نقاش: شراء الأصلي وقائمة التحسف...

[Gentleman]

وعليكم السلام ورحمة الله وبركاته ..

كل هذا الموضوع عشان لعبة SSF4 يا فارس .. ولا يهمك العب معاك إذا ما بعتها ..

1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !

Tomb Raider: Underworld ومحاولة لإسترجاع ماضي وذكريات هذه السلسلة ..

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟

حاول ألعب اللعبة أكثر لعل إعتقادي بفشل اللعبة يكون وهم لكن للأسف ..

3- ماهي المواقع التي تعتمد على جودة مراجعاتها بالألعاب وتثق في تقاييمهم؟

Youtube Users - Gametrailers - Montada.com

4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟

برأيي أن الفيديو يوضح أكثر من 70% من معالم اللعبة .. رسوم وصوتيات وطريقة اللعب .. فالديمو غير ضروري إذا حضر الفيديو ..

5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!

GTA - Killzone 2

6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟

إعتمادي الكلي على الفيديو حيث أن هناك ألعاب مالها صوت قوي وتقاييمها أيضاً مو عالية لكن كانت حلوه وتستاهل مثل لعبة Still Life وغيرها ..

7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟

أكثر لعبة دفعت عليها كانت COD6 أعتقد 22 دينار .. حيث اني مو من النوع الي يشتري اللعبة فور نزوله .. فلازم أثبت ان هاللعبة تستحق التجربة والنظر فعلاً ومن ثم نتمم عملية الشراء ..

وشكرا على تغيير الجو يا فارس ..

[MOHAMMED Q]

- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !
demon souls اللعبه صعبه علي وايد
2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟
اللعبه موجوده عندي ودي ابيعها لكن ادري ما راح تيب سعر حلو
3- ماهي المواقع التي تعتمد على جودة مراجعاتها بالألعاب وتثق في تقاييمهم
اكثر شي gamesopt
4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟
لا على حسب اذا كانت قويه ولا لأ مثل GTAو RDR
5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!
ما فيه اغلب الالعاب اللي عليها هايب اجربها
6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟
دايما اتأثر خصوصا اذا قرب موعد نزولها
7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟
بصراحه يوم شريت FFXIII شريتها بسعر مبالغ فيه وهذا تسرع مني اخذتها ب40 دينار مع الاسف
اصدار ياباني بعد لول

[tekken1663]

1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !

HAZE & IRON MAN ال PS3
السبب HAZE لعبة فاشلة مملة ندمت على شرائها
IRON MAN اخطاء لعبة كثيرة مملة

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟

في درج

3- ماهي المواقع التي تعتمد على جودة مراجعاتها بالألعاب وتثق في تقاييمهم؟

منتدى المنتدى

4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟

اشتريها دون استشارة صديق

5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!

Super Street Fighter IV

6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟

اعتمد على رأي شخصي

7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟

GTAIV & RED DEAD دفعت 350 ريال

[Prince Noctis]

بالضبط نفسك فارس

بس ستريت فايتر هي اللعبة اللي للاسف ندمت عليها الجزء العادي مب السوبر
شكلي ببيعها بخسارة
حاوت ادخل جو اللعبة ما قدرت والتحكم صعب خاصة السوبر والالترا كومبو يبي لك تكسر الازرار علشان بس تسويها

[jerman]

سلام عليكم


وعليكم السلام رحمة الله وبركاته

1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !

هي لعبة وحيده بس تحسفففففففففففت عليها يا عالم اللعبها وانا منقهر
وهي لعبة metro 2023
ااااااه يا ملل فيها وهو سبب كرهي لها
تشوف عروضها تقول بس ما بعدها لا تفوتك
والي كرهني فيها ملامح الشخصيات ما تتغير ما تتفاعل مع الجو الي انت فيه
تراني قاعد اكتب وانا منقهر الكيبورد شوي وينكسر

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟

رحت لاقرب محل يشتري مستخدم وما وفرت في بيعتها
مع اني بعتها بأقل من نصف سعرها بس والله يوم بعتها استانست

