استفساراتكم واسألتكم هنا 4

[zezoQ9]

يا بتار لو تشتريها من موقع offgamers اصرفلك
سعر ال 60 يوم ب 28 دولار يعني 105 ريال بس
واذا ما عندك فيزا تقدر تشتريها عن طريق كاش يو

ورقم البطاقة يوصل على طول
انا ليا سنتين معاهم وما واجهت اي مشاكل
هذا رابط الموقع

http://www.offgamers.com/world-of-wa...-2522-1689.ogm

[البتار دانتي]

جزاك الله خير أخ zezoQ9

[Alhajri1]

السلام عليكم

اتمنى من الاخوه الافاضل شرح تكتيكات بوسات dragon soul HC

لان انقليزيتي تعبانه وحاولت اقرا ولا فهمت

ف اتمنى اي احد يترجملي او يعطيني رابط مترجم لشرح كيفيه قتل البوسات

والله يعطيكم العافيه

[Karazhan]

التكتيك بسيط

القسم الثاني واللي اخر بوس ديث ونق

اول بوس اذبحوا التنانين و التانك او اي شخص مثل درود او وورير او ديث نايت او هنتر او شامان عنده حركه يسحب اقرو يستخدمها على التنانين عشان ما يبثون نار على الرايد

اول بوس اضرب فيه عاد وبالنص بالشاشه تشوف زر تضغط عليه عشان تطلع من الريلم اللي انتوا داخلين فيه عشان تذبحون البوس , اضغطه كل مره يسوي كاست عليكم , يعني وانت تضرب البوس شوفه لما يسوي كاست و لما يوصل العداد 80% اضغط الزر

البوس الثاني اذبحوا العلوج اللي ينزلهم البوس وانتوا بالسفينه "سفينه الاحلام" وكل مره ينزلون 2 , الmelee عليهم , وراح تشوف التانين 2 مربوطين على كل جنب من السفينه , هذوله يذبحونهم الكاستريه والهنتر ولما يموتون يضربون العلوج اللي معاكم بالسفينه

وبين فتره وفتره البوس يطلق طلقه كبيره على السفينه لازم كلكم تتجمعون فيها , وراح تشوف على ارضيه السفينه مكان اللي راح تنزل فيه الطلقه وراح تشوفها كبيره , اما الباقي الصغار اتركهم مالك شغل فيهم

لما تخلصون كل هذا راح ينزل العلج الكبير وتحاربونه , الكاستريه والهنتريه يركزون على التنين اللي كان راكبه البوس و باقي الشباب على البوس نفسه

لما توصل طاقه التنين تقريبا 20% راح ينحاش و يترك العلج الكبير , لأن لازم تضربونه عشان اهو يطلق طلقات على السفينه يسوي الارضيه نار زرقه ويضايقكم بالتحركات

بعدها خلك خلف البوس لأن بين فتره وفتره يسوي حركه نفس التايفون مالت البالانس درود و يطالع اي شخص بالرايد و يطلقها عليه و اهي تضرب كل واحد بطريقها , فأنت خلك دايم خلف البوس ولما يسويها انحاش من وجهه

البوس اللي خلفه واللي اهو لما تكونون على ظهر ديث ونق , راح تشوف 4 غبابيه طالعين او مادري شسمهم بس نفس الاصبع

المهم اذبحوا واحد بس وبعد ماتذبحونه راح يطلع فاير اليليمنتل , يمسكه التانك وياخذه بعيد عن مكان اللي طلع منه وتقعدون تضربون فيه لغايه مايوصل الهيلث 30%

راح تشوف تحت صورته عداد يبدأ من 0 ويوصل الى 9

بعد مايطلع هذا وياخذه التانك راح تشوفون blood يطلعون من نفس الحفره او المكان اللي طلع منه , اذبحوا البلاد كل مره يطلع فيها وراح يصير مكان جثته ماي نار , لما تذبحون 9 منهم التانك ياخذ الاليمينل هذا ويخليه يمشي عليهم وكل مره يمشي على واحد راح يصعد الرقم من 0 الى 1 وبعدين 2 و 3 الى ان يصل

9 ولما يوصل 9 التانك يرجعه على الطوفه ويلصق فيها , ولما تخلص طاقته راح يسوي كاست وبعدين ينفجر , لما ينفجر يكسر معاه الحديد اللي على ظهر ديث ونق , ولما ينكسر راح يرتفع وتشوف نفس اللحم لاصق بالحديد , انت تضرب اللحم هذا عشان تقطعه و تشلع الحديد من ظهره

