Orange Road Gallery

[orange road]

شاهين ^^ من صجك قال عني جذي؟
والله زين... محترفة فوتوشوب وانا ما دري..
ويني انا ووين الاحتراف.. عيل لو جاف رسوم ريفليكس شبيقول؟ :"
بس يبقى كلام يريح القلب ^^ شكرا شاهين..
معاك حق..البطلة في القصة بالعمالة مسويتها تشبه شخصيتي... ^^ من كثر ما حبيت القصة.. دخلت نفسي بالشكل فيها :6
ترى الشخصيات المسائية في القصة رسمتهم على اشكالنا احنا ^^

ريفليكس...
القصة طويلة...
بس تعرف.. باحط لكم هني ملخص عنها...
من يدري.. يمكن حد فيكم يتبرع ويرسمها لنا كاملة...
لان ودي القى حد (بس يكون جد) يرسمها لنا.. لاني ضعيفة في رسم الشخصيات الرجالية.. والقصة اصلا كلها عنهم
كل اللي اقدر عليه الحين اني اكتب القصة (كتابة بس) وارسم بعض المواقف...

ليفثان...
The Others قصة الفتها ريميتا.. صديقتي.. وهالقصة وايد اذيت عليها ربعنا هني في المنتدى من كثر ما اقول لهم عنها...
لكني ما حطيت لهم اي شي منها حتى الحين الا كم صورة اللي رسمتها لها ^^

جوفوا...
اللي بالشعر البني الغامق.. هاذي اسمه فنسنت
واللي بالشعر الاحمر.. هاذي لوسيفر
اما الاشقر فهو ليوستات...
هاذيلا الثلاث هم اساس القصة...
وهم الثلاث مصاصين دماء...
ليوستات هو اول واحد طلع فيهم كمصاص دماء.. وهو عبارة عن سلاح بيولوجي كانوا مسوينه في واحد من المختبرات لكنه قدر يشرد منهم..
فنسنت هو زعيم عصابات كان يشتغل في نفس المختبر علشان يوفر لهم الحماية.. وكان مكلف انه يرد ليوستات... لكن ليوستات حوله هو الآخر حق مصاص دماء..
لوسيفر هو النسخة المطورة من ليوستات.. سواه نفس الشخص اللي سوى ليوستات لكن ما قدر يسيطر عليه.. وقتل العالم وشرد...
وبعدين حط امله انه يقتل ليوستات بس علشان يثبت انه الاقوى...

القصة معقدة وطويلة.. وفي شخصيات ثانية ...
في توني.. وهو طفل صغير حوله ليوستات حق فامباير وتبناه... بس بعدين انقلب عليه
وكبر توني وتزوج وياب ولد سماه ليو ^^
في دارن.. وهو سايبورج شرد من احد المختبرات ولحق توني ومن يومها وهو يخدمه ويطيعه... بس دارن ما يتكلم...
وفي ايفان.. وهو كلون ليوستات الاصغر منه.. لكنه مشوه... :6 (شنهو تشمتنا في ليوستات حزتها.. الاخ مغرور وما كان قادر يستحمل ايفان)
وفي اندي.. وهو طفل صغير ليوستات قتل اهله ... وتبناه فنسنت وزوجته...
يعني القصة طوييييييييلة....

ما ادري وصلنا الحين حق اي جزء؟؟؟ ريميتا الفت جزئين زيادة حتى الحين...
الاحداث طويلة...
^^ وتنتقل بين امريكا ولندن...
والاحداث متشابكة.. يعني تصير احداث في قصة وتلقاها تأثر عليهم في قصة ثانية...
وترى ما ذكرت كل الشخصيات ولا كل الاحداث...

انشاءالله الحين تكونون خذتوا فكرة عن The Others
برد قلبك الحين ريفليكس...؟؟؟؟

[الخطاف]

ok...
متألقه دائماً خلود ... رسمج وايد حلو.فضيع...
دوري رسمات مني ومناك ويمكن تحصلين زود.

وراسمتهم بأسلوبج صايرين حلوين وخصوصا نظرات فنسنت ولوسيفر وليوستات .

