موضوع كامل للطلبات والاستفسارات .. تمارين .. مكملات .. تغذية !!

[روضان]

شكراً لك بصراحه كفيت ووفيت وانا راح اسئل وارد لك خبر
بس الشغلات هذي مافي لها اثار جانبيه وما تضر ؟

[مجهووووووووول]

يعطيك الله عافيه وعساك على القوه اخونا البرسا وللامانه معلومات جدا رائعه حبيت اسالك انا الان اقسم واتمرنت اليوم 20_15_12 مع زياده الوزن كلما قل التكرار هل هذا صح ام مفروض اثبت الوزن

بالنسبه للعضلات الصغيره الباي والتراي كم تكرار مثل اللي فوق 20_15_12 وازيد الوزن ام 10_10_10
بدون زياده الوزن؟هل العضلات الصغيره فيها تقسيم وتضخيم مثل الكبيره؟

واسف للمره المليون على ازعاجك ولاترد بنفس اليوم خذ راحتك

[مــهــنــد]

السلام عليكم ..
كيفك اخوي AI_BARCA ..
اشكرك على جهدك الرائع بصراحه ..

عندي سؤالين لو سمحت

انا اشتريت واي بروتين اليوم لكن بصراحه شكله مو مثل الشكل المعروف اللي عند GNC
هو من شركه اسمها Super Power Technology
وهذا موقعهم http://superpowertech.com/index.htm

وبصراحه متخوف شوي اذا كان اصلي ولا مو اصلي

هذي صورته


وهذي صوره للsupplement fact


كتبتها لو ماكانت واضحه
Supplement FActs: Per 3 Scoops

Cal: 365
Cal from Fat:41
Total Fat: 4.5
Cholestrol 75mg
Tatal Cerbs: 15g
Dietary Fiber: 3g
Protein: 66g
Calcium: 414mg
Iron: 2.4mg
Sodium: 225mg
Potassium: 600mg


انا لاحظت ان الfat والcarbs فيه مرتفع شوي عن الواي بروتين اللي عند GNC
انا بالنسبه لي مو مشكله لأني ابغى اسمن
طولي 157
وزني 53
لي تقريباً 6 شهور ألعب حديد

قد مر عليك النوع هذا ؟ اذا ماتعرفه عادي طيب استعمله ولا ماتنصحني ؟


وعندي سؤال ثاني صغير
انا عندي Amino 2500
بس سمعت من ناس وعلى كلام المدرب ان الAmino 2222 افضل وتركيبته افضل
هل هذا الكلام صحيح ؟

شاكر لك عزيزي

[روضان]

اخوي albarca
الحمدلله كلهم موجودين وعلى حسب ما فهمت من ردك ان المجموعه الاولى اهي الافضل صح ؟
اذا صح ياريت تقولي اذا في لها اضرار او اثار جانبيه وهل اذا استخدمتهم جسمي ماراح يستفيد من الفيتامين والبروتين الطبيعي بس يستفيد من الصناعي ؟ واذا لأ خلني اتوكل على الله واخذهم

[AI_BARCA]

هلا اخوي مجهووووووووول بخصوص التقسيم نعم 20-15-12 وطبعاً الوزن ما يهم كم بس المهم انه الوزن اللي ترفعه في الجلسة الاولى تقدر تسوي فيه 20 تكرار والوزن اللي ترفعه في الجلسة الثانية لو تبي تزيد كيفك بس المهم تقدر تعمل 15 تكرار ونفس الشيء بالنسبة للجلسة الثالثة

وبخصوص سؤالك عن موضوع العضلة نعم الصغيرة حالها من حال الكبيرة في التكبير او التقسيم

هذا برنامج 5 ايام في الاسبوع ووايد حلو واعتقد مناسب لك وفيه عدد الجلسات والالعاب وكل شيء

http://www.muscleandstrength.com/wor...n-routine.html

لو تحب برامج اخرى في برنامج ثلاث ايام الجسم كامل

http://www.muscleandstrength.com/wor...g-workout.html

وفي برنامج اخر يومين ويوم راحة يومين ويوم راحة ويومين ويوم راحة وهكذا

http://www.muscleandstrength.com/wor...n-workout.html

بس انا شخصياً ارشحلك البرنامج الاول

المنتجات اللي راح تحتاجها في هذه البرامج اي واحد منها ستحتاج نفس المنتجات لنفس الهدف الابقاء على العضلات وحرق الدهون وتقطيع الجسم

