شباب أخيرا اتنازلت عن كبريائي وجربت أوبلفيون وبشكل متعمق نوعا ما
رأيي فيه كالتالي :-
تحطيم ما بعده تحطيم !!!
كثيرين مدحوها..لكن أغلبهم من نفرات البي سي .. لأنها بصراحة انسب كثيرا ان تكون لعبة للبي سي وتحتاج أزرار للكيبورد عشان تستوعب وظائفها العديدة
مدري تسمية الأر بي جي على أي أساس انطلت عليها يمكن على عداد الـ Hp أو الأسلحة والملابس وبعض الأمور الأأربيجاوية لكنها مجرد تمويه متقن اللعبة لا تمت بالأأر بي جي بأي صلة برايي خاصة وان أصلها لعبة منظور أول ... صحيح انه يمكنك تغييرها أثناء اللعبة الى المنظور الطبيعي "مدري وش المصطلح العلمي له" لكن بتحس وقتها انها كوميدية أكثر منها أكشن
أسلوب القتال اضرب ضربتين وارجع خطوتين وكرر العملية 3 مرات لكل وحش "ليفله قريب منك" ومبروك الوحش الأخير قدامك>> طبعا لا تنفتحلك نافذة ولا شي القتال بالمربع مثل العاب المغامرات..^^
الأسحار ما اتعمقت فيهم لكن مدري يعطوك من البداية شي يشبه البخور..تبخره عالخصم يصير اقوى
وحشين تقتلهم وتاخذ مستلزماتهم يمكن بيخلوك ممتليء من ناحي الأغراض ولازم تفرغ جيوبك حتى تقدر تمشي مرة ثانية...كثيرة جدا الأدوات اللي بتحصلها وانتماشي وان اختلفت الطرق !!
الجرافيكس ممتاز لما تتحرر من المنطقة الأولى وتنصدم بالعالم الواسع اللي قدامك
العاب أر بي جي كثيرة كنت مستاء جدا وأرغمت نفسي عالتكملة لين ما اتعلقت فيها بجنون..لكن هذي كل ما أتقدم من الكآبة أسكر بدون حتى لا أخزن
الحلو في اللعبة تحسها بتصعب كثير على قدام ، المساحة والبيئة واسعة..واسعة لدرجة الجنون "يعطوك خريطة مع كتيب اللعبة الأصلية"، الجرافيكس رائع ، ومعقدة بحيث تكتشف أمور جديدة أثناء تقدمك باللعبة ، المهمات الجانبية اللي قدرت في أحد المراجعات ان وقت انهائها "لا نهائي" ، القصة ضايع فيها هذي ضمن سلبياتي ما سلبية اللعبة
كيف ولد السعودية بي المزيد ترى كلي شوق أطلع الحرة اللي فيني بس عدد الحروف ما تساعد
على فكرة بس ملاحظة بسيطة : ربما وأقول ربما لو لعبت أكثر بتأقلم معها بشكل أفضل بكثير ، القدر اللي لعبته ما يعتبر كافي لاصدار أحكام مطلقة عنها لكن بصراحة وصلت مع اللعبة لطريق مسدود ما أقدر أكمل معاها بعد اللي شفته وعانيته
لعبة اوبلوفيون من اسوا الالعاب التي لعبتها في حياتي .. كلها اكشن .. لا تمت للاربيجي بصلة
!
المشاركة الأصلية كتبت بواسطة The Shadow
