دفتر شكاوي -الجزء الثاني-

[لؤلؤة الإيمان]

السلام عليكم
وأخيراً في مكان الواحد يشتكي فيه (((الله يعينكم)))

مالين من الجامعات>>>>>>تعالوا جربوا قعدت البيت وشوفوا السناعة صايرة طباخة البيت (اللي يبي وصفة يسألني) لا ياليت القضية الطبخ وبس،، كل واحد يقول لك إنتي قاعدة في البيت تعالي ساعديني،، إنتي فاضية ما عندك شغل تعالي سوي هذا عني....كأني قاعدة بالبيت من طوعي!!


أبغى أشكي لكم على نفسي ... أمس قتلت 3سمكات فضيات من أصل أربع من سمكات الزينة الصغينونات يلي عندي.((ترى جايبتهم شحادة من عند وحدة فرخوا عندها السمكات وقلت لها طيب عطيني أربعة على الأكثر يعني طولهم دوبه سم واحد وأقل وعمرهم شهر يا حليلهم)).
أول مرة أعرف نفسي بهالوحشية،، والطريقة هي إنني طعميتهم نعناع مجفف وناعم!!!
صار لي فترة أقول لهم بعد بكرة راح يخلص أكل السمك...بكرة بيخلص أكل السمك... اليوم خلص أكل السمك>>>> المهم وبعدين؟
لمن خلص أكل السمك قعدت أفكر إيش أطعميهم حطيت لهم شوية زعتر من غير سمسم وأكلوا وانبسطت فيهم لأنهم كانوا جوعانات،، وقعدت أجرب فيهم هذا ياكلوه وهذا ما بياكلوه،، وبعدين قعدت أعبي النعناع بعلبة وحطيت السمكات جنبي وطارت كم حبة نعناع للحوض يلي هم في (علبة طماطم العلالي) المهم جتني فكرة ليش ما أطعميهم نعناع؟؟؟ وحطيت لهم كمية ما شاء الله
بعد ساعة جيت وفكرت أغير المي واحزروا شو شفت؟؟؟
عرفتوا ؟؟ شاطرين....أصلاً غششتكم من البداية
لقيت ثلاث سمكات روسهن لتحت، والرابعة كانت على وشك الاحتضار لولا رحمة الله فيها كان لحقتهم..
ولحد الحين عايشة بالندم

شكوى أخيرة
أبوي سافر والله أعلم متى بيرجع ويمكن نقضي العيد من غيره!!! ومع إننا مرة قضينا العيد من غيره بس وقتها كنت صغيرة وبيت عمي جنبنا،، بس الحين كبرت (بالله؟) وأبوي ما في غيره كل يوم مقابلني بالبيت 24 ساعة،، لمين بسوي قهوة بالنسكافيه؟؟ ولمين راح ساوي متة بعد المغرب؟؟ ولمين راح اقول لا رأيي عكس رأيك تماماً؟؟؟ وبعدين بيت عمي مو جنبنا،، وعمي مسافر مع أبوي.... وأغث شي أخوي الكبير (مع إنه حبوب ويبغى مصلحتنا بس ما اتعودت أحد يتحكم فيني) طبعاً أمي مبسوطة ولسان حالها:: جاك الموت يا تارك الصلاة
بس اخوي مو مستعد يتكلم معي،، واول ما ابدا بالكلام,,,, أقول إيش رايك تساوي كاسة شاي؟؟؟ اروح المطبخ وأن قاعدة أكمل السالفة لنفسي!!! وكأن نفسي ما تعرفها بس الحمد لله بيفتحون عند أمي عيادة للطب النفسي قريباً


إنزين لمن يصير شي قريباً بشكي لكم،، ولا تحكوا لي عن أهل القصيم ترى ما في بطيبتهم...


ملا حظة ها مة :::
لا تطعموا سمك ات الز ينة اللي عند كم نع نا ع

[Old Snake 85]

السلام عليكم

وعليكم السلام ورحمة الله وبركاته...

كيف الحال كل ابوكم؟؟

كلنا بخير...وعاش من شافك...

من زمان ماتشكيت واحس كذا في كم سالفه تقرقع في قلبي

هاه كيف الجامعة وياك...P:

من البداية تراني مركبة كاشف على الموضوع الي بيدخل له عقاب اقوله بعدين

O_o !!!!

اول شيء هذا موضوع تازه توه طالع من الفرن

يمي يمي...