الوي بروتين .. يتم استخدامه في الصباح وقبل وبعد التمرن وقبل النوم وممكن تستغني عن اللي قبل التمرين بساعة مثلاً

الملتي فيتامين .. كل يوم صباحاً حسب النوعية تختلف الكمية

الكريتين .. وممكن تاخذ البرولاب الكريتين المونيهادرت حق قبل التمرين وبعده

واخيراً Simple Carb حق قبل التمرين فقططططططططط وفي انواع ويمكن احسنها تبع شركة الاون



لكن لو حبيت وعندك برنامج اخر وفي بعض المنتجات تستخدمها وتحسها ماشية وياك تقدر تستغني عن اي شي ماتبيه من هذول

--------------------------------------

الاخ مهند بصراحة لا اعلم عن هذا البروتين ولم استخدمه من قبل ولا شفته كذلك والغريب انه الحصة مكتوب 3 سكوب وعلى جنب مكتوب مكس 1 هيبنج سكوب فما ادري بس هو باين عليه زين بس بصراحة لم تسبق لي تجربته او معرفته فاذا انت اخذته وشريته فمضطر انك تستخدمه ولكن لو ما استخدمته تقدر ترجعه وتغيره يكون افضل

هو الظاهر يحاولو يخلوه زي البروكومبلكس الوي اللي سعراته 280 تقريباً وفيه 60 غرام بروتين بس البروكومبلكس فيه نسبة دهون ضئيلة جداً مثل الكزين تبع شركة الاون اللي يجي لونه ازرق شوي

فيعتمد على هدفك او انت شتبي تبي بروتين لمساعدتك في المحافظة على العضل ومد الجسم فما ادري بصراحة فحددلي مبتغاك وهدفك وشنو انت تبي بالضبط علشان ممكن افيدك بالنوعية او ما شابه

تحياتي

[AI_BARCA]

شوف مسامحة ما رديت على السؤال الثاني

الامينو اسيد هو عبارة عن احماض امينية بالاضافة لبروتين مهضوم بمقدار 2 غرام لكل كسبولتين من السوفت جيل بالنسبة للاوبتميمم 2222

والمقدار اليومي يتراوح مابين 6-10 فيعني ما بيكون عندك ازيد من 15-20 غرام بروتين منها لذلك لوحدها لن تفي بالغرض - الامينو اسيد + الوي بروتين مكملين لبعضهم وان كان في اغلب انواع البروتين فيها احماض امينية بس بنسب اقل من الامينو اسيد نفسه

تحياتي لك

[AI_BARCA]

بس خدمة اخوي مهند يا تحط الصور كلنكات او تصغرها علشان شكل الصفحة بس ^_^

تحياتي

[AI_BARCA]

جينا للأخ روضان الحين

بس قبل كل شيء لاني بصراحة ما ادري كم عمرك اذا فوق الـ 18 اوكي توكل على الله اذا اقل انسى هالامور ولا تستخدم شيء لانه كل المنتجات عليها تحذير لمن هم اقل من 18 سنة علشان ابري ذمتي فقط لاغير

شوف حبيبي اولاً حاول انك تاكل بشكل سليم وتغذية سليمة وزيد في اكلك عن المعدل الطبيعي علشان ترفع وزنك وهالمنتجات مش عامل سحري اليوم بشيل 10 كيلو بكرة بشيل 20 بعده بشيل 30 لا هي بتساعد في بناء العضل وبتعطيك باور وقوة ولكن ليس مثل اللي في الخيال او في الاحلام ولكن اؤكد لك ستحصل على نتيجة مرضية وتغيير تشاهده بنفسك وانصحك لو في الجيم عندكم حق مقاسات وجذيه خلهم ياخذون لك مقاسات كاملة وزن وحجم الباي والذراع والصدر والظهر والفخذ وما إلى ذلك

شوف هالمنتجات ما بيكون لها اضرار جانبية ان شاء الله ولكن بشرط انك تلتزم بالتعلميات اولاً وثانياً انك تشرب كمية مياه كبيرة في اليوم ما بين 3-4 لتر على الاقل علشان تكون الامور صحية وبدون مشاكل حتى مثل هالمنتجات او اغلب منتجات الكريتين وهالامور يقولك اشرب 8-10 كؤوس ماء يومياً بس انت اشرب قد ماتقدر حلو الكلام

