" جــGYM ــــيم المنتـــدى "

[متعب سعد]

^^
هنيئاً لك دخولك في عالم كمال الأجسام

ركز على النشويات المعقدة قبل التمرين ( مثل الخبز البر والنخالة والشوفان و و و إلخ+ بروتين خفيف مثل التونة أو صدور الدجاج), وبعد التمرين مباشرة خذلك عصير عنب أو مشكل توت ( لحاله ) عشان جسمك محتاج للسكريات بسرعة .. وبعده بربع ساعة خذلك حليب منزوع الدسم .. أو تونة بمويه وملح ! واذا بتشتري واي بروتين فـ بتوفر على نفسك .

[مشاري الرياض]

صباح الخير شباب

كيفكم

امس كان راحه والحمدلله

اليوم عندي ظهر وبطن

بالتوفيق

[iMut3b]

السلاك عليكم

أمس اول يوم في النادي وبدخل الصالة ان شاء الله الاسبوع الجاي

الوزن ٥٨ ,, نسبة الدهون مرتفعه جدا ٢٤ ٪

المدرب قال العضلات عندك ضعيفه ويبيلك شغل جامد ,, الله يعين

اذا فيه أحد في fitness time اللي بالرياض مخرج ٧ ووده نتدرب سوا ,, ما نستغني

شكرا شباب ,, ومستغرب ليه المنتدى محجوب !!

[مشاري الرياض]

هلا اخوي متعب

الله يعينك ولازم تشد حيلك

ياخي وقت اللياقه اللي بمخرج 7 ودي اجيه يقولون فيه محل للمكملات لو نسيت اغراضك بس مادري وش طريقته

كل مره اقول بروح امر اشوفه واتعيجز مشووار

بخصوص الموقع سالفه طويله بس الرابط اللي تحت ع طول يخش

http://www.montada2.com/forumdisplay.php?f=543

بالتوفيق

[FawazInception]

السلام عليكم
توني راد من الgym اول يوم لي و لعبت شامل

[صارم]

[QUOTE=oOhimaOo;7311378]
الاخ سعيد .. الحمدلله على سلامة الوالد ومايشوف شر بـ اذن المولى ومأجور ان شاء الله

الله يسلمك يالغالي , والشر مايجيكم .

وبشرنى كيف التمارين معك ياوحش .

[صارم]

السلام عليكم
توني راد من الgym اول يوم لي و لعبت شامل

وعليكم السلام

مرحبا بك يابطل بيننا

وشد حيلك ياوحش واتمنى ان تقراء في المواضيع المميزة لكي تزيد

من ثقافتك باللعبة لتتجنب كثير من المعوقات ..

بالتوفيق للجميع ..

[oOhimaOo]

السلام عليكم
توني راد من الgym اول يوم لي و لعبت شامل

عليكم السلام ورحمة الله وبركاته
حياك الله يالبطل .. هاه بشرنا كيف الالم معاك هههه
شد حيلك يابطل كلها اسبوع ولا اثنين وتنزل احلى جدول وتفجر الجيم .. موفق ان شاء الله
[QUOTE=الصارم 07;7311874]

الاخ سعيد .. الحمدلله على سلامة الوالد ومايشوف شر بـ اذن المولى ومأجور ان شاء الله

الله يسلمك يالغالي , والشر مايجيكم .

وبشرنى كيف التمارين معك ياوحش .

وياك اخوي الغالي سعيد..ولا يجيك يابطل

التمارين 100% بالذات اليوم
لكن وانا العب اكتاف دامبل في الجلسه الاخيره
كانت يدي بتلف ومن بعدها الين وصلت الرقبه والنفسيه زفت
اللي معي في التمرين جالس يسولف مع واحد وما انتبه لي ..لكن اشوا اني على طول رميت الوزن
المدرب ماقصر فيه ههههههه وبعدها وقف معي المدرب الين خلصت الجلسه..والحمدلله جات هينه

[iMut3b]

هلا اخوي متعب

الله يعينك ولازم تشد حيلك

ياخي وقت اللياقه اللي بمخرج 7 ودي اجيه يقولون فيه محل للمكملات لو نسيت اغراضك بس مادري وش طريقته

كل مره اقول بروح امر اشوفه واتعيجز مشووار

بخصوص الموقع سالفه طويله بس الرابط اللي تحت ع طول يخش

http://www.montada2.com/forumdisplay.php?f=543

بالتوفيق

هلا خيو ,, شكرا والله ماقصرت

بخصوص المحل هو كافتيريا وحركتهم حلوة بصراحة

اللي شفته بس وي بروتين " اللي اعرفه " وفيهم قينرز وكذا ,,

بس ما يبيع لك الا اكواب الكوب الوسط ١٧ والكبير ١٩ والظاهر كلهم سكوب واحد ههههههه

وابشرك نايم وتوي صحيت مالحقت على النادي اليوم ,, الدوام كررررف ههههههه

[آبو رآشـد]

السلام عليكم

كيف حال الشباب وكيف التمارين معاكم .!

اشتقنا لكم .. الا وش فيها الحكومة زعلانة على المنتدى : )

الله يقويكم ، المنتدى ما شي صح بقيادة ابو منصور وابو خليفة وتركي الله يعطيهم العافية ولا انسى الشباب ولا ودي اذكر اسمائهم بحيث انسى احد ويعتب علينا

بغيت اسلم عليكم واعذرونا على القطاعة حيث ارتبطت بظروف ما تسمح لي بأني اكون متواجد ومتفرغ في المنتدى فطلعت افضل من اني اقصر بحق القسم فتطلع لي مظاهرة واتورط بكم : )

واعتذر للاخوة للي تواصلو معي ولا رديت عليهم لنفس الظرف

والله يقويكم ,,

[iMut3b]

ابو راشد كيف حالك ..

يا سرع الدنيا ,, آخر مرة كلمتك فيها هنا بالمنتدى قبل سنة ونص ,,

[متعب سعد]

^^
وعليكم السلام ورحمة الله وبركاته ..

حياااا الله الغاااالي ابو راشد

وين الغيبات يابن الحلال هههههه

والله اشتقنالك ..

نتمنى رجوعك للمنتدى, ردودك تشرح الصدر والله ..

الله يبارك فيك وانت معذور ان شاء الله ..

تسلم ياغالي

[آبو رآشـد]

حياك الله متعب

اية اخبرك لكن انقطع تواصلك مع المنتدى صرت متابع لكن من بعيد لبعيد : )

[آبو رآشـد]

^^
وعليكم السلام ورحمة الله وبركاته ..

حياااا الله الغاااالي ابو راشد

وين الغيبات يابن الحلال هههههه

والله اشتقنالك ..

نتمنى رجوعك للمنتدى, ردودك تشرح الصدر والله ..

الله يبارك فيك وانت معذور ان شاء الله ..

تسلم ياغالي

حياك الله متعب الله يطولي بعمرك كيف النادي معاك وكيف امورك : )
ما زلت مرتبط بأموري لكن حبيت اسير عليكم وان شاء الله لنا رجعة مستقبلاً بعد ما تتحسن الامور

[buraydawi]

ياهلا والله بهالطلة ابو راشد بمحلك
ولا خلا ولا عدم من غير قصور بالشباب