junk

**orange road** · 18-12-2001, 12:40 AM

سلامة عينك يا رانما..
انا كله مني.. انا حطيت هالرسمة وتسببت عليك..
اعرف دكتور باخليه يعالجك على حسابي..
اسمه دكتور (حاجب صايب عين)..

(ولا حد يسألني من وين الاسم)..
تخصصه (مبططجي عيون).. صدقني ما راح تندم..
خلاص والله على حسابي..
بكرة عندك موعد معاه الساعة 5 الفجر.. لا تنسى..

**shaheen** · 18-12-2001, 01:40 AM

بصراحة اول ما شفت الرسمة وعرفت سنة كم راسمتهه... حزنت على نفسي...
تصدقين يا خلود... ماكنت ارسم بهالتفاصيل الا في السنوات الاخيرة وقبل ذلك كنت ارسم شخابيط وخرابيط ولم تكتمل عندي رسمة قط الا لغرض ليس لي كمسابقة او ماشابه

ماشاء الله انتي عندك اعتزاز برسومك

اما انا فكنت دائما احلل الرسومات واجرب واتحدى واتلاعب

**fatoom** · 18-12-2001, 01:54 AM

انا كنت نفسك شاهين و أسوأ...
و مسابقات no way
كنت أمزع الرسوم و أتخلص منهم ...
ما كان يعجبني ...لين لقيت نيكي ...
و طقتني طق ليش اني أسوي جذي ..
المهم ...
الحين محد يهددني في نشر فظايحي غيرها ...
عندها كل رسوم ذيك المرحله

مستحيل تسوي فيني جذي...

صح ?:

**orange road** · 18-12-2001, 02:03 AM

هاهاهاها..
تدرين فطوم..
شرايج افضحج عند نيكي.. وافتن على المنتدى واللي تسوينه فيه..
واخليها تنشر غسيلج كله؟؟؟؟

**fatoom** · 18-12-2001, 02:14 AM

هااااااااااا ؟
مستحيل ...نيكي ما راح تسوي شيء :غضب:
أنا واثقه ...

**orange road** · 18-12-2001, 12:07 PM

وهذي رسمة قديمة، ملونة بالوان ال water color
بااااااال... من 8 سنين.. لقيتها من كم يوم وانا ارتب اغراضي..

**Ranma Saotome** · 18-12-2001, 12:22 PM

شباب وأخيرا أعرض لكم أول رسمه رسمتها في حياتي ( تقريبا مانجا) رسمتها اليوم في خلال 10 دقايق بس وأنا كنت سرحااااااااان ذاك الوقت الا مره وحده أشوف الرسمه قدامي
ماعتبرها جنك صراحه أنا اعتبرها تراااااااااااش
بس قولوا لي رايكم

**Ranma Saotome** · 18-12-2001, 12:26 PM

مادري وين الصوره
there is something wrong

**orange road** · 18-12-2001, 12:52 PM

وين الرسمة؟؟
رانما.. تراك شوقتنا ان نجوف رسوماتك.. والحين ما حطيتها ؟؟ ?:

**Ranma Saotome** · 18-12-2001, 12:56 PM

لا تتشوقون وايد ترى أنا مب ويه رسم... عندي أفكار لكن من ناحية رسم مب لهناك
أنا حاولت أنزلها لكن مادري شسالفه... ضغطت على براوسير وبعدين على اسم ملف الصوره مرتين وانتك اسم الملف في المستطيل...لكن لما سويت إضافة الرد ماطالعت...
هاذي محاوله ثانيه

**orange road** · 18-12-2001, 01:00 PM

رانما..
ترى اللي ما يرسم ويحاول، احسن من اللي ما يرسم وما يحاول..
اذا صج انك ما ترسم فرسمتك كاول المحاولات حلوة..
بس يبيلك شوية تمرين.. وصدقني.. بعدين بتقدر تسجل افكارك بنفسك..
تعرف.. ليش ما تبتدي اول بالنقل من رسوم المحترفين.. وبعدين شوي شوي بصير لك اسلوبك الخاص..
بس تسلم ايدك..
ونورت المنتدى بالرسمة..
واكاهي المصاصة.. شريتها اليوم الصبح لك..

**Ranma Saotome** · 18-12-2001, 01:06 PM

أنا مب مال رسم وخاصه رسم الوجوه والشخصيات
أنا 24 ساعه على النت وإذا حسيت أني متملل أشوف أخوي وهو يلعب بالسوني أو أقرى مجلات سيايير
اليوم حاولت مع نفسي شوي واطلعت النتيجه بالماينس
أنا رسمت وحده ثانيه لكن رسم أخوي اللي في أول ابتدائي أحلى
بحاول انشالله خلال هالإجازه اللي عندي ( إذا قدرت ) و بابدى أنقل من المجلات انشالله
وعلى فكره ترى المصاص مب حلو أبي واحد ثاني

**orange road** · 18-12-2001, 01:14 PM

يمكن لانه تاريخ المصاص منتهي من 8 سنين بس.. انا شريت منه درزن حقك لانه كان ارخص شي في البرادة..
مب مشكلة.. باردهم للهندي وباطلب منه مصاص منتهي من 3 سنين.. هو بيطلع اغلى شوي.. لكن معلبش.. تمون يا رانما..

**shaheen** · 18-12-2001, 02:02 PM

اورانج رود؟؟؟
انتي تبين تسممين اعضاء المنتدى؟؟؟
:غضب:

**orange road** · 19-12-2001, 04:34 PM

وهذي بعد مشاركة.. بس ليش محد يعرض غيرنا؟؟
رواية ليش ما حطيت شي للحين؟؟ رانزي.. وينج؟؟
شاهين.. خاطرك في مصاص من اللي شريته حق رانما؟؟؟ عندي منه وايد.. هاهاهاها..

الموضوع: junk

أدوات الموضوع

أخيييرا

ضوابط المشاركة