الحين نجي للمنتجات وطريقة استخدامها بس حبيت اضيف شيء وهو الملتي فيتامين لو تبي نفس الشركة تكلمهم يبقى حلو لو ماتبي ممكن تستعين بالانيمال باك او تبع الاون الملتي فيتامين او اي فيتامين اخر وان كنت افضل نفس الشركة لو في امكانية وهوAnabolic Vitakic ويبقى معاك شهر كامل



المهم بخصوص الملتي فيتامين شوف انت ايش تقرر وبعدين خبرني بس لو قررت على هذا طريقة استخدامه ولو انت زين في الانجليزي بضع لك لنك المنتج علشان تقرأ عنه وطريقة عمله وحتى طريقة استخدامه وما إلى ذلك

http://www.bodybuilding.com/store/mt/vitakic.html

فهذي تستخدمه 5 كبسولات هي الحصة للملتي فيتامين ولا تزيد عن 5 كبسولات في الـ 24 ساعة واخذه مع الفطور او احنا نسميه الريوق ويا كوب ماء وانت تاخذ الكبسولات يعني يومياً مع ريوقك الصبح او بعده جذي بس يعني المهم تكون ماكل قبل ما تاخذه

----------------------------------------------------------

بالنسبة للبروتين وهو النترو تيك



بقولك حسب ماهو مكتوب بالضبط في المنتج نفسه وهو كالتالي .. وبخصوص الكمية العلبة بـ 2 lb فيها 32 حصة لو استخدمت 1 سكوب والـ 4 lb فيها 64 حصة والحصة عبارة عن 1 سكوب لذلك العلبة الكبرة افضلك واوفر لك

استخدم 1 - 2 سكوب من النترو تيك في 4-8 اونص من الماء او الحليب القليل الدسم او خالي الدسم .. ولنتائج عالية وافضل استخدم 2 سكوب من النترتيك 3 مرات يومياً .. لمدة لا تقل عن 6 اسابيع على الأقل

فلذلك الثلاث اوقات اخذه اول ماتصحى الصبح مباشرة .. وبعد التمرين وقبل النوم

http://www.bodybuilding.com/store/mt/tech.html

---------------------------------------------------

الآن منتج قبل التمرين وهو Nano Vapor



يتم استخدام 1 سكوب في 4 اونص من الماء قبل التمرين بـ 15 دقيقة وبعدها في الجيم حاول انك تلعب صح وكل اسبوع تحاول تزيد في الوزن على قد اللي تقدر ولو في اوزان ثقيلة حاول تشوف احد من اصحابك يلعب معاك او المدرب يساعدك او احد الشباب هناك .. في الاسبوع الثاني ممكن تستخدم من 2-3 سكوب في 8-12 اونص من الماء .. ولأفضل النتائج ان يتم اخذه على معدة خالية مثلاً بعد ساعتين من اخذك لوجبة الغداء لو كان تمرينك على العصرية او المغرب .. ولا تزيد عن 3 سكوب في خلال 24 ساعة

http://www.bodybuilding.com/store/mt/nano.html

--------------------------------------------------------------------------

اخيراً للريكفري وسرعة استجابة العضلة واعادة بناء نفسها بعد التمرين منتج anabolichalo



ابدء باستخدام 1 سكوب في 4 اونص من الماء مباشرة بعد تمرينك .. وفي الاسبوع الثاني حاول زيادة الحصة إلى 3 سكوب في 12 اونص من الماء .. في ايام اللي مافيها تمرين استخدم 3 سكوب طبعاً في الاسبوع الاول استخدم 1 سكوب كذلك في ايام اللي مافيها تمرين .. المهم استخدم 3 سكوب في 12 اونص من الماء في فترة الصباح

وكذلك نفس الحال لاتزيد عن 3 سكوب خلال الـ 24 ساعة

http://www.bodybuilding.com/store/mt/anabolichalo.html

يمكن تسألني طيب لو باخذ البروتين كيف اخذه بعد التمرين فاقولك بعد التمرين مباشرة خذ الـ Halo وبعدها بـ 45 دقيقة او ساعة اخذ البروتين وبعدها بساعة اخذ وجبتك اللي بعد التمرين او تقدر تاخذ بروتينك كمشرب مع وجبتك يعني تشرب البروتين وتاكل وجبتك في وجبة وحدة بعد التمرين بساعة

