استفساراتكم واسألتكم هنا 4

[Karazhan]

بالخدمه طال عمرك

[لوعةالفرقا]

روج من الهيوارد

ودي اجاوبلك على اي شيء بس كرازان ماقصر معاك

ولكن وش هو الهيوارد لي 4 سنين باللعبه ما عرفت شي اسمه هيوارد
لفلت 7 شخصيات إلى 85 والثلاث الباقيين لعبتهم هاي لفل وما مر علي هيوارد
دقيقه دقيقة لا يكون قصدك Horde !! بالعربي (هورد) ..
اذا فعلا قصدك هورد ما قد مرت عليك جمله في اللعبة واحد إذا كلمته يقول (فور ذا هورد) ^.^

[البتار دانتي]

آسف مالي إسبوع ونص في اللعبة مع أني شاريها من عام 2004 أو 2005 المجموعة كاملة مع كتيباتها من ألعاب طوكيو وما فهمت كيف أشغلها إلا الآن وأنا في الجامعة بعد ما تعلمت إنجليزي شوي
تصحيح (هورد)

[لوعةالفرقا]

ماعليك يا رجال

وترى امزح معك
بس حبيت اعدل الكلمه لك عشان ماتستمر فيها ^^

[البتار دانتي]

جزاك الله خير يا لوعة الفرقا (فرقى) ألف مقصورة ^_*
شباب وش فايدة القيلد وكيف ألفله إذا كان مهم وكيف أستعمله إذا يستعمل ( واصل القيلد لليفيل 12 وأنا ليفيل 37 )

[Karazhan]

تلفله بروحك صعبه , لازم كل اللي معاك بالجيلد يلفلونه بعد

يعني شغل جماعي , من الامور اللي تحتاجها انك تلعب pvp و pve مع الشباب اللي بالجيلد

منها تسوي وظائف اللعبه كلها و طبعا انت حدك وظيفتين لكن اللي معاك بالجيلد يسوون وظائف ثانيه

يعني سالفه طويله

انت شوف جيلد لفله 25 و فك نفسك

[البتار دانتي]

وش فايدته يعني إيش أكسب ولا بس متعه

[Karazhan]

تكسب منه الله يسلمك

لما تلفل وانت مع جيلد لفله 25 تحصل اكس بي اكثر

تحصل حركه جديده تطلعلك وهالحركه تخليك تقدر تسوي summon للقروب

تحصل حركه تخليك تقدر تسوي rez او تحيي اللي ميتين من ربعك

لما تموت وتروح المقبره لازم ترجع لمكان الجثه عشان تحيي مره ثانيه , الركض راح يكون اسرع وكأنك وانت تركض راكب مونت سرعته 100%ّ

تحصل حركه جديده تخليك تفتح بنك الجيلد بأي مكان

لما توصل honored مع الجيلد تروح للبياع الخاص بالجيلد وتشتري منه شغلات , منهم هيد و باك head and back وهذا الجير تستعمله نفس لما تستعمل جير التلفيل واللي يعطيك قوه اكثر و اللفل يرتفع للجير كل ما ارتفع لفلك ويعطيك اكس بي زياده من الكويستات والذبح

و في شغلات بعد تتعلق بالوظايف و الpvp يعني يعطيك انرات اكثر بالبي في بي وهكذا

الجيلد مفيد لك , لكن شوف جيلد لفل 25 عشان تاخذ كل المميزات , لأن كل لفل معين للجيلد تاخذون شي و بلفل 25 تاخذون كل شي

[البتار دانتي]

وااه أحس كأني توي بدأت ألعب (أسرار اللعبة تجيب الصداع ده أو شيء خطر على بالي لمن قرأت الرد)
صراحة تكفي وتوفي دائماً جزاك الله خير

[البتار دانتي]

جير التلفيل
أسمع كثير عنه بس مني فاهم كيف شكله أو كيف أجيبه (ما هو جير التلفيل)

[zezoQ9]

جير التلفيل
أسمع كثير عنه بس مني فاهم كيف شكله أو كيف أجيبه (ما هو جير التلفيل)

في اكثر من طريقة تجيب فيها قير التلفيل


(قير التلفيل تبع ال pvp)

هذا تشتريه بال أونرد بوينت اللي من البتل قراوند


(قير التلفيل تبع الpve)

