الموضوع الرسمي | Silent Hill 5 : HomeComing

[Mr.Tommy]

وين تلع بالضبط؟

انا توني بالبداية يعني بأول مبنى احوس داخله.. طبعا راح تاخذين وقت وانتي تمشين بالبداية ولا تطقين كل وحش تشوفينه والله ما تخلصين ههههه>>> جرب وتحسف

على فكره...بالنسبه لمدينة سايلينت هيل
ما تحسون كأن أسماء الشوارع والخريطه غير شوي في كل جزء ولا يتهيا لي؟
لازم أتأكد لما أبدأ بالجزء الثاني واقارنه بالخامس

اي ملاحظ الاسامي غير بس اعتقد شي طبيعي لان المدينة بالاساس اوهام باوهام بالنسبة للضحية يعني يشوف الاشياء من منظور غير عن الاشخاص اللي يكونون معاه
صحيح ان في اماكن مووجودة دايما مثل البحيرة والفندق والحديقة اللي جيمس وزوجته زاروهم قبل لا تصيرلهم هالمشاكل بس احس لما يرجع مرة ثانية للمدينة الاسامي مو عشوائية, والا شرايج؟

[Mr.Tommy]

اللعبه تتغير فيها اشياء على حسب الصعوبه وعلى حسب عدد النهايات اللي طلعتها

بس الله يعينك عالالغاز مخك بيزعل منك وبيخليك

هههههه اي عدل كلامك انا لغز الساعة قعدت اكتب باورقة وربع ساعة يالله حليته احس مخي مو ضابط الالغاز كلش هههه
بس اشتقت ياخي لهالالغاز والله ما صرت اشوفها بالجيل اليديد
الغاز تقعد ساعة تحاول تحلها وتتعب بس من تحلها والله كانك خاتم شريط من الوناسة!


وانا الحين العبها ثاني مرة وبالاولى كل شي نورمل الحين هارد, اتمنى تطلع نهاية غير اللي شفتها اول مرة

[yami vergil]

Mr.Tommy

اللبي بيلعبون سايلنت هيل2 ياليت يقولون اي مستوى صعوبة قاعد يلعبون وشنو مستوى صعوبة الالغاز.
انا قاعد العب على هارد بالاثنين لاني كنت خاتمهم على النورمل وما بغيت اعيد
واعتقد اني من البداية لاحظت كم شغلة غريبة
منهم شي في الغرفة 208 اللي بـwood side apartment

العب على الNormal وصلت في ال apartment توني ^^ ما شاء الله في البدايه حصلت 6 غراش وعلبتين first aid @@ ... بس مت ضحك على نفسي امس .. تتذكرون لما تلحقون الوحش الاول ؟؟ يوم وصلت له تميت الف حواليه مب عارفه شلون يضربونه اطقطق في الزرار وخربط وخايفه يزوع علي >< بس مسكين طول باله معاي لين اكتشفت الطريقه ^^

مشكله التحكم وايد يختلف عن سايلين هيل 5 ... الجزء الخامس فيه مرونه اكثر في التحرك والضرب في نفس الوقت اما الثاني لا أتلعوز شوي وانا انشن

انا الحين عالقه في الapartment حست كل الغرف ولا اعرف شاسوي >< خذت الفلاش لايت والمسدس بس الحين مادري ... بشوف بدور مره ثانيه لو ماعرفت بطلع من الحل الكامل >_> يالله يالله احصل وقت العب ><


Arashi

على فكره...بالنسبه لمدينة سايلينت هيل
ما تحسون كأن أسماء الشوارع والخريطه غير شوي في كل جزء ولا يتهيا لي؟
لازم أتأكد لما أبدأ بالجزء الثاني واقارنه بالخامس

كلام Mr.Tommy منطقي بخصوص تغير اسامي الشوارع في كل جزء ... وعجبتني نقطة انها تصمم من منظور الشخص نفسه .. شي يعكس الي مخزن في العقل الباطن لكل شخص موجود في المدينه
الشياطين ينسقون بطريقتهم هههههههه