وان شاء الله ستشاهد نتايج طيبة وارجوا انك تخبرنا بالتطورات اسبوع بعد اسبوع واتمنى لك التوفيق

صحيح بقي شيء واحد يمكن تحتاج لبعض البرامج لكي تستند لها لو ما عجبك شيء او في برنامج للتضخيم جاهز في الجيم وعاجبك ممكن تمشي عليه او شوفلك واحد من هالبرامج لو يناسبك

5 ايام

http://www.muscleandstrength.com/wor...g-workout.html

3 ايام في الاسبوع

http://www.muscleandstrength.com/wor...e-program.html

4 ايام في الاسبوع

http://www.muscleandstrength.com/wor...t-workout.html

4 ايام كذلك

http://www.muscleandstrength.com/wor...t-routine.html

اما عن ترشيحي فارشح لك اما هذا او هذا ولك الخيار

لو كان 4 ايام

http://www.muscleandstrength.com/wor...t-workout.html

لو كان 5 ايام

http://www.muscleandstrength.com/wor...g-workout.html

وبالتوفيق لك وارجوا اني قد كفيت ووفيت في هذا الرد واي استفسارات انا حاضر

تحياتي

[روضان]

تسلم ايدك وكامك كله تمام التمام والله يعطيك الصحه والعافيه
لكن في مشكله صغيره اني ماني عارف مقدار الماء ماني عارف شلون اقيسه بالظبط وكم يعني 16 اونص الخ...

[AI_BARCA]

اخ روضان ببساطة انت لما تروح تشتري هالمنتجات اشتري وياهم الشيكر او العلبة الخاصة اللي يستعملونها للبروتين او هذه المنتجات

اللي تجيك بهذا الشكل لانك راح تحتاجها للبروتين ويمكن تحتاجها تاخذها معاك الجيم لو كان بعيد شوي مثلاً بتحتاجها حق اللي قبل التمرين بـ 15 دقيقة انك تاخذ الشيكر معاك الجيم وتشحن ماي هناك وتشربه مثلاً ويمكن تحتاج واحد ثاني علشان اللي بعد التمرين ولكن لو كان الجيم يبعد عن البيت 10 دقايق او ربع ساعة تقدر تشرب اللي قبل التمرين في البيت والـ Halo اللي بعد التمرين تضعه في الشيكر وبعد ما تخلص على طول تعبيه الماء المطلوب وتشربه



ودائماً بتلاقي مكتوب عليهم بالاونص Oz المقياسات يعني

ونقطة اخرى المنتجات هذي مثلاً لما تحطها في الشيكر او تاخذ منها لا تخليها مفتوحة اكثر من 30 ثانية لانه ممكن تخترب شوي او تتأثر فبمجرد انك تحط المقدار تسكرها على طول

وحتى لما تحط شي في الشيكر يعني وبتاخذه معاك او شي اغلق العلبة اللي هو الشيكر ولا تخليه مفتوح

وبالتوفيق حبيبي

[روضان]

كفيت ووفيت يا الغالي واشكرك على رحابه صدرك مره ثانيه

[AI_BARCA]

حاضرين حبيبي وان شاء الله بتحصل نتايج زينة وننتظر النتائج وتخبرنا عنها ان شاء الله اول بأول

وكذلك الاخ مجهووووووول ننتظر النتائج ماله اول بأول في برنامج التقسيم الخاص فيه

تحياتي لكم جميعاً .. وأنا في الخدمة

[Homoud]

يعطيكم العافية على الموضوع الجميل وان شاء الله الكل يستفيد وفكرة الموضوع ممتازه
ما تقصر يا بارسا على مجهودك ومن زمان ما شفناك على المسنجر يمكن أنا ما قمت ادش وايد

عندي استفسار بسيط عن منتج
Gaspari Nutrition's SuperPump 250

هو منتج نيترك يعطي pump وحاصل على جائزة أفضل منتج نيترك.