3- ماهي المواقع التي تعتمد على جودة مراجعاتها بالألعاب وتثق في تقاييمهم؟

تبي الصراحة ولا موقع .. اروح لليوتيوب واكتب اسم اللعبه واشوف القيم بلاي تبعها


4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟

اكيد ان عدم نزول الديمو يخليني اشك في اللعبه وحالات اسأل واحد شاريها
بس ما اعتمد على كلامه وبس يمكن نظرته للعبه مو مثل نظرتي لها
مثلا احد الاعضاء عندي في الاكس بوكس كان يلعب dead to right
سألته و قالي اللعبه عجييييبه ويوم شفتها في اليوتيوب ما دخلت مزاجي

5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!

فاينل فانتسي
حاولت احب اللعبه نزلت جميع عروضها
بس ما حبيتها
هي لها جوها وغيري يشوف فيها متعه
بس ما حبيتها


6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟

لا لا عندك العالم شرت كود الاخير مشان الاون لاين
انا شريتها عشان القصه ولا فكرت اللعب فيها اون لاين
الا اذا ختمتها
وعندك لعبه rdr تتعب تقول حلوه عجييييبه بكل ما تعنيه الكلمه
نزلت مع لعبت alan wake خليت rdr وخذيت alan wake
بعد ما نهيتها خذيت rdr
7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟

ولا لعبه

يعطيك العافيه ع الموضوع

[kuwait92]

1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !
Transformers
لعبه سخيفه للاسف

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟
بدلتها
3- ماهي المواقع التي تعتمد على جودة مراجعاتها بالألعاب وتثق في تقاييمهم؟
IGN و تقيمي من يوتيوب
4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟
لازم ديمو بس بعض الالعاب يكونون مختلفين لمن تشتريهم
5- ماهي اللعبة الي كان عليها هايب عالي جدا و إقبال قوي على اللعبة.. لكن ما همتك !!
FIFA & UNCHARTED 2

6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟
شويه مو كل الالعاب

7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 18+ ؟

بس لعبتين PES 20010 & COD mw 2
دفعت 19 :P

[HELAS]

فارس موضوعك عجيب والله
ودي اشارك بس انت تدري انا ما اشتري اللا لعبتين بالسنه ويكونون سبشل اديشن وحق الكولكشن اللي عندي
وباقي الالعاب يوصلوني " ببلاش "
تقريبا 90% من الالعاب يكونون عندي . . لان ربعي ميانين بالجيمز وماكو شي يطووف عليهم
عموما سالفه اني اشتري لعبه واتحسف عليها انا ما اتحسف على هالشي لاني اشتري شي مضمون وقوي
وما اهتم لتقيم المواقع بالمره وهالشي يضحكني. . اسااسا التقيم محد يقيمه لازم الشخص بنفسه يقيم شكو الموقع يقيم والناس بعضهم الصيدات يمشون على هالتقييم لول
يبطوووون جبدي المعقدين اللي لما اقوولهم ترى اللعبه الفلانيه وايد حلوه جربوها يقولولي لا لا جيم سبوت معطيها اقل من 6 او 5 لوووول شنو هذا شكووو . .صج شي غريب ويضحك
انا اشوف اللعبه باليوتيوب او العب الديمو اللي يخدمني بصوره زينه يكفي اني اشوف الجيم بلاي وبس وبعدين اقرر اذا اللعبه تستحق وقتي معاها او لاء
وبس سلامتكم . .
مشكووور خيو على الموضوع

[Mohammed]

1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !
Demon Souls >> ما ركبت دماغي
Bayonetta >> ما ركبت دماغي تماماً + اللود
Resident Evil 5 >> إحباط غير طبيعي
Final fantasy 13 >> إحباط غير طبيعي

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟
بعتهم بدون تفكير من ثاني يوم عدا فاينل أخذها واحد صاحبي


3- ماهي المواقع التي تعتمد على جودة مراجعاتها بالألعاب وتثق في تقاييمهم؟
Gamespot و IGN و Youtube


4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟
لا مشكله .. لكنني صرت حذراً للغايه في مسأله الشراء