ولازم تضربونه بسرعه لأن في كاست يمشي واذا خلص الكاست وانتوا ما كسرتوا الحديد راح يرجع يسكر و تضطرون تذبحون اصبع وتكررون العمليه , و لما ينفجر مره ثانيه ويشلع الحديد راح تشوفون ان شغلكم الاول ماراح وتكملون لغايه ما تقطعون اللحم

العمليه تتكرر 3 مرات وبعدين ينتهي الفايت وتنزلون للأرض

بالارض تبارون ديث ونق بعد , لكن تتنقلون من مكان الى مكان , اول شي لما تبدأ انت خلك مع الشباب شوفهم شنو يسوون و سو مثلهم , لأن انا لما اكون بالمكان هذا , اول ما تبدأ المعركه نذبح اليد اللي بنفس مكانا , بعدين بنروح يسار ونذبح اليد فيها وبعدين ننتقل يسار ايضا ونذبح اليد وبعدين ننتقل اقصى اليمين ونذبح اخر يد

بعدين يطيح راس دث ونق ونروح نضرب راسه , يسوي سومون للادز ونذبحهم وبعدين نرجع لراسه ونضربه فيه ولما يسوي سومون للادز مره ثانيه نطنشهم ونكمل على راسه لين يموت , لما توصل طاقته 3 ملايين يمكن ينتهي الفايت , والادز طبعا يختفون , تصير حالات وفاه لكن نحييهم

اخر فايت طبعا بكل يد تضربونها راح يسوي سومون للأدز

المعركه الاخيره عباره عن معركه بينكم وبين الادز , يعني لاتهتم لديث ونق كثر ماتهتم للأدز وكل مره يطلعون الادز اذبحهم

هذا بأختصار

والكلام اللي فوق لل LFR اما النورمال والهيروك مادري عنه

سلامتك

[Karazhan]

البوسات بالقسم الاول نفس الطريقه

واسهل

يعني من تدخل اول مره راح تفهم كل شي لاتخاف

و حتى القسم الثاني من تدخل اول مره راح تعرف كل شي

اسهل من رايدات قبل

[Karazhan]

هذا هيروك

ادخل اليوتيوب واكتب اي اسم بوس واكتب 10 او 25 هيروك وشوف نظري

المقطع فيه موسيقى


بالتوفيق

[Alhajri1]

الله يعطيك الف عافيه اخوي كارازان والله يطول بعمرك

بس بالنسبه لردك الاول هذا رايد فايندر وطبعا هذا سهل جدا ما يحتاج اتعلمه لان من اول مره تعرف له

اما بالنسبه لي فانا سويت نورمال واجد وخذيت ٢ هيرويك واللي هم morchok و ultra

بس انا افتقر للتكتيكات وانا بس اقلد اللي معي لكن ماعرف

ف اتمنا من الاخوان يفيدوني

وبالنسبه للمقطع ف مثل ما قلت لك انقليزيتي ضعيفه ف ياليت احد يترجملي التكتيكات
وشكرا للجميع

[Karazhan]

اهو نفس ماتفضلت , الحق اي واحد نفس كلاسك وشوف شنو يسوي و قلده

العموم جذي

لكن التكتيك لازم ممارسه مو بالكلام , او انك تبحث باليوتيوب عن افلام و تشوف بالافلام شخص نفس كلاسك و تتابعه وتشوف شنو يسوي

حتى لو بدون صوت وانا اعتقد ان الوضع سهل مع اني مادخلت لكن جرب مو خسران شي

يامه صوتوا علينا الناس وانطردنا من الرايد

يامه اتفق الرايد علينا واطلقوا كلمه نووب

يامه متنا قهر

بس بالنهايه لازم تجرب , والتكتيك نفس النورمال بس زياده الهيلث يمكن و الدمج اعلى

انا يمكن اعطيك حشو كلام الحين لأني وبصراحه ماجربت من قبل , لكن اتمنى احد يدخل ويقولك كل اللي تحتاجه , ماشفت بالمواضيع المثبته عن تكتيك البوسات و افلام ابو ناصر اذا كان حاط هيروك لدراجون سول

[eGyMeDo]

السلام عليكم
انا عملت شخصيه ميج جديده على cata
وانا للاسف خبرتى كلها فى البريست وعلى woltk
يا ريت اصحاب الخبره يدلونى على افضل talent و rotation لل pve
ويا ريت كمان ازاى اعمل بورت ل dalaran
وكل ما زادت المعلومات اكون شاكر جدا لانى فعلا معرفش اى حاجه عن الميج حتى البفات بتاعته معرفهاش
وشكرا للاهتمام والمجهود بالمنتدى

[Karazhan]

اهلا وسهلا

وعليكم السلام ورحمه الله وبركاته

اول شي البروتال تتعلمه بكل مدينه فيها بورتال تروح لها بالاول وتكلم شخص هناك , و Dalaran راح تحصل اللي يعطيك البورتال بنفس المكان اللي تدخل المدينه اول مره , في بنت واقفه تكلمها وتتعلم

