زوبعة العبط!! من دون أكل الزلط!!

[Ranze Eto]

:! مين طفى النورر ؟

[BUBLE]

محد بس الكهربا هالايام مو شي بالمنتدى:6

لو سمحتو ييبوا لنا فني كهربا علشان نعرف نشتغل مثل الناس:6

[كبمارو]

اين انتم يا شبا11111111111111111111111111111111اب


-================================-

سالفه بسيطه بس لاحياء الموضوع..


اليوم رجعت من المدرسه..صليت الظهر وعقب صليت السنه.

اتمرنت تمارين متوسطة...رحت اتغدى...ورجعت الغرفه طحت على السرير اوني برقد (بنام) نص ساعه (قيلولة) اقتداء بالرسول عليه الصلاة والسلام.

رحت فيها..ما نشيت (ماقمت من النوم)..الا الساعه 6 واربعين دقيقه الفجر.

الحينه الفجر..تعرفون الساعه 6 الفجر

انا الغبي رحت اتاكد الحين الفجر ولا شو..مريت على غرفة الوالدة لقيته مقفل كالعادة نفس مامر عليه كل مانش الفجر للصلاة او للمدرسه.."وانا ناسي انهم طالعين"

هههههه...رجعت الغرفه اوني بلبس ملابس المدرسة...محسوبكم اولاد العايلة كلهم درسوا في حكوميه الا انا خاصه . مدلعيني وياليت الي في المدرسه ريايل لانه المدرسه كلها الي يدرسونها عيال عايلات كبار ..وبالطبع فيهم الدلوع وفيهم البنت وانتوا بكرامة..احس عمري شاذ عنهم باستثناء بعضهم .

المهم وانا راجع ..حسيت كانه الصالة الي تحت الليتات فيها مشغلة ودنيا..على عكس الفجر يكون ليت فيها واحد او ثنينه خفيف ..نزلت تحت اتاكد..واكتشفت..انه الحينه الساعه 6 واربعين دقيقه المغرب مب الفجر

كخخخخخخخخخخخخخخخخخخ...@@!

:0)


-================================-

يالله وينكم وين سوالفكم ..
طلعواالذي بجعبتكم @@

[كبمارو]

طبعا ندمت على تفويتي لصلاة العصر والمغرب

لانه صلاة المغرب وصلاة العصر الخاصه بيوم الاحد بتاريخ 16/2/2003 لن تعود مرة اخرى :"

[هـداف]

هاهاهاهاهاهاهاهاهاهاهاهاهاهاهاه

حلوه الحركة كبمارو .......تصيدني مرات هذي الحالات د
___________

أوكي عندي لكم سالفه...اليوم صارتلي....الظهر ... خلكم معاي(ماتضحك وايد بس المهم سالفه:6 )

اليوم بالمدرسه الحصه الخامسه لعبت كورة وانا عادة ما أجيب اللبس مال الرياضه للكورة لأن الحصه مالتنا يكون فيها صفين يعني الملعب يكون في فوق الأربعين واحد ...... المهم اني كنت لابس ثوب..... وللأسف مادخلت ولا جول اليوم من الزحمة..في كورة جائت بلعارضه بالراس وكورة ثانيه جاتني من الزاويه أرضيه .... عاد أنا سويت حركة معينه ولعبتها بالرجل اليمنى (مع إني أشوت باليسار)بتمويه للحارس..لكن الحارس بالصدفه صدها يعني انا لعبتها عنده...المهم.....هي الحركة كانت صعبه^^.

بعد ما خلصت السبع حصص طلعت مستن أنطر اخوي (مستانس) ... قعدنا أنا واخوي العقرب ننتظر اخوي وفجأه شفنا خالي جاي بالكروزر مالته ... عاد يبي يخوفنا بإنه يبي يدعمنا...يعني احنا قاعدين عند الطوفه وهو جاي بالطول جنه بيدعمنا....عاد اخوي خاف ركض بس أنا قعدت واقف وفجأه..!!

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآخخخخخخخخخخخخخخخخخخخ

رجلي اليمين ..... انضربت بالسيارة بقوة والطوفه من ورى رجلي .. انعصرت رجلي :واو: ... خالي توتر من الصرخه الي الكل سمعها..... ويبي يحطها على الريوس(الآر) بس حطها على الثاني.....وداس بقوة:!

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآخخخخخخخخخخخخخخخخخخخخخخ

صرخه ثانيه قوية مني....بس هذي كانت غير شعوريه وقويه جدا جدا..............أنااهني قلت خلاص ريلي راحت

اشوي.....حسيت بريلي بس ما كان فيها شي .... بس كنت ما أقدر أحركها كلش !!!!؟؟!!!!