5- ماهي اللعبة الي كان عليها هايب عالي جدا و إقبال قوي على اللعبة.. لكن ما همتك !!
Grand Theft Auto IV
Red Dead Redemption
BioShock
BioShock 2
Street Fighter IV
Super Street Fighter IV
Fallout 3


6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟
لا بالتاكيد


7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 18+ ؟
Heavy Rain >>> حوالي 120 دولار ~ 450 ريال سعودي
Final fantasy 13 >>> حوالي 90 دولار ~ 340 ريال سعودي
God of War 3 >>> حوالي 100 دولار ~ 375 ريال سعودي

[محمد 07]

وااااااااااااااااااااو يا لوفي خسرت فلوسك بالعاب إنت دفعت فيها دبل الدبل

[Dark Sky]

1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !

LittleBigPlanet كرهتها من قللللب.. مع اني تحمست لها من كلام الناس عنها واول ما شريتها صدمة نفسية XD

Eternal Sonata مايحتاج اقول عنها شي. لا قصة لا شخصيات لا شي XD حيا الله موسيقى وجرافيكس المدن

Burnout Paradise مع اني احبها و احب الاجزاء الي قبل، بس اساساً انا مو من عشاق العاب الريس خذيتها بس جذي ابغي اغير ومافتحتها الا مره مرتين.

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟

محافظة عليها لان حرام ابيعها بخسارة.. ومابستفيد شي اصلا لو بعتها X)

3- ماهي المواقع التي تعتمد على جودة مراجعاتها بالألعاب وتثق في تقاييمهم؟

اممممم.. ما اعتمد على المواقع

4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟

اذا كنت واثقة من اللعبة ومن جودتها اخذها واذا مب واثقة اسأل

5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!

COD.... وللحين

6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟

احياناً اتأثر لما اجوف اللستة الي عندي كامل يلعبون نفس اللعبة XDD

7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟

نفس الالعاب الي طاحوا ف جبدي T~T

[Mohammed]

وااااااااااااااااااااو يا لوفي خسرت فلوسك بالعاب إنت دفعت فيها دبل الدبل

آه و المواجع

أصلاً المشكله هنا أن المحلات بعدد أصابع اليد .. و يشوفون أنه من حقهم البيع بالسعر الذي يرونه مناسباً لهم ..

تصدق، أردت شراء ذراع تحكم Dualshock 3 .. قال بـ85 دولار ~ 320 ريال
قلت له ما أبيها و طلبتها من النت مع كم حاجة ثانية

[XORO]

سلام عليكم



موضوعنا اليوم واضح من عنوانه.. الألعاب الي انصدمت من مستواها او بمعنى ما عجبتك بالرغم الهايب العالي عليها او قوة تقاييمها او النصائح الي حصلتها من كذا صديق والي ما استفدت منها الا خسارة بيزاتك مع التحسف وكان السبب في ذلك ببساطة ذوقك الشخصي ورأيك الي كسر القاعده وطلعت اسثنائي
في هالجيل صرنا نعتمد عالأصلي فندقق كثير على الألعاب ونقرأ عنها قبل ما تقط الكاش

أسئلة نقاشية عشوائيه :
1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !
king of fighter
WHEELMAN
2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟
عطيتها لأحد اصدقائي
3- ماهي المواقع التي تعتمد على جودة مراجعاتها بالألعاب وتثق في تقاييمهم؟
ما اعتمد على المواقع ابدا وما اهتم بالتقاييم لانها مجرد راي شخصي
4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟
اذا كانت سلسلة او اصدار جديد للعبة احببتها اشتريها اما اذا كانت لعبة جديدة كليا اقرأ عن الناس اللي جربوها ويمكن احاول احصل على نسخة من عند احد للتجربة قبل الشراء
5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!
اكيد كول اوف ديوتي >>> اكره هذه اللعبة كره
6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟
الحمدلله اني استقلالي ما اشتري العاب منيه والدرب
7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟
لعبة وحدة فقط وهي GTA IV كنت متحمس لها لذلك شريتها بمبلغ دبل 300 درهم
وبس

............................................................................