حقل تجارب mezoomozaa

[رنا امجد فوزي]

ما شاءالله .......رسومات جميلة فعلا
ان شاء الله اعرض رسوماتي علي الكمبيوتر

[هبله وتستهبل]

ماشاء الله مثقف ومبدع

[mezoomozaa]

بسم الله
اخيرا
وبعد فترة عناء
انتهت الامتحانات وعدت للمنتدى الحبيب بعد فترة انقطاع طويلة
وعدت للرسم برسمة جديدة
بتاريخ اليوم
اتمنى ان تحوذ اعجابكم



اتمنى ان تنال اعجابكم
وانتظروا المزيد والمزيد فى الفترة القادمة ان شاء الله


واجازة سعيدة لى ولكم
مع الرسم ومحبيه


ميزوووووو

[mezoomozaa]

والان مع ثانى رسماتى فى الاجازة

ودى رسمة عزيزة عليا جدا
لانها لأمـــــــــــــى


وللأمام دائما


ميزوووووووووو

[Lenalee Lee]

السلام عليكم ورحمة الله وبركاته

كيف الحال أخي ميزو-كن؟؟ ^^

أهلاً بعودتك من جديد

ماشاء الله الرسمتين حلوة

الولد يحتاج له شوية تعديل في ملامح الوجه من حيث النسب

أما الوالدة حفظها الله فالرسمة تمام ماشاء الله ..

لا تقطعنا ^^

مع تحياتي..
Lenalee Lee
(Ms.Rose)

[mezoomozaa]

ألف شكر يا MS.ROSE
بجد ردك اسعدنى
وانتظروا المزيد

[mezoomozaa]

الصورة دى بقا يا جماعة حكايتها حكاية
دى رسمتها النهاردة
وهيا صورة لبابا
ومن اكتر الرسمات اللى استخدمت فيها الاستيكة - الممحاه -
واللى عقدنى فيها هيا منطقة الشنب - الشارب
لان المشكلة ان بابا مقصر الشنب
فباين انه نقط خفيفة كدا
والمشكلة ان المنطقة كلها لونها اغمق من بقية الوجه
وكل لما احاول ارسمها ما تطلعشى زى ما انا عايز
فقررت انى امسح المنطقة كلها
واسيبها على كدا
لغاية لما اتعلم ارسم الجزء دا ازاى
والمهم ان اى حد شافها عرف علطول انها لبابا
والبركة بقا فى خيالكم تكملوها انتم فى دماغكم





ميزووووووو

[mezoomozaa]

بسم الله
اهلا يا جماعة مرة تانية
بتابع الموضوع علطول رغم الانشغال
ما رسمتش اى حاجة فى الصيف للانشغال بالكمبيوتر
ولما بدأت الدراسة بدا الرسم
المهم دى رسمة جديدة لزميل بابا فى الشغل واعز اصدقائه - على فكرة والدى مدرس مرحلة ابتدائية -
الرسمة دى هيا اعلى مستوى وصلت ليه
واستخدمت فيها طريقة المربعات
وهيا مكبرة 5 مرات

المهم
دى الرسمة

وهنا الحجم الكامل
http://mezoomozaa.googlepages.com/mamdoh.jpg

وهنا البوم فيه كل ما رسمت وفيه النسخة الخام للصورة دى

http://good-times.webshots.com/album/562717025qJxZLj

والى اللقاء ان شاء الله
ميزوووو

[Lenalee Lee]

السلام عليكم ورحمة الله وبركاته ^^

كيف الحال أخي ميزو ؟؟

لي زماااااان مادخلت هنا "^^

إحم إحم .. عذراً على التقصير

بخصوص الرسمة الأولى..
(صورة والدك حفظه الله)
ماشاء الله شكل الصورة حلوة بس أحس مع المنطقة اللي مسحتها ممكن ترفع الجزء السفلي من الوجه لأني أحس الوجه مستطيل جداً..

