تزهبوااا ديمو لعبة FIFA 10 غداَ......

[ToUaReG]

السلام عليكم ..

صارلي يومين العب واجرب ديمو FIFA10 وبصراحه اللعبه متعه ..
واشياء وايد تغيرت منها في الجيم بلاي ومنها في الأنميشن وأغلبها للأفضل ..
ومع هذا اللعبه فيها سلبيات ولكن اللي اشوفه انه السلبيات ولا شي بالنسبه للايجابيات ..

وهاذي انطباعاتي ..

الإيجابيات :..
- اول شي لاحظته هو تحسن كبير في التسديد ولكن تمنيته افضل من جذي ..
- العرضيات صارت لا تقارن في الجزء اللي طاف و طبعا للافضل ..
- الباصات صارت اسرع و دقيقه اكثر ..
- اللعب نفسه صار اسرع و أخف ..
- ميزة الـ 360 اللي تعطي للاعب حرية التحرك و المرونه..
- شكل الملعب صار افضل مع اللوحات الاعلانيه الالكترونيه ..
- الاحتكاك رهيب في اللعبه و خاصه اذا كان اللاعب جسمه اقوى من اللاعب الثاني ..
- صلحوا عيب الجزء اللي طاف و اللي اهي مبدأ اتاحة الفرصه و صارت افضل بكثير ..
- اللاعب اذا اخذ بطاقة صفرا يطلع تحت اسمه انه اخذ بطاقة صفرا بشكل حلو ..
- حكم هالجزء افضل من 2009 من ناحية تفاعله مع المباراة مثل مبدأ اتاحة الفرصه و خاصه ابتعاده عن الكره علشان ما تحوشه ..
- لعب الفاول بسرعه ..
- الأنميشن ماراح اتكلم عنه بس بقول انه خراااافي وافضل من 2009 بوايد وخاصه تفاعل اللاعب مع الحكم او الكره او او او او ..
- امكانية انك تعدي بسهوله وافضل من الجزء 2009 ..
- ردة فعل الدفاع وحركاتهم ومحاولتهم لقطع الكره (حركة الدبل علشان يشيل الكره من المهاجم - حركة كنافارو يقطع الكره بالكعب و اهو بالارض ) ..
- ردة فعل اللاعبين مثل غضبهم من ضياع هجمه او تأسفهم للحكم عشان مايصكهم اصفر او يشيش الحكم انه يعطيني كرت احمر او اصفر ..

و اشياء وايد ايجابيه ما اتذكرها الحين ..


السلبيات :..
- من اللي شفته بالفيديوات انه التهديف من نص الملعب صار سهل (ماسويتها بس من الفيديوات) ..
- الحراس على كلام البعض انهم ضعاف مع انه اشوف انه تشيك و فالديز اقوياء بس مع هذا شوي مسطلين و الديمو فيه خطأ انه بوفون حاطين طاقته ضعيفه فننتظر النسخة الكامله لنتأكد من هالشغله ..
- المشكله الأزلية أشكال اللاعبين مع انه في تطور ..


عالعموم هاذي انطباعاتي عن الخرافيه FIFA10 ..
وهاذي الفروقات بين الجزء 2009 والي اعتبره ممتاز و 2010 و اللي اشوفها فروقات كبيره وهذا للحين ماشفنا الاونلاين و الـ ManagerMode ..
فأتمنى بالنسخة الكامله تكون الإيجابيات اكثر و يصلحوا السلبيات ..



و بإنتظار ديمو الاسطوره السابقه PES حتى نشوف التطور الكبير ..

[ToUaReG]

انا احب لعبة فيفا ولكني اريد ان اتعلم بعض الأشياء فيها

هل هناك موضوع خاص في المنتدى للمناقشة عن هذه اللعبة؟

تحياتي

اعتقد وقت نزول اللعبه راح يكون في موضوع رسمي لمناقشة اللعبه و الاستفسارات و تحديات الاونلاين ..

[salah.vamp]

الاخ ToUaReG
انا ابصراح معاك بكافة النقاط
لكن عند اعتراض على امكانية انك تعدي بسهوله وافضل من الجزء 2009
انا ما لعبة اللعبة 2009 ومو قاعد اقارن بينهم
لكن انا العب pes
و التعدي فيه اسهل مع ان pes ما فيه حركات كثيرة مثل fifa
مع ذلك علشان اسوي الحركة في fifa سالفه طوية و معقدة بعكس pes الي مسهلينها
مع العلم اني اقول لازم في pes يكون علشان اتسوي الحركة تضغط R2 وهذي فقط امنية لكي لا تصير الحركات بالخطء و من غير قصد
:-)

[belmont]

اعتقد وقت نزول اللعبه راح يكون في موضوع رسمي لمناقشة اللعبه و الاستفسارات و تحديات الاونلاين ..

