هناك احد يمنعكم عن دخول الجنه ادخل فالننتقم منه ...

[ebrahim]

مشكور يا اودين عالموضوع
انكسرت رقبتي وظهري عبال مخلصت قراه


انا شايف جدال في لعبت تومب رايدر

انا اقول افضل نتركها

وفي ناس تقول ما فيها عيب لا فيها عيب الملابس الي تلبسه ما في عيب

ولا وكل ما يمضي الوقت يزيد ظهور العيب يعني كل شوي يطلع جهاز

يعطيك صور قويه واوضح

وكمان اذا فيها عيب في اخرها زي ما قال اودين زاد البلى

تقول ان الجزء الرابع جلب سياح غربين الي يشوفك يقول بنوقف اصدارها

طيب تجلب سياح غربيين طيب خليهم يلعبو فيها بس احنا ما نلعب تقولي

عرفتنا بحضاره مصريه عندك المكاتب روح واقرأاي كتاب

وبعدين مهما كان تفيد المسلمي الا انها تضر ايضا

يعني يطلعو لعبه فيها عيب ويحطو حضارت عرب تجلب سياح مما يجلب

ارباح هذا معناه خذ فلوس وانشر فساد ممكن امه الكفر تسوي اي حاجه

تسبب دعمنا ماديا وفسادنا دينيا ويكون بالتدريج يعني يبدوها بفتاه بشرت

واحنا نمشي يزودوهاشوي شوي لما الله اعلم

تقول الناس يلعبو بالعاب
فيها عيب وبدون مقابل هذي يمكن انتشارها اقل

لكن اقولك لعبه كذا تدعم وتنشر حاجه عن العرب شوف شقد ناس

بيشتروها وهذا يفيد اهل الكفر ماديا وتخريبيا لاخلاق المسلمين












ارجو ماحد يزعل خاصه من محبي تومب رايدر
كل هذا للفايده والي عنده رد يرد بدون زعل
وهذا فيه

[The Hacker]

شكرا لك أخ أودين و جزاك الله خير
من زمان نقول هذا الكلام و لا أحد يسمع
أبيك تروح لموضوع الأخ شاهين و تقنعه ترى كتبت زي كذا و أعطاني طنااااااااااش
يبي يسوي لعبة و جايب شخصيات مخجلة الله يسامحه و يهديه

و هذي الوصلة

هنــــــــــــــــــا

[ذي يزن]

لا أدري ماذا أقول..

القدس ستضيع من بين أيدينا ولازالوا يتناقشون في صغائر الأمور.....

[ODIN]

كتب العضو (ذي يزن)
لا أدري ماذا أقول..

القدس ستضيع من بين أيدينا ولازالوا يتناقشون في صغائر الأمور.....

مو يا حبيبي محنا مسترجعين القدس وبأيدينا هذه الاشياء !!! لازم نرجع الى ديننا .. اجل وش تبيني اقول ؟؟ اقول روحوا جاهدوا لفلسطين ؟؟ لا طبعا .. لازم نبدأ بصغائر الامور والاشياء الي موحاسين فيها الشباب ..

يعني الصلاة والزكاة الكل يعرف حكمها واهميتها .. لاداعي للتكرار والاعادة .. الا للتذكير طبعا !!

لكن هذه الاشياء .. والله انها مضيعه الشباب للأسف..




بس دقيقة يا شباب ..

هو اي واحد يحط نصيحه يصير فيه كذا عندكم ؟؟!

[M7MOOOD]

اذا كنت يا أودين تبينا نترك لعبة تومب رايدر لأن لارا ترتدي فيه الشورت ... عيل لازم نترك فاينل فانتسي بعد ... لأن فيه بنات ثيابهم قصيرة جدا جدا ... و كذلك رزدنت ايفل ... لأن كلير ترتدي الشورت قصي كلارا .. و جيل ثيابها في الجزء الثالث حدث و لا حرج ... و أيضا لعبة المصارعة دبليو دبليو سماك داون ... لأن فيه نساء مصارعات .. و لقطات حقيقة تظهر فيها المصارعة شبه عارية و العياذ بالله ... و لا أقول ... تدرون شنو الأحسن و الأفضل :

أي لعبة نشوف فيها بنات يردتين ثياب قصيرة و شورتات قصيرة أيضا ... يجب أن نتركها لأنها تمنعنا من دخول الجنة !!