دام ان اللعبنه وصلت لمدينه ثانيه مثل ماتبين لنا في الجزء الخامس .. تتوقعون انها راح تنتشر على نطاق اوسع في الاجزاء الجايه ؟ @@ فله لو يجمعون بطلين في جزء <<< تبي تورطهم مره ثانيه خخخ

[سكوال الصنديد]

اسم بطل الجزء الاول هو هاري مايسون
وسما بنته هيذر وهو اسم ثاني غير الاسم الي عطاها المره الاولى (شيرل)
لأنه يبي يخفي حقيقتها عشان يحميها
اسم اخت هيذر (او أليسا في الحقيقه) هو كلوديا وتلاحظها كبيره في السن شوي في الجزء الثالث

مشكور على التوضيح يا أراشي

**سكوال انت جبت طاري كارين وخليتنا نشك بنفسنا ههههههههههههه

حصل خير

كمان أنا ذكرت في الرد السابق أني ماني متأكد من المعلومة 100%

دام ان اللعبنه وصلت لمدينه ثانيه مثل ماتبين لنا في الجزء الخامس .. تتوقعون انها راح تنتشر على نطاق اوسع في الاجزاء الجايه ؟ @@ فله لو يجمعون بطلين في جزء <<< تبي تورطهم مره ثانيه خخخ

والله خوش فكرة لو نفذوها راح تكون اللعبة روعة

[Mr.Tommy]

yami vergil

العب على الNormal وصلت في ال apartment توني ^^ ما شاء الله في البدايه حصلت 6 غراش وعلبتين first aid @@ ... بس مت ضحك على نفسي امس .. تتذكرون لما تلحقون الوحش الاول ؟؟ يوم وصلت له تميت الف حواليه مب عارفه شلون يضربونه اطقطق في الزرار وخربط وخايفه يزوع علي >< بس مسكين طول باله معاي لين اكتشفت الطريقه ^^

ههههههههه مسكين ناطرج بعد, والله شكلج غسلتي شراعه بالعصا بعد ما عرفتي شلون تضربينه هههه
انا على طول فليت فيه بالمنشار مسكين نام على بطنه من العوار

انا الحين عالقه في الapartment حست كل الغرف ولا اعرف شاسوي >< خذت الفلاش لايت والمسدس بس الحين مادري ... بشوف بدور مره ثانيه لو ماعرفت بطلع من الحل الكامل >_> يالله يالله احصل وقت العب >

اعتقد لازم تردين للغز الساعة مرة ثانية
عموما اذا احتجتي اي مساعدة عطيني خبر لاني سابقج شوي
بس نفس الحالة انا ضايع شوي بس لي الحين مافي مشاكل حقيقية خصوصا ان الطلقات عندي تقريبا ما تخلص هههه

دام ان اللعبنه وصلت لمدينه ثانيه مثل ماتبين لنا في الجزء الخامس .. تتوقعون انها راح تنتشر على نطاق اوسع في الاجزاء الجايه ؟ @@ فله لو يجمعون بطلين في جزء <<< تبي تورطهم مره ثانيه خخ

هههههههه انا بطل واحد والعب اللعبة اكثر من مرة عشان افهم قصته هالمرة اثنين,, بسوي رسالة الماجستير عنهم ههههه
لا خلونا على واحد احسن

اسكوال الصنديد

حصل خير

كمان أنا ذكرت في الرد السابق أني ماني متأكد من المعلومة 100%

افا عليك يالغلا ماكو الا الخير وانا عارف انك قاعد تسال عن صحة المعلومة وانا قاعد اتقشمر معاك ^^

والله خوش فكرة لو نفذوها راح تكون اللعبة روعة

احس سالفة فيرجل برابطة ديفل مكراي بتكرر هني مع تعدد الابطال ههههه
اهم شي لا ايي واحد يقول البيرامد هيد يصير بطل لا يطلعله وهو نايم P:

[Arashi]

صحيح ان في اماكن مووجودة دايما مثل البحيرة والفندق والحديقة اللي جيمس وزوجته زاروهم قبل لا تصيرلهم هالمشاكل بس احس لما يرجع مرة ثانية للمدينة الاسامي مو عشوائية, والا شرايج؟

