه؟على كيفها؟ x_x

الان ماذا تعتقدون بخصوص هذا الكهف

أنا أتوقع انهم مسويينه عشان يكون داخله سلاح او ماتيريا وكنسلوا الفكره
يعني يمكن مجرد ديكور لا أكثر @.@

[Arashi]

the FF7 universe is the same as the real one

من كلام ربعك VincentX هالجمله أكثر شي عجبتني هالجمله...وانا أظن ان هالشي هو اللس خلى الناس تحب فاينل 7 اكثر من باقي الاجزاء...لأنها تتكلم عن مشكله احنا بعد نعانب منها وهي التلوث والحروب ودول مسيطره و و و و و...وانا مابي أدخل في السياسه...لكن أنا أبي أنبه على مقطع من اللعبه وهو لما شينرا تفجر مقر Avalanche .... طبعا تعرفون ليش فجروه واش قرر رئيس المنظمه يعلن -_^

MADE IN HONG KONG
ALL RIGHTS RESERVED 1996
SQUER COMPANY LIMITED

أنا أظن كل شي صح ماعدا السنه
بقينا عينا انا واختي وطلع انها في سنة 1990 وليس 1996
واتوقع انهم اختاروا هالتاريخ لسببين :
1- اما عشان أحداث اللعبه تكون في عام 1997 >>> السنه اللي نزلت فيها لالعبه
2-أو في 1999 وهي السنه اللي اعتقدوا فيها الناس انها تكون نهاية العالم
وانا اظن ان الاحتمال الاول اقرب لأن مثل ماقال Xkenshin

| µ | —Era 19591010 D.V
µ | —Era 19670702 Sealed
ولو الغينا الاصفار في العدد الثاني ووضعنا عوض عنها فواصل لحصلنا على تاريخ
10/10/1959
2/7/1967
ولو اعتمدنا ان D.V بمعنى Discovered بناء على كلمه Sealed

وهذا أحلى تحليل في الموضوع>>>كأنه تحليل المحقق كونان ههههه

[Arashi]

لو فرضنا ان عمر Vincent الحقيقي هو 40 سنه على اعتبار ان عمره 27 وبقى في التابوت لمدة 23 وهذه حقيقه

بس بغيت أصحح خطأ
27+23=50 ^_^
هالمره أنا رايي غير
اذا على الماتيريا اللي تحافظ على شباب فينسينت..فهذا معقول ونفس ماتوقعت قبل ماكمل قراية هالجزء
وهوجو عنده دم جينوفا فحافظ على شبابه...لكنه ماكان شاب..كان شايب مكلكلع يوم جفناه في ديرج اوف سيربيرس
ولوكراتيا بعد نفس الشي...احبست نفسها وحافظت على نفسها عن طريق دم جينوفا

وفي بعد احتمالات ثانيه
ممكن يكون فينسينت أصلا عمره 27
تقدر تقول ان سيفروث دام انه فار تجارب وفيه دم جينوفا كبر بسرعه
والا...ليش ماتكلم عن طفولته؟

عندما طعن Sephiroth بسيفه Aeris لماذا لم نشاهد أي دم ولا حتى قطره على سيف Sephiroth اوحتى على Aeris !!!!!

لأن اللعبه مليانه عنف وارهاب...فبغوا يخففون هالعنف فماحطوا ولا قطرة دم..يمكن @.@
ومبرمجين ألعاب مال أول ماكانوا وحوش نفس الحين هههههه

[Arashi]

مشكوره اختي arashi على مرورك الحلو

وتفاعلك الاحلى مع الموضوع

اعتقد ان الموضوع فشل في هذا المنتدى عشان كذي رديت اكتبه بالانجليزي عشان احطه في عيون على الخيال النهائي

انا ماعتبره فشل والدليل تفاعل الاعضاء وياك
والموضوع حلو وعجيب وشيق واذا في كلمه تعطي الموضوع حقه اكثر من هالكلمات كنت قلتها
اذا عندك بعد مواضيع تحليل جذي لاتتردد وحطها وانشالله بتجوف المنتدى كله متفاعل معاك

[المـ ح ـب]

هلا arashi

مشكوووووووووووووووووووووووره على اقتراحاتك وتحليلاتك الاحلى

27+23=50

ياذي الرياضيات

طيب في حكاية عمر فنسنت
في اللفلم عمره 30 شنو تفسيرك لهذا ؟؟؟

وبالنسبة للجرم السماوي الاصفر
كيف وصل للمكان هذاك من غير ما يلتقي بسفروث ؟

مشكوره خيتو على مرورك الاحلى
اللي رد الحياة للموضوع

في امان الله

[Arashi]

طيب في حكاية عمر فنسنت
في اللفلم عمره 30 شنو تفسيرك لهذا ؟؟؟

بحثت في مسألة عمره والكل يتفق انه 27 سنه في ديرج اوف سيربيرس
يطلع 26 سنه في الفلم
انا متأكده ان سكوير ماتبيه كبير في السن عشان ماتزعل معجباته ههههه
بس صج...أغلب الظن يطلع من 27-30 مب اكثر
ولو ان شخصيته أكبر من سنه

وبالنسبة للجرم السماوي الاصفر
كيف وصل للمكان هذاك من غير ما يلتقي بسفروث ؟

أكيد وصل عن طريق الlifestream نفي ما كلاود انتقل من الnorthern cave الى مدينة...نسيت اسمها لما يمرض...اظن Migeal ماجري شنو
يعني سافر لمسافه بعيده
والجرم الاصفر نفس الشي
هو انتقل من تحت الارض ووصل لهذا المكان قريب سيفروث
لكن بسبب وجود قوة سيفروث الشريره تم محبوس مكانه بدون مايطلق طاقته
ولو تلاحظ..المكان ظلام حده
يعني تحوطه قوه شريره خلت الجرم محبوس مكانه
طبعا هو مالتقى سيفروث لأن مثل ماقلت...انتقل باللايف ستريم من تحت الارض
وماظن ان سيفروث حس فيه الا بعد ماوصل للمكان المظلم

مشكوره خيتو على مرورك الاحلى
اللي رد الحياة للموضوع

العفو
انا دايما كان ودي ينفتح موضوع للنقاش خاص بفاينل فانتسي7
لأن لو نقعد نناقش لين السنه اليايه ماراح نخلص
هالاسطوره الصراحه أعمق من مسرحيات شيكسبير
اللي ملوعين جبودنا يحللونها لنا ويقولون ان تحليلها ماله نهايه

انشالله لي رجعه للموضوع لما احصل شي أتكلم عنه