أنا عضوة جديدة عـ المنتدى ,, وهذي ثاني مشاركة لي ..
سؤالـــــ لـــ محبي Final Fantasy .. .. تقريباً الأغلبية ختموا اللعبة .. بس أنا ما بعد ألعبها .. و طبعاً كلنا نعرف .. إن .. ما كل ما يتمنى المرء يدركه .. تجري الرياح بما لا تشتهي السفن ..
عموماً إن شاء ألعبها ... و حبيت أقول لكم إني من محبي Video Games بشكل خيالي .. وأحب Rpg ..
وأكيــــد Final Fantasy ... لعبت الجزء vii , viii , ix , x , x-2 ,xii ... الأجزاء اللي صدرت عــ Sony Play Station لعبتها .. الحمد لله في وقتها ... أما اللي على Sony Play Station 2 .. فــ ما لعبتها إلا متأخر .. وأنا من المتابعين بــ قوة لــ الأخبار وكل اللي يتعلق بالألعاب ... من ضمنها هذا المنتدى ... حتى أتذكر موضوع .. مستجدات Final Fantasy Xiii وكيف أن أغلب الأعضاء منفعليـــــن بالحيل ... لكن حالياً بعد ما نزلت وجربوها ... مو بس هنا حتى بالمنتديات الثانية ..
كانت وجهة نظرهم ...
1_ اللعبة خطية ... كان ودهم لو تكون مثل الإصدارات القديمة عالم يغامرون فيه ,, الخريطة مو موجودة .. ما فيه حرية ... ما فيه استكشاف ..
2_ اللعبة قصيرة ... بس 13 فصل ... وكلنا نعرف إن اللعبة فيها محتويات ملغية .. تكفي لــ صنع لعبة كاملة !! .. كأني قريت أن فيه مقاطع مو موجودة .. مقطع لــ Vanille أو شيء كذا ..
3_ القصة مو حلوة .. مو عميقة .. الشخصيات قصصهم مو ذاكــ الزود .. من البداية كل شيء عرفناه عنهم ... ما فيه شيء يتغير أو ينكشف بعدين ... ما فيه غموض ..
4_ الزعماء ... مو بـ ذيك القوة .. ما فيه زعيم يستاهل إن حنا نخاف منه .. كلهم ينهزمون بالراحة !! ..
5_ نظام تطوير الشخصيات باللعبة .. انتقدوه .. كيف أن ما نقدر نطور الشخصية بشكل معين .. ليه لأنه محدود بــ حدود الفصل .. يعني لــ كل فصل في اللعبة حدود ومساحة نطور فيها الشخصيات .. وبعدين ما يسمحون لنا بالتطوير إلا إذا دخلنا في فصل جديد ..
لا وأن كل شخص منا يبغى يختار الشخصيات اللي يحبها ويدخلها في Party ويلعب على كيفه ..
وهذا الشيء مو متوفر .. لأن حنا بــ نلعب بالشخصيات على حسب تسلسل أحداثــ القصة .. وبــ شكل إجباري ,, تقريبا في فصل من الفصول الأخيرة مسموح لنا أن حنا نختار اللي نبي ونلعب به ..
والشركة ما سوت ذا الحركة إلا لآنها تبغى التنويع .. كيف أن مو بس نتحكم بالشخصية الرئيسة اللي باللعبة .. طبعاً تحكم كامل مو بس توجيه أوامر داخل المعركة ... لا حتى خارجها ..
لكن لاحظت أن هذي النقطة سلبية في نظر الكثير من اللي لعبوا اللعبة ..
6_ جزء Final Fantasy Xiii ما كأنه من أجزاء Final Fantasy و لا يستاهل أنه يندرج تحت القائمة المفضلة .. من الألعاب ... خاصة تحت أجزاء السلسلة .. وبــ مسمى Final Fantasy !!
وكــــــــيف إن أغلب اللي لعبوا الأجزاء القديمة ... كــــارهين وحــــاقدين على هــ الجزء .. والجزء اللي قبله .. طبعاً ما يخفى علينا .. مدى التغير اللي طرى على آخر جزئين ... لكن التغيير حلو .. وكلنا عارفين إن - قديـــمكـ نديــــمكـ لو الجديـــد .. أغنـــاكـ ..
حلو الواحد يغير جو ... مو كله بــ نفس الأسلوبــ فــ ليه التغيير مو عاجبكــــم .. ليه تشوفونه سلبي أكثر من كونه إيجابي ؟!!
تخيلوا معي إن الشخص المتحدث أو الكاتب يلقي خطبة ... كلام .. في كتابة قصة أو روايـــة ما يغير أسلوبة ... مثلاً نبرة الصوت .. وحدة ماشي عليها وماسكها طول الطريق ...
الواحد يمل .. ما فيه إثارة ولا تشويق .. بيتبادر لأذهاننا الأحداث المستقبلية .. اللي ممكن تصير ..
حلو أن الواحد يبدع ويبتكر ويطور .. صحيح إن لــ كل شخص ميلــ وإتجاه .. وذوق ..
ولـــــــولا اختــــلاف الأذواق .. لـ بــارت الســــــــلع ...
والناس أجناس .. فضة .. ذهب .. نحاس .. وألماس .. أنواع المعادن تختلف .. وبــ حسب اختلافها ومدى تميزها ... تاخذ قيمتها ..
فــ أبغى أعرف .. لــ هذي الدرجة الجزء الأخيـــــــر سيء ... ما يستاهل التجربة ؟!!
وبعد مستغربة من تقييم المواقع له ... في 80 % !! ليه ما قيموه في 90 % وفوق ؟!! لــ هذي الدرجة ما يستاهل ؟!
ترى ردي هذا بــ تعبيري الشخصي ... مو منقولـــ .. هذي وجهة نظري طرحتها عليكم ... وبأسلوبي الشخصي ..
إذا فيه أي خطأ إملائي .. عذروني كتبته والأفكار مالية راسي ... فــ ما عندي وقت أراجعه ..