والله مادري...بس المدينه المفروض تكون هي هي نفسها
الا اذا من اللعنه تتلخبط وممكن تتداخل مع مدن ثانيه!!!
لأن اذكر في سايلينت هيل 1 على نهايات اللعبه كل شي يدخل في بعضه
يعني تفتح باب انت في المستشفى وتفتح الباب اللي بعده انت في المدرسه وتفتح بعد باب انت في برجر كينج وهكذا

بس اشتقت ياخي لهالالغاز والله ما صرت اشوفها بالجيل اليديد

لأن يهال الجيل الجديد مب كفو مثلنا

شي يعكس الي مخزن في العقل الباطن لكل شخص موجود في المدينه

اتوقع كلامج صح لأن كل بطل يتورط في المدينه لأنه مسوي غلط وحاس بالذنب يعني مثل حاله نفسيه فالمدينه كأنها تجرّه يدخلها عشان يواجه ذكرياته وواقعه المرير
>>>على طاري المدينه تجر الشخص...تذكرت محل yoko اللي في xxxholic اللي يجر الناس اللي عندها امنيه وان المحل موجود في بعد غير عن عالمنا

دام ان اللعبنه وصلت لمدينه ثانيه مثل ماتبين لنا في الجزء الخامس .. تتوقعون انها راح تنتشر على نطاق اوسع في الاجزاء الجايه ؟ @@ فله لو يجمعون بطلين في جزء <<< تبي تورطهم مره ثانيه خخخ

ياريت والله أكشن على مستوى

بس نفس الحالة انا ضايع شوي بس لي الحين مافي مشاكل حقيقية خصوصا ان الطلقات عندي تقريبا ما تخلص هههه

يالغشاش









ههههه عاد انت تلعب عالهارد معذور

هههههههه انا بطل واحد والعب اللعبة اكثر من مرة عشان افهم قصته هالمرة اثنين,, بسوي رسالة الماجستير عنهم ههههه
لا خلونا على واحد احسن

الا يعطونا الدكتوراه عليهم
تخيل 2 مجانين يلتقون ومع الوقت يكتشفون انهم أخوان مثل الافلام الهنديه "بيّاااااااااااااااااااا"




انا الحين ببدأ ألعب الجزء الثاني كنت مشغوله على هدية تخرج يامي

[Mr.Tommy]

arashi

والله مادري...بس المدينه المفروض تكون هي هي نفسها
الا اذا من اللعنه تتلخبط وممكن تتداخل مع مدن ثانيه!!!
لأن اذكر في سايلينت هيل 1 على نهايات اللعبه كل شي يدخل في بعضه
يعني تفتح باب انت في المستشفى وتفتح الباب اللي بعده انت في المدرسه وتفتح بعد باب انت في برجر كينج وهكذا

انا احس ان المدينة ثابتة لكنها تتلاعب بذهن البطل وتخليه يتخيل اماكن مو موجودة بالواقع
في امثلة كثيرة بالجزء الثاني بس بتناقش فيها معاج بعد ما اخلصها

لأن يهال الجيل الجديد مب كفو مثلنا

هههههههههههه قتلتيني بهالجملة

لا يعطونا الدكتوراه عليهم
تخيل 2 مجانين يلتقون ومع الوقت يكتشفون انهم أخوان مثل الافلام الهنديه "بيّاااااااااااااااااااا"

اهو اهم شي انهم يطلعون اخوان اخر شي ( شكلج متاثرة بدانتي وفيرجل ) خخخخ
بس احس الجزء بيكون غير قابل للتحليل من كثر التعقيد

انا الحين ببدأ ألعب الجزء الثاني كنت مشغوله على هدية تخرج يامي

شهالخيانة العموم تخرج وانا لي الحين :P
باركيلها بالنيابة عني ^^

[yami vergil]

سكوال

والله خوش فكرة لو نفذوها راح تكون اللعبة روعة

ههههههههه سكوال سبحان الله انت تأيدني في كل فكره اشتط عليها ^^ ليش ماتلعب اللعبه ؟

Mr. Tommy

ههههههههه مسكين ناطرج بعد, والله شكلج غسلتي شراعه بالعصا بعد ما عرفتي شلون تضربينه هههه
انا على طول فليت فيه بالمنشار مسكين نام على بطنه من العوار

