:.:.رابطة عشاق المنتخب الإيطالي.:.:

**Fly_Batman** · 10-06-2008, 02:51 PM

عظم الله اجركم...

....بس على قولتهم لكل جواد كبوة

..ومعوضينها ان شاء الله في المباريات القادمة

**vital** · 10-06-2008, 02:56 PM

صحيح أني من مشجعي الطليان إلا أني ما أقدر أخفي أن الهولنديين أمتعونا البارحة بلعبهم السريع والتكتيك الحلو والإنضباط بطريقة اللعب الجميلة طوال التسعين دقيقة، الطليان كان عندهم أخطاء واضحة في التغطية الدفاعية بس لعبهم كان جيد لولا الأخطاء وقلة التركيز، بجد أحلى مباراة شفتها للحين في اليورو.

أفضل لاعب في الجانب الإيطالي كان بيرلو، يعجبني هذا اللاعب.

أتوقع أن الطليان قادرين على التأهل إذا ما تجاوزوا خسارتهم وعرف المدرب كيف يغطي الثغرات الموجودة في الفريق.

سلام

**Exodia** · 10-06-2008, 08:04 PM

هارد لكم على الخسارة ..

لا أكثر المتفائلين من الهولندي ولا أكثر المتشائمين من الطليان توقعها ..

المباراة حصلت فيها ظروف كثيرة تسبب في هذي النتيجة ..

بداية من الهدف الأول التسلل ( أيمن جادة بين الشوطين جاب جمال الشريف وقال طلبناه خصيصاً عشان الهدف اللي بيكون سبب لقلب المباراة )
الهولنديين في الشوط الأول كانوا متميزين وبالذات في قطع الكور من منتصف الملعب والهجمات الخطيرة ..
الشوط الثاني تحسن مستوى الطليان وكانوا الأفضل في أغلب أوقات المباراة ولكن فان در سار أبدع بجانب التوفيق اللي ما حالف المهاجمين أكثر من مرة ..

الظروف كثيرة ومنها الهدف التسلل وضربة الجزاء الغير محتسبة ( وبالمناسبة اللي شاف التحليل بيعرفرد جمال الشريف و إن نستلروي ماله أي ضربة جزاء لأن بوفون حاول يتجنبه وما لمسه ) ,,
ما أعتقد ظروف هذي المباراة تتكرر مرة ثانية سواء للطليان أو هولندا ..

المباراة انتهت والهولنديين كانوا الأحق بالفوز بالذات في الشوط الأول اللي قدموا مستوى قوي وكان واضح إنهم راغبين بالثلاث نقاط ( كنت أتوقع هولندا تتأهل من هذي المجموعة مع خروج فرنسا من الدور الأول والسبب مستوى هولندا القوي في المباريات الودية ) ..
هارد لكم ومبروك لهولندا ..

**خت فت** · 10-06-2008, 08:57 PM

في غيابك اصبح الدفاع الصخري سهلاً اخضر يلعب فيه الهولنديين

**Light.Darkness** · 10-06-2008, 10:52 PM

من الاتحاد الاوروبي لكرة القدم UEFA (يعني رسمي)

استنادا على قانون كرة القدم هدف نستلروي على ايطاليا هدف صحيح 100%

المصدر

**italy100%** · 11-06-2008, 12:08 AM

اخوي الهدف ماعلينا من الاتحاد الاوروبي ولا الهندي

اخوي واضحه واكيد بيدافعو عن حكامهم

وفي الاخير ماقلنا ان هولدنا ماتستاهل بس احنا تكلمنا عن الهدف

**قيصر الكلمات** · 11-06-2008, 01:00 AM

اسف لايطاليا....
ربما لا تتجاوز الدور الاول
ليعودوا ويتركوا الاقوياء
هولندا امتعت العالم
لحساب ايطاليا
اتمنى ان يتحسن دفاع ايطاليا
ويتدارك الخسارة

**Light.Darkness** · 11-06-2008, 04:54 PM

المشاركة الأصلية كتبت بواسطة italy100%

اخوي الهدف ماعلينا من الاتحاد الاوروبي ولا الهندي

اخوي واضحه واكيد بيدافعو عن حكامهم

وفي الاخير ماقلنا ان هولدنا ماتستاهل بس احنا تكلمنا عن الهدف

رئيس لجنة الحكام الايطالي يقول
حسب القانون هدف نستلروي صحيح 100%

المصدر

الكل اجمع على صحة الهدف ماعدا محلل الجزيرة التحكيمي جمال الشريف
الشريف لما قال انها تسلل كان فاصل
ولما شاف الكل اجمع على صحة الهدف ركب راسه و عاند

**saw101** · 11-06-2008, 07:51 PM

المشاركة الأصلية كتبت بواسطة italy100%

اخوي الهدف ماعلينا من الاتحاد الاوروبي ولا الهندي

اخوي واضحه واكيد بيدافعو عن حكامهم

وفي الاخير ماقلنا ان هولدنا ماتستاهل بس احنا تكلمنا عن الهدف

اخوي تذكر ردك قبل امس على الي ما يفهم بالتحكيم
و الحين جاي تقلي هذول كلهم ما يفهموون
الهدف ما يحتاج تحليل .. لان الكوره اصلاً ما خرجت من منطقة الثمنتعش و الهجمه قائمه

**ابتسامــــــه** · 12-06-2008, 12:13 AM

حضور متأخر من عاشقة الطليان الاولى

كل الخطوط ضايعه و تايهه بالمنتخب الإيطالي
الدفاع مفتوح وما في انسجام و نفس حال الهجموم و الوسط

مب معقوله هذولا أبطال العالم

و البركه في دونادوني

المشاركة الأصلية كتبت بواسطة Light.Darkness

من الاتحاد الاوروبي لكرة القدم UEFA (يعني رسمي)
استنادا على قانون كرة القدم هدف نستلروي على ايطاليا هدف صحيح 100%
المصدر

مصدرين سمعت إن الهدف غير صحيح بالجزيره و ما أدري وين
وبعدها سمعت الأتحاد الأوروبي يأكد صحة الهدف
بغض النظر عن الهدف الأول
الطواحين قدموا مباراه من أقوى المباريات بتاريخهم
بصراحه تستاهل هولندا تتسيد المجموعه و تتأهل

وكان الله في عون الطليان و عشاقهم

الموضوع: :.:.رابطة عشاق المنتخب الإيطالي.:.:

أدوات الموضوع

رد: :.:.رابطة عشاق المنتخب الإيطالي.:.:

رد: :.:.رابطة عشاق المنتخب الإيطالي.:.:

رد: :.:.رابطة عشاق المنتخب الإيطالي.:.:

رد: :.:.رابطة عشاق المنتخب الإيطالي.:.:

رد: :.:.رابطة عشاق المنتخب الإيطالي.:.:

رد: :.:.رابطة عشاق المنتخب الإيطالي.:.:

رد: :.:.رابطة عشاق المنتخب الإيطالي.:.:

رد: :.:.رابطة عشاق المنتخب الإيطالي.:.:

رد: :.:.رابطة عشاق المنتخب الإيطالي.:.:

رد: :.:.رابطة عشاق المنتخب الإيطالي.:.:

ضوابط المشاركة