بلا معدل بلا بطيخ بنجح لو برفس
من خلال دراستي الجامعيه الي امتدت الى 3 سنوات بقسمين مختلفين مامر علي بعمري بحياتي اسئلة تعجيزية مثل هذي !
ابي اعرف ليش الاجرام ؟
والله بنات يسلمون اوراقهم فاضيه بيضااااااااااء والاستاذه رجل على رجل وتاكل علك مافي ضمير مافي احساس
عصرت مخي وطلعت معي كم جمله واتحدى انها بتلقى غير 4 او 5 جمل كررتهم على صفحتين ههههههه

الله يوفقك...وتنجحين بدون رفس...P:
سالفة الأساتذه سالفة...ياأختي ماأدري هم يستلذون ولا ينقنقون فينا...الله يهديهم...!!

مزحة ثقيلة من سنه ونصف ادفع ثمنها للحين !
مره كنت استهبل على بنت وقلت لها اني شيعية بشوف شتسوي
البنت طالعتني قالت ايه ماشاء الله هههه
ماعلينا فهمتها اني امزح
راحت قالت لصديقاتها المزحه وكل وحده تنقل السالفه للثانيه مع بهارات وملح وفلفل لين ماوصل لي خبر هالترم اني شيعية !
امي تقول تستاهلين بالله وش الصرفه ؟

هههههههه...كيف عاشوراء عندكم...*صدقت السالفة ترى*
بصراحة السالفة تضحك وقد صارتلي زيها بس مش لدرجة شيعي...لول

مشكلتي مع الطفش
لاحظت شيء اني ادرس سنه ونصف بقسم بعدين اطفش
وهذا حالي الحين
قلت بحول لثاني مره بس امي قالت لاحولتي حولت عيونك
انا مفروض من البدايه ادخل معهد الادراه عارفه اني انسانه اطفش بسرعه ادخل قسم اربع سنوات ليه ؟

وتخصصك تحددينه على حسب الطفش...
okماأعرف أسوي أوعض ومن هالكلام...Pass

وليه الكشخه ؟
الناس تجي الصباح
طفشانه
متضايقه
فيها النوم
<<كشتها قايمه
بس في اشكال اللهم لاشماته مكياج وتسريحات على الصبح
غير القصات العجيبة
مثلا اليوم جت وحده ذكرتني بعبسي
ووحده ثانيه كنت اشوفها واتخيل بصل او ثوم ماحس الا صديقتي تقول بطااااااطس
البنت محلقه شعرها وصابغة اصفر والله راسها من ورى كنه بطاطس ليش يشهون خلقتهم !
غير موضة القبه تجيكم وحده حاطه قبه على راسه اموت واعرف شلون تثبت ؟
والله انا لاحسيت فيني مزاج اكشخ غيرت فرقة شعري من اليسار الى اليمين وخلصنا

اليوم رحت أقدم على وظيفة جديدة...ههههه طلعت العقال من الدولاب...أحسه كان فاقد الأمل إنه يطلع...عموماً...الكشخه عندي أوقات ومزاج...أيام أطلع زومبي والعياذ بالله...وأيام...*خلنا نوقف هنا*...P:

سؤال لأخوانا المصريين
انتم كيف يكتب عندكم الاستاذ؟
عندنا دكتورة مصرية ماتعرف تستخدم قلم السبورة وتقول احنا مش كدا بمصر
تعامل السبوره كنه اختراع بدائي ترى والله حتى جامعة هارفرد عندهم سبورات

طب ماتسأليها عندهم إزاي...!؟

برضو سؤال لاخوانا القصمان
لاحظت شيء وبدون زعل اغلب كلامكم عن الأصل ياترى ماهو السبب وراء ذلك؟
بنت قصيمية ماعرفها جت سألتني عن شيء وجاوبتها الأخت ماسئلتني ايش اسمك او ايش عائلتك على طول ايش قبيلتك ؟!

بكل إختصار وبدون زعل للأخوة القصمان*فاقد الشـ*ولا أقول لا تحصل حساسا\يات...لول

انحبست بالتوقيف
عندنا نظام الي تخالف باللبس يحبسونها ساعه
والله اني لابسه كم للكوع وبلوزه بيضة وش زيني مو مخالفه ولا شيء
تمسكيني وحده
هذا لبس تلبسينه ؟ استحي البسه قدام عيالي !
وللأسف انحبست ساعه مقابله وجهها وانا اقول يالله الصبر
الحين مامعنا عيال الجامعه مسكره وتحدها الحيطان من كل الجهات وش فيها لو لبست الي ابي
والموضوع الي يقهر صح
تشدد على اللبس داخل الجامعه
والعبايات بره اشكال والوان ولثمات ... الخ !
تخلف

يابنت الحلال أحسني الظن...يمكنها تبي مصلحتك...
ههههههههه...زماااااان عن مواضيع الجامعة حقتك...لول...والله يعافيك...
^^"