الصورة الثانية..
(صورة زميل الوالد حفظهما الله)
ماشاء الله تبارك الله ^^
باين تطورت في الرسم ماشاء الله ^^
الرسمة حلوة ماشاء الله
بس ماأدري أحس الجزء اللي تحت الشفاه غريب.. الا اذا كان هو كده <.<"
والحواجب احسها مو متناسقة "^^

ننتظر جديدك بإذن الله !!

مع تحياتي..
Lenalee Lee
(Ms.Rose)

[mezoomozaa]

شكرا على ملاحظاتك اختى العزيزة
وبصراحة عندك حق فى كل ملحوظة - وخصوصا المنطقة اللى تحت الفم -
لكن بمساعدتكم هيكون فيه تطور دائم ان شاء الله
وشكرا مرة اخرى

[mezoomozaa]

ودى يا جماعة رسمة كنت رسمتها لابن خالتى - عمر -
ومش هيا اخر حاجة رسمتها بس ما كنتش حطيتها لانها كانت مسببة ليا احباط كبير اوى
فى ان معظم اللى شافوها قالوا انها مش شبه الصورة اللى رسمتها منها اطلاقا
بس انا مقتنع بيها
وشايفها كويسة



وللامام دايما

ميزووووو

[Nissan]

ممممممممممم بنظير بوتو ..باكستان
الرسومات روعه عاشت ايدك

[Sma-Almaqdesy]

معتز مش؟!!
آسفة نسيت الأسماء قد ما بدخل هون؟!!!!>>مبسوطة على حالها
تطور ملحوظ
وشغل مرتب بصراحة
إن شاء الله تكون استفدت من الأستاذ عماد المغربي
يا ريت نشوف المزيد مع هالهمي العالية>>> متل همتي تمام خخخخخخ
بالتوفيق 8_8

[Nissan]

بوتو ....الى الابد ..........................

[بطووووطه]

.
.


( mezoomozaa )
السلام عليكم و رحمة الله و بركاته !

أعتذر بدايةً على تأخري بالرد .. لأن الصور في جهازي الآخر لا تظهر !
سأحاول الرد على الصور الظاهرة هنا ..

بالنسبة لـ رسمة صديق والدك :
رسمة رائعه و تطور ملحوظ مع بقية الرسومات ..
أعجبني استخدامك لـ درجات متفاوتة لـ التظليل ( كالفرق بي لون الشعر و البلوزة ) !
تخطيط البلوزة رائع و واقعي .. لمستك على "ياقة البلوزة" رائعة بتخطيطها خطوط مائلة !
أيضا تظليل الأذن وفقت فيه ..
كنت أتمنى أن يكون الشعر فيه أكثر واقعية كـ رسمة بشكل خطوط متجاورة جدًا بدل أن يكون تلوينًا ..
أيضًا .. لا بد من تطابق الحاجبين حتى تكون الرسمة واقعية !

وفقت فيها عمومًا .. ماشاء الله عليك .. !


رسمة ابن خالتك - عمر- :
ممتازة جدًا من ناحية الخطوط و التظليل ..
الأنف والأذنان جيدة أيضا وواقعية !
وُفقت في "ياقة البلوزة" أيضًا .. و نفس ملاحظتي على خصلات الشعر أيضًا ^___^ !
تحتاج لـ تطابق البؤبؤ في العينين .. !

ملاحظة عامة ..
رأيت في بعض رسومك و هذه أيضًا ..
أنه لا يوجد مكان معين للضوء أو للظل .. تحديد مكان سقوط الضوء مهم جدًا و دائما يزيد جمالية للرسمة و واقعية أكثر .. !


أعتذر عن تأخيري و ردي فجأة بهذا الكم >.< !
أتمنى رؤية المزيد من رسوماتك وتجاربك .. و إن شاء الله بالقريب نراه من المعارض المميزة ..!
و من تقدم لـ تقدم يارب .. و أفاد الله أمتك الإسلامية بـ فنك ..
دمتم بود ..


.
.