۞ Naruto موضوع للنقاش 3 ۞

[NsaN]

يا عيني عالثلاثي الرائع
الصراحة ما كنت متوقع غير Gaara و Rock Lee (بعد الردود اللي قريتها لمرة اللي طافت) و قلت اخر شخصية راح تكون Shino..
دخلتهم الصراحة كانت جداً ممتازة..و أحلى ما فيها..Konoha's Allies..The Sand Shinobi...يا عيني بس :icon6:

بس ابداً ما توقعت ان العايلة الكريمة كلها تكون موجود..
الحلقة ممتازة بس مصخوها وايد بمشاهد Shika و Kiba...

بعدين..Lee...اخ يالقهر..
حركة ماصخة من المخرج..عاد الريال صارله فترة مختفي..و يوم رجع خليتوه يتضارب بحلقة وحدة بس؟؟
والله انقهرت..خاصة يوم رجع طبيعي و الخمر انتهى مفعوله..عاد توني تحمست..
ضرابته ويا Kimimaru ممتازة..الا ان الرسم كان فيها سيء..ما عجبني الصراحة..

بانتظار الحلقة الياية..
بس على الله ما يكون فيها ذكريات و شرح لاسباب انظمام الرمل للمهمة..الا اذا كانت سبشل..فهب مشكلة

[King Sarab]

السلام عليكم
الحين ممكن اتصير الحلقه اليايه سبيشل حتى اذا ماحطوا في البرفيو مال الحلقه اليايه ؟

[orochimaru-sama]

ما اعتقد بيسون سبيشل لانهم توهم مسوين 3 حلقات وحتى لو قررو يسون سبيشل بيأثر على انمي ثاني

[Baka Boy]

الا ان الرسم كان فيها سيء..ما عجبني الصراحة..

ويييييييييين يابوي الظاهر هويت مثل لي
احسن رسم من يوم مابدو المهمة

[-=alking=-]

ما ابيها تصير سبشل الحلقة الجاية
ما اقدر انطر سبوعين
تالي بتظر اروح اقرا المانجا

[orochimaru-sama]

المانجا فيها اشياء خيالية توني قاريها كاملة الاسبوع اللي فات واذا تبي تقراها ابدا من شابتر 213

[croove]

هممممممممممممممممممم


بالنسبة للحلقة فالصراحة عجبتني كثييييييييييييييييييير
خاصةً الحركة و الأكشن الي فيها

لكن

الرسم تعبااااااااااااااان موليه و ما ينفع
أحس إن شكل الشخصيات غلط
الرسم بالحلقة الماضية كانت أحلى بكثييييييير

[N.O.O.R]

بصرااااااااااااااااااااااااحه الحلقققققققققققه اتييننننن
:
:

كل شي فيها حلوووو ماعندي الا ملاحظااااات

الرسم تحسسسن ميلون في 100 خاصه ككمارو ... ((مادري ليش ساسكيه كان يضحك )) بعدين بدله ساسكيه تغيرت !!! ليش مع انه قبل لا يدخل البرميل كان لابس بجامه شدخل ؟

اكثر شي عجبني في الحلقه خروووووووج قارااا وتماري وكنقرووه في نفس الوقت وع المسيقى رووعه هالحركه اعطيها 10\10
:
:
بس ابي اشوووف الحلقه اليايه
:
:
واتوقع انها سبشل . . .
:
:


:

[HIME-SAMA]

السلام عليكم
أنا لي ألحين ما شفت هالحلقة لأن الكمبيزتر اللي عندي تعبااان المهم انا شفت هالأحداث بالماانجا وإهي بنظري من أحلى الأحداث بالمسلسل وانتو شوفو وقرروا... وخاصتا بالنهاية هوشت ناروتو مع ساسكي واااااي يابعد عمري يا ناروتو وسسكي حقيــــــــــر بس بالنهاية كسر خاطري ساسكي يلا ما بي أخرب عليكم .. النهاية حلوة بس كاكاشي يتأخر حسااافة ماقدر يوقفهم وأنا ناااطرة هالحلقة من زمااان بس للأسف ما أقد أنزلها

[FinalFantasy9]

انا للحين متحسف على نهاية هالحلقه اللي خربوها علي الشباب في السابق .. والرد اللي فوقي انا قريت سطر ونص وهربت !!!!!!!!!!!!!!!!!!!!!!!!!!!!!! .. لاحوا ولا قوة الا بالله .... ليش تتكلمون عن حاجه ما صارت .. ياخي خلونا نتخيل شبيصير ,, انا كنت يمكن اتوقع انه يوصل لاوريشيمارو !! يمكن !! .. من حقي اني اتوقع !! .. لكن الشباب ماخلوا فيها توقع وكل شوي يتكلمون عن معركة ناروتو وساسكي من اول مابدت المهمه !!!!!!! اف

...............................................

وبالنسبه للحلقه ..

الحلقه كانت عاديه في معظم اوقاتها وكل شوي "لي" ينام وهذاك يفكر ويكلم نفسه !! .. بس النهايه كانت حلوه ( بس حرام عليكم لانكم خربتوها علي ) واتوقع ان الحلقه الجايه يكون فيها كلام كثير .. وما اتوقع ان في سبيشل لان الشباب يبي يضيعون وقت ويطولون الانمي ..

وارجوا عدم التحدث عن اي شيء لم يحصل حتى لو كان شيء واضح انه بيصير !!

ومدام الامور هكذا فلن ادخل لهذا الموضوع خلاص ..

وشــــــــــــــــــــــكراً