" جــGYM ــــيم المنتـــدى "

[السلطان..]

أهنييييييييييك ياوحش على الترابيس ماشاء الله بارزة جدا مقارنه مع عضلاتك الباقيه والذراع كامله حلوة وخاصه الباي,
اما صدر يبيله شغل,شوف مواضيع أخونا توتو جده عن الصدر راح تستفيد منها كثير واستخدم بعض الجداول حقته.وحاول تغير بالتمارين قدر المستطاع>طبعا الافضل بلا منازع الاوزان الحرة تعطيك ضخامه,

[بردان1]

ماشاءالله بطل يابويكا
الذراع مثل ماقلت ممتاز والاكتاف ممتازة
الصدر مو سيء ان شاءالله بس شد عليه شوي والعب تمارينك بتركيز ولاتغش نفسسسك بالتمرين ابد طبق التمرين سليم واخر الجولات خل احد يساعدك والعب باوزان بجراءه

[Booyaka]

حياكم الله اخوي مشاري الرياض وأخوي السلطان و أخوي البردان
أنا أحب الاوزان الحرة أكثر من الاجهزة تصور تمرين pullover بالجهاز احط عليه 60 كيلو ولا بحاسس بالوزن اما إذا لعبت نفس التمرين بالوزن الحر حدي 25 كيلو وبالعزر بعد ، انا انصح بالاوزان الحرة كثير إذا تبون نتائج مبهرة ، وعن تمارين الصدر إن شاء الله انا حاليا مركز عليها وقاعد انوع بالتمارين كل اسبوع عن قبله .

[Shredder]

السلام عليكم ^^

كيف حالكم يالكباتن ان شاء الله بخير ^^
ماشاء الله والله زمن ! اتذكر هذا القسم كان من اضعف الاقسام في المنتدى ومن اقلها فاعليه !! بس ماشاء الله الاول تحول ! وهذا بمجهودكم طبعا ^^ وبصراحه انبهرت بمستوى القسم وتقدمه ..
يعطيكم الف عافيه ع المجهود ..
وحبيت اسئلكم اذا ابا احط صوري واخذ رايكم ! مسموح احطها في هذا الموضوع ولا في موضوع ثاني ! طبعا الصور كلها بدون تي شيرت ><"

[Booyaka]

^ ^
إذا تبي ردود كبيرة حط صورك في قسم الاستفسارات وبنفس الوقت عندك استفسارات عن جدولك، تمارينك تغذيتك أكيد في موضوع مستقل
انا بس جبت صورة وحدة حديثة لي ، ..

[Shredder]

توقعت ان الموضوع لقسم الاستفسارات !
والله مادري احط الصور ولا ممنوع xD

[THE CAST]

لامانع من وضع الصور .. وفق قوانين عرض الصور بالقسم.


والله يحييك معنا بالقسم

[Shredder]

^
^
الله يحيك اخوي ! وانا وضعت الموضوع في قسم الاستفسارات واذا كنت مخالف القوانين فاعذرني ^^
http://montada.com/showthread.php?t=732899

[FawazInception]

اليوم خلصت ارجل و سواعد مع معدة و باجر راحة .. عندي سؤال في مانع اني العب تمارين معدة كل يوم ؟

[Booyaka]

اخوي Shredder هل قبل كنت تشارك في قسم المصارعة لان اذكر قبل فترة طويلة كان في واحد نفس اسمك كان نشيط في اخبار المصارعة
و كان قسم المصارعة افضل قسم بالمنتدى من حيث عدد الاعضاء والنشاط اللي فيه لكن بعد فترة اعتقد حدثت مشاكل مع الأدارة و تقريبا أكثر من 20
عضو تركو المنتدى مرة وحدة منهم مشرفين حتى ، وهذا حصل من فترة طويلة تقريبا سنة 2009، اما الان صار حاليا لاشيئ يذكر من الركود اللي فيه .

[Booyaka]

اليوم خلصت ارجل و سواعد مع معدة و باجر راحة .. عندي سؤال في مانع اني العب تمارين معدة كل يوم ؟

عضلات البطن أقصى حد لتمرنها ثلاث مرات وهذا للي يبي يحرق الدهون
اما لتضخم فيكفي مرة او مرتين بالكثير ، اما لو مرنتها كل يوم انت كذا راح تعدمها .

[FawazInception]

شنو قصدك يعني اعدمها ؟ مع انه المدرب قالي المعدة عضلة مفتوحة يعني ما في مانع انك تلعبها كل يوم :/

[.hamad.]

اليوم خلصت ارجل و سواعد مع معدة و باجر راحة .. عندي سؤال في مانع اني العب تمارين معدة كل يوم ؟

يعطيك العافية يابطل

الافضل الاستفسارات تكون بقسمها الله يجزاك خير

[.hamad.]

السلام عليكم ^^

كيف حالكم يالكباتن ان شاء الله بخير ^^
ماشاء الله والله زمن ! اتذكر هذا القسم كان من اضعف الاقسام في المنتدى ومن اقلها فاعليه !! بس ماشاء الله الاول تحول ! وهذا بمجهودكم طبعا ^^ وبصراحه انبهرت بمستوى القسم وتقدمه ..
يعطيكم الف عافيه ع المجهود ..
وحبيت اسئلكم اذا ابا احط صوري واخذ رايكم ! مسموح احطها في هذا الموضوع ولا في موضوع ثاني ! طبعا الصور كلها بدون تي شيرت ><"

يعطيك العافية اخوي

ونتمنى نشوفك دايم

[THh Rock]

السلام عليكم
شخباركم يا شباب والله لكم وحشه اد الدنيـــا ^-^

حموود يا عسل انا جااااايع مره وش تنصحني بوجبة عشا قبل النوووووم والله محتار وقلت مالي غيررك ^-*