الموضوع الرسمي | 3DS eShop

[slam Dss]

تسلم اخوي لايت .. ان شاء الله بحمل البوكي ديكس والفيديوات ..

[slam Dss]

وصل جهازيي : P احين بضيف الكود فرند للي في المنتدى كلهم ق22

[slam Dss]

بس سؤال .. الفيديو الا يتحمل ع جهاز ل3ds يكون بأي صيغه ؟

[XORO]

خدمة NETFLIX التي تستطيع بها مشاهدة احدث الافلام والمسلسلات العالمية متوفرة في المتجر

مجانا مع اشتراك شهر كامل لكن للاسف هذه الخدمة متوفرة فقط في امريكا

[I C E]

طبيعي أن الخدمة تتوفر فقط في أمريكا حالها كحال بعض الخدمات مثل Hulu TV على البلايستيشن
عقبال ما يفتحون عندنا الخدمات الرهيبة هذي ( أول خل بطاقات ستور 3DS توصل .. المحلات توعدنا من شهر وما شفنا شيء للحين )

[I C E]

بالمناسبة شباب الي حاب يشتري بطاقات خاصة بستور 3DS تراني أعرف موقع مضمون للبطاقات و توجد عندهم حاليا بطاقات ستور 3DS الأمريكي
العملية سهلة جدا لكن تحتاج بطاقة Visa أو MasterCard .. المشكلة إن البطاقات الإئتمانية مب متوفرة للجميع فمتردد أنزل الموضوع خاص بالبطاقات

إذا حابين بنزل شرح خاص لطريقة التسجيل و الشراء تراني حاضر
الموقع أيضا يبيع بطاقات PSN و XBOXLIVE وأسعاره ممتازة جدا مقارنة بالمحلات

[Tockuchi]

^
تقصد ماكسيموس كاردز؟

[XORO]

انا عندي فيزا من بنك الشارقة الاسلامي لكن عمري ما استخدمتها في النت لاني متخوف من مسألة سرقة الحسابات

وهذا غير ان البنوك تاخذ رسوم على استخدام البطاقة في الشراء

فلذاك استخدمها فقط في السحب

اللي يعرف وين اقدر اطلع بطاقات عشان اشتري من النت في الامارات لا يقصر

[Mithos.D.Elf]

انا عندي فيزا من بنك الشارقة الاسلامي لكن عمري ما استخدمتها في النت لاني متخوف من مسألة سرقة الحسابات

وهذا غير ان البنوك تاخذ رسوم على استخدام البطاقة في الشراء

فلذاك استخدمها فقط في السحب

اللي يعرف وين اقدر اطلع بطاقات عشان اشتري من النت في الامارات لا يقصر

في بطاقة اسمها CashU كنت استخدمها قبل بس عيبها تشتريها مثلا كرت 5 دنانير و تشتري منها بالنت 3 ونص يعني ربحهم دينار ونص مبلغ كبير يعتبر + انها ما تتعامل مع كل المواقع

http://www.offgamers.com/nintendo/ni...-4378-4379.ogm

هالموقع يتعامل مع البطاقه اذا تبي حق Wii point

بس انصحك تطلع بطاقة فيزا نت من البنك ! انا عندي فيزا نت من بنك التمويل ممتازه رصيدها 0 انت تتصل على البنك وتعبيها بالمبلغ الي تبيه عن طريق تحويل من حسابك يعني مثلا تبي تشتري من النت بقيمة 11 دينار تتصل على البنك وتحول لبطاقة النت من رصيدك 11 دينار وتشتري بالمبلغ كله وبجذي تضمن انه مافي سرقات ( سلبيتها الوحيده انه التحويل 10 دنانير وما فوق )

[الصهيبي]

بالمناسبة شباب الي حاب يشتري بطاقات خاصة بستور 3DS تراني أعرف موقع مضمون للبطاقات و توجد عندهم حاليا بطاقات ستور 3DS الأمريكي
العملية سهلة جدا لكن تحتاج بطاقة Visa أو MasterCard .. المشكلة إن البطاقات الإئتمانية مب متوفرة للجميع فمتردد أنزل الموضوع خاص بالبطاقات

إذا حابين بنزل شرح خاص لطريقة التسجيل و الشراء تراني حاضر
الموقع أيضا يبيع بطاقات PSN و XBOXLIVE وأسعاره ممتازة جدا مقارنة بالمحلات

نزل الموضوع بانتظاره (:
افضل شي تستخدموا بري بيد فيزا كارت مثل حق بنك ابوظبي الوطني مجانية وانت تعبي فيها فلوس من اي ATM وتستخدمها في النت انا معي وحدة واستخدمتها مع امازون الامريكي ومع ومواقع امراتية وفادتني كثير عمولتهم خمسة درهم على اي مبلغ تعبيه في الكرت

[I C E]

^^

إن شاء الله الموضوع بينزل قريب

صهيبي عندك بطاقة PrePaid من أبوظبي الوطني .. بصراحة أفضل بطاقة للشراء من النت و مميزاتها ممتازة بحكم التجربة

إن شاء الله بأخذ بطاقة 3DS اليوم و بنزل الشرح بالخطوات ( بإذن الله الشرح راح يكون بالصور )

[XORO]

نزل الموضوع بانتظاره (:
افضل شي تستخدموا بري بيد فيزا كارت مثل حق بنك ابوظبي الوطني مجانية وانت تعبي فيها فلوس من اي ATM وتستخدمها في النت انا معي وحدة واستخدمتها مع امازون الامريكي ومع ومواقع امراتية وفادتني كثير عمولتهم خمسة درهم على اي مبلغ تعبيه في الكرت

طيب اي واحد يقدر يطلع البطاقة والا بشروط مثل تحويل الراتب او فتح حساب ؟

[I C E]

زورو البطاقة ما تحتاج يكون عندك حساب في البنك .. مجرد تروح لأحد فروع أبوظبي الوطني وتطلب منهم بطاقة PrePaid و بيعطونك نموذج تعبيه وتحصل البطاقة بكل سهولة ... البطاقة ما عليها شروط أبدا و مناسبة جدا للشراء عن طريق الإنترنت ( البطاقة ما عليها فوائد ) .. توجد رسوم بسيطة مثل يوم تدخل مبلغ معين في البطاقة يأخذون منك 10 دراهم أو 15 درهم بالكثير

في البداية تعبي البطاقة بمبلغ معين بس ما يقل عن 100 و ما يزيد عن 5000 درهم .. مثل تبغي تشتري شيء بــ300 درهم .. تروح تعبي البطاقة بنفس المبلغ وتشتري الي تبغيه ..

قريبا إن شاء الله بنزل شرح الشراء موقع البطاقات ^_^

[الصهيبي]

زورو البطاقة ما تحتاج يكون عندك حساب في البنك .. مجرد تروح لأحد فروع أبوظبي الوطني وتطلب منهم بطاقة PrePaid و بيعطونك نموذج تعبيه وتحصل البطاقة بكل سهولة ... البطاقة ما عليها شروط أبدا و مناسبة جدا للشراء عن طريق الإنترنت ( البطاقة ما عليها فوائد ) .. توجد رسوم بسيطة مثل يوم تدخل مبلغ معين في البطاقة يأخذون منك 10 دراهم أو 15 درهم بالكثير

اولا تقدرتعبي حتى 50 درهم مولازم 100 ثانيا ما ياخذوا اي رسوم غير 5 دراهم عند التعبيئة اذا كانت 50 او حتى 5000

[slam Dss]

اذا ع الفيزا موجود في الeshop في ل3ds مكان حق دفع الفيزا غير بطاقات الشحن