آآآآآآ...
ممكن طلب صغير خيتوه...
خاطري برسمة شخص متوحش أو شرير وملامح وجهه عنيفه بس أهم شي أنيق (يمكن تكون هذه شغله شوي بالنسبه للفتياة) بس معليش أبدعي فيها .

[Rex]

شوكرن أخت خلود ...
فعلا حتى الحين مع أننا ماندري تفاصيل القصة بالضبط ... لكني أشوفها مثيرة جدا ...

واذا كان عندج أخبار حلوه أو مثيرة عن هالقصة فأخبرينا بها على الفور ...
لو ما كنت قصتكم مثيرة للاهتمام ما سألنا ...

اتمنالكم النجاح

[Ranma Saotome]

الله رسمه جديده

ايه ايه هالرسمه شفتها من قبل لكن ماكانت ملونه
لما شفتها بدون الوان كنت افكر واتخيل شلون بيكون شكلها بالتلوين
لكن ماتوقعت ان تكون حلوه لهادرجه.. طبعا بالتلوين طالعه وايد احلى
حلوه حركة الشعر اللي مغطي الرسمه وطالعه الشخصيات بينه.. وتلوينج للشعر في هالرسمه طالع رهيب واللمعه جميله جدا
بس لاحظت شي.. كل الشخصيات عيونهم صفراء.. هل هو من الاستعجال ولا صج عيونهم كلهم صفراء في القصه لأنهم كلهم مصاصين دماء؟

[هـداف]

اهلا

حلوه الرسمه الاخيرة ........ روعه...عجبتني الحركه ..... حلوه طريقتج بالإضاء والتظليل..........نتعلم منج:6

شد حيلج....نبي رسمات نيو

[orange road]

خاطري برسمة شخص متوحش أو شرير وملامح وجهه عنيفه بس أهم شي أنيق (يمكن تكون هذه شغله شوي بالنسبه للفتياة) بس معليش أبدعي فيها

صعبة شوي الخطاف... بس باحاول ^^

واذا كان عندج أخبار حلوه أو مثيرة عن هالقصة فأخبرينا بها على الفور ...

انشاءالله...
^^ وشكرا للاهتمام بالقصة ريفليكس

بس لاحظت شي.. كل الشخصيات عيونهم صفراء.. هل هو من الاستعجال ولا صج عيونهم كلهم صفراء في القصه لأنهم كلهم مصاصين دماء؟

صح رانما ^^ عيونهم صفرا لانهم مصاصي دماء...
مب من الاستعجال...

حلوه الرسمه الاخيرة ........ روعه...عجبتني الحركه ..... حلوه طريقتج بالإضاء والتظليل..........نتعلم منج

شكرا شاعر...
انشاءالله دوم...

ترى تصدقون.. لقيت رسوم شكثر في ملف قديم شوي في جهازي ومب ملونين...
باحاول الونهم هالفترة واعرضهم ^^
حتى لقيت رسمة كنت ادورها راسمتها حق موقع rpg dreamers ونسيتها...
بالونها انشاءالله علشان اطرشها للموقع...
من زمان ما رسمت فان ارت حق العاب او انيمي..
المشكلة اني ما لعبت اي شي يديد الا ريزيدنت ايفل... (ترى بعد لقيت رسمة عليه.. وللحين مب ملونة) ^^
انشاءالله احاول اعرض رسوم اكثر الفترة الياية...

[MZM]

السلاااااااااااااااااااام خلوووووووود

من فتره طويله ما تصفحت المنتدى :6
جيت هني سيده
ما شاء الله رسوم و تلوين خيالي يفتح النفس

تلوينج للجلد يا فنانه صاير شي روعه بالمره :! و تجسيدج للنور و الظل على جلد الجسم قوي حيل حيل منجاوي ميه ميه

بالصفحه اللي قبل هاذي بأولها فيه رسمة لشخصية الوكارد :6 هههههههههههههه
الرسمه كيوت و روعه بمعنى الكلمه ^^
الشعر فيها عجيب

و رسمة اللي راسمه فيه شخصيتج خلود ^^ اللي اسمها (me)
الوضعيه فيها و الوقفه روعه صج
اللي يعبني برسمج الذوق بإختيار الالوان ^^ و التلوين اللي صار منجاوي على اصوله
و اقولها مره ثانيه الوضعيه حيل حلوه بها الرسمه