شكرا لك على الرد أخي الكريم

انا اسأل عن فيفا 2009 .. هل هناك موضوع لنقاش مختص بلعبة فيفا2009؟

تحياتي

[صقـــر Q8]

انا اسأل عن فيفا 2009 .. هل هناك موضوع لنقاش مختص بلعبة فيفا2009؟

اكيد في موضوع خاص لنقاش للعبه الفيفا

..............

بعد تجربة الديمو

اعجبني الشريط وفعلا فيفا تطورت وقطعت شوط كبير ,اللعب صار اسرع واحلى والشوتات صارت اقوى واسرع
شريط ممتع ولكن في تشابه كبير لفيفا 2009 (المنيو -الجرافكس) مع هذا فهو ممتاز وممتع
.............
السلبيات
الحارس حيل ضعيف وفرق بين الحارس في فيفا 2009 و2010
بعد الاحتفال بالهدف لاحظو الاعبين كلهم طول بعض تخيل ابراهيموفش طول ميسي واكزافي؟؟؟
الركضه موعاجبتني(عم تناسق حركة اليدين مع الرجل)

.......................
ولكنني انتظر المدمرة pes2010 اللي تحرق الاخضر واليابس

[ToUaReG]

الاخ ToUaReG
انا ابصراح معاك بكافة النقاط
لكن عند اعتراض على امكانية انك تعدي بسهوله وافضل من الجزء 2009
انا ما لعبة اللعبة 2009 ومو قاعد اقارن بينهم
لكن انا العب pes
و التعدي فيه اسهل مع ان pes ما فيه حركات كثيرة مثل fifa
مع ذلك علشان اسوي الحركة في fifa سالفه طوية و معقدة بعكس pes الي مسهلينها
مع العلم اني اقول لازم في pes يكون علشان اتسوي الحركة تضغط R2 وهذي فقط امنية لكي لا تصير الحركات بالخطء و من غير قصد
:-)

صح كلامك ..
بس بالـ PES التعدي حيل سهل "^^ ..
وانا قصدت انه سهل تعدي بـ FIFA10 مقارنه بـ FIFA09 ..
لانه ان سويت مقارنه بين FIFA و PES بتصير مجزره بالموضوع ..

[ToUaReG]

شريط ممتع ولكن في تشابه كبير لفيفا 2009 (المنيو -الجرافكس) مع هذا فهو ممتاز وممتع

شوف من ناحية الجرافيكس شوفه على تلفزيون HD وتشوف الجرافيكس الأصلي ..
و القائمة الرئيسيه ماتعيب الشريط .. كول اوف ديوتي 5 نفس 4 حتى بالقائمه ..
ومع هذا ماعاب الشريط ولا كان من السلبيات ..

الحارس حيل ضعيف وفرق بين الحارس في فيفا 2009 و2010

انا بالنسبه لي الحراس مسطلين نفس اللي بجزء 2009 بس بالانفرادات شوي تحسنوا ..

بعد الاحتفال بالهدف لاحظو الاعبين كلهم طول بعض تخيل ابراهيموفش طول ميسي واكزافي؟؟؟

مممم مادري شاقول XD ..

الركضه موعاجبتني(عم تناسق حركة اليدين مع الرجل)

تره وايد تركز ..
من الردود والسلبيات اول مره اقره هالسلبيه مع انه الكل يمدح بأنيميشن اللاعب ..
عالعموم يمكن انت تشوف شي احنا ما نشوفه ..

ولكنني انتظر المدمرة pes2010 اللي تحرق الاخضر واليابس

ان شاء الله لانه بالنهايه احنا الربحانين ..
بس صعبه تحرق الأخضر واليابس ..

[صقـــر Q8]

مممم مادري شاقول XD ..

اصلن ماتقدر تقول شي

تره وايد تركز ..

شلون عيل احكم؟؟؟

من الردود والسلبيات اول مره اقره هالسلبيه مع انه الكل يمدح بأنيميشن اللاعب ..

هااااا لا تقولني كلام ماقلته شكوووو انا ماقلت شي عن كل الانميشن

عالعموم يمكن انت تشوف شي احنا ما نشوفه ..

ميكووو يمكن انت ماتشوف مشكلتك ركبلك تليسكوب البس نظاره شوفلك دبره

بس صعبه تحرق الأخضر واليابس ..