وللحين رجلي تعورني بصراحه....أعتقد اني بكره مب رايح المدرسه(إنشاءالله )

....................بسسسسسسسسس........زماتذكرون شي.....أنا من قبل سويت حركة بالكورة:" ....... أعتقد ان الضربة ياتني من عين حسووووووووووووووووووووود:" :" :"

[كبمارو]

شيييييييييييييييييييييييييييييييييييييييييييييييييييييييت


سلاماااااااااااااااااااااااااااااات شاااااااااااااااااااااااااااااااااعـــــــــــر

[assassin]

الشاااااعر :! سلاااامات شو رشووك بعين لااااحوووول والله ما تستاهل ...

[mai_arumashi]

YAY

555

I won't post to keep the number

[^^عليــــوي^^]

هلاااااااااااااا


انا عضو يديد داخل بهالموضوع ما ادري شالسالفه<<<<<<انت متى دريت شالسالف..


سلامات شاعر ما تشوف شر




تحياتي (((علي)))

[BUBLE]

هااااايااااااااااات

شاحوالكم كلكم

اووه كمبارو هني

مسكين والله انت من كثر النوم ما قمت تميز النهار من الليل:6
عادي مرت علي هالحالة..كان باول يوم دوام...قاعدة ساعة 9 بالليل علبالي الصبح?: ...عادي نكبر وننسى":"

وشاعر..سلااامااات..انت منو قالك توقف جدام السيارة
انشالله اللي حسداك ما يتهنى بحياته:6 <<<<<نذلة

[BUBLE]

والحين دووري

طبعا بدت المدرسة وبدا معاها العبط والوناسة

وهاذي سالفة صارت لي يوم السبت اللي طاف^^.......

كنت بالحصة5 (انجليزي)وانا ويا رفيجتي عبط قعدنا اول شي وقبال الابلة عاد لما وصلت الابلة رفيجتي قالت انا باغير مكاني شكل الابلة يخرع (عاد صج شكلها يخرع:6 )......عاد اهي شرحت الدرس ولما وصلنا حق وقت اللي نحل فيه بالكتاب..خو احنا بهايم ما نعرف نحل شي ...ولا فجأة انفتح لنا باب من السما ...كتاب الابلة اللي فيه كل الاجابات محطوط جدامنا:0) .........وهاذي فرصة اي طالب او طالبة يتمنونها ............. عاد انا ويا رفيجتي قاعدين ننقل الاجابات ( مو نغش:غضب: :6 ).....بس بعدين شفنا الاجابات مو واضحة عدل..فسحبنا الكتاب شوي علشان نطالع احسن ....وانا طبعا بهالوقت كنت باموت من الضحك ..... وفجأة:! ..الابلة يت لنا ....جان تقول: انتو ليش بتزحكووا..ازا في شي بيزحك خلونا نزحك معاكم..(المصيبة انها جزائرية وتدرس انجليزي )...عاد احنا قلنا لها :لا ابلة ماكو شي بس قاعدين نحل انا اقول اجابو واهي اجابة وتهاوشنا ..(خووش ترقيعة )...بعدين راحت الابلة بسبيلها ....وكتابها موجود عندنا واهي مو حاسة بالدنيا ":"

وسلامتكم...

(عندي سالفة ثانية بعدين راح اقولها ^^ )

TAKE CARE;-)

[zamby2002]

بااااااااااااال صج صار لي شهرين ماحطيت ردود في المنتدى بس شاسوي العتب عالكسل وخصوصاً أن بعد ما أعدت برمجة الكمبيوتر فماعاد عندي لا فوتوشوب ولا سكنر مثبت :" بس على الأقل كنت متابعه المنتدى سواءاً من سوالف الO C T في الجامعه أو من خلال الأيميل
------------------------------------------

وأولا ماقريت اللي فاتني من زوبعة العبط لكن قريت سالقة ببل من شوي وأحب أقولج ياببل أن موقفج الصراحه ( مزحك) على قولة الجزائريه هههه:6
أما الموقف الللي صار لي اليوم أففففففففففف ( يحححححححححححر )00