منشار أيه يا راجل @@ ... ههههههههههههههه صج نصاب ماصارت منافسه كاااااااااك

بصراحه ماقدرت امشي في اللعب من غير حل كامل ... مسوين اشياء بايخه محد يقدر يتوقعها

مثال على ذلك <<< أراشي لتقرين المخفي عشان ماتخربين على عمرج

لغر الcoins ضيعت وقتي وانا ادور وعقب لما رجعت حق المجله انصدمت انهم بس 3 وانا احسبهم 5 @@ لو ماكان عندي حل كامل شكنت بسوي ؟؟

مثال ثاني اول مواجهه لكم مع البيراميد هيد ... قلت بشوف المجله الا انصدم مره ثانيه ان لازم بس احاوره لين تطق صفارة الانذار .. بياااخه ><

عموما اذا احتجتي اي مساعدة عطيني خبر لاني سابقج شوي
بس نفس الحالة انا ضايع شوي بس لي الحين مافي مشاكل حقيقية خصوصا ان الطلقات عندي تقريبا ما تخلص هههه

جزاك الله خير ^^
مدلع نفسك اشوف منشار وطلقات مالها نهايه ههههههههههههههههه

احس سالفة فيرجل برابطة ديفل مكراي بتكرر هني مع تعدد الابطال ههههه
اهم شي لا ايي واحد يقول البيرامد هيد يصير بطل لا يطلعله وهو نايم P:

انا واراشي وسكوال جبنا العدوى عندكم خخخخخخخخ ... بس ليردون بطل الجزء الثاني يبططط جبدي يتكلم بدلع نفس دانتي .. مب راكب عليه عالقنبله .. وتمثيله يحررررررررررررر وايد مفهي مستحيل يمر مشهد الا ولازم اعيب على طريقة كلامه

ARASHI

لأن اذكر في سايلينت هيل 1 على نهايات اللعبه كل شي يدخل في بعضه
يعني تفتح باب انت في المستشفى وتفتح الباب اللي بعده انت في المدرسه وتفتح بعد باب انت في برجر كينج وهكذا

هههههههههههههههه استغفر الله تدرين شنو فكرت ؟؟ اقول ياريت يصير عندنا نفس الشي اقوم من النوم الصبح افتح الباب الاقي نفسي في المكتب في الشغل هههههههههههه... بس بالمقابل بنخيس من ريحة العفن والدم

هالحركه ترى عجبتني وايد تحسين صج رعب @@ ياريت يرجعونها في الاجزاء الجايه

----------

MR.TOMMY

انا احس ان المدينة ثابتة لكنها تتلاعب بذهن البطل وتخليه يتخيل اماكن مو موجودة بالواقع
في امثلة كثيرة بالجزء الثاني بس بتناقش فيها معاج بعد ما اخلصها

حطهم في نص مخفي والي يخلص يفتح عليهم ويقراهم ونتناقش .. عقب بناخذ راحتنا لما كلنا نخلص ان شاء الله ^^ ... خخخ الحين انا الي ماكان لي بارض العب سبقت اراشي ....


ميرسو اروشه ^^ انا من سنه متخرجه ومسكينه الهديه القبليه طلعت فيها رموز عباد شياطين ماكتشفتها الا عقب ماشفت فيديو القادمون .. الحين سوت لي واحد ثاني بداله ^^
مشكور MR.TOMMY عقبال الامتياز ان شاء الله

[g4mer]

T___T
يا خسارة هذا فايدت الكوبي اللعبة تطلع خربانه
سايلنت هيل شيتر ميموري وصلت عند المقهى علق علي


على فكرة arashi
الغنية الهندية الي حطيتيها في يو توب فنانه ^_*

[Arashi]

انا احس ان المدينة ثابتة لكنها تتلاعب بذهن البطل وتخليه يتخيل اماكن مو موجودة بالواقع

اليوم بديت اللعب بالجزء الثاني واول شي شد انتباهي هو اسم البحيره ..تلوكا ملوكا شي جذي
نفس اسم البحيره في الجزء الخامس ونفس مكانها في شمال الخريطه
اظن حتى الحديقه اللي اسمها روزواتر بعد نفسها>>>هاذي بتأكد منها الاول