و لا تدرون شنو الأحسن بعد :
نترك كل الالعاب ... لأنها تمنعنا من دخول الجنة !!

مو أقتراحاتي جيدة ؟؟

[Aerodynamic]

تومب رايدر أصلا أكرهه
ما أحبه أبد

[ODIN]

كتب العضو (M7MOOOD)
اذا كنت يا أودين تبينا نترك لعبة تومب رايدر لأن لارا ترتدي فيه الشورت ... عيل لازم نترك فاينل فانتسي بعد ... لأن فيه بنات ثيابهم قصيرة جدا جدا ... و كذلك رزدنت ايفل ... لأن كلير ترتدي الشورت قصي كلارا .. و جيل ثيابها في الجزء الثالث حدث و لا حرج ... و أيضا لعبة المصارعة دبليو دبليو سماك داون ... لأن فيه نساء مصارعات .. و لقطات حقيقة تظهر فيها المصارعة شبه عارية و العياذ بالله ... و لا أقول ... تدرون شنو الأحسن و الأفضل :

أي لعبة نشوف فيها بنات يردتين ثياب قصيرة و شورتات قصيرة أيضا ... يجب أن نتركها لأنها تمنعنا من دخول الجنة !!

و لا تدرون شنو الأحسن بعد :
نترك كل الالعاب ... لأنها تمنعنا من دخول الجنة !!

مو أقتراحاتي جيدة ؟؟

ايه اتركهم كلهم زين ؟؟ يعني انت مخلوق عشان العاب ولا ايش؟؟

[M.Master]

مشكووورين عالموضوع
--------------
حتى في متل جير 1 في جندي تلقاه عاري على الارض هذا غير ماريل بالحمام و.. و...... و.........

[Rewayah]

جزاك الله ألف ألف خير حبيبي أودين !!
والله كلامك كله سليم مائة بالمائة...
كثير من الألعاب تحمل في طياتها ما لا يناسبنا نحن المسلمون...
وعلينا توخي الحذر...

هذه هدية لك يالغالي...

ومشكور وما قصرت يالطيب !!

[Grandia]

لنكن واقعيين

هاذي الايام وين بتحصلون الانسان اللي بغض بصره اذا ما غض بصره عن المسلسلات والافلام فكيف سيغض بصره عن الالعاب

[jon koper]

خلاص ياشباب لقد اقتنعت برأيكم لهذا قررت ان اترك لعبة Tomb Raider.
وسوف ابدا Duke Nukem forever فور صدورها.

التائب اخوكم وصديكم جون كوبر

[ODIN]

كتب العضو (jon koper)
خلاص ياشباب لقد اقتنعت برأيكم لهذا قررت ان اترك لعبة Tomb Raider.
وسوف ابدا Duke Nukem forever فور صدورها.

التائب اخوكم وصديكم جون كوبر

يا اخي استر على نفسك الله يستر عليك ما يجوز تجاهر بالمعصيه كذا

[ODIN]

الف شكر حبيبي رواية على هذه الهديه الي حلوة زي وجهك

[Cadwar]

الله يجزاك خير ....

[DARK HDUKEN]

تسلم يا ODIN على هذا الموضوع القيم ... لكن تدري يمكن أنا أول ماشفت العنوان ضحكت وقلت شوف التخلف ... أعذرني على كلامي .. ولا تفهمني غلط .. أنا قصدت التخلف و النفاق الموجود في كل المنتديات .. تذكر كم موضوع حمل نفس فكرة موضوعك .. ويا مكثر الاعضاء اللي ردوا عليه وكلهم يشكرون صاحب الموضوع على فكرته العظيمة وكله كان نفاق وخرطي منهم ... ولا واحد منهم يهتم لهذي الامور ... أنا ما أقصد الموجودين في هذا الموضوع ... وإذا تحبون تعرفون الاعضاء اللي ما يهتمون لدينهم ودنياهم .. أدخلوا
موضوع ( صور ) لمنتدى ريزدنت إيفل ... الصارحة كنا في رمضان والناس صيام ويوم نصحتم قابلوني بطردي من الموضوع .. ( أنشر دينك في بيتك قبل ما تنشرة خراج البيت) عندكم الوصلة :
http://www.montada.com/showthread.ph...772#post476772
..أشوفكم على خير :": :": :":