و الرسمه اللي بعدها ما تطلع ما ادري ليش ^^

أما الرسمه الاخير بالصفحه 31 اللي فيها شخصيه شريره و برق هههههههههههه جو الرسمه صج يخرع :6
حركة الشعر و الملابس معطيه الرسمه جوها القوي ما شاء الله عليج يا فنانه و ملامح الشخصيه و العيون
تصويرج للشخصيه قوي جدا جدا ^^

و الرسمة الاخيره بالجالري حقت الـ the others حلوه حيل بالأخص حركة الشعر اللي مغطي الرسمه شكله و حركته روعه حيل
و اقولها لج مره ثانيه ... تلوينج للجلد إختيارج للون الظل عليه روعععععهههه بمعنى الكلمه
و لون العيون أصفر :! ما ادري شقول بس حيل عجبني :"
ههههههههههههههههه ما ادري شلون تختارين الالوان لو افكر انا احط عيون لونها اصفر راح اضحك على روحي ..... بس لما سويتيهم انتي طلعو شي عجيب صج صج ^^

ما شاء الله عليج يا فنانه و بالتوفيق خلود

سلااااااااااام

[Zarzora]

رسوماتتج وايد حلوه:0)
عجبتيني;-)

[orange road]

اول شي عبالي ان المنتدى تصلح فقلت باعرض رسومي..
لكن رجع اعتفس مرة ثانية وبسرعة البرق :! (ضرب رقم قياسي هالمرة)

^^ شكرا شاهين لانك حملت لي الرسوم على النت...

واكاهي اول رسمة...
وحاولت اني اغير طريقة تلويني شوي هالمرة
خذت راحتي في التلوين هالمرة.. كل يوم افتحها والون شوي منها...

انشاءالله تعجبكم

[orange road]

وهالرسمة رسمتها من زمان لكن ما كملت تلوينها الا من فترة بسيطة...

^^ التلوين عادي فيها.. ما حاولت اسوي شي يديد

ومرة ثانية شكرا شاهين على تحميل الرسمة لي

[orange road]

وهالرسمة عرضتها من قبل في موضوع رسوم لم تكتمل..
واخيرا كملت تلوينها...



ما يحتاي اقول لكم ان ذي لوسيفر من the others

[Rex]

وأخيرا خلود حطت شي يديد ^^ !!!
شكلج وايد مشغولة ... مقاطعة المنتدى

أول رسوماتج اليديده أندهشت بصراحة بطريقة التلوين الجديده ^^ ...
وايد عجيب التلوين خاصة بالشعر ... تطور ملحوظ ^^

الرسمه الثانية خلود وريميتا أظن ... الرسمه فيها حياة واللمعات خلابه ... والخلفية لو كانت عن محلات بالخلف بيكون أحسن ^^ ....
لأان شكلهم يتشرون ...

الرسمه الأخيرة لوسيفر!!
الرسم والتلوين جيد... لكن الذراع أحسها طويله شوي ...


وان شاء الله تستمرين بوضع الرسوم ...
بالتوفيق...

[orange road]

معاك حق ريفليكس ^^
لكن الرسمة قديمة... وحبيت الونها...
معليش..
انشاءالله المرة الياية انتبه اكثر على مقاييس الجسم

[lord zacx]

WOOOOWWWW:!

رسمج وايد حلو يا خلود........:-)

و الالوان روعه و قمه في الاداء.......


و في النهايه انا معجب بستايلجججج:6


SORRY اذا ازعجتج.....:#

[هـداف]

أهلا خلود


أخيرا رسمات يداد

الرسمه قبل قبل الآخيرة التلوين فيها ناعم جدا وعجبني فيها اللبس..وايد حلو :واو:

الرسمه قبل الأخيرة جميله التعابير الي فيها وأيضا الاضاءة والتظليل كووووووول وأيضا انطواء الملابس

الرسمه الأخيرة ماعليها كلام لكن في شي بالنسبة لليد اليسرى احس انها مب راكبة على اليد منع عند الكتف...وأيضا احس العين لونها اشوي يعني مايناسب مع الشخصية

ننتظر المزيد