هههههههههههه قتلتيني بهالجملة

هههه لاتخاف انت تابع لجيلنا
يهال الجيل الجديد هم اللي تحت ال15 حاليا

بس احس الجزء بيكون غير قابل للتحليل من كثر التعقيد

ايه وفوق كل ذي يكونون مرضى نفسيا @_@
اذكر في مانجا قريتها فيها الام وابنينها التوأم كلهم مرضى نفسيا...تعقدت وياهم

هالحركه ترى عجبتني وايد تحسين صج رعب @@ ياريت يرجعونها في الاجزاء الجايه

ايه والله تقطع القلب خخخخخ
ياريت أفتح باب البيت و ألقى نادي الصقر جدامي

على فكرة arashi
الغنية الهندية الي حطيتيها في يو توب فنانه ^_*

من متى تتابع الchannel مالي عاليوتيوب؟
شووووكرا جزيلا g4mr ^____________________^









يا ناس البطل مال الجزء الثاني...الاخ جيمس...رفع ضغطي
شنو هالانسان؟ ماعنده احساس خير شر
بالمقارنه مع الجزء الخامس...معقوله واحد يجوف جثة انسان مقتول بشكل بشكل يقول بكل بلاده : who could've done this ? ولا وعادي ينظرات سخريه ويرفع يده وعااااااادي يعني ما جنه جاف شي
لو أليكس مكانه كان أغمى عليه من الخوف

[Mr.Tommy]

هههههههههههه لي تعقيب على ردوكم قريبا بس رايح الحين اكمل سايلنت هيل2
بس بتكلم عن بلادة جيمس لما تنهون اللعبة, لا تحكمون عليه بشكل مسبق نطروا
ولا تنسون ان هالجزء يعتبر اعمق قصة بتاريخ الالعاب والكلام هذا من مختصين بعلم النفس
بس كل هالكلام بخليه بعدين

[Mr.Tommy]

yami vergil

منشار أيه يا راجل @@ ... ههههههههههههههه صج نصاب ماصارت منافسه كاااااااااك

بصراحه ماقدرت امشي في اللعب من غير حل كامل ... مسوين اشياء بايخه محد يقدر يتوقعها

مثال على ذلك <<< أراشي لتقرين المخفي عشان ماتخربين على عمرج

لغر الcoins ضيعت وقتي وانا ادور وعقب لما رجعت حق المجله انصدمت انهم بس 3 وانا احسبهم 5 @@ لو ماكان عندي حل كامل شكنت بسوي ؟؟

مثال ثاني اول مواجهه لكم مع البيراميد هيد ... قلت بشوف المجله الا انصدم مره ثانيه ان لازم بس احاوره لين تطق صفارة الانذار .. بياااخه ><

هههههه المنشار يلعب دور, بعد انا خاتمها وقاعد اعيدها على هارد لازم يدلعوني شوي

بخصوص اللغز....

حراام عليج شكلك قاعد تلعبين بسرعة ومو مركزة مع اللغز
شوفي بيت الشعر هذا الموجود باللغز

Silent and Hidden the Two may be
They be not there for you to see

واضح ان في قطعتين راح يكونون ناقصين
انتي انسي وسائل المساعدة وبتلقين ان الالغاز مو بذيك الصعوبة اللاستحالية بس يبيلهم تركيز

حطهم في نص مخفي والي يخلص يفتح عليهم ويقراهم ونتناقش .. عقب بناخذ راحتنا لما كلنا نخلص ان شاء الله ^^ ... خخخ الحين انا الي ماكان لي بارض العب سبقت اراشي ....

