السلام عليكم و رحمة الله و بركاته
اشحالكم ؟ عساكم مرتاحين
قهر =_=" بلاك سان مشارك بالبطولة و ما كنت ادري ..
المهم امس راجع من البطولة الا كانت في دبي ، و البطولة نفسها موجودة ببوظبي و الشارجه
للأسف التنظيم سيئ للغاية !!! المكان ضيق !! شاشة وحدة حق ستريت فايتر مع انه الاغلبية مسجلين فيه ستريت فايتر وونينج اليفن ، و لعبة تينس عالويي مخلين لها شاشتين و انا طول الوقت ما شفت حد يلعبها غير المنظمين نفسهم ~_~"
عاقين شاشة الستريت فايتر آخر شيء و مكان ضيييق و الكل واقف
و الشيء الثاني آخر شيء قالوا الا خلص على طول ينزل الاستاند ما يتحمل خافوا انه يطيح =_=!
للأسف الشديد ما كان فيه اي مستوى .. طبعاً انا تأهلت و الكل تأهل بسبب نظامهم التعبان ~_~" لكن شفت لعب كم شخص بس ما لفت انتباهي حد سوا شخص واحد كان خبير في ريو و كان محترف كانسل و كامبوات .. و اكتشفت انه كنت ضايفه عالاونلاين و هزمته من قبل لكن لعبه قوي الصراحة
بالنسبة للونينج اليفن انا ما لعبته لكن اخوي لعب و كان فيه مستوى و لعيبة بخلاف ستريت فايتر ..
لكن بشكل عام البطولة موول مب شيء ~_~" الحين انت ساير كل ها بس حق جولة وحدة و تطلع -.-" ! ؟
البطولة الا كانت قبل شهرين تقريباً و كانت بوافي كانت منظمة اكثر و كان فيه مستوى .. و فعلاً فيه لعييبة هزموني اكثر من مرة و ما توقعت اشوف هالمستوى ^^ و كل واحد على الاقل لعب 7 جولات .. و المباريات الودية كانت مسموحة و البطولة كلها انتهت بيوم واحد .. بخلاف البطولة هاي يتصلون فيك بعد شهرين ~_~"
على كل حال شيء جيد انه يسوون بطولات بالدولة عندنا و هاي ثاني بطولة لستريت فايتر .. لكن اتمنى اشوف تنظيم افضل من هذا ..
في امان الله
المشاركة الأصلية كتبت بواسطة Black_Berserker
السلام عليكم
، لول كسر خاطري والله .. حتى لو في تصفيات ماعتقد تكون عندنا <_<"