سؤال : هالمنتج زين ولا لأ ؟ وهل اقدر استخدمه واستخدم Cell Mass معه مثلا وما يضر .

ياليت تنورنا ومشكور مقدما

[مجهووووووووول]

يعطيك الف عافيه اخوي البرسا سؤال خفيف وش الكلمه اللي تدل على ان الجدول تضخيم او تقسيم هل هي split
ثانيا انا باستمر على جدول التضخيم لمده شهرين هل امشي على الجدول بحذافيره يعني اقدر العب شهرين بدون ما اغير التمارين انا سمعت ان التمارين لازم تتغير وش رايك؟

هل اعتمد التكرار اللي مكتوب بالجدول 15 12 10 ام 20 15 12 اللي اتفقنا عليه اول؟
زبده الفول السوداني فيها بروتين كثير بس فيها دهون كثير وش رايك؟
هل بامكاني بالجدول الاول اني اوزع الباي والتراي على الايام الاربعه لضيق وقتي؟؟

وشكرا للمره المليون وان شاء ما نضيع وقتك معانا هدر تشوف نتايج ترضيك

[AI_BARCA]

اهلاً حبيبي حمود .. بخصوص المسنجر ما ادخل كثير بس ما اتذكر ايميلك ياريت تذكرني لانه مليون ايميل عندي بتذكر شنو ولا شنو وخبرك الدراسة والشغل كارفينا شوي فمو ملحقين نحاول نطلع وقت بالغصب علشان نروح الجيم بس اشوه الحين لين 4 يناير راحة من الدراسة

بخصوص السوبر بامب رائع ايضاً ومن افضل المنتجات بخصوص استخدامه مع السيل ماس المفروض يكون اوكي ومافي اي سايد ايفكت .. لأن السوبر بامب قبل التمرين والسيل ماس بعد التمرين ودام السيل ماس عادي مع النو اكسبلود المفروض عادي مع السوبر بامب لانه الاول للبومب والثاني للريكفري وكل واحد وله طريقة استخدام

وحتى السوبر بامب بتلاقي معه منتج من نفس الشركة تقريباً يقوم بما يقوم به السيل ماس وهو السايز اون



وبتلاقي في منتجات الشركة انه عادي تستخدمه مع هذي المنتجات اللي هي من نفس الشركة وطبعاً كل شركة اغلب منتجاتها ما تتعارض مع بعض ولكن منطقياً السوبر بامب ما يتعارض مع السيل ماس لانه لكل شيء شغله وتقدر تعتبر السيل ماس مثل هاي السايز اون

can safely be combined with all other Gaspari products to increase results, including Superpump 250™, PlasmaJet™, Novedex XT™, &

طريقة استخدامهم لو حبيت

السوبر بامب تاخذ من 1-3 ودائماًَ يفضل انك اول تمرينين او ثلاثة تستخدم 1 سكوب علشان جسمك يستقبله واذا اوكي تزيد إلى 3 سكوب كحد اقصى في 12 اونص من الماء بمعنى لو كان واحد سكوب يكون 4 اونص فقط او 4 اونص لكل سكوب فلو كان 3 بيكون 12 اونص من الماء قبل التمرين 30-40 دقيقة

وطبعاً لاتزيد عن 3 سكوب خلاص 24 ساعة

في ايام اللي مافيها تمرين او ايام الراحة تاخذ 1 سكوب في 4 اونص من الماء ومو مكتوب امتى بالضبط بس دائماً يفضل الصبح اول ماتصحى

بخصوص السيل ماس تستخدمه بعد التمرين مباشرة 1 سكوب في 4-6 اونص من الماء مباشرة بعد تمرينك يعني اول شيء بعد التمرين يدش معدتك السيل ماس ^_^ والجرعة الثانية يكون 6-8 ساعات يا قبل تمرينك يا عقب تمرينك

يعني لو كان تمرينك الساعة 4 العصر مثلاً فجرعة من السيل ماس بعد التمرين مباشرة وجرعة ثانية يا انك تاخذها 8 او 10 الصبح اللي هو قبل التمرين بـ 6-8 ساعات او انه بعد التمرين 6-8 ساعات يعني نقول 10 او 12 قبل النوم تقريباً

هذا اللي اقدر افيدك فيه وشوف لو تبي افضل اسأل ناس اخبر واسأل بعد وشوف

تحياتي