ههههه عاد لا تخلصين اللعبة وتحرقينها على اراشي
خلاص انا بنتظر لين تخلصون اللعبة ونتناقش احسن
الا اذا لقيت شي طارىء بحطه بنص مخفي

ميرسو اروشه ^^ انا من سنه متخرجه ومسكينه الهديه القبليه طلعت فيها رموز عباد شياطين ماكتشفتها الا عقب ماشفت فيديو القادمون .. الحين سوت لي واحد ثاني بداله ^^
مشكور MR.TOMMY عقبال الامتياز ان شاء الله

اهاااااااااااااا يعني انتي مخلصة من زمان بس تطالبينها بهدية ثانية, حتى لو انها جت متاخرة بس مبروك التخرج (اتحدى احد يباركلج بعدي هههه)

arashi

اليوم بديت اللعب بالجزء الثاني واول شي شد انتباهي هو اسم البحيره ..تلوكا ملوكا شي جذي
نفس اسم البحيره في الجزء الخامس ونفس مكانها في شمال الخريطه
اظن حتى الحديقه اللي اسمها روزواتر بعد نفسها>>>هاذي بتأكد منها الاول

بالفعل مثل ما قلتلج في بعض الاماكن تتشابه وهي الاماكن العامة بالمدينة
بس داخل المباني احس يبدي تأثير سايلنت هيل عليهم, او بالمباني المتصلة مباشرة بذكرياتهم

هههه لاتخاف انت تابع لجيلنا
يهال الجيل الجديد هم اللي تحت ال15 حاليا

هههههههه لا ادري انج ما تقصديني انا عمري22 يعني شوي ديناصور
بس اللي قتلني انج يبتيها عالجرح, هاليهال خربوا علينا متعتنا

[yami vergil]

ARASHI

يا ناس البطل مال الجزء الثاني...الاخ جيمس...رفع ضغطي
شنو هالانسان؟ ماعنده احساس خير شر
بالمقارنه مع الجزء الخامس...معقوله واحد يجوف جثة انسان مقتول بشكل بشكل يقول بكل بلاده : who could've done this ? ولا وعادي ينظرات سخريه ويرفع يده وعااااااادي يعني ما جنه جاف شي
لو أليكس مكانه كان أغمى عليه من الخوف

لتنسين الوقفه بس... دلللللللللع مايل جسمه وبس يلمس راسه بأطراف اصابعه شوي وتفكك براغيه ><


MR.TOMMY

انتي انسي وسائل المساعدة وبتلقين ان الالغاز مو بذيك الصعوبة اللاستحالية بس يبيلهم تركيز

غصبن عني والله T-T غير ان مالي بارض وايد افكر مثل الاول لووووووول .. ماقدر العب فتره طويله لان في غيري ينتظر دوره او تطلع لي التزامات هع

ههههه عاد لا تخلصين اللعبة وتحرقينها على اراشي
خلاص انا بنتظر لين تخلصون اللعبة ونتناقش احسن
الا اذا لقيت شي طارىء بحطه بنص مخفي

ههههههههه لا ماحرقها عليها ان شاء الله ^^

أوك .. بس عادي نتكلم عن سايلنت 2 في هالموضوع ؟

اهاااااااااااااا يعني انتي مخلصة من زمان بس تطالبينها بهدية ثانية, حتى لو انها جت متاخرة بس مبروك التخرج (اتحدى احد يباركلج بعدي هههه)

ايي انا عجوز مقطنه خخخخخخخخخ انتوا محظوظين تختارون يا تدرسون LITERATURE او LINGUISTICS احنا مجبورين ندرس الاثنين وشوي التركيز اكثر على الLINGUISTICS


اراشي لتقرين المخفي

الحيييييييين وصلت الحديقه وخذت خريطه والمفروض اني ارجع مكان اسمه RAMA BOWL اظن
بس مب عارفه من وين ادخل .. دخلت باب وشفت مشهد والمفروض اني ادور مدخل ثاني

[Mr.Tommy]

هلااا يامي ^^

ابحثي عدل بالمكان ولما تخلصين طلعي, مو شرط تلقين شي داخل

انا شخصيا اعتبر الموضوع عام لكل اجزاء ساينت هيل بما ان مافي موضوع رسمي لها
والا شرايكم؟
نحتاج نغير اسم الموضوع ^^

[g4mer]

هلااا يامي ^^

ابحثي عدل بالمكان ولما تخلصين طلعي, مو شرط تلقين شي داخل

انا شخصيا اعتبر الموضوع عام لكل اجزاء ساينت هيل بما ان مافي موضوع رسمي لها
والا شرايكم؟
نحتاج نغير اسم الموضوع ^^

معاك حق أخي Mr.Tommy

أنا بسوي الموضوع حتى نتفادا المخالفت
شو رايكم