او ماادري اذا حصل تغيير مع الكاتا , لكن شوف المدرب اول شي واذا ماتعلمت منه يعني لازم تروح المدن اول شي وتتعلم منهم

اما بخصوص التالنت و كبدايه لك يفضل انك تختار frost تالنت الثلج , لأن افضل من ناحيه التلفيل , و ماعليك الا انك تحط النقاط بكل حركه تقوي الدمج , ولما توصل لفل 85 ان شاء الله راح تغير التالنت اكيد و نحطلك روابط فيها تالنت للpvp و pve

لكن حاليا مافي مشكله تحط النقاط بأي مكان طالما انك قاعد تلفل

الروتيشن سهل للميج , وتقريبا 3 حركات عنده يستخدمها بشكل اساسي لكن بما انك بالبدايه فما عندك الا فروست بلت اظن و كم حركه مداها قريب , لكن الرئيسيه اهي فروست بلت اعلم سبام عليها على التارجت و ينتهي الامر وان وصلت لفل 85 ان شاء الله راح يتغير الوضع وراح تكون عارف كل شي

و اذا تبي زياده راح نساعدك فيه

لكن كبدايه استخدم تالنت الفروست و استخدم الفروست بلت مع الpet طبعا و كل امورك راح تكون تمام

[eGyMeDo]

الف شكر للرد والاهتمام
بس انا بقيت لفل 71 يعنى تقريبا لفلت وهبدأ فى التالنت الاساسى بتاعى وانا سمعت ان الفير اجمد فى الميج
وبالنسبه لل pet اللى انت بتقول عليه انا مش فاهم هو الميج ليه pet ?

[Karazhan]

الفاير اقوى لكن يفضل لما تكون 85 و pve

اما لأنك اول مره تلعب بالميج فالفروست يكون افضل من ناحيه التلفيل و الpvp خصوصا وانه يعطيك shield يحميك من الضربات

pet الميج اقصد هذا



تاخذه لما تكون فروست فقط , ومنها يساعدك بالتلفيل

انت براحتك اذا كنت تحب تلعب بالفاير او الفروست او الاركين حتى , لكن نصيحه الفروست اريح بكثير من غيره

وانا بحاول احط روابط للتالنت حسب معرفتي و اذا في ملاحظات منك او من اي عضو يقولي لأني مو مهتم بالكلاس هذا لكن بحاول احط النقاط بالامكنه المهمه

[Karazhan]

فروست


فاير



طبعا تالنت الفاير اللي حطيته احس انه غلط شوي , او في حركات مالها معنى وحطيت فيها

ولكن اذا عندك او عند الاعضاء ملاحظات او تالنت افضل ان شاء الله يضيفونه ونشوف

[zezoQ9]

هذا افضل تالنت لل فاير ميج pve
http://www.wowhead.com/talent#o0hZfchrkbRRsfoc

و بالنسبة ل الروتيشن

-Living Bomb تكون دائما مفعلة على التارجت
_Scorch تستخدمها عشان تفعل الCritical Mass
-Flame Orb تستخدمها كل ما تكون جاهزة
-Pyroblast كل ما تجيك الHot Streak عشان تكون مجانية ما تاخذ مانا
-Fireball السبل الاساسي


Combustion

هاذي حكايتها حكاية فيه ادون لازم تحمله اسمه CombustionHelpre
الأدون عبارة عن 3 نقاط حمرا لم تصير كلها خضرا في هذا الوقت تستخدم الكومبسشن

كيف تخلي النقاط خضرا؟
1-اول نقطة لازم تأثير ال ليفنق بوم يكون ع التارقت
2-لازم تجيب كركتكال بأي سبل
3-لازم يكون تأثير البايروبلاست ع التارقت
(ماني متأكد من الترتيب من زمان ما العب بالميج)
كذا تكون الكومبسشن فعالة جدا ويزيد الدمج اوفر تايم تبعها

(هذا الكلام طبعا ل السنجل تارجت)



صراحة الفاير ميج من امتع الكلاسات اللي لعبت فيها

[zezoQ9]

وصحيح كلام كرزان الفروست اسهل و اسرع في التلفيل
الا اذا بتدخل دنجن حول ع الفاير الفروست ضعيف في pve بس جباار في pvp

اما بالنسبة للبوابات
قريب من الميج ترينر في بورتال ترينر هوا اللي يعلمك جميع ال بورتلات
اعتقد
في لفل 62 تتعلم منو بورتال شاتره سيتي
في لفل 72 دالران
في لفل 85 تول باراد