هذا تشتريه بال جستس بوينت اللي تاخذها من دناجن لفل سبعين و فوق

(الهيد و الباك )

هاذي تشتريها بقولد من القيلد

بس لازم تكون علاقتك بالقيلد على ما اعتقد اونرد

[zezoQ9]

هاذا رابط فيه ارمور التلفيل
http://www.wowhead.com/items=4?filter=qu=7

وهذا رابط اسلحة التلفيل

http://www.wowhead.com/items=2?filter=qu=7


تقدر تشوف اشكالها ومن فين تشتريها

[البتار دانتي]

أبي أعرف وش الأشياء إلي معلم عليها (ما أدري كيف أسويها والصخرة كيف أفكها

[Karazhan]

الدوائر المفتوحه عندك 3 و كل لفل معين يفتحون 3 بعد , مكتوب عليهم اي لفل يفتحون كل 3 دوائر

هذي الله يسلمك تقوي الحركات اللي عندك او تطورهم حسب الموجود

عندك 3 الحين و حده اسمها بريم و هذي الدائره الكبيره و اللي اصغر منها اسمها major عدل , والصغيره اسمها minor

شوف على اليمين راح تشوف حركاتك اللي تقدر تطورهم او تقويهم , كل الحركات تحت بعض , اول الحركات بريم وبعدين يبدأ الميجور وبعدين المينور

اي حركه تبي تقويها او تبي تطورها شوفها باليمين واحفظ اسمها , وروح المزاد اكتب اسمها واضغط بحث راح تطلعلك , اشترها

روح للبريد واخذها و لما تصير عندك بالشنطه اضغط يمين كلك عليها وراح تتعلمها , افتح الدوائر اللي حاط صورتهم وراح تشوفها موجوده عندك على اليمين , بعد ما كانت طافيه راح تشوفها مولعه , اضغط يمين كلك عليها و روح الدائره الكبيره و اضغط يسار كلك راح تحطها فيه

وبعدين شوف حركه بالميجور تعجب واحفظ اسمها و شوف حركه بالمينور و ايضا احفظها وروح اكتبهم بالمزاد , و اعلم نفس الطريقه

مايصير تحط حركه بالبريم مكان الميجور او المينور , ولا يصير تاخذ حركه من المينور وتحطها مكان البريم او الميجور , كل حركات و لهم دوائر خاصه فيهم

وعلى اليمين راح تشوفهم بالترتيب من بريم نزولاََ على الميجور وبعدين المينور , ولما توصل لفل 85 راح يفتحون كلهم طبعا وراح تقدر تحط 3 بريم و 3 ميجور و 3 مينور بس

اذا مع الايام حبيت تغير حركه يعني تشيل حركه انت حاطها بالدائره و تبي تحط مكانها حركه ثانيه , روح المزاد واشتر vanishing powder اللي انت حاط عليه مستطيل , هذا وظيفته ان يلغي الحركه القديمه عشان تحط مكانها الحركه الجديده

و ان شريت 10 راح يطلع مكان رقم 0 راح تشوفه صار 10 , يعني يقولولك ترى عندك , واظن ان في لفل 85 راح يتغير البودر و يصير مكانه بودر نوع ثاني , يبدأ اسمه ب dust , انت لما توصل لفل 85 و تبي تغير شوف شنو البودر المطلوب واللي يكون مكتوب تحت و روح اشتره


---

وبالنسبه للصخره اللي خلف هذي يسمونها summon stone وظيفتها انك تجيب ربعك عندك , مكانها يكون عند الدنجن او الرايد عشان اذا تجمعتوا عشان تروحون رايد او دنجن , مو شرط كلكم تركبون المونتات و تركضون للدنجن , يروحون 2 بس للصخره هذي و يسوون سومون لباقي الرايد او القروب ويوفرون عليهم الطريق

من شروطها ان لازم انتوا 2 عشان تسوون سومون , بروحك مايصير

وحاليا صار مالها معنى تقريبا , لأن بعد LFG صاروا الناس يبحثون عن قروب للدنجن وبعد مايكمل العدد ينتقلون اوتوماتيك للدنجن , كان وقتها ايام لفل 60 و 70 و 80 قبل باتش icc او مع الباتش صارت

بس , هذا كل شي

[البتار دانتي]

جزاك الله خير طيب والصخرة إلي مشور عليها