أولا من الصبح راحت علي نومه ففاتتني المحاضره الأولى وقلنا مايخالف ألا يوم واحد وتونى في بداية الكورس يعني مايحاسبون عالغياب عدل OK
فبعد ماخلصت المحاضره الأولى كنت أنا منتظره في الساحه أسولف مع وحده من الربع رحت بحضر المحاضره الثانيه وقعدت في القاعه مع مجموعه من البنات ننتظر الدكتوره وكانوا البنات اللي جاسين معاي كلهم يحظرون أول مره فقعدت أنقلهم اللي قالتا لنا الدكتوره في المحاضره اللي طافت وتواريخ الامتحان 0000الخ ألا شوي وتدش الدكتوره عاد أنا بطلت عويناتي على كبرها ???:! وقاعده اقول متى غيروا الدكتوره وبها السرعه ألا تونا في بداية الكورس شالسالفه وتأكدت من الجدول مرتين ألا نفس القاعه ونفس الوقت شالسافه؟؟؟‍‍‍ سألت اللي حذاي هاي مب محاضرة نمو نفسي ألا تقول لي لا أداره تعليميه:! :" :# :واو:

[هـداف]

الله يسلمكم حبايبي

الحين زين.....ما فيني أي شي...وبصراحه ..مارحت المستشفى
المهم

_____

بابل..... حلوه الحركة.....ياريت أسوي جيه نفسج...بس المشله استاذيتنا يمسكون الكتاب مايهدونه لين ما تخلص المدرسه
_____

زامبي

انا ما عرف بسوالف الجامعات وجيه...لكن الي فهمته انج تعبتي نفسج لما شرحتي لهم وجيه:0) :0) :0)

فعلا موقف يحر:0)

[BUBLE]

هلااااااااااااااااااااو


زامبي والله مسكينة كسرتي خاطري
لو انا منج جان انقهر?:


وشاعر يللا وين سوالفك اللي تونسنا من زمان ما حطيت مقلب لك

والحين سالفتي .......

قبل اسبوعين على ما اعتقد رحت المجمع ( مارينا مول اذا احد يعرفه )
وانا قاعدة اتمشى ..وماسكة النقال بايدي ( الموبايل ) وفجأة وانا مو حاسة :! ....اختفى النقال من ايدي :! ....انا اهني وقفت بنص المجمع اطالع النقال واهو يتزحلق جدامي وصار بيني وبينه عشر امتار ..انا واقفة اطالع ايدي واطالعه ..<<<<<باتاكد هذا تلفوني الطاير ولا لا ?: ....
المهم ..وانا واقفة ومصدوووومة ...واحد من اللي كانو يطالعوني وانا واقفة ومنصدمةشال التلفون من الارض وعطانياه ..وقتها انا صحيت من غيبوبتي:6 ..وعرفت ان هذا جهازي ...والناس اللي يمي كلهم يضحكون علي?: :":


يللا وين شلة العبط ..مشتاقة لكم :" ..رانما ديابلوس نوريكو والباجي ....يللااااااا:غضب:

[Ranma Saotome]

(دخاااااان)
(ليزر)
(دخاااااان)
(العاب ناريه)
وووووووههههوووووووو (اصوات الجماهير)

ويطلع من بين الدخان............. ولاشي

سلااااااااام.. اخباااااركم... شمسويييين... (طخ.. اخترب المايك)<<<من صوتي شلون يخرع

كيفكم.. اخباركم.. كيف عاملين..

انا كنت متابع المودوع ده الفتره اللي فاتت ديه.. لكن كان في حاgـه تؤولّي لأه ماتكتبش. ماعرفش ليه.. ده مش موضوعنا

شاعر... اخخخخخ لما قريت سالفت حسيت بريلي تتكسر ?: اف صج يعوووور..

ببل.. ههههههههه شكثر سوينا جذيه اتذكر ايام المدرسه.. دايما مثلا نغشش بعض.. ولما يشوفنا المدرس نقول لااا كنا نتناقش":" نعم نعم
وسالفة الموبايل:6 كخخخخخخ.. اتذكر مره رفيجي في المعهد جذيه كان يلعب بالموبايل من واير السماعات الا يفرط الواير.. و فوووووو يطير الموبايل و فرررر مر بالضبط جنب ويه وحده من الطالبات.. عيونها صارت هالكبر @@.. واحنا صرنا هالصغر (..).. صج موئف مانسهووووش

زامبي كخخخخخخخخ.. ههههههههههه عادي عادي.. ههههههه اتخيل شكلج متحمسه تشرحين لهم اللي صار في المحاضره اللي طافت.. وااخرتها طلعت ماده غير هيهيهيهيهي..

اوكي بقول لكم سالفه.. لكن في بريك اعلاني وراجع لكم...

(اهو انا، اهو انا، ولا حد لزيز إلا انا.. رز روزززانا الامرريكيييي...) whaatever