" جــGYM ــــيم المنتـــدى "

[السلطان..]

ايوالله هذا وقت الجد
فترة تقريبا من هنا الى شهر 9 مافيه وقفات تقريبا وشتا وكل الامور مناسبة

اشتراكي باقي له شهر وافكر احول تمارين منزلية وش رايكم ؟!
اخوي اقنعن قال اقلب عشان اصير معك بس اخاف الحماس يقل

لا والله خلك على النادي اطيب لك انا جربت التمرين بالمنزل والله ماستفدت شيء منها.

فيه شيء واحد ممكن يفيدك اذا كانت عندك اختبارات او اي شيء يخليك تقطع بالتمرين تمرن بالبيت عادي اما بشكل يومي ما ايدها تبي تطفش وماااااافي حمااس مرة.
وثانيا تبي تخسر فلوس اذا كنت تبي تجهز صاله متكامله.

[alsqar]

راجع هاليومين ان شاء الله ... نصايحكم لرجعه قوية بإذن الله ،،

المشكله هالاسبوعين كلها اختبارات .. بس اذا بتلت كذا والله ان يوصل وزني 80 سلام سلام ..

بدا ينتفخ بطني .. الله يستر من الفات .. سقا الله ايام الـ 18% وانا كنت احسبه ولا شيء !!

وش نصايحكم ي ابطال ؟

بريداوي .. بردان1 .. الناعسي .. السلطان .. مشاري الرياض .. kook2211

الموضوع موب استفسار .. بس تبادل خبرات

عافاكم الله

[الناعسي]

خلك ونا خوك على العقله سو على قد ما تقدر 4 مجموعات في 10 تكرارات وخذلك بريك 5 دقايق بعدها كرر نفس الشي اليين خلاص ما عاد تقدر ترفع علبة بيبسي من الارض
بعدها بطن نفس الشي
بوش ابز
كارديو اذا حولك حديقه خذلك فيها 30 دقيقه فواصل وحافظ على التغذيه الصحيه ترا في الاختبارات الواحد ياكل ما يحس بعمره اسألني انا

لا يزال النادي مقفل والله يقطع ابو الادمان على التمرين

[buraydawi]

ماقصر الناعسي .. واهتم باكلك ولاتقرب الوجبات السريعة وخل عشاك خفيف
وعسى الله يعينك ويوفقك ...
------
الناعسي وش سالفة ناديكم ..مابعد جوا من الحج ولا وش ؟

[الناعسي]

ههه ليتني ادري كان ارتحت شوي
الا جايبين اجهزة جديده وشكلها من زود فرحتهم بها يبون يفتحون النادي على بداية السنه الجديده يعني انها مفاجاه

عادة الواحد يشيل كاسة الشاهي من الارض ويرفعها لفمه والكاسه في ارتفاعها تكون قريبه من صدره الا انا ارفع الكاسة ولا اشوفها الا قدامي هناااك على طول ايدي احسبها دانبل

احبااااط

[الناعسي]

الا مبروك الالفيه الاولى لمشاركاتك وعقبال خواتها ما يلحقونها

[buraydawi]

هههههههههههه
توي اشوفها ههههههه الله يبارك فيك وان شاء خواتها يجن بالمفيد

ياعزتي لك من جد

[الناعسي]

هههه قاعد اتخيل نفسي بعد شهر بات الفرشة قدام باب النادي واقول

الشعب يريد يتمرن ههه

[مشاري الرياض]

ياصباح الفل

اخباركم شباب

هلا اخوي الصقر ولله بالنسبه للبطن مصيبه انا خربتها بالعيد ورب البيت بطني اول مره اشوفه كذا انتفخ ياخي العطله

وخير الله واجد لحم واكل ونوم ماش صراحه بس شهر وارجع الوضع

مثل ماقال اخوي الناعسي اهتم العقله هروله بش اب اترك الغازات الوجبات السريعه وربك يسهلها

بريداوي يعنني رقم مميز تستاهل يابطل عقبال الاشراف


الصقر الوجبه حلوه انا دايم اتعشى وحده من 2 :

1- صدور دجاج مشوي بالبيت مع صحن سلطه

2- صب واي وخذ منه صدور دجاج او بي ام تي حلوه


موفق

[Heartbeat]

السلام عليكم

مساكم الله بالخير شباب
كيف الاحوال ان شاء الله بخير

بقولكم موقف حصل معي يوم الجمعة الفائت
بسبب هالموقف حرمت انسى مرة ثانية الشيكر

المهم خلصت من التمرين ركبت السيارة ادور الشيكر ماحصلته
اخذت افكر ايش الحل اطوف اليوم يعني بدون بروتين
خصوصاً اني مو راجع البيت بعد التمرين بروح طوالي معزوم على عشى
قلت امر بقالة واقصد بالبقالة هي سوبر ماركت صغير فيه مواد غذائية وبعض الامور الاخرى
وقفت طلع لي بنغالي قلت له عندك كلاس كوب يعني قال اي قلت وملحقة قال نعم
قلت له خوش المهم لما احضر لي الكوب والملعقة كان الكوب غير نظيف قلت له نظفه
المهم بعد التنظيف عطاني الكوب وقال لي تبي ثلج
انا على طول فهمت شنو يقصد
قلت له حسبي الله عليك جان اطلع له العدة قلت شوف هذي مكملات غذائية
انت وين راح بالك بعيد الظاهر زباينك كثير هنا
انا من بعد هالموقف صراحه لو انسى مرة ثانية الشيكر مو لازم بروتين
والملعون يقولي تبي ثلج يعني يبي يضبطني هههههه

[مشاري الرياض]

هههههههههههههههههههههههههه


اجل ع باله تبير تخربها هههههههههههههه جوك عليل ياصاحبي

اقولك شغله انا مره نسيت زيك وقفلت معي مدري ليه وكان تجي الفكره الجهنميه

اخت قارورة مويه صحى كانت معي بالسياره وحطيت البروتين فيها

وزدت عليها الماء وتم الشرب بسلاسه الحاجه ام الاختراع

[Heartbeat]

جربت مرة اضع البروتين في قارورة لأني كثير انسى الشيكر ههههه
لكن مشكلة القارورة لما احاول اضع البروتين فيها يقع بعض البودر خارج القارورة -_-

[الناعسي]

^^
حط البودر على ورقه او حتى دينار ولفها حتى تصير على نفس مقاس فتحة العلبه وصب البودر

ولا ذره بتطيح برا

[buraydawi]

مساء الخير
مابعد ضبط نومي ... طلعت من الداوم ونمت على اني كالعادة بقوم العصرو اتمرن ونمت الى الساعة 6 وقمت وانا مالي خلق ...بكرا ان شاء الله ارجل
------------------------
اضحك الله سنك يافارس .
---------------

الناعسي :تخيل الدينار او الريال الي بتلفه يكون مطلعته عجوز من صدرها لول

[صارم]

---------------

الناعسي :تخيل الدينار او الريال الي بتلفه يكون مطلعته عجوز من صدرها لول

هههههههههههههههههههههههههههههههههههههههههه