ليش صعبه عيوني ؟؟؟
هاذي كونامي وصل عالنبي
شنو انت من النوع اللي يحكم قبل لايجرب انا جربت الفيفا وحكمت
لاني ما احكم الا بعد التجربه
خلاااااااص عيل لا تشتري pes10 <<<<<<توفر لوووووووووووول

[كنزان88]

ما أزيد على كلام أخوي touareg الصراحة كفى ووفى
بس بصراحة محد راح يحس بالفرق بين فيفا 2010 و2009 إلا من خلال أمرين:
الأمر الأول وهو المهم إنك لازم تكون لاعب فيفا 2009 عدل يعني مو مباراة والسلام لأن الفروقات ماراح تبين للي ما لعب 2009

الأمر الثاني وهو أن اللعبة ماتبين قوتها بالجرافيكس إلا من خلال شاشات الHD فللي ما عنده ما راح يحس بفرق كبير

بانتظار اللعبة على أحر من الجمر

[كنزان88]

أتمنى من كل قلبي اني اشوف برو ايفو بمستوى فيفا
إذا ما عدلت كونامي أوضاعها هالسنة راح تكون الضربة القاضية وبرو ايفو راح تفقد كثير من عشاقها وهذا الشي محد يتمناه

[ToUaReG]

اصلن ماتقدر تقول شي

لا اقدر اقول بس مابي اطولها ..
يعني انت في اشياء صج تركز وايد فيها ..
يعني ماكو لعبه بيرفكت و احسن الألعاب لو بركز فيها بتفاصيل بطلع الف عيب فيها ..
يعني القائمه شاسوي فيها اول ما اشغل الشريط على طول بلعب مباراة ماراح اقعد اتمقل بالقائمة ..
و الركضه من ضمن أنيميشن اللاعب و ماشفت احد يقول انها مو حلوه بس اذا بالنسبه لك مو حلوه فهذا شي راجع لك ..
و ماغلطت لما قلت انت تشوف شي يمكن انا ما اشوفه تراها جمله عاديه ..
و بالأول والأخير هذا رايك وانا قاعد اناقشك فماله داعي تقول حول وما حول ..

ليش صعبه عيوني ؟؟؟
هاذي كونامي وصل عالنبي
شنو انت من النوع اللي يحكم قبل لايجرب انا جربت الفيفا وحكمت
لاني ما احكم الا بعد التجربه
خلاااااااص عيل لا تشتري pes10 <<<<<<توفر لوووووووووووول

تره حدي مستغرب منك ..
اولا انا ماحكمت وقلت حلوه ولا لا ..
ثانيا اذا طلعت حلوه فأكيد راح العبها مو لأنها من كونامي او EA ..
بس لأني أحب ألعب كرة القدم ..
ثالثا انا قلت صعبه ماقلت مستحيل ..
رابعا اذا بتاكل الأخضر واليابس معناته اللعبه بيرفكت في كل شي و هذا الشي صعب حتى مع اقوى الألعاب ..
وخامسا غصبن عليك تشتريلي لو تاخذ -100 ..
وماكو فكه ..

..

[صقـــر Q8]

لا اقدر اقول بس مابي اطولها ..
يعني انت في اشياء صج تركز وايد فيها ..
يعني ماكو لعبه بيرفكت و احسن الألعاب لو بركز فيها بتفاصيل بطلع الف عيب فيها ..
يعني القائمه شاسوي فيها اول ما اشغل الشريط على طول بلعب مباراة ماراح اقعد اتمقل بالقائمة ..
و الركضه من ضمن أنيميشن اللاعب و ماشفت احد يقول انها مو حلوه بس اذا بالنسبه لك مو حلوه فهذا شي راجع لك ..
و ماغلطت لما قلت انت تشوف شي يمكن انا ما اشوفه تراها جمله عاديه ..
و بالأول والأخير هذا رايك وانا قاعد اناقشك فماله داعي تقول حول وما حول ..

اقت

لا منو قال ما تبي تطولها
يالحوول هههه

وخامسا غصبن عليك تشتريلي لو تاخذ -100 ..
وماكو فكه ..

عاد انا ابيك تكرها قلت توفرهههههه
لالالا تستاهل يالحبيب بس شنو ب100دك
حق نفسي ما اشتريها لو غاليه جذي
20دك حلوه وزينه

[صقـــر Q8]

أتمنى من كل قلبي اني اشوف برو ايفو بمستوى فيفا
إذا ما عدلت كونامي أوضاعها هالسنة راح تكون الضربة القاضية وبرو ايفو راح تفقد كثير من عشاقها وهذا الشي محد يتمناه

هلا كنزان هلا بالغالي
شلونك من زمان ما شاركت
الله يسمع منك ياكنزان وايشر بالخير هالسنه راح نستمتع عدل

[LGS1]

تقبل الله طاعتكم جميعا .

شباب ممكن تشرحون لنا بالتفصيل طريقة تنزيل الديمو ؟

لأنني حاولت أدخل يطلع غير ممكن !!!!!!!!!!

PlayStation®Store is not available in the selected country or region.

ياليت تساعدوني في حل المشكله وشكرا لكم.

[belmont]

السلام عليكم

من وين انزل الديمو يا شباب ؟

لأني دخلت ستور ومالقيته ابدا

بانتظار ردكم

تحياتي